【飽到上心口的 #涉谷 拉麵小食】
已經係第二次到訪 俺流塩らーめん 將軍澳店，因為第一次晚上大約7點去到，已經排長龍，唯有放棄啦。今日再去，未到6點仍然是要排隊，唯有乖乖地排吓啦，話晒都係特登入來朝聖呢。等了差不多廿分鐘有位，期間店員派上點心紙揀定食物，還好，可以有點勢藝。
兩人點了以下菜式：
#期間限定 #鮮味蛤蜊濃湯拉麵——口味清新，大約有10餘隻蜆，我無認真數，但算足本，個湯好濃，不過覺得膠質好勁（應該係豬骨湯底），食完一碗已經飽到唔可以食其他食物
期間限定 #海鮮野菜餅——炸餅包含啖啖蝦蟹和八爪魚，再有少少蘿蔔絲和野菜，太大件了，唔特別喜歡。
日式胡麻雞肉沙律——勁推介，醬汁好清新，帶柚子味，配少少燒雞口感無咁單調，不過份量又係大得滯，如果可以收平啲，份量少啲，個胃就有空間食其他食物。
辛辣熟成濃湯拉麵——味道不錯，湯底夠濃，不過稍為辣度不夠。
玉子大板燒——有驚喜，上桌時木魚片還郁郁吓，有視覺效果，切開中間是流心蛋，一人一半已經夠。
飲品方面，加十元有不同果味Cider，我點了檸檬梳打，咪就係甜味汽水囉 :P，另外見有烏龍茶，但原來係本地貨色，即刻無興趣了，希望會引入日本原產的茶類啦。
上菜好快，點完菜大約10分鐘已經陸續有，每道菜不會相隔太久，你見我可以拼埋影大合照就知啦。
價錢合理，整體上份量大，友人笑稱係：「味千價，譚仔份量」個人覺得可以分量減少許（當然價錢適量下調），全部大過足稱，令細食的我或貪新鮮的雀仔胃女生，不能一次過試心儀菜式。麵方面，有硬普通和軟三款，揀普通就足夠，因為放上桌相機先食，再食埋炸物，軟硬度剛好。
#oreryushioramenhk #不是食評 #日本 #拉麵 #hkfoodie #hkfood #hkmall #japanesefood #salad #坑口搵食記 #港女飲食誌
