《驚乞客泣小二之作》老奉 by MC Ali 阿李
阿李哥為大家寫咗一首好熱血嘅屌乞客Rap歌，唔係唔支持下化！🤭好想同阿李哥合作拍MV～ 🤭
得閒Like埋阿李哥個Facebook Page：
MC Ali 阿李
#各行各業都可以一齊Rap住屌老奉客
#用音樂感染世界
#顧客越屌越美麗
#又叫埋Deanie姐一齊玩
#好多嘢想拍啊
#唔知有無鋪頭第時播住做生意呢🤭
詞：
喂 家陣老奉咩?
家陣老奉呀!
日日指指點點 (老奉咩?)
淨係佔人便宜 (老奉呀!)
使人唔使本 乜野係廉恥
世上無嘢係 理所當然
日日指指點點 (老奉咩?)
淨係佔人便宜 (老奉呀?)
使人唔使本 呢啲叫無恥
一副理所當然嘅嘴臉
啲客俾錢大晒㗎喎！
老奉要俾折頭 滿足佢地所有要求
投訴再投訴 只係想𢯎到一個折頭
用無數理由投訴 想得到甜頭
想得到免費 Upgrade
其實搞咁多嘢 They just don,t wanna pay
西客嘅態度 當人係奴婢
消費者總係叫服務員分尊卑
我買個公仔應該送多個汽球 (𢯎多啲)
我買兩袋米應該送多枝豉油 (𢯎多啲)
我嗌大閘蟹應該送多碟豬手 (𢯎多啲)
我係顧客 唔該你滿足我嘅要求
折頭 唔係問題
問題係你咁嘅態度去要求
無禮貌 不斷無理取閙
去計較 挑剔問題爭拗 (家陣老奉咩?)
賣貨 賣service 係等價交換
唔好扮不滿去同我談判 態度當我痰罐
優惠你唔係理所當然
喂喂喂 (家陣老奉呀?)
喂喂喂 順便啫 都唔阻你時間
喂 你去旅行幫我買啲野 (一大張List)
喂 你順路 幫我攞啲野 (十公斤 淘寶)
喂 你得閒 幫我整啲野 (柴灣去荃灣)
喂 你有時間 車我買啲野 (兜一兜風)
幫幫手 唔該都無句
淨係得把口 叫人做跑腿
幫幫手 多謝都無句
無數嘅要求 奉指滿足佢
老友呀 其實呢 (家陣老奉呀?)
Hold on, Look at yourself
阿媽幫你煮飯 洗衫 (老奉咩?)
阿媽幫你煲湯 晾衫 (老奉呀!)
點解仲要伺候你服侍你
你估你皇上上身
所有人奉指要對你謝主隆恩
當你仲細幫你係責任
到你大個應該識感恩
無嘢係理所當然
家陣老奉呀!
家陣老奉 家陣老奉 家陣老奉咩!
家陣老奉 家陣老奉 家陣老奉呀!
其實我想問呢
家陣老奉呀!
