【十大最喜愛夫妻/情侶/CP】投票已於昨日結束，總票數超過2萬8千票。
結果由娛樂圈公認模範夫婦劉青雲伉儷，以超過四千票大熱當選！佢地由拍【大時代】相識，戀情一開始不被睇好，但拍拖開始至今 25 年過得仍然咁 sweet。佢地無生小朋友，劉青雲亦自稱從來未試過出去搞三搞四，仲自爆次次嗌交都比郭藹明趕出屋企門口，睇怕佢都係「老婆奴俱樂部會長」，幻想下劉青雲扭住耳仔跪喺屋企門口求老婆比佢入門口嘅場面… so sweet！
第二位係超越塵世間所有關係嘅彭健新同OK仔。溫拿成員OK仔經常攜同愛犬彭健新出席各大小場合，人狗情未了，難怪網民覺得佢地咁登對。可惜係兩年前，愛犬已經過身，但網民仍然對佢非常念掛。
第三位係張家輝 & 關詠荷同第十位嘅許志安 & 鄭秀文都喺拍拖之後分過手，但又再復合，最後結婚。不過有時分咗手，未必有緣份再走埋一齊。方力申同鄧麗欣係「MK活地亞倫」葉念琛筆下嘅經典情侶，戲假情真好多年，但年前宣布分手，令網民愕然。
愛無分性取向，第四位就係最經典嘅同性 CP：張國榮 & 唐唐，佢地拍拖十幾年，最經典係一張傳媒偷拍相，當時哥哥發現背後有狗仔隊，無同唐唐保持距離之餘，仲專登捉實唐唐隻手比狗仔隊影，手持香煙拖住唐唐入屋，man 爆！另外，劇集【愛回家】嘅 KC 同 Terry，亦師亦友嘅 hehe 情深得網民歡心，亦打入第五位。
有時緋聞情侶仲深入民心過真實情侶，好似第九位嘅軒仔，雖然同王菀之傳過緋聞，但傳得更熱烈嘅係佢好朋友 Kenny 關智斌，二人從來未承認過任何關係，但仍無阻網民瘋狂 FF，奪超過 1100 票。
粉絲對偶像嘅痴戀亦不容忽視，好似周柏豪狂熱粉絲岑晉晴，每日喺 facebook 發表對柏豪樣子、肌肉、聲線嘅愛慕，但礙於緣份，導致二人「百年不合」，柏豪最終選擇與正印女友結婚，岑晉晴無奈認輸，最近目標已轉為周杰倫和林俊傑。
【十大最喜愛夫妻/情侶/CP】
1. 劉青雲 & 郭藹明 - 4059票（種類：夫妻）
2. 彭健新 & OK仔 - 2959票（種類：人狗情）
3. 張家輝 & 關詠荷 - 2476票（種類：夫妻）
4. 張國榮 & 唐鶴德 - 1845票（種類：情侶）
5. KC & Terry (愛回家) - 1727票（種類：螢幕情侶）
6. 張繼聰 & 謝安琪 - 1590票（種類：夫妻）
7. 周柏豪 & 岑晉晴 - 1453票（種類：緋聞情侶）
8. 方力申 & 鄧麗欣 - 1255票（種類：已分手）
9. 張敬軒 & 關智斌 - 1150票（種類：緋聞情侶）
10. 許志安 & 鄭秀文 - 1148票（種類：夫妻）
POLL 04 - 十大最靚港姐－冠軍：朱千雪
https://goo.gl/Vbwy36
POLL 03 - 十大最靚聲歌手－冠軍：衛蘭
https://goo.gl/vu3ENm
POLL 02 - 十大演技最差藝人－冠軍：蔡思貝
https://goo.gl/kUUENV
POLL 01 - 2016年網民最討厭十大藝人－冠軍：鄧紫棋
https://goo.gl/Hklqam
唐鶴德張國榮分手 在 揭秘张国荣唐鹤德三次分手始末，真的与他有关？ - YouTube 的推薦與評價
唐鶴德 任然為愛癡癡苦守哥哥張國榮，39年了，我愛了他大半輩子！ · 张国荣死亡之谜全回顾生命最后的爱与怨全部指向了自己的家人怪不得掩盖了真正的遗言【 ... ... <看更多>