【#P牌 #女司機 - 多多指教🙇🏻♀️】
話說喵奴最近做咗P牌仔🅿️，考車嘅原因好簡單，咪又係為咗兩位公子囉😂。哥哥校車費1個月成$2100，如果弟弟出年入學，校車費咪4千幾？諗落都係自己揸車慳啲😂。
如果有媽咪有意考車牌，或者可以睇吓我少少嘅分享😊。
喵奴原本2月考車，但疫情爆發，運輸處宣布延期，後來復工，俾咗3月尾我考，點知22/3又話暫停😭，之後再俾5月尾我考，喵奴終於有幸5月考到車牌，成為P牌仔，喺疫情再次爆發時，可以做「#全職司機」，接送老公出入，同埋順便去買餸，叫做安全少少。
話就話1 take pass，但係我個P牌係用咗double錢去上堂而得返嚟💸💸，因為運輸處係咁延期、改期、暫停，搞到我不停搵師傅補，補完又冇得考😭。
我係報駕駛學院（沙田）嘅，之前諗住2月考到試，啲堂喺2月用晒🤦🏻♀️，所以最後5月考試前基本都係搵街外嘅教車師傅補鐘🙏🏻（另外補錢搵駕院阿sir上多堂），我發現兩邊師傅都有優點缺點：
駕駛學院：
師傅主要係exam-oriented，即係你唔好問咁多，跟我說話做就冇問題，不要問，只要做🤣。師傅講明佢哋要對客有禮貌，如果唔係收到投訴就大獲，所以講嘢都好客氣。
街外師傅：
佢會同我講考牌官係根據咩原則俾你pass/fail，要上運輸處個網度睇，知道考牌官嘅評分準則。另外有問有答，等你有更多馬路知識，遇到馬路上突發狀況應該點應對等等。不過師傅會緊張少少，有時語氣會重dddd，不過係完全接受範圍內。
所以我覺得駕院就似學校嘅老師，講咗考試題目，俾答案你去背，而街外師傅就似補習老師咁，俾你拎更多料去答得更好🤣。
依家運輸處都仲未完全復工，本身報名9個月後就考得，依家我諗至少一年🤦🏻♀️。呢度有少少嘢想同大家分享：
唔知點解，疫情期間（即係我考車要延期個排），駕院安排新嘅考試時間比街外嘅早，點解我知？因為街外師傅講，佢嘅同學仔考嘅時間遲我好多🤭。
原來駕院同街外考車嘅期係分開，即係運輸處當日就係俾咁多考牌官駕院，你要點排學生去考試你自己決定。而街外嘅期就會緊張啲，因為大家都係鬥快報咋。所以大家如果想早啲考試，要諗諗呢個因素呀。
#搵駕院定街外師傅
#俾我就揀駕院另外搵出面師傅補鐘😂
#至少考試期唔會拖太耐
#不過唔知之後情況會唔會變
#好彩有朋友介紹呢個好師傅
#唔係肥咗唔知幾時先有得重考
#想要師傅資料可以pm我😂
#不過考車都係3分技術7分運氣
#慶幸遇到新上任考牌官
#佢仲慌過我😂
#P牌仔
#考車
#新手司機多多指教
#下次分享3千幾買到兩個牌子carseats ❤️
唔係肥咗唔知幾時先有得重考 在 學車學神交流集中營| 本身今日考，我個期係重考抽快期 的推薦與評價
本身今日考，我個期係重考抽快期，抽返嚟。起身發現身體狀況唔允許考試，個人好暈⋯⋯咁嘅情況之下。放棄唔去考試，可唔可以在抽返快期？ ... <看更多>