Search
【 #另一半の經典語錄 - 路痴另一半盪失路必講對白】
是咁的，有次同女朋友去觀塘食飯，間嘢佢平時放lunch成日去，於是就由佢帶路...
BB：嗯？上次朝早嚟明明係呢邊㗎喎？？
我：BB，佢唔會因為夜晚就調咗位的
BB（真心膠）：但我上次嚟係喺對面街，唔信，等我問下先！
餐廳老細：下？我哋呢個舖位廿年都有喇啵靚女
.
之後我即刻指住佢嚟笑，不過笑咗陣就笑唔出，因為佢大大力搣落我手臂... 唔只㗎，女友仲成日形住我屋企附近開咗新嘢：「呢間新㗎？無見過嘅？哇！你呢度變晒樣，世界變了樣～～～」然後我心諗，間嘢我細細個就有，不過當然無講出聲啦，還要生活㗎...
.
#教佢點行都有啲禁忌的 #唔可以講街名 #講舖頭名或商場名更佳 #唔好叫佢形容周圍有咩 #叫佢sd地址畀你 #香港 #金句 #戀愛 #語錄 #情侶 #愛情 #拍拖 #路痴
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
用游學修嘅講法評論返試當真《早晨，搭膊頭咁大件事唔准唔叫，多謝！》
《早晨，搭膊頭咁大件事唔准唔叫，多謝！》呢條片好尷尬。第一個尷，一班人以為自己搞緊笑剩係識圍爐自己笑。第二個尷，岑珈其講緊分手，其他人唔睇場合搞笑激嬲珈其。第三個尷，成班人搞笑個陣講嘢個tone係剩係copy啲對白，完全無活用到，所以喺班人以爲好好笑個陣作為觀眾嘅我哋根本無一下笑得出，剩係感覺都尷尷尬尬。
以上由我形容呢條片好尷尬嘅內容就係導演要喺呢條片塑造嘅感覺，亦都係全片嘅主題「幽默係要活用先好笑」。好多笑片都好容易有一個問題，就係比觀眾覺得演員演戲嘅時候係刻意搞緊笑，呢個時候觀眾就會覺得「尷尬」。刻意搞笑＝尷尬，因為無活用幽默感。齋講唔好笑，尷尬；好似試當真咁有活用嚟拍片，好笑。
接下來我將會試吓以游學修評論《年初四的正確樣子》嗰條片嘅思路去試吓評論返試當真嘅呢條片。
《早晨，搭膊頭咁大件事唔准唔叫，多謝！》好似好多電影咁，睇一次唔明睇多次先明，先明有幾勁。點解咁嗱勁呢，第一呢個係試當真嘅影片一向都有嘅特色嚟，就係珈其一開頭講嘅故事，起、承、轉、合全部都有，但係內容嘅構成點都會有個位係無厘頭，有種符合故事邏輯得嚟又無厘頭嘅感覺。岑珈其講緊老婆要同佢分手，分手嘅原因係老婆話珈其發脾氣，而珈其發脾氣嘅原因係老婆做咗啲唔合常理嘅嘢：沖涼沖到成身泡上返床。
但就算珈其講到成件幾咁無厘頭都好，觀眾係唔介意，因為觀眾已經入咗個戲，當你入咗個戲嘅時候，珈其講個故仔係假都無所謂。當你入咗戲嘅時候，啲嘢假係唔會覺得有所謂。班人幾假咁夾硬搞笑同笑，就係講緊啲無幽默感嘅柒頭跟風講笑係幾咁尷尬，就係講緊呢啲柒頭幾唔make sense，珈其對住啲唔make sense嘅事情就會發火。首先呢個係第一個勁。
第二個勁係咩呢？就係試當真成班人用呢條片去諷刺香港普遍嘅人都無幽默感。全條片得一個笑位就係一開始珈其講嗰個老婆同佢分手嘅故事，但由歪星游學修、許腎、豪哥哥同埋周圍都有嘅Locker飾演嘅一班群眾，佢哋無笑不特只，仲剩係識攞返試當真拍片啲對白嚟搞笑。再由珈其再次發火嚟講呢班人幾唔make sense，（播片）成段對白都係笑鳩緊啲無幽默感嘅人，懶好笑，仲要指住觀眾話（播片）。wow，如果情緒最高漲嘅地方係點題，珈其發火呢段加埋指向呢個動作都可以係點題，咁《年初四的正確樣子》入面腎仔發火嘅時候都係點題。導讀返《早晨，搭膊頭咁大件事唔准唔叫，多謝！》去話比大家知呢條片係幾咁勁，唔係一句話我睇咗乜撚嘢就可以總結。
我話你知呢樣嘢可能創作者本身都無諗過，但係唔緊要，因為有個說法呢，叫做作者已死論，條片出咗街觀眾有自己嘅解讀，導演係無權出嚟講呢段片講咩，作品係有自己嘅生命有自己說嘅話，而呢個就係我Ernest作為一觀眾嘅解讀。所以我想話試當真嘅導演唔洗話你無諗過，唔重要，條片出咗街，話比觀眾知「齋講唔好笑，尷尬；好似試當真咁有活用嚟拍片，好笑。」指住啲無幽默感嘅柒頭話佢哋柒，完全唔care，咪就係試當真，咪就係佢哋啲片，我根本唔CARE你諗乜嘢。
#試當真 #早晨 #唔準搭膊頭 #咁大件事冇人講 #唔准唔叫 #多謝
每天關注我的9UP狀況：
https://www.instagram.com/ernest_pch/
《十大政府200億買工商舖你要知!》
政府200億買工商舖，令我想起 ...... 從前有阿炳阿茂，投胎見閻羅王。 閻羅王問邊個想一世付出，邊個想一世索取。 阿茂就覺得梗係一世索取啦。 咁阿炳就唯有一世付出。大個咗， 阿炳付出咗好多努力， 血汗 ，金錢， 成為咗嘅大富翁， 周圍捐錢。 阿茂啦， 就繼續索取，一世都係乞兒。
如果你有睇我《十大創業忠告》， 我嘅第二忠告就係「你越要得到嗰樣嘢，你越先要付出。 最好的往往已經係身邊。」 香港係個福地， 你越想政府做好啲，你越先要支持佢，唔係反對佢。 佢依家攞二百億出嚟買社福物業，梗係話好啦。支持咗， 再仔細睇真啲條數 ，大家商量點樣優化佢。 唔好為反對而反對， 又話咩官商勾結，又話咩杯水車薪。講到呢度，我知好多人可能已經好憎我。Whatever ... 我而家就仔細從十點同你睇下佢條數:
第十: 政府話動用200億買入60項物業， 涉及61萬呎樓。即係平均呎價三萬三，係超級高! 已經足夠買中上環甲級寫字樓。 我後面信德中心高層向海單位都只係賣緊三萬三蚊一呎， 政府唔使買到咁靚呀!
第九: 今時今日，即使是100%地舖， 面積較大，位置較靜的民生位置，好多現在成交都不足兩萬蚊一呎。 睇下今日經濟日報呢個 table, 全地舖或者連一二三樓，呎價9000至到萬四元就有交易， 靚位嚟㗎。 我唔係好明政府條數點計囉。 可能今日講高啲，日後買平咗就唔使孭鑊啦。
第八: 對工商舖必定是好事，業主套現了200億，自然資金也會投回工商舖。 如果去買樓，肯定佢哋唔係首置，要交15%嘅從價印花稅。 好似我咁，用公司名買，30% 。 仲要再鎖多三年， 工商舖只係最多畀8.5%， 無任何轉售限制。
第七: 咁樣買商用物業做社區設施(包括長者鄰舍中心 及幼兒中心)一般都需要喺6樓或以下先至合到消防條例， 如果要做互助幼兒中心，更加要喺三樓或以下。 因此好大機會係地舖加一/二/三樓。 如果你查看社署現有設施的選址， 絕大部份都是相連地舖，方便出入。
第六: 雖然政府話只是佔香港整體非住宅總存量的0.14%，嗰個數字絕對是「作細」。因為絕大部分工商舖類型的物業政府是不會買的。 牽涉人命出入的地方，已經肯定不會是工廈或者中高層的商廈。 佢又講到明唔會考慮核心區嘅甲級商廈或者得嗰幾百呎嘅街舖仔，只剩下低層的已活化工廈或低層乙丙級商廈及較大間嘅商舖。
我計過， 總存量無佢所講嘅4.3億平方呎咁多， 七除八扣，應該只係得約8600萬平方尺。 大約係咁計啦。 所以要買61萬呎，應該佔整體可以考慮樓面嘅0.72%啦。比佢公布數字高五倍左右啦。
..........
香港差餉物業估價署(2018年香港物業報告)
全港寫字樓總面積 1,205萬 平方米
(當中只有35%是非甲級， 及粗略估計約只有約三分一是6樓或以下)
Net 1,513萬平方呎
+
全港工廈總面積 1,640萬 平方米
(當中只有210萬平方米已活化，及粗略估計約只有約三分一是6樓或以下)
Net 753萬平方呎
+
全港零售物業總面積 1,143萬 平方米
(當中應減去只得幾百呎的街舖。估計全港約有10萬間，每間平均約600平方呎，即應減去約6000萬呎樓面）
Net 6,302萬平方呎
= 淨額約8,568萬平方呎 (政府可以考慮買入的非住宅總存量)
(1平方米 = 10.76平方呎)
Note: 政府公佈非住宅總存量是4.31億平方呎，大約5倍
.........
第五，根據土地註冊處， 撇除領展同年賣咗120億商場，2018年成年商舖只是有約363億的成交， 二百億即使分三年買，都係大的數字，佔每年的18%。 即使包括埋商廈，加多374億成交， 再包括埋工廈，再加多440億，都佔近6%。但記住， 當中好多係甲級商廈(e.g. 中環中心/力寶中心/信德中心等)， 同埋未活化嘅工廈，社署一定唔會買。 好似上面乘返大五倍的話， 即係佔可考慮購入工商舖市場的3成成交量。Yes, 3年 x 3成。
第四: 政府話200億買入60項物業作158項社福設施， 即每項物業約3.33億。 唔計領展，近年商舖過3億元成交每年約只得十幾單。 即是說即使政府全部掃貨買入，掃足三年，都未夠數。 掃埋商廈/及已活化工廈先得。 但係我估政府唔會買全幢太古城中心或者舊式工廈自己活化掛。因此對大面積及較靜的舖一定有正面影響。
第三: 我同全港經紀了解過，在市場較適合政府的商舖(數千呎以上的民生段)放盤約有100個，叫價合共約150億。 如果唔計現有老人院及幼稚園? 就再少多一半。 因為政府不會買入間老人院，又再趕走啲老人家， 唔 make sense. 要買足200億的非現有社區設施，唔容易。我估最大機會買入的物業會是現有吉舖/酒樓/桌球室/桑拿/商務中心/銀行等。
第二: 我相信政府難考慮買入近年剛剛被投資者買入的舖，例如上年9月黎永滔以2.75億買入的荃灣中心3.8萬呎樓面， 或者今年3月林子峰用1.15億買入嘅青山道 One New York 近萬呎樓面，don't take me wrong, 佢哋兩個都係我好朋友，好好人。但如果政府買嗰啲剛剛買入嘅物業， 買得平，佢哋唔會賣。 買得貴，會比人感覺有好大的官商勾結嘅嫌疑， 政府面對輿論嘅壓力會好大。 買入我李根興嘅貨，一定畀人鬧死。最大機會是買入持貨多年的發展商倉底貨或者個別業主嘅陳年舊貨， 即使個價貴啲，在市場上則難以比較，價錢較容易過到公眾或傳媒的監察關口。
第一: 最後，唔好忘記市區內有好多最靚嘅位有好多劏場，難聽啲，俾傳媒經常形容為死場。 近年劏出嚟嘅就已經牽涉近三千間舖。。佢哋依家嘅售價往往都只係當初劏出嚟價錢嘅三分之一/四分之一。 最核心嘅佐敦廣場， 高鐵旁邊咁旺嘅位，上年8月都只係成交咗每呎970。Yes, 你冇聽錯，每呎970， 係香港近年嘅新低。如果政府願意吹雞叫業主聯合放售， 全層或者部分商場樓面都好， 我相信好多業主都願意輸少當贏。 俾錢發展洗，不如幫幫啲小業主啦。 起碼畀人插少啲「官商勾結」， 贏返啲呢幾千個小業主個心，Really!
總結， 我支持政府呢個200億方案， 我只係覺得佢有啲數可以計得準啲姐。 但我做開舖,佢唔係呀媽。我相信舖價不會大升， 但肯定好多持啱貨的業主會價錢企更硬。 今時今日太政治化，希望這個方案能夠今年7月成功通過立法會， 對工商舖，對小業主，對我都將會是一支強心針。
.............
《十大政府200億買工商舖你要知!》
第十: 平均呎價三萬三，太貴!
第九: 全地舖或者連一二三樓，近期呎價9000至到萬四元就有交易。
第八: 業主套現了200億，會回流工商舖，是好事。
第七: 商用物業做社區設施一般都需要6樓/3樓或以下才符合消防條例。
第六: 不單止佔香港整體非住宅總存量的0.14%，應是佔整體可以考慮樓面嘅0.72%才對。高五倍!
第五: 佔可考慮購入工商舖市場的每年30%成交量。
第四: 每項物業約3.33億。 按近年商舖成交量，掃足三年，都未夠數。
第三: 市場較適合政府的商舖放盤約有100個，叫價合共約150億。
第二: 政府難考慮買入近年剛剛被投資者買入的舖。
第一: 政府可以考慮買入市區劏場舖。
#政府200億買工商舖，#200億買舖計真啲，#十大政府200億買工商舖你要知
康業信貸快遞商舖按揭熱線: 2110 2110 whatsapp +852 96962110
盛滙投資商舖基金/買舖/租舖/放舖熱線: 2830 1111 或 whatsapp +852 90361143
盛滙商舖基金 Bridgeway 網頁 www.bwfund.com
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw
購買李根興的「買舖 要買得 PRO」書，請付款$198，透過以下渠道:
(1) PayMe at +852 90361143
或
(2) 永隆銀行戶口
020-644-0000-3123
(Bridgeway Development Company Limited)
付款後，請留你的地址給我們，我們會馬上郵寄給你。或你可到我們盛滙辦公室領取。 中環皇后大道中16-18號新世界大廈一期1502至3室。電話 2830 1111。我會親筆簽名給你。多謝!
