黃絲KOL寫法：有冇搞錯！（之後下面就700條鬧政府既comment，幾乎無一個有真頭像既）。
bckol寫法：同心抗疫，公務員唔可以有特權。（之後就一堆鬧黃狗什麼什麼的。都是大部份沒真頭像）。
咁同心抗疫好似係大家共識，就連泛黃嘅電台節目主持都成日話「香港人自己做得好好」。同心抗疫，早日回復正常幾乎都係不分顏色既社會共識，咁公務員唔打針就係自私啦。
就正如，半年前，好多家長話「外國人去做gym 唔戴罩係自私」，「去健身室真係做運動咩自己叫鴨叫雞就搞到佢細路冇得返學」，咁而家為防止大爆發，為防止你屋企既細路冇得返學，咁叫你公務員及醫護打針，唔係保護緊大家，好等疫苗去令社區唔好爆發，等醫護唔使迫爆床，等香港唔會好似歐洲咁冇呼吸機生靈塗炭囉。
打疫苗呢單野，最大既反對派，就係一直既反疫苗L，同埋認為「新冠肺炎只是重感冒」的人士。而當整個地球，不論係民選政府（美國，尤其是紐約這些美國中的美國的大城市），抑或係由醫護人士做市長的地方（台北），都認為醫護人員打疫苗是應份及應有之義（記住係義，唔係科學，係「義」和「政治」），我就唔知道有咩「搞唔搞錯」左。
香港既疫苗接種率低，有兩個原因：一、香港沒有大爆發，以香港的居住密度以及香港人熱愛返工既程度，這種感染人數及死亡數字係奇蹟。二、香港人接種後沒有更多「好處」，如除罩令、可以去旅行免隔離等等。
當沒有誘因，而同時疫苗既醫療數據亦會被「醫護專業人士」質疑其安全成效，甚至係認為「孕婦及小孩不應接種」，只可以用「唔打針唔畀返工」這種模式去叫人打針。
抗疫若然不分黃藍，以上既分析就應係主流意見。可惜的是，香港人現在要既，係先分黃藍，再看觀點。只要你是黃的藍的，膠論全盤接收。所謂理性，均不重要。
問責官員 在 要求當局交代何時改革針對高官的問責制度 - Facebook 的推薦與評價
蘇嘉豪指出從濠江中學西安交流團爆疫，到金皇冠中國大酒店保安染疫漏洞，公眾期望涉事部門和官員能夠坦誠接受問責。然而，對於8月疫情期間中學堅持出團，作為資助實體的教 ... ... <看更多>