蘋果日報 2012-09-24
全港2100公頃空置官地 逾半留建丁屋豪宅 政府鏟平東北明益原居民
《決戰東北》【本報訊】特區政府繼續漠視民意，堅持不撤回新界東北發展計劃。全港目前有2,100公頃空置官地作住宅發展，單是元朗及屯門已有700公頃的空置住宅用地可供發展，是新界東北發展區的四倍多。另外，當中空置的官地逾半被劃為「鄉村式發展」，供建丁屋或低密度豪宅。團體斥政府有足夠土地儲備建屋，但只顧囤地給原居民建丁屋，造成土地分配不均。記者：譚靜雯
鄭啟源
發展局資料顯示，新界東北三個發展區面積約787公頃，但住宅用地只佔167公頃，其中近20公頃住宅用地，其實是「動不得」的鄉村式發展地帶，供原居民興建丁屋。換言之，政府鏟平整個新界東北近800公頃地區，實際只換來不足150公頃住宅用地。至於區內的公屋地積比率只得5倍，私樓地更只介乎2至5倍，低於其他新發展區一般有6至6.5倍水平。
土地分配不均
全港約2,100公頃的空置住宅用地，單是北區已經有189.5公頃的住宅土地可興建房屋，面積上足夠「抵償」整個新界東北發展區，但估計大部份土地是被預留興建丁屋。
在昨日《城市論壇》上，反對香港被規劃行動組成員陳劍青批評，政府囤積土地給原居民興建丁屋，「陳茂波一直講大話，直至噚日（前日）食咗誠實豆沙包，原來香港有2,100公頃土地起丁屋、低密度住宅同豪宅。𠵱家唔係土地供應問題，係香港土地分配問題，點解我哋香港人土地分晒畀原居民？香港唔夠地一定要發展新界東北？呢個係咩道理」。
候任立法會議員范國威也指，政府不應捨近求遠，摧毀新界東北村民的家園，強迫他們滅村，「政府按邊條城規條例，用我哋咁寶貴嘅土地資源起丁屋？冇法理基礎，好大嘅政策失誤」。
多名受影響的非原居民村民炮轟政府整個諮詢閉門造車，隱瞞資料及真正的規劃意圖，「我同屋企人喺打鼓嶺坪輋村住咗70幾年，上個月喺盆菜宴，我哋先知屋企會被人拆，點解你哋話諮詢咗10幾年？到今時今日都冇一份文件、一個官員、一把聲音同我屋企人講過，呢個係乜嘢諮詢呢」。
村民直斥欺騙
村民張先生直斥政府欺騙市民，發展新界東北只為內地人建豪宅，「我哋𠵱家先知道條村會被滅村，我哋將會冇咗屋企，我哋唔知去邊度住」。
政務司司長林鄭月娥昨上京前強調，市區可發展的土地接近飽和，需開拓新界土地，若停止或延遲開拓，不符合社會要求。發展局局長陳茂波也企硬，堅持不撤新界東北發展計劃，只表示會作修改，包括增加公營房屋數目及加入港人港地限制。
部份地區空置住宅用地面積（公頃）
元朗：490.9
沙田：295
屯門：208.6
大埔：192.4
北區：189.5
資料來源：發展局
蘋民洗版
節錄自蘋果日報facebook留言
Jean Djean
呢個發展根本係炸彈，大陸有同樣經驗，現在不少大陸省市都進行大規模滅村行動，目的係打造房地產，但因為沒有人買，結果變成外國傳媒所說的 Ghost City。
Fanny Fong
明明市區累積的官地，面積仲大過東北，為何一定要發展東北呢？
Richard Lee
港珠澳大橋，開宗明義就係（因）珠三角融合而起。點解當日咁多人責罵司法覆核、話浪費公帑？
Hui Ja
他帶耳朵來，耳朵卻是關（起來）的，只是來發表他「不撤回」的「底線」。
Lai Francis
若全部建築用地只係建公屋，配有醫院、文化中心、體育館、公園、狗狗公園、運動場……教堂、單車徑、學校；那麼，我是支持阿茂整餅這個計劃的。
Chui Luen
不要儍啦……富豪係喜歡九龍站、南區獨立屋，邊有興趣東北啦……。你去天蠻（巒）睇吓有幾多香港島換樓客，實際有幾多內地人。
