關於 四寶粉副作用 ，我們在網路上蒐集到這些相關的討論、資訊與評價

《如果沒有一定的科學訓練，你真的會被這種偽科學技巧誤導》

灼見名家出了一篇新聞稿，內有顧小培的回應，內裡有不少常見的偽科學技巧，今日我們來一起分析

我逐點回應顧小培的逐點回應（詳情請看圖及reference）

1. #從未打算盡論證責任

其實講完又講，到今日你有證據支持mRNA疫苗會導致「甲基轉移酶」的產生和肺纖維化的副作用了沒有？

如果mRNA疫苗會導致所謂的

“「甲基轉移酶」，將肺的成纖維細胞EGFR的接受體拉在一起，使之分泌會令肺纖維化的膠原蛋白，之後便導致肺衰竭，病人便容易因此死亡。”

為何第一、二、三期臨床試驗都無相關數據？就算你打算詭辯去講這種「副作用」需時幾年才出現的話，如此significant的”mechanism”為何至今都未有被發現或發表？

你的論點是mRNA疫苗會導致多重器官纖維化，那麻煩你提出相關的證據，或起碼證明你個proposed mechanism is reasonably achievable

2. #試圖轉移視線

一開始講到全世界藥廠、醫生和科學家不敢製作滅活疫苗，但被踢爆其實不少藥廠和大學都在研發，只是需時良久時，就轉移視線講話覺得科興很厲害。

所以藥廠學者和大學是敢還是不敢？講3000加侖病毒洩漏再要封鎖大廈的風險到底想帶出什麼論點？

*又，滅活疫苗有多年研究的歷史，不少病毒疫苗都是滅活形式製作，並非所謂的「藥廠很怕」

3. #突然講Pharmacokinetic

首先我很想知道到底顧小培有沒有認真分析藥廠公開的研究報告，一開始話肺部沒有IgG，被踢爆其實肺部有IgG後就轉移視線講pharmacokinetic叫人證明有幾多IgG去到肺部防止感染，

當我們將同樣準則套用在顧小培熱情地賣的「四寶」時，便會發現他從來無證明過四寶於人類的pharmacokinetic, pharmacodynamic, bioavailability 數據、有效劑量、中毒劑量、安全性、副作用、治病或防感染的效果、安慰劑對照的數據等等。

正如之前文章我都有講，不少有效預防或減輕呼吸道感染的疫苗都是IgG疫苗，例如流感和肺炎鏈球菌。根本不存在必須IgA疫苗才有效的理論。

4. #突然講研究methodology & stratification

有趣的是顧小培在反駁Dr Sid的論點時突然提出疫苗需有高質的臨床研究和設計準則。又舉例說要stratify受試者的生活起居飲食習慣，沒有嚴格控制生活習慣的研究測試結果很粗糙。的確我們要critically appraise臨床研究的methodology，但你appraise人地份報告總得substantiate你的論點吧，一句「我覺得好粗糙」就當論證完，萬能key嗎？

顧小培又以日本人食較多澱粉質而美國人則多吃蛋白質，要將受試者分開一層一層才能有具意義的數據。這本質上沒有錯，所以不少藥物研發時都會於不用國家進行（Multicentre trial）再比較不同國家、種族、年齡、性別和其他有可能相關的背景資料，再從統計學裡計算數據，證明是否對不同的群體都有效。

不過我希望顧小培標準可以一致，當你要求臨床研究要stratification時（其實人地有做stratification），你熱情地向民眾推廣的「四寶」建基於的研究大多是體外實驗室進行（In Vitro），只有小部分有用老鼠進行，而研究規模亦屬小型，未見有大型臨床研究。

而我不知道由幾時開始人類跟老鼠的種族、飲食習慣、年齡、生活習慣等等有相似的地方，可以比較或stratify？

到底老鼠食幾多澱粉或蛋白質、起居飲食生活習慣有幾相似，老鼠要不要返學返工，會不會做家務做gym做yoga和去酒店staycation？

人類跟老鼠的分別竟然不及日本人跟美國人的分別，此等論述實在令我讚嘆不已。

How does this logic even work?

5. #電腦生成模擬是病毒研究的里程碑並不代表臨床上有作用

的確，電腦生成模擬是研究重要的一環，但不代表現階段臨床上有作用。千千萬萬個從電腦模擬中得出的「可能性」或「原理」現實裡過不到臨床試驗的這一關。即使電腦模擬顯示一個結果，如果現實中沒有實際治病或改善疾病的效果也是徒然。

是的，你自己都識講研究藥物是一步一步得來的，點解你的「Docking」理論可以跳過所有步驟，言之鑿鑿去講你熱情地賣的那些只有preclinical和實驗室體外及老鼠研究的「四寶」有防感染甚至治癌防癌的效果？

————————————

最後，我想再重申，你的學歷、在哪裡做過、有什麼專利並不會令錯的論述變成對的。你對病人或其他人的醫療諮詢並不符合我們對具質素的醫療諮詢的要求。

打不打疫苗是一個informed consent & decision但information必須準確，想先觀察再決定打還是不打是很合理的選擇。

你可以同大家講mRNA疫苗是新型疫苗，長遠效果或安全性仍未完全了解，呼籲大家謹慎考慮再決定。但我不會跟大家講一些似是而非的mRNA疫苗可令多重器官纖維化等無醫學實證的說話。

同時我亦不會去跟病人推廣一些只有preclinical跟小型老鼠實驗的結果的「保健品」再包裝成有病醫病無病強身防感染的聖物。

完全錯誤和荒謬的人不危險，因為很容易就會被世人看穿。

這種有科學知識，但故意夾雜一些正確和一些不正確知識和概念的人，是最危險亦是最容易令普羅大眾誤信。

一個具質素的諮詢必要條件是病人要被fully informed有關治療的證據、風險和成效、治療或不治療的風險、其他可行的選擇及其證據。

我倒想知道顧小培諮詢病人時有無fully inform病人「四寶」的證據是建基於實驗室和老鼠，無大型人類臨床試驗支持？定還是講一兩句「有論文有文獻支持」就當盡了論證責任？

#慎防偽科學
#似是而非的論述最危險

最後一集代節目嘅回顧～
關於完全無用嘅超能力，同埋由鍾雪飾演嘅唔同類型嘅植物。

【#不道德劇場 】
【農曆新年special 之 超能力大抽奬】

四寶係一個患有中二病嘅女仔，今年20歲，長頭髮、眼細細、皮膚唔差、小小肥、唔係好識着衫，簡單來講就係見面第十次先會認得個樣、記得個名嗰種人。其實與其話佢有中二病，不如話佢有啲係自卑感作祟，佢覺得自己靚又唔係靚、叻又唔係叻、至於性格，可以算係善良嘅，但係呢個世界善良嘅人何其多，如果天生冇樣睇身材又唔夠好，最重要嘅都係才能，四寶佢都深深明白內在美嘅重要性，可惜連自己都未望得清楚自己嘅內在美，於是四寶個人開始多多幻想，幻想自己其實比實際嘅自己多出好多特別嘅地方，直頭好似動漫人物咁特別。

例如行街嘅時候，四寶會以魔女嘅姿態向嗰啲對佢嘅態度友善嘅人細細聲進行祝福、對冇禮貌嘅人佢會喺心入面唸咒語咀咒，手指會輕輕喺空氣間畫過魔法陣象徵儀式嘅執行；
又例如佢間唔中又會覺得自己係毫無感情嘅騎士團，人哋同佢講嘢佢唔會應，心入邊佢只會盤算之後落嚟應該點樣執行特別機關俾佢嘅任務⋯⋯
而當然，呢一切嘅儀式或者任務，都只係暗地裏執行，根本就無人知道、冇人望到任何蛛絲馬跡；喺陌生人嘅眼中，佢只係一個係街上面無啦啦比手畫腳、或者木無表情嘅奇怪女仔。但係四寶真係好鍾意佢自己賦予比自己啲性格：愛恨分明嘅魔女、冷酷無情嘅騎士、勇於犧牲自己嘅外星公主、憂國憂民嘅占卜師⋯⋯佢好想自己前面都有一個形容詞，而呢個形容詞可以唔係「普通」呢兩個字。

一直過住普通嘅人生，今個月係佢第二十個農曆新年，幾日之前係佢人生第20次拜年。
以往拜年嘅時候有一樣野好特別嘅，就係佢冇乜經歷過人哋講嘅煩厭親戚問題時間。升唔升到大學啊、拍拖未啊、有冇做兼職啊、成績好唔好啊⋯⋯ 冇喎，真係冇人問佢喎，但係唔代表佢啲親戚唔煩唔乞人憎，其實只係因為佢有幾個好搶風頭嘅表姐表妹。有一個抑鬱型嘅性格巨星、有一個係瘋狂換畫嘅靚妹妹、有一個係年年考第一嘅高材生、仲有個排球港隊代表，啲親戚好似DJ做訪問咁，要搵話題、要問問題，排到拜完年直上玩啤牌環節都未有興趣問佢，所以每年拜完年佢都可以安全渡過。四寶雖然有啲驚呢班麻煩又八卦嘅親戚，但係其實心裏面都有少少想佢哋可以問下佢少少問題，一條半條都好呀，至少自己唔係透明人。

今年嘅拜年環節，佢都以為自己會同往常一樣，一個人跟住係一班人後面，用幻想力俾啲樂趣自己算數，點知就發生咗一件好奇怪嘅事。四寶跟住爸爸媽媽去到其中一個親戚嘅屋企門口，一打開門正正準備求其講句恭喜發財，突然之間響起咗好似嘉年華會定係馬戲團咁嘅背景音樂，然後身邊所有人唔見晒。

呢個姑婆嘅屋企佢都嚟過20次，大致上嘅格局佢都認得，老人家屋企都係傳傳統統簡簡單單啦，但係佢一望上天花板，竟然見到成天都係七彩顏色好似嘉年華會咁嘅旗海，仲有聖誕樹燈飾閃下閃下，掛到一屋都係，所有嘢同屋入面嘅中式設計完全唔搭調。

咩事呀，人有唔見晒，間屋突然之間咁繽紛，唔係真係我幻想得太多搞到自己有妄想症掛！就係佢質疑緊自己雙眼嘅時候，姑婆嘅房門打開咗，一個男人走咗出嚟。男人帶着一頂高帽，留住八字鬚，着着紳士服，就好似一場表演嘅司儀一樣。四寶佢黑暗嚇到唔敢入屋，想衝出去即刻㩒閘離開，又發現自己驚到郁唔到。

「妳好呀四寶！我係今日嘅抽獎儀式嘅大會司儀！歡迎你參加今日嘅超能力幸運大抽獎！」

個紳士對住四寶咁樣講，明明間屋唔係好大，兩個人嘅距離唔係好遠，但係四寶硬係睇唔清楚個紳士個樣。講完呢句說話之後，紳士隔離突然之間出現咗一個特大嘅圓形全盒，直徑有半道門咁長，係憑空出現嗰隻，裏面裝左好多好大好大粒嘅糖果。

「呢個全盒就係四寶你嘅抽獎箱！快啲過嚟抽返個好意頭啦，每粒糖都代表住一種超能力，有拆穿謊言嘅超能力、有閱讀回憶嘅超能力、飄浮、隔空取物、控制火、控制水嘅能力全部都有，知道你等咗好耐啦，我係嚟實現你嘅願望㗎！」

紳士講完呢句說話，四寶嘅中二病發作啦。中二病嘅副作用係佢比起我哋以往三集嘅主人公都冷靜、都容易回復理智。佢知道，呢一個紳士，就好似每一隻手機遊戲裏面嘅引導者一樣，佢真係負責為自己安排超能力嘅人。雖然佢明知佢一路睇嘅係動畫、一路玩嘅係遊戲，但係佢心入面梗係都有一角，會相信啲情節有朝一日會發生係佢身上，佢亦都冇辜負自己嘅信心，今日呢個紳士就出現咗。於是佢真係決定行埋去，抽一粒糖。

超能力，我即將會有超能力！係啲誇誇張張嘅表姐表妹恨一世都恨唔到嘅嘢！佢見到唔合情理嘅室內環境、見到突然消失嘅屋企人、見到憑空出現嘅全盒，佢有100%嘅信心。佢望住嗰啲糖，憑着魔女嘅直覺，拎咗一粒紅色嘅出嚟。

「拆開佢，之後食咗粒糖佢，然後望吓張糖紙吖。」

四寶跟住紳士嘅吩咐照做，你將粒糖擺落口。普普通通嘅軟糖，味道冇乜特別，但係吞落去嘅時候，佢確實覺得身體好似有啲改變。佢有一刻覺得天旋地轉，眼耳口鼻有種完全開通晒嘅感覺。慢慢，就有啲奇怪嘅文字啊喺張糖紙上面浮現出嚟。又唔似英文、又唔似中文、又唔似日文。四寶唔知係乜嘢字嚟，就將張粉紅色嘅糖紙遞咗比紳士。

「恭喜晒你呀！你得到嘅係～～～！！！」

四寶好緊張好緊張，究竟係攻擊系、定係防守系嘅超能力呢！抑或係一啲可以更加特殊、更加有型嘅能力呢！

「你得到嘅係～聽到植物嘅心聲嘅能力吖！恭喜！」

恭喜完四寶之後，四寶都未反應得切，個紳士就好似一陣風咁消失左。一眨眼，就有好嘈雜嘅聲音喺佢耳邊響起，最近嘅係一把都算熟悉嘅聲音。

「喂！四寶！你做乜喺度發吽豆吖！利是吖！」

係姑婆企左喺佢面前。間又殘又舊嘅屋又變返同以前一樣，20年來都好似冇乜變過嗰個樣。阿爸阿媽班表姐表妹表哥表弟阿叔阿嬸，根本全部都一直喺間屋入面。傳入個鼻入面嘅係蘿蔔糕同年糕嘅香味。
多謝姑婆祝你身體健康新年快樂⋯⋯
四寶回一回神，無意識咁講咗兩句祝賀嘅說話。佢慢慢、慢慢行埋去枱面望一望個全盒。係一堆好普通嘅瓜子同好普通嘅糖，佢搣開食咗一粒，糖紙都冇任何變化。唔通頭先真係佢自己中二病嚴重咁病發？

就喺佢咁諗嘅時候，佢聽到兩把好陌生嘅聲音。

「好煩呀，啲人好嘈呀。」
「啲嘢食味都好臭囉，蓋過晒我本身啲香味！」

四寶驚驚青青又一頭霧水咁想搵出聲音嘅源頭，但係唔使幾耐佢就發現，聲音係嚟自枱面，枱面有個全盒，傳給隔離有棵水仙花。聲音係兩棵水仙花嘅對話。動物傳心術其實聽過，今鋪居然係植物傳心術，仲要係完全聽到對話嘅內容，已經唔係傳心啦，直頭係植物竊聴術呀！

四寶驚到差啲將頭先食過嘅蘿蔔糕同年糕一次過全部嘔晒出嚟。佢真係有超能力呀！佢終於成為一個特別嘅人啦！佢驚左幾秒，之後立即開心左幾秒，然之後就開始失望。頭先嗰個紳士講咗咁多種超能力，佢得到嘅居然係呢種完全冇用嘅超能力！都四寶來講呢種能力簡直係毫冇意義，但去到呢個階段四寶都覺得唔緊要，因為佢只係想得到同其他人唔同嘅才能，佢只係想成為比較特別嘅一個人，而靠着呢啲花花草草佢做得到啦。佢本身諗住把心一橫，開開心心面對呢個全新嘅超能力，是但啦廢啲就廢啲囉，點知佢帶住興奮嘅心情落到街，先知道大禍臨頭。

「唉呀人類真係好唔環保呀，我真係好痛苦呀，點解人類永遠都唔識得珍惜我哋？你哋睇吓年初一年初二年初三都仲係熱辣辣就知道呢啲叫做溫室效應啦！」

「咪係囉佢哋唔熱我哋都熱啦，唔該快啲學識環保令到我哋可以重生啦！」

「新年真係好熱鬧呀其實我都幾鍾意人類嘅新年吖！喺條街度見到咁多人都幾得意！」

「哈哈，如果你想見得多人呀，我奉勸你試吓俾人帶去花市啦，嗰個地方真係好多人㗎，啲人仲會爭住買我哋，植物都好少何咁搶手㗎。」

四寶一落到街，佢覺得呢個世界簡直仲嘈過花市十倍。雖然都仲分辨到邊啲說話係人講邊啲說話係植物講，但係真係好煩擾，就好似有幾千個人一齊係你耳邊不停咁吱吱噚噚咁，佢冇諗過聽到植物講嘢嘅能力，居然係冇辦法控制嘅。佢可以恰埋自己隻眼，但係點樣可以恰埋自己隻耳呢？係冇可能㗎！佢個人嘅狀態立即變得好混亂，於是佢同佢媽媽講有啲唔舒服，自己一個人搭的士衝咗返屋企。

大年初一幾經辛苦終於俾截接到㗎的士，亦都終於俾佢享受到片刻寧靜。好彩，佢都咁樣呢一程車司機冇講嘢，冇同佢分析政治情況、冇同你講今日遇到啲咩客人。佢帶住又驚又嬲嘅心情返到屋企，諗住即刻跑入房返上床瞓覺，一瞓醒呢一場夢就會醒，一切聲音都會消失。

而佢唔記得咗嘅係，佢媽媽今年都買咗兩盆桔返屋企。佢經過客廳嗰陣，就聽到呢兩盆桔嘅對話。

「你睇下，嗰個不孝女返咗嚟啦。」

「係喎，新年流流都唔陪阿媽，自己阿媽呢幾日都唔舒服㗎啦，佢都完全冇關心過！」

「可能係佢唔知道呢，一日到黑匿埋喺房度打機睇動畫，佢阿媽感冒發燒病到死下死下仲出去拜年佢都無動於衷。」

「喂喂喂咁古怪嘅，佢眼甘甘望住我哋嘅！」

「車，佢成日都古古怪怪咁㗎啦，唔通佢聽到我哋講嘢咩，睇佢個樣又喺度諗啲古靈精怪野啦！」

四寶佢呆咗咁望住兩盆桔，回想起呢一個月，佢真係好似完全冇同阿媽講嗰啲乜。佢又回想起今日阿媽個樣，又真係好似冇平時咁精神，有啲面青口唇白咁。於是佢冇瞓到覺，入咗廚房，焗左一劑感冒茶。
一兩個鐘頭之後，四寶阿媽打開門返咗屋企。
點呀，仲有冇唔舒服呀。佢媽媽好關心嘅問咗佢一句。四寶話自己冇乜事啦，佢阿媽微微一笑，見到枱面劑感冒茶，就叫佢快啲飲完快啲入房瞓覺。

「呢劑茶唔係我飲㗎⋯ 俾你飲㗎。」

四寶同佢媽媽咁樣講。媽媽佢呆左一呆，之後居然眼泛淚光。佢輕輕摸左一下四寶個頭，然之後飲咗個劑茶，講咗一句咁嘅說話：「咁都俾你知道我病添！」之後就入咗房休息。

四寶好想話比媽媽知，其實佢真係唔知道。其實係兩盆桔話俾佢知，但係佢唔夠膽講。同時間係個心入面，浮現左一個想法。原來，聽到植物講嘢，都唔係完全冇用嘅能力。佢繼續坐咗係餐枱，一路喺度思考呢一個能力。

明明開頭覺得係絕對冇用嘅能力，居然可以令到媽媽眼泛淚光。上一次見到媽媽咁感動嘅表情，已經係好多年前佢小學畢業嘅時候。佢都知道，自從踏入左青春期，佢好似冇做過啲乜令到媽媽開心過，而當然呢種反叛同冷酷，都係中二病嘅特質。而既然呢種能力唔係冇用，四寶終於體會到一樣嘢。佢本身嘅能力，都唔係冇用。

佢突然之間覺得自己唔係一個冇才能嘅人，而係佢冇善用過自己嘅才能，什至冇善用過自己嘅基本能力。例如佢媽媽病咗，佢都未至於冇用到連觀察力都冇，咁有乜可能要靠兩盆桔話俾自己知？至於中二病⋯⋯ 自己一早都已經唔係中二學生，其實佢有嘅，咪就係比一般人更加豐富嘅想像力囉！點解佢從來都冇好好善用過？每一種能力，同其他人一樣嘅、比其他人好嘅，根本一早就已經喺佢入面。呢個時候，佢突然之間好想衝入房，好好攬住佢呢個做作家嘅媽媽。佢嘅創作力量同幻想，一定係由媽媽遺傳俾佢㗎。就係佢諗住打開媽媽房門嘅時候，佢又聽到兩盆桔出聲。

「喂喂喂、你睇吓佢啊，明知自己媽媽病咗都諗住去打攪人。」

「係啦，咁大個人都唔識諗嘅，真係冇鬼用！」

四寶覺得真係好嘈好嘈，但係都係果句啦，佢冇辦法may埋自己隻耳。睇嚟係佢正式發掘自己，善用自己嘅才能之前，佢都要好好諗下解決呢個多餘嘅才能啦。