讀者投稿：Carmen.S
我已經等嗰條賤精離開咗幾個月先投稿。
話說我公司有個男同事周圍問人借錢，佢有好多街數，財仔成日打嚟公司追，我哋好多人都接過凶神惡煞嘅電話，有啲應該係爛仔大耳窿，仲會直接叫我哋提佢入錢。
不過呢堆追數電話係個男同事離職前兩三個月先出現，所以喺大家未有戒心之前，有好多同事都借過錢畀佢。
除咗老細之外，基本上佢問勻全公司所有人借錢，包括返part time個茶水阿姐，冇錯！佢問埋返part time個茶水阿姐借錢。其實佢都想向公司借糧，但就唔敢同老細講，走咗去搵HR問，咁當然唔得啦！
呢個借幾千，嗰個借幾百，全部都冇收據冇證據，佢係會行埋嚟兜口兜面用各種藉口問你借錢，通常每次銀碼唔多，大家見係同事唔會走得去邊，所以好多人都中招，包括我，我前後借咗3000畀佢。
有一日佢遞信辭職，仲要叫阿頭同埋HR唔好講出去，話自己想低調啲喎，問題係佢阿頭同埋HR都係苦主，加上要搵其他人接手工作，辭職單嘢紙包唔住火，其他同事一知道就即刻追數，隔離部門唔係第一時間知，就可能會遲咗一步先追，原來茶水姐姐前後都借咗1200蚊畀佢，問佢拎返嘅時候仲要受到不禮貌對待，條友向住茶水姐姐講：「你唔使驚喎，臨走前會畀返你㗎喇。」
茶水姐姐：「我返part time㗎咋，得幾千蚊人工，你畀返我先啦！」
條友竟然厚顏無恥到兇一個60歲嘅茶水姐姐：「嗱！警告你唔好再追，還係人情，唔還係道理，你又冇證明又冇借據，我唔畀你都得呀！」
點解我知得咁清楚？因為茶水姐姐之後喊住同我哋講，叫我哋幫手囉！好多同事亦因為咁而好驚，因為大家都冇借據，我都冇，然後我決定搏一鋪，夜晚send個WhatsApp過去：「喂，你爭我嗰6000銀好還喇喎！」
條賤精發晒爛渣咁回覆：「痴線㗎你？幾時爭你6000蚊咁多呀？我借咗你3000咋喎！」
跟住我就screen capture畀返個截圖佢睇：「得！Saved！你認咗爭我3000！」
第二日我收返條數，條友仲要問我可唔可以七折還錢，CLS，睬佢都傻！其他同事知道後有樣學樣，不過佢都學精咗，直情唔覆幾個債主同事嘅WhatsApp，明明仲有幾日先last day，佢直情提早quit，日日請病假請到最後一日。
好多同事喺今次事件中都追唔返啲錢，茶水姐姐同樣收唔返，其實人哋年紀咁大打份part time，每個月都係得幾千，條賤精借人1200蚊仲要唔還，聽講最後老細私人畀返1200蚊茶水姐姐，不過其他同事啲債就愛莫能助。
想提醒大家，借錢畀同事或者朋友之前，最低限度都要有black and white證明，借據又好，WhatsApp截圖都好，一定要保障自己，最好就唔好借啦！講錢傷感情，有時借咗錢出去，你要預收唔返之外，仲要有心理準備會冇咗呢位朋友或者同事。
唔 好 再send呢啲 嘢 過 嚟 嗱 呀 唔係我 退 岀 㗎 在 搞笑Whatsapp 錄音唔好再send呢啲咁嘅圖出嚟呀唔係我退出架啦 的推薦與評價
搞笑Whatsapp 錄音唔好再send呢啲咁嘅圖出嚟呀唔係我退出架啦. ... 【ONETAKE】唔好慣性使用語音訊息，真係唔係個個都鍾意聽. ONETAKE 一鏡過. ... <看更多>