6點半比人拍醒，係咩玩法？！！
本來正值甜睡的時間，突然有人爬上我身，温柔而堅定咁拍左我好耐，然後隱約聽到耳邊有一把聲👂：媽咪，我見到出面有個『美麗環境』🎆，好靚，你要唔要起身睇……👀
眼睜開一線，天未光🌥️，時間係6：30am🕡
我：唔睇呀😩
Q: 媽咪，真係好美麗架，你起身睇啦😌……
開始有意識，天都未光，咩美麗環境？一係發夢，一係去左4次元空間🌫️👻……
Q: 我起身疴we，見到露台開左燈💡，好似太陽伯伯出來了🌞，好靚呀✨✨
我： 依個就係『美麗環境』⁉️😳
Q: 係呀，因為太美麗，我睇左好耐😍
我：………………
話說因為某人有自己床唔訓，晚晚要訓大人床，爸爸無奈做廳長，所以每晚都會開露台燈先訓！QB既『美麗環境』，係爸爸既悲歌😫 少年真係不識愁滋味，不過……都唔洗拍醒我架😖😖！
我：做咩叫『美麗環境』呢？叫秘密花園好唔好d?💐🌸🌻（中左玄彬毒係咁😂😂）
Q: 『秘密花園』係飯枱底😱，你要唔要去睇呀？
媽：對唔住🙏，我搞錯左，唔洗啦，我想訓多陣，你都陪我訓啦😴
Q: 咁好啦，下次再帶你去睇，好唔好？
媽：好😶！！！
她的『秘密花園』又係another story!! 有機會再講！
結果，佢翻訓了；結果，我醒了……💢💢
#美麗環境 #睇野可唔可以唔好咁表面 #小朋友眼中什麼都是美好的 #我只不過想有覺好訓者 #QB的異想空間 #唔好6點半得唔得 #玩死阿媽系列😵😩😫
