【 #港式戀愛日常 - 講到尾都係想你攬實～ 】
唔知有無人嘅另一半係超級理論型？
啫係例如，每次返工有唔開心嘢，佢都好鬼鍾意一嚟就同你講道理...
「你有無諗過點解老細會咁講啊？因為你心入面驚佢鬧你，佢見你個樣好似做錯事咁，所以就咬住你唔放！拿BB你有無聽過吸引力法則，你下次可以咁咁咁，然後點點點，之後bababa（下刪1000字），咁咪無事囉！」雖然我知男朋友都係想幫我解決問題，有人幫手分析吓亦係好事，佢都係想我好先會咁認真⋯⋯但係喺呢個谷「火」上腦嘅moment，聽到呢啲唐三藏咁嘅對白，每隻字我都明，但夾埋一齊就唔明...啲血壓又好難唔飆升！
.
所以以上只係一個日常示範～ 當女朋友返工唔開心，其實佢只係想你唔理三七二十一攬實佢先，同佢講「唔緊要，我攬返！呢份辣殺工唔返都罷，老細正X乖，（遲多10年）我養你！」（記得講得仲激動過佢，好似佢老細連你都鬧埋咁）至於講經呢啲就留返氹返佢之後再講啦～
.
P.S. 呢招對男友都一樣work，其實佢唔開心都唔想聽到女友講「咁你有無唔啱先/你係咪可以早啲準備先」呢類教仔式經文住，而係想你默默畀個擁抱佢先 (錫多啖就仲正正子)，就係咁簡單！大家sick未啊？
.
#攬下能醫百病 #唔好同我講經住先 #我錯喇 #講道理 #唔開心 #戀愛 #返工 #扮工 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
唐三藏嚟啦 在 西遊記一百零一回之月光寶盒你愛呀 - YouTube 的推薦與評價
悟空，你愛就要講啦！做咩唔出聲啫？ ... 攞去啦！你唔係真係愛吖嘛？你真係愛咩？ ... 西遊記之仙履奇緣：插曲《Only You》 BY： 唐三藏. Jun Yeoh. ... <看更多>