《我真係好多謝香港》
#讀者投稿
雖然做記者嘅年資尚淺,但最近做香港人移民嘅故仔,係第一單我做到忍唔住眼淚嘅assignment。
係機場送別受訪者時,bureau chief問我,當年你從內地來港時,有無好似佢地咁唔捨得、喊得咁淒涼?我諗咗諗:當然有唔捨得啊,特別係最錫我嘅婆婆。不過我知道,準確來講係被大人們告知,去香港係為咗有更好嘅未來嘛~所以都唔係咁傷心,反而係滿懷希望。
與其說我真係好_鍾意香港,不如話我真係好感激香港。
曾經係新移民,慶幸係我讀小學嘅年代,無太多歧視,班主任安排咗幾個同學仔照顧我,所以我好快就適應同融入咗。當年大家會照顧你係新同學,同你講多d廣東話,但唔會因為你而要全世界遷就你,大家強制講普通話。係我要認識香港、融入呢到,我覺得好合理。
第一次親身經歷「民主」同「選舉」係小學時年年開學必備嘅「選班長」。以前係大陸,邊個做班長係老師委任的,年年都係班主任個仔,或者好乖嘅同學。其他人就只有鼓掌的份。當時唔知呢d叫「民主」,但覺得「投票」同「少數服從多數」呢件事真係好amazing!
唔知點解我到而家仲印象好深刻,當日提名我做班長嘅同學,知道我當選後開心到彈起嘅YESSSSS!!! 我當時完全係黑人問號❓「你興奮緊d咩呢?」而家先知原來有得揀,真係可以好開心!
另一個shock嘅位係,原來呢個世界有自薦,係大陸,大家就算心入面想做某d嘢,都會表面上互相退讓。係香港,原來可以有自信,有公平競爭。唔洗怕醜,覺得自己有能力就企出來承擔,至於其他人認唔認同你,就投票決定。無論輸贏,大家都respect結果,因為少數服從多數。
我慶幸係我讀中學嘅年代,有自由辯論呢樣嘢。大家為住自己相信嘅嘢去說服大眾。從來真理會越辯越明,但而家竟然連辯論嘅空間都無。
最近收到一封前輩嘅email,其中一段講到「我質疑自己當初鼓勵你讀新聞嘅建議係咪做錯咗」。係我讀書嘅年代,讀/做新聞係一個見識世界、了解社會嘅好途徑,而家做記者竟然變得如此危險。
我只畢業了幾年,卻不斷強調「我個年代」,我諗無論我自己還是前輩,都無諗過香港會變得咁快、咁陌生。
來香港之前,成日睇一段片,畫面係中環嘅電車係摩天大廈間穿梭,香港真係好繁華,好嚮往來到呢個咁摩登嘅城市。不過其實我係一個路痴,病情嚴重到公司大少少都會盪失路個隻。做咗記者後,被逼要認路啦。好多謝呢個崗位比機會我認識香港。
幾年前同外籍朋友係灣仔食完點心,我盡地主之誼介紹下呢個社區比佢識。駱克道朝早雖然平平無奇,夜晚其實係「紅燈區」。警總係我第一次做突發嘅地方,案情係有人將5包毒品塞入patpat,比人係機場拉咗,所以係到開記者會。溫莎大廈係好多社福記者會都會係到開嘅地方,第一次來嘅時候搵唔到地方,來多幾次就熟咗了。遊行要影高位,通常都會來軍器廠呢條天橋……雖然全部都唔係d咩大事,但呢一座座石屎大廈,因為有一d故事,而變得唔普通。
佢話,從來無人咁樣介紹香港比佢識,通常都係千遍一律介紹邊到有知名景點,邊到有好嘢食。但而家呢條灣仔最普通不過嘅街,比你講完之後,變得好特別。
感激當年嘅香港仲係一個健康嘅城市,比咗好好嘅教育我,見到紅線延伸至教育體系,每次做教育相關嘅議題時,都覺得好心痛。
諷刺嘅係,當年我嘅父母因為香港有較好嘅教育,帶我落來。而家嘅家長為咗比好d嘅教育仔女,而被逼離家。
呢到曾經係幾多人拼命偷渡過關,都要比仔女係到受教育嘅地方;幾多top bankers要來搵真銀嘅國際金融中心,但而家都逐漸散去。電車路依舊,但呢到嘅好多嘢,連最基本嘅核心價值,都變得模糊。
//近乎留白那生命
是這些結伴 讓我擁有過豐盛
以我沾濕的眼睛 對美好光景致敬//
聽 #先哭為敬 見到條電車路有感而發
Follow我哋IG:
🔝最新職位空缺:Fillturegroup
🔝最新職場情報及冷知識:Fillturecareercoaching
🔝全職獵人:Fulltimeheadhunter
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
「唔 想做assignment」的推薦目錄:
唔 想做assignment 在 全職獵人FullTime Headhunter Facebook 的最讚貼文
職場新鮮人,你有冇共鳴?
剛剛收到一份大學生的CV,睇完之後,我有種切膚之痛,回憶返晒嚟,記得自己畢業嗰年,學校的Career centre都有叫我哋每個同學寫一份CV當交assignment,當年唔識點寫,又唔想抄足學校提供的罐頭CV example,於是叫我一個出咗嚟做嘢幾年的表哥教路,終於整咗一份自以為好勁的黑白「cv.doc」,勁在詳細過紀念冊,有齊幼稚園中小學校名、參加過咩課外活動同埋有咩興趣等等,而家諗返都好好笑。
以前香港未有Career coaching呢一門教學,見工時根本唔會知自己衰喺邊,究竟係CV寫得唔好,定係面試騰雞。雖然近年市場、學校開始出現coaching,可惜都未算普及,甚至未up-to-date,就連不少大學的Career center都有派員參加我的Career Coaching - Train the trainer服務;我接觸嘅部分大學生或者職場新鮮人,依然有不少人無好好計劃、部署自己事業路途,甚至對自己職業無任何頭緒或想法,覺得求其搵份工做住先,之後可以慢慢洗底,其實大錯特錯,於是我同我的團隊決意發展多啲coaching,希望幫到大家唔好再踫咁多壁。
有啲人好清楚自己想做咩,可能大學Year 2已經諗好要搞startup ,但都有人起步比其他人慢、需要摸索,但無論點,呢兩種人都需要好好部署,開靚個頭,而正因唔想呢位年輕人開壞個頭,我決定幫佢免費做一個Career Coaching,教返佢最update的見工技巧、點樣執返靚張CV、點樣部署自己的職涯,期待見完佢之後佢話我聽搵到工的一日,到時再同大家分享⋯⋯ (待續)
大學生或者係失業中嘅朋友們,如果你唔知道點樣將你哋嘅履歷表好好包裝,歡迎搵我地去幫手,半價優惠,同我哋聯絡,當多一個機會幫下自己都好:https://wa.me/message/HODW7VGMWFAGL1
最新2021年薪酬報告,歡迎搵我哋索取!
#全職獵人
#FullTimeHeadhunter
#FilltureCareerCoaching
#CareerCoaching
#大學生搵工
#無工作經驗都可以有靚CV
#唔會放棄年青人
Follow我哋IG:
🔝最新職位空缺:Fillturegroup
🔝最新職場情報及冷知識:Fillturecareercoaching
🔝全職獵人:Fulltimeheadhunter
唔 想做assignment 在 Kisabbb Facebook 的最讚貼文
⋯⋯⋯唉,身體唔爭氣,仲有兩份功課等緊我做,今鋪真係要係醫院做功課🙁 #痴線 #我係廢紙 #病床趕assignment #22小時無瞓過 #好想做埋功課先瞓 #定做到等醫生巡房 #人生在哪兒