經歷了一個不一樣四月
四月初開始胃發炎，胃氣脹到壓心口
第二日即睇醫生結果係胃出事
食西藥後只有一刻舒緩仲隔晚失眠
唔知點解內心提醒我要搵中醫，食住中藥瞓得返人都感覺舒服
食兩劑中藥後就去旅行
飛台北前睇多次西醫帶定藥去旅行
點知情況又反反覆覆又唔敢食嘢，怕一食又胃脹
回香港後去中醫度覆診，一見到醫師情緒爆發喊出嚟
又再食中藥情況好了80%
但昨日仍係去睇專科及預約驗幽門螺旋桿菌，再詳細檢查其他器官幸好正常
專科醫生建議驗完後可以考慮照胃鏡
當中過程好辛苦，腸胃原來會影響情緒及有焦慮感，身體同心靈都好軟弱
呢種感覺好恐佈，我失去一切活動興趣，個胃一脹又會焦慮、越焦慮個胃就越脹不停循環
但今日我去中醫做拔罐時，身體同情緒都轉好血壓仲好靚仔
之後仲有體力帶包包入西貢玩
但晌呢段時間我發現感恩的事都不少…
感恩我遇到一個好有愛心同一信仰女醫師，晌我情緒最失控時好懂得安慰我；每一次開藥都令我個病有進展
感恩住隔離座姊妹晚上相約我一齊祈禱
感恩包包佢知我病復活節假期無扭過計要去街，佢生日果幾日係最嚴重的
感恩大少爺包容，我成個"蛋黃哥"咁撻晌度，又乜都做唔到
感恩我晌呢段時間無聲無色咁做到大家喜歡食譜，每一個食譜都係晌我狀態稍為好少少時去做
感恩我表姨提我去睇專科
感恩我班朋友無啦啦咁聽我重複地傾訴
感恩台北同行朋友C生C太幫我揾到化胃氣藥
感恩我經理人包容我成個月都逃避拍片因為我實在無法應付
感恩我枝粉底成個月都被我冷落但無過期
患難也是一場祝福，胃病係要長時間康復但至少內心都穩定下來
嚟緊我仍要小心飲食一段日子，希望朋友體諒我要閉關
✝️羅馬書12：12 在指望中要喜樂，在患難中要忍耐，禱告要恆切🙏🏻
