近日熱話： #啟德空中花園1331
呢日喺碼頭附近做完嘢，見到網上話隔離空中花園開咗，就諗住過去睇下😆
花園兩旁種滿不同品種的植物，象徵一年四季，喜歡植物的朋友，可以喺度睇到好多唔同的花花草草，近影都唔錯，但千祈唔好遠影🙈
遠影就會見到，空中花園兩旁全部係爛地同地盤，沙塵滾滾不特止，嘈音都唔少，如果等地盤收工可能會好啲，但最近好多地盤星期六日都會趕工🙈遇唔遇到要睇運氣。
平日下午遊人都唔少人，咁啱落完雨又有少少風，先覺得無咁熱🙈亦都有唔少人跑步，其實花園條路唔算闊，如果人多或有人影相就要左閃右避，加上空氣唔係好，唔係好明點解要揀呢度跑步🙈
另外一樣唔係咁好係整個空中花園只有中間位置有升降機，郵輪碼頭過去只有樓梯(斜路行到一半要轉樓梯，bb車同輪椅要留意)本來中段升降機有兩部座立兩邊馬路，但呢日其中一部暫停使用，馬路中間又有高石壆，過唔到對面馬路....
花園全長1.4公里，瓦遮頭位好少好短，我由郵輪碼頭行過去行咗50分鐘都只行左一半多少少，炎炎夏日下行1小時我覺得係極限😂
官網有介紹「花園內遍佈各式各樣的水景及玩水元素，能為大小朋友帶來互動樂趣，嬉水遊樂隧道 / 水幕 / 旱地噴泉 / 水梯 / 水池 / 水霧...」
不過疫情下唔建議大家帶小朋友去玩水，一來口罩濕水就會失去保護能力，二來小朋友有可能唔小心飲咗啲水(園內都有好多標記提醒遊人啲水係不能飲用)當日見到水霧，行埋去影「人間仙境」相都ok，不過後面堆屏風樓/地盤天秤大殺風景😂
睇返花園規劃，將來兩邊都起樓，到時就應該無咁曬，因為在花園散步睇唔到海景而係睇到住宅外牆🙈回程時落咗承豐道等車啲嘈音就更大聲😑
🌟有一點大家都要留意，空中花園和啟德跑道公園不同，空中花園❌🐶不准攜帶寵物同❌🚲不准踏單車，而花園的最大作用，是作為行人天橋連接日後的規劃，如連接海濱長廊(未知幾時)，所以唔好以為叫空中花園就係好大 #語言偽術大家應該聽唔少，值唔值得專程去，大家可以考慮一下😆
#啟德空中花園 #空中花園1331 #啟德
啟德跑道公園 在 啟德跑道公園| House styles, Places to go, Mansions - Pinterest 的推薦與評價
Sep 29, 2017 - 啟德跑道公園是啓德郵輪碼兩個公園的其中一個，另一個是啓德郵輪碼頭公園，兩者分別很明顯，就是啓德跑道公園是以舊啓德機場為主題的。到啟德跑道公園 ... ... <看更多>