【我哋係TVB喎!】
志雲大師爆響口事件,令公關仔記起一件陳年舊事:
話說當年一位外國名人訪港,除了香港電視台,仲有國際台如CNN都在會場外等候訪問。
大人物如此,小小一個公關仔只有聽新聞官指揮,記者一律在外邊等候。當時公關仔一如以往到採訪區派水及西餅安撫一眾記者朋友,絕大部份都以禮相待,大家做野啫。
突然有個anchor同公關仔講:「喂,我哋係TVB喎,係咪可以放我哋入去呀?」
「唔....但係CNN都係喺你後面等緊,我都無放,我點放你入去呀?」
我明白記者攞新聞的重要性,記者打埋開口牌叫公關放行而唔係偷偷地潛入去都好俾面,但果句:「喂,我哋係TVB喎!」老實,真係唔係好啱聽。
#果個記者係邊個我係唔會話你聽因為我都唔記得佢個樣囉 #有咁嘅台格就會有咁樣覺得自己大晒嘅員工 #嗱嗱嗱真係一個個人架咋我遇過好多TVBAnchor都好好相與 #我覺得自己當年神回
圖來自蘋果日報網上截圖
Search