《台灣搵工故事》
---
18歲中學畢業就去左台灣讀書
見到近年香港政治環境越來越差 「香港人加油」
決定畢業留起台灣定居工作
同屋企人講左之後又冇反對
但就係話畢業就吃自己，唔會再俾生活費我。(剩低既錢捱到兩個月)
-----------------------------------
7月大學畢業就開始搵工作
本身讀環境工程系，但係就冇興趣向環工相關行業發展
唔想做一般打工仔，想做業務(sales)，地產保險金融汽車之類，可以寄既cv都寄哂
(原來汽車sales係唔得)
-----------------------------------
之後個幾日，一日都十幾個電話打黎
問能否前來面試，但係當我講清楚我係香港人身份
冇台灣身分證之後，全部保險公司都話唔請冇台籍身分既人
包括國泰人壽、南山人壽、富邦人壽，仲有信義房屋都係
(明明不動產營業員同保險營業員，外國人都可以考)
-----------------------------------
而其他所有地產都話歡迎我去，唔介意我係新人咁話
結果我一次過面試左7-8間不動產公司(地產)
其實間間既條件都差無兩幾，前3個月有底薪，第4個月就吃自己
其次主要係睇面試官係咪真係有心教我
最後我選擇左一個店長好有誠意同誠懇既公司
但係店長講要我考到不動產營業員証照(地產牌)先可以翻工
咁我就拿拿臨去報名，第二日就開始上為期四日共30小時既堂
而其他所有公司我就話下個星期再俾答覆佢地(怕有意外，結果真係有)
-----------------------------------
第一日上堂就正正常常，同其他上堂既同學認識，年齡廿幾都60幾都有
但係第二日上堂，一個惡夢既電話打黎
「喂，XX同學你好，我是XX店長」
「店長您好，怎麼了嗎?」
「我昨天有打去勞動部那邊問了，
他們說的確不動產仲介是符合專門性或技術性工作之一，
但是我給的合約卻是不能幫你申請工作証的。」
「什麼意思?為什麼合約不行?」有點驚慌咁問
「因為我給的合約是承攬契約(自僱人士)，並不是一般的勞動合約，
承攬契約是沒辦法幫你申請工作証的，要勞動合約才能申請，
而我知道其他不動產公司都是給承攬契約的，
那不好意思我們公司沒辦法僱用你了。」
「……好，謝謝你拜拜」 晴天霹靂，啞左企係教室出面
-----------------------------------
問題唔係呢間公司唔請我，而係話絕大部份地產公司俾既合約都係承攬契約
承攬契約 -> 冇得申請工作証 -> 冇工作証=非法居留/工作 -> 要返香港
NO~~~~!!!!!!!!!!!! 唔想返香港
我即刻打去勞動部問清楚，而最後得出黎既答覆同店長講既一模一樣
-----------------------------------
收左線之後隨即打去之前未俾答覆既公司
講清楚目前所有情況，想知道其他地產公司提供俾我既是否承攬契約
俾我既答覆係…………要問問上頭，盡快俾答覆我
其實當下心已經有點灰…有D不知所措，因為剩低既錢唔多一定馬上要搵到工作
宜家仲要攪鑊咁既野，成個人好亂好煩唔知點好
-----------------------------------
到第三第四日堂陸續有地產公司打黎話佢地都係俾承攬契約
冇計，咁咪搵其他工做，酒店業又好演藝業又好做返環工又好
首要條件係可以留台，做住先騎牛搵馬
結果兩日連一個電話都冇，唔通連個天都唔鍾意我
結果到考試個日，前一兩日心情咁差邊有心情溫到書
所以提前三四個鐘到考場溫，兩點開始考
讀到中途又有一個電話打黎，又走出教室聽電話
「喂請問是石先生嗎?我這邊是XX房屋的秘書」十分平淡語氣問
「您好我是」打定輸數咁覆佢
「早前我有通知上面，他們給我的回覆是，我們除了承攬契約外
(聽到呢度個心都涼左一半)
也可以給你一般的勞動契約，請問你什麼時候會有空前來面試呢?」
呢一刻我又啞左，未到喜極而泣但係都接近
「喂…?石先生?」
「…好…好..我明天…不是，今天就可以面試」
後續都係約時間面試，收左線之後
原本成個黑面神，生人勿近
聽完電話笑逐顏開，心情都好翻哂咁行返入教室
之後個考試有驚無險咁考過左(60分合格，我64，朋友89)
-----------------------------------
一天都光哂，順利面試兼入職
搵工故事係咁
創立左個專頁
後生仔起台灣做地產佬
https://www.facebook.com/youngjaiinTW/
接住落黎會分享呢邊工作故事
大家多多指教
國泰人壽人身保險考試 在 國泰考證照拿獎學金- 金融板 - Dcard 的推薦與評價
不知道有沒有很多人知道，但我想問真的有人成功報名考到，拿到錢的嗎！想知道是不是真的那麼簡單～ - 國泰,證照,獎學金,考試,保險. ... <看更多>