《在人生的160分之1，我用豆瓣醬建立友誼》
去左法羅群島之後，我嘅臉皮好似厚左幾寸咁，幾十寸先啱。點解咁講呢？大家仲記得語言班嘅日本人夫嗎？上次提到佢嘅時候，我話我已經放棄左佢，我指放棄左同佢做朋友。（喺度我要澄清返，日本人夫已經係退休人士，唔係小鮮肉😂）我住左喺法羅群島兩個幾月之後，返到黎香港經歷左我一生人最嚴重的時差🤦🏻♀️我晚晚12點訓落床都去到朝早7點先訓得著，然後又每日訓到晏就5點先起身，我是廢青。
話說前晚我又喺床上面輾轉反側，訓極都訓唔著。然後我突然醒起！我唔記得左同語言班嘅老師講我要返鄉下一個月。於是就即刻send 個email畀佢。喺搵佢email 嘅途中，我見到日本人夫個電郵😎於是又燃起左我認識佢嘅少女心。
👼🏻「不如send 個電郵畀佢🤔👉🏻👈🏻」
😈「會唔會太唐突呀？」
👼🏻「諗個好d嘅開場白」
😈「仲用電郵會唔會太老套呀」
👼🏻「要識朋友就係要咁架啦」
😈「我唔理你啦，你鐘意啦」
經過內心一番掙扎之後，我決定要醫咩勞佢！我就同佢講我返左黎香港，突然諗起佢呢個亞洲人，同佢差唔多處境，為左另一半由大城市搬左佢呢個安靜嘅國家，如果佢需要我喺香港帶d亞洲食品畀會就隨便講，唔使客氣。其實我打嘅都係真心話。我仲好記得佢喺班上面自我介紹時話自己由東京搬左去法羅群島嘅無奈樣。當我click SEND嘅時候，個心撲撲跳。但唔理咁多！send 左先算。
然後繼續訓唔著。個電話突然一震。日本人夫好快就覆左！佢果然係日本人，成封電郵都非常之有禮貌，佢話如果方便可以幫佢買豆瓣醬☺️ 好開心。然後佢話佢已經退左休，但係佢老婆想搬返去法羅群島開旅行社，佢就決定陪佢返黎幫佢老婆圓夢。好sweet呀☺️而我又好厚臉皮咁問佢請唔請人😆等待回覆中。
我性格係抽起條筋想做嘅野就要做。唔係個心就會羅羅攣。就算身邊嘅人阻止我，我都成日一意孤行👉🏻👈🏻記得好多年前去西班牙個番茄節，當時仲未有手機防水袋，我地又想影低番茄大戰嘅經典畫面，於是朋友們就用保鮮紙包實成部電話，包到部電話好似木乃伊咁，而我這個白痴，為了陪番茄活一次，驚包咁多層影相好矇，我只包左三層，仲要喺個鏡頭度吉左個窿🤦🏻♀️一輪大戰之後，我一攞部電話出黎，成個畫面黑晒，然後再也沒有亮過😭😭😭返到香港想攞去整，店員拆開部電話，入面全部都係發霉番茄🍅🤣我知我咁嘅性格好易撞板但係其實又帶左好多機會畀我。因為好多野唔試唔知得唔得。好多大地之友私信我話好想去外國生活，其實諗到想做就去做啦！有人話我唔做野半年（我攞左半年unpaid去法羅群島）好似好浪費時間同青春，有時我都會質疑自己，半年唔做野，好嗎？但係其實呢兩個幾月我體驗左好多唔同嘅野，到老左又多左故事同d孫講😂如果人生有八十歲命，呢半年只係佔人生160分之1，與其一直過住一樣嘅生活，有160分之1嘅生活過得特別d唔好咩？好似而家咁，我衝衝動動咁寄左封電郵畀日本人夫，識多個朋友，可能仲得到個工作機會。（應該係諗多左XD)
記得去過希臘嘅一個小島叫Mykono，當時食飯嘅時候同一個女侍應Anna傾計，佢話佢同佢老公係塞浦路斯人，當時去Mykonos 度蜜月，然後就愛上左個小島，最後決定留喺個島上面生活。佢話當時一時衝動，但係一生活就兩年，仍然好鐘意個小島。去旅行遇到好多人同事都默默咁影響緊我，雖然同Anna只係傾左一陣偈，但係到而家每次我質疑自己咁做啱唔啱嘅時候，唔知點解又會諗起佢。然後個人又會撥開雲霧見青天左😂 唔知點解講到咁遠XD 口水多過浪花。我祝福大地之友心想事成，大家都有Anna嘅勇氣去做自己想做嘅事！記得至少留返160分之1嘅人生去做自己想做嘅事！共勉之💪🏻
---------------------------------------------------
想睇更多法羅群島靚相同我同大地之子仲有魚蛋嘅日常大小事，請follow ig: whereisfaroeislands
https://www.instagram.com/whereisfaroeislands
塞浦路斯人 在 土耳其與希臘爭甚麼?塞浦路斯-丁連財-經濟學人雜誌導讀 的推薦與評價
土耳其與希臘自鄂圖曼土耳其帝國覆滅以來的百年恩怨情仇 塞浦路斯 、洛桑條約之爭#丁連財老師#經濟學人雜誌the Economist 導讀丁老師會先以Mini-Course ... ... <看更多>