關於 唔好企喺度踢波 ，我們在網路上蒐集到這些相關的討論、資訊與評價

【走位再走位】

走位，除左「走」，之後就要諗「走去邊個位」。但都係固句，唔走就唔會有位。所以係有「走」先有「位」，透過跑動去為自己搵一個「最理想」嘅接球位置，先會有機會進攻。有啲防守球員唔一定埋黎迫你搶你，等待傳球時失控誤，又或隱隱若若比條好窄嘅路線比你，搵機會斷球打擊，呢啲就係其中一個足球術語「遮線」。簡單黎講係封左你嘅傳球路線，射球路線等等。

受遮線影響，支援嘅球員要搵到一個位置去準備接球，除左左右嘅「闊度支援」，仲有「深度支援」。當拉闊拉深左，支援球員就要諗傳球路線會唔會受遮擋。線被遮就要再透過跑動重新搵位，避免持球球員以一啲風險較高嘅路線傳球。

有時啲人會話，「點解唔傳波比我？」。傳定扭，基本係持球位人兄決定，撇除「獨扭」嘅因素，會唔會係你走個位唔靚，隊友唔想Take risk，所以先唔傳。又或者明明要拉闊，你就走埋入去人堆，即使冇人遮線，如果傳完比你就後會立即比人搶。正常都唔會比。

所以喺5人足球世界除左見到更頻密嘅跑動，同時會加入更多嘅戰術。例如⋯⋯

假跑 (Fake Run)
即係喺對手面前跑動，引對手追你，之後跑番轉頭出黎迎波

交叉(Cross Over)
類似打籃球嘅方法，不過比完波跑黎向另一個方向，接球隊友持球跑去相反方向，同over lap有啲異曲同工之妙

當然仲有N個方法，都係要透過跑動去創做一個更理想嘅空間比你搵到個靚位控球或者射門。所以喺5人場咁細嘅環境，跑少步都會冇波掂。而走位除左拉開對手，仲希望舒舒服服控個波再搵機會。始終冇人拎波嘅時候有人喺你面前阻頭阻勢，甚至狠狠咁踢你一腳。所以要靠走位，傳又傳得舒服，拎波又爽YY。

香港足總近年更積極推廣5人足球，除左透個5人足球，提升小朋友嘅個人能力，即係啲盤傳控射，另一個原因就係想將一啲戰術行為由細開始灌輸。至少係識走位，識用波。唔係企係度踢波，有更多互相配合及互動嘅情況。總好過一味得跑同扭兩個選項。而走位呢個題目就希望深度強化。等到之後嘅球員有更全面嘅發展。

講到尾，波唔係行住踢，除非你去玩健步足球。企喺度唔跑係唔會有波到。而且透過你嘅跑動，增加更多嘅傳球路線，甚至幫你對走解開重重障礙，你睇下西班牙就知道多走位會幾有So👍🏻

#拜托唔好企喺度踢波 #要人比波你請先走靚位 #Futsal #你今日踢波走位未

-\-\-\-\-\-\-\-\-\-\-\-\-\-\-\-\-\-\

【多色打底褲】
Adidas Alphaskin 打底褲現正接受訂購，現凡於9月14日前訂購Alphaskin 系列兩件或以上，即全單9折
http://bit.ly/2m8wvRt

【小改大進步】
H3 GK Galaxy 手套
http://bit.ly/2lzbGym

【Nike 多用途鞋袋】
想隨時隨地做運動，一個鞋袋可以整齊企理袋定對鞋，幾時做運動都得
11L: https://bit.ly/2Kk3evB

【踢波運動好Easy】
H3 Touring Sport Bag 一次過放晒足夠你運動所需嘅物品，日本設計，高實用性
https://bit.ly/2NqAuo0

-\-\-\-\-\-\-\-\-\-\-\-\-\-\-\-\-\-\

【守門員訓練班現正招生】
想學打龍門，定係想改善你嘅技術，都歡迎你參加
https://bit.ly/2ZiCjtl

【泰國龍門特訓之旅】
https://bit.ly/31TfSsv

-\-\-\-\-\-\-\-\-\-\-\-\-\-\-\-\-\-\
睇盡全城最新足球消息及足球用品優惠
→ Soccer Fun HK IG：www.instagram.com/soccerfunhk/
→ Soccer Fun HK FB：www.facebook.com/soccerfunhongkong/
【記得將 Soccer Fun Hong Kong 專頁設定為 "搶先看/See First】

This #U19Futsal 🇵🇹 goal finished by Ricardo Lopes is pure😍

Watch all the highlights from Riga on #UEFAtv 📺
👇👇👇
bit.ly/U19FutsalGoals

當你隊友鐘意企喺度行住踢波唔走位，可以比呢條片佢睇下。

比完波，再走位，配合埋Rotate，呢類踢法喺5人足球極為常見。當中4個人都要不停將波比完再走位。後場比完波跑前拉位，而前場就會有球員退後補位。不停重複嘅話，就會好似11人嘅Over Lap ，一層層將球「運送」到前場。好處係保持控球權，而且防守球員好難Mark。

因為防守球員採用聯防，喺大家4 vs 4唔會捉死一位球員，因為比完波走位，會有機會出現極段時間嘅人數優勢，而防守球員亦未必預判到對方跑咩位。情況就好似猜馬騮。可能你會過，轉打人釘人咪得，呢個情況係成立，但要喺咁高速嘅5人賽只會消耗更多體力。可能會得不償失。

而呢個方法套用喺7人賽或11人賽，只會出現喺一個小範圍，就等於一個3至4人嘅配合，隨時連扭波都慳番。4個都玩到咁，猜幾板，突然再放一個長波。防守球員同龍門都咪話唔驚。

西班牙呢個form係咪好似曾相識呢？就係當年Tiki-Taka 嘅基礎版本。

所以傳球，走位，再Rotate ，已經玩到唔少後衛頭痕。踢波唔止係「扭」，「爆」，「行」，「企」，肯走位，肯比波已經踢得輕鬆。

#比完波要走位 #唔好企喺度踢波 #玩弄對方於股掌之中 #得個睇 #Futsal

-\-\-\-\-\-\-\-\-\-\-\-\-\-\-\-\-\-\

【多色打底褲】
Adidas Alphaskin 打底褲現正接受訂購，現凡於9月14日前訂購Alphaskin 系列兩件或以上，即全單9折
http://bit.ly/2m8wvRt

【小改大進步】
H3 GK Galaxy 手套
http://bit.ly/2lzbGym

【Nike 多用途鞋袋】
想隨時隨地做運動，一個鞋袋可以整齊企理袋定對鞋，幾時做運動都得
11L: https://bit.ly/2Kk3evB

【踢波運動好Easy】
H3 Touring Sport Bag 一次過放晒足夠你運動所需嘅物品，日本設計，高實用性
https://bit.ly/2NqAuo0

-\-\-\-\-\-\-\-\-\-\-\-\-\-\-\-\-\-\

【守門員訓練班現正招生】
想學打龍門，定係想改善你嘅技術，都歡迎你參加
https://bit.ly/2ZiCjtl

【泰國龍門特訓之旅】
https://bit.ly/31TfSsv

-\-\-\-\-\-\-\-\-\-\-\-\-\-\-\-\-\-\
睇盡全城最新足球消息及足球用品優惠
→ Soccer Fun HK IG：www.instagram.com/soccerfunhk/
→ Soccer Fun HK FB：www.facebook.com/soccerfunhongkong/
【記得將 Soccer Fun Hong Kong 專頁設定為 "搶先看/See First】

Spain turned the style on at the UEFA Futsal U19 EURO on opening day against Croatia, check it out - Pass➡pass➡pass➡pass➡shoot⚡
Source of the video: UEFA Futsal Twitter - UEFA Futsal
#ff #futsal #futsalfocus #futsalnews #sport #sportnews #uefau19futsal #u19futsal #uefafutsal #futsaltournament #futsalhighlights #futsalgoals #bestsportonearth #lovefutsal #choosefutsal #futsalfamily #futsalandproud #europeanfutsal

【足本版】《李根興 - 十大創業忠告》18年功力，18分鐘內畀曬你! 

第十: 「模糊地正確，好過準確地錯誤。Give it 5 years!」
第九: 「先選行業，後想經營方法。 」
第八: 「越多分析，越沒有出息。」
第七: 「不是 Work-Life Balance, 而是 Work-Life Combined。」
第六: 「做生意要做農夫，不要做獵人。」
第五: 「賺錢，要賺有錢人的錢。唔好在乞衣兜入面搵飯食。 」
第四: 「投資要分散，做生意要專注。寧做雞頭，莫做牛尾。」
第三: 「做生意就好像用一隻圓形的湯匙，在四方盒中吃豆腐花。記緊留一些讓別人吃。」
第二: 「你愈要得到的東西，你越先要付出那東西。最好的已經在身邊。」
第一: 「笑多一點，嘻嘻哈哈又一天。最大的敵人始終是自己。」

全文內容:

從前有個人揸住㗎法拉利， 遇上個朋友。

朋友問:「 點解你揸架法拉利?」

「因為我重要，去邊度都要準時!」

朋友話:「 咁你唔使揸法拉利啦!」

點解?

「你咁重要，人哋會等你囉!」

啊，又有point ! 你有料到嘅，人哋自然會等你，自然會搵你㗎啦。 呢個故事對我好大啟發!

但做生意，創業點樣先至能夠做到有料到? 我依家就同你分享下我創業18年， 我自己經歷給你的「十大創業忠告! 」

第十:  「糊地正確，好過準確地錯誤。Give it 5 years!」

可能你覺得「創業好過打工」，「做金融好過做咕哩」， 「開茶餐廳好過做大排檔」，乜都好。只要你大方向，覺得係啱嘅，就 give it 5 years 俾佢5年時間，專注做好佢。

中間執行嘅過程，必定有好多轉接你今日唔會想像到， 你會行錯好多路，但只要你專注做個大方向，你就會摸出條血路。 如果摸足五年，你都摸唔到條路嘅話，你就執咗佢，唔好搞啦。因為你無料到。

我今年44歲，我唔敢講好成功， 但肯定喺香港兩次摸咗個新行業出來，做到No. 1。 第一次，由廿六歲開始，創業源於失業，我2001年11月開始買賣小生意，04年我認真地諗過執咗間公司佢，撐一撐住，去到2005年6月先至覺得自己真係有料到，間公司唔會執，06/07/08/09年就憑住生意買賣中介嘅新模式，橫掃曬市場上你可以數到嘅所有獎項，Harvard Business Review 都搵到兩個關於我哋公司嘅 case studies, 11年仲攞埋傑青。

記住，大方向啱就撐住，五年! 奇蹟可能會出現。

第九: 「先選行業，後想經營方法。 」

盡量選擇多人發達的行業，你發達機率會更大。 如果你的競爭對手個個都是乞丐，那麼你做乞丐的機會率都比較高。 做生意如賽馬， 你就是騎師，行業就是馬匹。 如果你騎的是跛馬，難道你自己去跑嗎。 隻馬是 fit 馬， 你繼續抽煙聽音樂都能夠跑贏。

如果你做運動是打算賺錢， 踢足球一定比捉波子棋容易。2項運動要做到世界冠軍都有難度， 但踢足球，排第十，什至排第100都能夠賺錢；但捉波子棋呢? 沒有人會喜歡看。

我敢說我曾經是香港史上完成最多生意買賣的中介公司，2001年起，12年間經我手成交超過一千一百單deals。 由於買賣小生意，我06年起租入很多舖開生意，售予創業者，09年起再買了好多舖開生意。由於香港平均每間街舖是三千萬，要做到舖界第一，我沒那麼多錢，必需向公開集資這條路行。

你問我香港做地產基金賺錢? 還是生意中介賺錢? 不用想，香港地小人多，肯定是地產+基金， 做到幾百億資產的有很多! 生意中介， 個個都是在捉波子棋。

因此我於2013年7月24日，就決心轉型，向證監會申請牌照，公司霎時間由超過300人減至6人， 經歷了我人生最黑暗的三年，但我跟自己說:「Edwin, 你教人要先選行業，後想經營方法。模糊地正確，好過準確地錯誤。 」

雖然向證監會申請一個橙，他就給我一個蘋果我。總算於16年成功取得牌照，終於成為全港第一間證監會持牌的商舖基金公司，從新上路。成功取得牌照至今，就買入了31間街舖，賣出了27間，我敢說是同期全港最多， 同期排第二的相差九丈遠，接著我很有信心我們將會是舖界No. 1。

以前與細公司競爭，現在不同了，舖王幾百億身家。 你的行頭又如何呢? 你的馬匹壯不壯呢 ?

第八: 「越多分析，越沒有出息。」

大方向正確便要行先，邊行邊改。還記得我2001年於 New York 被開除後，回來香港決定創立生意中介公司， 因為當時絕大部分人創業都是由零開始，若要頂入一個現成生意，只是靠睇報紙的「頂讓版」，與財務公司的廣告或夜總會聘請舞小姐的廣告放在一起。

還記得當初創業時，我跟我爸說起我的主意，爸爸還對我說:「根興，你想做頂讓生意，你知不知道你將來的客人，第一個問題會問你什麼? 」「 他們會問好的生意為何要賣，賣出的就是不好的! 」所以這行業不能做。 幸好他後來又說:「不能做，總比沒事做好。 邊做就邊看看哪一門生意較好，自己買下來，不要再做這一行了!」又讓他說中了， 而演變成今日的我。

從前有個路人走去火車站，走到分叉路就只看見路牌指向右邊。不知還要走多久，但火車半小時後便會開出。站在原地想了一會，看見前面有個農夫，便問一下農夫先生要走多久才到火車站。 農夫望了他一眼卻默不作聲，再問多一次，他都不回應。路人便不理他，也不知道他是聾還是啞。 怎料向前走了幾步， 農夫便大叫「二十分鐘!」奇怪，為何剛剛問他又不回應，走了卻出聲呢? 因此他決定再問問農夫，農夫回答什麼呢?

農夫回答，「先生，你剛剛問我的時候，你是站著的。你不走，我怎樣知道你走得多快。你走需要二十分鐘，我走便要五分鐘。 」 我由2001年走到現在， 馬雲於1999年創立阿里巴巴，兩年之差，他走得比我快四萬倍，同一時間已經有好多人跌倒， 有的卻重新再來過，有的已放棄了。 你走多快我不會知，我只知道大部分人都會站在路牌面前，繼續分析，繼續想要行幾久，一站就站一年、十年、一世。你又走了沒有呢?

第七: 「不是 Work-Life Balance, 而是 Work-Life Combined。」

不要為興趣而創業，但要把你的生意變成你的興趣。因為 Work Is Your Life.

容許我show off 一下，我有一輛法拉利，亦有一輛麥拿倫，但都不是我買的，是我哥不要了才給我。但我真的很enjoy weekend 或是晚上自己駕車四處睇舖。一，可以去全香港每一個我從來不會無端白事去的角落。二，駕駛名車又真的是過癮很多。

因此我星期一二三四五六日， 已不知不覺現場錄製了超過1300條商舖成交的影片放上網，肯定是香港另一個歷史紀錄，真是要 work life combined 才做得到。

你呢? 別人送給你的，或是自己買的，有什麼可以令你更 enjoy 工作呢。但如果你認為享受生活，便要放低工作的話， 可能你就要重新思考一下 what is your life。

第六: 「做生意要做農夫，不要做獵人。」

時間要當你的朋友，不要做敵人。獵人就是餐搵餐食餐餐清。以為打到獵物後便可以買飛機大砲，招聘千軍萬馬，可以食大茶飯。誰料到獵物突然間消失了，便要開除員工，變賣資產，打回原形。

農夫， 雖然開始的時候會比較辛苦， 要播種，要等，但一有收成後，就重複再重複，長遠不用再憂慮太多， 起碼不會餓死。

為求生存， 起步時難免要做獵人，不然未有收成前就餓死了。 但當你一路打獵時，你就一定要慢慢地把生意變成農田。當你成為農夫時，時間便會成為你的朋友，獵人太陽一落山，時間就成為你的敵人。 如何知道你是獵人還是農夫呢?

兩個條件：(1) 每一次客人來光顧的時候， 你要想想他會否明天就消失了。如果他只是可能光顧你一次，以後就不再回頭，你便是個獵人。如果他是重覆性購買，每星期每月每年都要給你錢，交租交月費交管理費，分佣/抽成的話，那你便是個農夫。

(2) 就是如果你什麼也不做，二十年後你的貨物會變成什麼。 如果全部都可能成為廢物廢紙的話， you'd better be 你要做好勤力工作的人， 因為你塊田越耕越乾。 但如果你大部分貨物都能夠保值，甚至乎升值的話，你即使懶一點也沒有所謂。 而只要比懶人勤力多一點，可能就不得了,因為你有一塊靚田。

我當年做生意買賣中介，就是因為大部分人客只是光顧一次，以及所有放盤的生意，如果我不能把它出售，二十年後對於我來說都只是一張廢的放盤紙。 所以那時候的我要做得好勤力，只可惜騎著一隻跛馬。

現在商舖基金則不同了， 每個月都有租金及管理費收，持貨放假100年，只要買得正確， 肯定會升值，所以現在做得輕鬆得多。

開店做生意也是一樣， 不要所有商舖都是租來的。如果可以，每租三/四間商舖，就買一間商舖。寧願開少些舖，每十間分店，便有兩/三間舖是屬於自己買的。總好過三十間商舖，全部都是租來的。 租舖，時間是敵人，一個浪打過來，全部都白費了。買舖，時間是朋友，即使租來的全都倒閉了，還有自己的舖撐著。 我從來未聽過有人買舖自用會後悔， 但我聽過好多租舖的人後悔30年前沒有買間舖 。

你又是獵人還是農夫呢? 你什麼也不做又會有什麼後果?

第五: 「賺錢，要賺有錢人的錢。唔好在乞衣兜入面搵飯食。 」

最好賺的錢，就是不用出自己錢。 出老闆錢、出公數，這種錢最好賺! 有錢人，跌了一百幾十萬也沒有感覺。

最難賺的錢，就是客人花費自己辛辛苦苦儲來的錢，他為了慳多些錢而來光顧你。他勒住勒住，每次都跟你計較。這種錢是最難賺的。

以前我是賺創業者辛辛苦苦儲來的錢，去買盤生意。買錯了，就分分鐘一鋪清袋。難聽的說句，那時候的我是在乞丐的鉢子內找飯吃，賺得好辛苦。

但今日便不同了。做商舖基金，買得舖的全部都是有錢人。投資我基金的都至少三百萬港幣起， 接下來我們什至會主力打開機構性投資者這條路， 賺的就是不用自己出錢的錢。賺有錢人的錢一定相對舒服好多。

你呢? 起步時可能係要靠賺辛苦錢， 因為入門比較容易。但記住有機會一定要upgrade自己， 例如: 賣給大公司/大家族，建立自己品牌收貴點，或是 partner大企業，借他們的力量去賺有錢人的錢。但問心，你現在是賺誰的錢呢?

第四: 「投資要分散，做生意要專注。寧做雞頭，莫做牛尾。」

你一定要找到個位，在市場上有需求，而別人卻不做，你自己又識做，那你就將絕大部分的資源放落去，全心全力去專注做好這個competitive sweet spot，做到全世界無人比你叻。而最重要的，是客人願意給錢，最好是很多錢去買你的sweet spot。 因為他們不願意給錢的話，你再厲害都沒有用。

....

歡迎隨時聯絡我 whatsapp +852 9036 1143

買舖/租舖/放舖/投資商舖基金熱線: 28301111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

#十大創業忠告，#18年功力於18分鐘，#18年創業經歷真心分享

自從港鐵開到老區西環，這店消失了，那店漲價了、味道不再了……
1967年開業的祥香茶餐廳，一杯奶茶依舊獨步城西。
「沖奶茶邊有秘密！最緊要工多藝熟，同靚茶葉。」老闆周錫豐73歲，40個寒暑就埋首這茶、這店。
颯爽健步日漸蹣跚，店亦老了，相伴相隨仍是如友的街坊、像家人的夥計。
「做人都係要有情有義。」周老闆說。轉瞬，他笑：「但到阿仔呢一輩唔work啦！」
隆隆打樁聲此起彼落，對面型格豪宅正賣得火紅。兩子跟在身邊近20年，實務接了，「情義」也種了，都說：「夥計就是財產。」

不論早晏、人多人少，祥香都是熱熱鬧鬧的。茶餐廳總共不過千五呎，樓上雅座靜一點；樓下客至，夥計光哥或阿卿即刻迎來，在水吧的成哥、守火位的全哥已經揚手打招呼，未幾大家已談高鐵、講波經。
熟客冰姐說兒子今年46歲，「佢未上小學我已拖住佢嚟。以前湊仔煮飯，當然滾水淥腳；退咗休，我起碼坐一個鐘。」這裏生客熟客，都不會催你埋單，隨便hea。
有些客早餐見，下午茶又見。林先生一周來4次，「最靚咪係奶茶囉！蛋撻、咖啡、雞尾包嗰啲唔錯。」祥香廚房小，食物貴精不貴多。麵包沒特定出爐時間，這樣快賣光就焗那樣，新鮮熱賣，一律4元，只是連鎖店的一半價錢。最搶手是蛋撻和蓮蓉雞尾包，前者最高峰日賣30多盤，牛油酥皮夠鬆化，蛋漿用密篩隔走蛋黃的薄膜，又下了鮮奶，滑不溜口；後者全港罕有，口味獨特。都是承上手製作，周老闆改良過，減糖減了牛油。


又香又濃的奶茶，更是熟客們的「例牌」。周老闆選取錫蘭一級茶，自家混合粗茶、幼茶、香茶，「外面好多茶葉係現成嘅，撈好晒，不過我信唔過。」茶葉一星期撈一次，每次200磅；想當年用人手撈，大汗疊細汗，好辛苦。眼前的老爺茶葉機，油漆剝落，但已順暢地運作了超過20年，原是他和夥計研發出來的，「慳咗人力，同埋分量、茶味可以自己控制。」

一杯奶茶，周老闆表示要茶色靚、有茶味、有香味，茶夠滑。人家表演沖奶茶，忽高忽低十足做雜技。周老闆笑言不用「花巧嘢」，茶拉兩三下就已足夠；拉茶動作在於看茶的顏色：「一壺茶裏面有14杯茶，滾好出嚟嘅我哋俗稱『新茶』，『食奶』比較少，『中茶』又多啲，去到最尾兩三杯我哋俗稱『老茶』，比較嚡口，搭多啲奶落去。」
所以，一杯奶茶要講究平衡，「奶同茶嘅比例係要靈活變通，對客、對夥計都一樣。」


今夕何年 1967……
祥香在1967年開業，上一手做了11年，周錫豐和父親周任泉接着頂手。當年父親的商業登記店叫「祥香園」，但上手「祥香茶餐廳」的銅字招牌，一字沒改，至今掛了40年。
父親之前在同區的東邊街與人合營茶居，自己是個職業司機，「爸爸勸我，你今年已經33（歲）。你唔學做生意呢，將來就只係個司機。」其時周錫豐已是三子之父，家擔漸重，給父親說到心坎裏，同意轉行求生機。
當時他住在九龍城，每朝四點半天都未光，就坐通宵小巴過來西環，率先回店開水電掣，準備就緒就到附近的員工宿舍叫人開工，「有啲夥計仲未起身呀！」事實上，早更由凌晨五點開始，為了留人，從頂手那年起，他們已供給宿舍。
父親不懂煮，擔當管理角色；周錫豐由零學起，櫃面、樓面、水吧、製造部、洗碗一腳踢。雖然辛苦，但相比揸的士，「心情輕鬆咗」，因為收入從此穩定下來。

夥計 就是財產
做生意，周錫豐認為最緊要有好夥計。「夥計心情靚，對客人係好啲，有好多笑容。」
在最困難的沙士一疫，夥計願意減人工，共渡難關，「所以，我覺得我呢班夥計好有人情味。」事過15年，他仍然記在心。「楊梅到處一樣花，夥計好嘅難搵，佢想搵好老細亦都難。」後生時，他有時不回家，同夥計「一齊喺宿舍瞓，一齊去消夜，大家好close。」當中不少至今相處了二三十年，夥計都叫他「豐哥」。有人鬥氣，他就居間排解，「大家一齊做嘢，見同事多過見自己的親人。「就似同坐一條船，都想開開心心啫。」

對夥計，他有求必應，借錢好少托手踭，數目由二三萬到十幾萬都有，「大家咁耐朋友，好似兄弟無分彼此。你對人好，希望人哋對番你好。」人善，難免被人欺。不時有人走數，通常一萬幾千；曾有個夥計借了五六萬，「講屋企難處博你同情，又話欠大耳窿錢，我希望佢還咗債，喺呢度專心做。點知幫咗佢，佢唔返工，石沉大海。」
雖然，他失望很多次，但仍堅持「做人都係要有情有義。」不過他補充：「到阿仔呢一輩唔work啦，社會改變咗，走我數嘅都係啲後生。」哪下一代如何管人，他不置喙，「要靠佢哋自己去摸索啦！」

近幾年他半退休，茶餐廳交兩個兒子打理：一個負責人事入貨，一個管賬。他天天仍舊返店和夥計食飯，過時過節福食固然豐富，每月初二、十六做禡必備一煲靚湯給夥計。
「我老闆風雨不改返來食飯，一定同我哋食。由佢哋第三代幾歲大佢就帶住我哋做，有份感情存在嘛，即係屋企人咁樣。」做了20年、管理水吧的成哥說。他打趣說，假如自己去第二處肯定無法生存，因為不習慣，「我哋都試過出去做替工，同事老細之間唔係咁樣。」他指老闆從沒罵過大家一句，接手的太子也一樣。

做樓面的光哥在祥香三十多年了，一樣盛讚豐哥對人人都好，也實話實說：「唔係年年加人工，邊做得咁長呀！」他娶妻生仔抱孫都在廣東老家，幾十年在西環樓下返工、樓上瞓覺，祥香就是他的家。雖然不時跟熟客搭訕，他手腳並沒因此停下來，抹完枱，又一支箭去招呼客人。

「夥計就係財產。爸爸教我同夥計融洽啲。」周老闆的孻仔啟文說。他自言讀書不成，二十年前回祥香幫手。賣麵包、入水吧、做樓面……甚麼都要懂都要做，無人開工時有壓力，無生意時又有壓力，「樣樣都經人手，我自己有幾多對手呢！所以要對夥計好啲。」

但願 情長久
大哥啟東一樣要賣麵包、做櫃面，朝朝清晨五點返早更，到弟弟啟文回來，他就計數理賬，落場四五個小時後又回來做到六七點收鋪。他是半途出家，之前做過股票，開過軟件公司，當年不太好景，剛巧父親做了手術需要休息，便開始替父親返早更。
「做飲食業都係困身嘅。」架着眼鏡、斯斯文文的他笑說。
「以前做股票（我）就係做盤房嘅，最緊要係快、準；好緊張，因為唔可以錯。呢度有啲叫做人情味，街坊真係好熟好熟好熟，嘻嘻哈哈又一日，做得又幾開心。不知不覺咁又差唔多16年喇。」重要的，說了三次。
祥香客多是本區人。周老闆形容2014年底港鐵通到西環，是店鋪繼沙士之後的第二個艱難。「一開始時，周末真係好旺，但過咗一段時間就靜晒。」啟文說。
交通便捷了，居民外出多，很少留在本區消費。人流減少，鋪租卻在升。祥香鋪位由78年租到現在，周老闆解釋為何不買：「有錢難買心頭願，業主不賣，你永遠買不到。」地產狂潮席捲過來，小店最易沒頂。幸好，業主相當講理由，沒因西環通車即瘋狂加租。但鋪，始終沒話事權，令他患得患失，「周圍的租金都升得很貴。誰不要錢呢？所以我也有一個憂慮。」
「有得做就做，做得幾耐就幾耐。」孻仔啟文說。

今天，三個兒子已經成家立室，周老闆最感欣慰。「我嘅責任就完喇，祥香等佢哋搞啦！」自己每日返鋪跟夥計食飯傾偈，見見熟客，就好開心。幾年前，他已懂抽身得自在：「我自己真的要交給後生做。佢哋喜歡就繼續做下去，有飯開就算，唔好理咁多啦。」


撰文：韓潔瑤
拍攝：關永浩

祥香茶餐廳
地址：西環堅尼地城卑路乍街107號
電話：2855 7911

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

「企硬take嘢衰硬」這句耳熟能詳的禁毒宣傳標語，相信大家不會陌生，而對33歲的馮貫中來說，就有另一重體會。

「當初我戒毒，我連戒毒係咩都唔知，個社工同我講條路係點，其實我望唔到，就覺得唔可能，我咁多年嚟都喺黑暗嘅生活裏面，我係唔信。」貫中至今仍難以置信，自己可以逃出深淵，一步步走進今日的精彩人生。

16歲沉淪毒海

貫中16歲受損友影響開始吸毒，「我係食嗰啲『K仔』、『Fing頭(丸)』、『可樂』，以為係軟性毒品，係我玩佢，唔係佢玩我，到後來發覺原來都無分別，都係毒品，都一樣會上癮。」

「輸掉」膀胱

一開始時不知上癮，慢慢地卻泥足深陷，「會日日食，早午晚、下午茶、宵夜都食，就算可能半夜瞓醒去廁所都會食。」他更直言當時毒品是自己生命的全部，會用所有收入去買毒品，也曾為此鋌以走險，為賺更多錢而犯罪，令自己出入監獄八次。除了留有案底，也為身體帶來了永久性損害，尿頻嚴重得曾數分鐘要去一次廁所，最終需做手術切除膀胱。

決心「脫毒」

毒品令貫中身心俱殘，也損害了他與家人的關係，貫中指自吸毒後就沒有與爸爸說過一句說話，「一家人食飯好似『頭尾圍』咁，但媽媽始終係不離不棄，食咗十幾年，坐監咁多次，佢次次都嚟探我，好遠都嚟探我。」他略帶激動地說。

母親更令貫中產生戒毒念頭，他憶述指有一次吸毒後媽媽勸自己不要再食，「我望一望佢，發覺媽媽原來多咗好多白頭髮，好心噏。」再加上碰見了多年不見的朋友，被對方直指「樣衰」了很多，令他下定決心回頭。

但旁人的歧視目光就一度令貫中半途而廢，「好多時因為被人解僱，有時都唔開心，覺得我都無食毒品，做返正常人，點解無人接納到我？」幸而貫中很快就想起失而復得的家人及朋友，他很快尋求社工協助，之後就沒有再吸毒。

無家者世界盃

戒毒路上貫中並不孤獨，他找回了兒時的夢想—足球，他在戒毒所加入了足球隊，還在活動中認識了「無家者世界盃」，並矢志要入選代表香港出賽，他記得自己當初身體差得選拔也參加不了，但為了夢想他堅持了三年後終於入選集訓，並忍受剛施完膀胱手術的痛，最終如願以償，去年代表香港遠赴挪威出戰。

以音樂鼓舞生命

除了足球，貫中也有音樂作伴，他起初在戒毒所因為沒有「世藝」，聽從社工勸導學音樂。他直言自己三十歲左右才學，一開始怕被人笑，「發覺我唔同人比，自己做返想做嘅嘢，自己會開心。」之後他更與樂隊隊友以自己的原創歌曲傳遞禁毒訊息，希望回饋曾幫助自己的人。

過來人身份助戒毒者

貫中現時在一間戒毒院舍裏擔任社監。作為過來人，貫中比其他人更明白他們，「明白佢嘅困難、明白佢嘅處境，作為一個陪伴者，有時一個陪伴者唔需要做咩，明白已經好足夠。」

回望過去，貫中說從無想過自己能成功脫毒，尋回美好的生活，「我戒嘅時候完全無諗過會踢返波或者會玩音樂。」而戒毒時社工的一句說話他現在還記得，「永遠要相信你嘅潛力比你想像中大。」

今集《港。故》用7分鐘，帶大家看看一個在毒海浮沉十數載的浪子，如何回頭並開展精彩人生的故事。

-------------
《港。故》：東網每周專題習作，講故事、講香港人的故事，請關注《港。故》FB：http://bit.ly/oncckonggufb

Follow埋《港。故》IG，睇更多精彩靚相：http://bit.ly/oncckonggu_IG