【雜七雜八】
有陣時我會諗，係邊個話一日有廿四小時，然後過咗廿四小時就係過咗一日，然後過咗365日就係一年。假使時間先從來冇存在過，好似Tom Hanks响個孤島上面，如果佢一個唔小心瞓多咗一日，我諗佢自己都唔會知。咁年月、歲數，一路一路加上去，個意義係純粹數字嗎？定只係相對概念，同每一個人嘅生命力、行動力、執行力、經驗值、智慧等等，有冇一個絕對標準呢？
講到响奧運會旁述嘅說話，有陣時會帶咗大家嘅思想去一個方向。例如呢個運動員曾經受傷。咁⋯？所以比較上佢所得嘅成績更加難能可貴？我明白呢一個概念，我絕對明，但我有時又想突破呢啲概念，佢冇受過傷，佢個金牌都好難能可貴個喎，咁當然佢經歷過更多挫折嘅話，人就係會覺得挫折之後嘅美好係更加美好，呢啲有相對性嘅比較，會令到我諗好多嘢。
我哋成日以為，人生冇風浪呢～人就經唔起任何挫折， that’s why我哋會莫名其妙地招惹好多挑戰返嚟，就係因為我哋個潛意識有個設定，就叫做苦盡甘來，或者痛苦之後嘅甜蜜係更加甜蜜。結果我哋就唔相信，真係可以順順利利，順天而行，接受、純熟，然後sirrr住去生活。但原來人生有一個共同嘅課題，叫做「play god」唔係玩個天咁解，係你飾演(play)個天，即係明明有好多嘢個天安排好啦，但係你又以人嘅角度覺得唔係喎，我覺得應該點點點喎，所以就插手落去，結果事情永遠不如預期，困難永遠比辦法多。原來講到最後，肯放手咁樣去，攞到個momentum 一樣可以行落去，一樣有成長，仲smooth啲添！咁你話甜嘅嘢本身甜啲，定苦完甜啲，都係對比之下嘅感受，正如啲人話落鹽食西瓜會甜啲，我自細都唔明，咁個西瓜本身甜咪得，唔甜又唔使死，點解要呃一呃個味蕾呢？(話梅粉另計，話梅粉好好味)
講返有啲對話，言語之間就會透露咗大家一啲前設，問人之前，應該諗吓，自己個褲袋入邊乾唔乾淨先，定係塞咗舊廁紙响度，舊廁紙叫做：覺得女仔係點、男仔係點？覺得幾多歲就冇得再玩？覺得發生過咩事，人哋就唔夠競爭力？即係如果你會問Tom Daley你驚唔驚人哋話你織冷衫？咁個前設可能係，第一覺得男仔唔應該織嘢？覺得比賽唔應該織嘢？覺得比賽前仲响度織緊冷衫係分心？
我對個世界都好鬼多前設，有陣時講起我都要提醒自己，喂我袋住啲咩嘢嚟講嘢㗎？好明顯都係學習中。
講返今日李慧詩被提到歲數問題，佢話佢冇考慮過歲數，但發現電視機係成日會講。歲數，係，同體能點都有關，但係我都唔係未見識過年紀越大嘅人，體能保持到之餘，亦都因為越大越知道點樣同自己身體相處，achieve到嘅嘢更加多，所以佢話「學識咗點樣愛自己先」；自問我而家嘅身體肯定好過以往任何一個階段嘅自己，因為識得揀對自己好嘅嘢，亦都因為年紀增長，經驗值提升，更加曉得過濾，好嘢先埋到身，其他嘢是但啦。
你可以話，使唔使咩都諗一餐呀，但望住競賽場上每一個人嘅背後小故事，真係有好多思考。
係呀，腦袋很好用，好似彈珠機咁，有碰撞先有刺激。否則我做芝娃娃啦如果唔想諗嘢。(但薯仔都好多嘢諗😂)
最後，黎明《100樣可能》原來都幾勁：
不知怎麼抑制
要超過一切
記得愛得美麗
別理會慣例
甚至令到自己 要超過一切的世人
甚至令到自己 要超過一切的世人
咁又唔係要超過一切的世人
但黎明永遠是對的😂
佢都話
要贏人先要贏自己
要愛人都先要愛自己
Hoooray!!!
唔想諗嘢 在 我都係唔想你亂諗嘢姐｜ 渣男渣女大檢閱第三集 - YouTube 的推薦與評價
男人中意講大話係因為女人中意亂諗？有無試過搵返前度？ _記得follow埋我地Instagram : HangdrinkFacebook：Hangdrink. ... <看更多>