【視訊出席🇬🇧英國跨黨派議會小組 聽證會 🐾指證香港警暴問題】
今日晏晝我受到 #英國跨黨派國會香港小組 邀請，出席網上聽證會，報吿香港警察點樣濫用暴力打壓人權。同場仲有下議院議員Alistair Carmichael MP，上議員爵士Lord Alton 同Baroness Bennett。早前三月佢哋宣佈調查香港警暴問題，呼籲各界提供證據，同埋會將調查結果寫成報吿，交畀英國政府。
我代表高教公民和民間外交網絡，就香港警察近一年來嘅野蠻行為提出咗詳細報吿，向英國國會議員説明黑警點樣虐待、性侵犯不計其數嘅示威者、記者同埋人權觀察者。
期間英國綠黨前主席班奈特女男爵（Baroness Bennett）問到，香港警察有冇用到強姦同性侵犯作「#戰爭武器」。我就解釋香港警察可以「#無後顧之憂」咁為所欲為，濫權行為並無受到法律追究。
同時，我借機會分享咗我五月十號「血腥母親節」喺尖沙咀海港城親身目擊嘅警暴事件。當時有位十三歲學生記者現場報導嘅時候，被警察粗暴對待，甚至出言恐嚇拘捕佢屋企人。公民記者對於保存真相非常重要，但香港警察不斷刻意咁打壓佢哋，甚至令兒童嘅精神都受到極大創傷。
在席與會者聽罷都深感震驚，紛紛表示會盡力幫助香港人對抗警暴。我亦敦促咗英國政府採取行動回應，包括繼續停止出口裝備畀黑警、終止英國警察學院（College of Policing）提供畀香港警察嘅訓練以及調查涉嫌濫暴、打壓人權嘅英國藉警司陶輝(Rupert Dover）、莊定賢(David Jordan）同薛鎮廷（Justin Shave）。
英國唔少國會議員都好支持香港，我哋要繼續向國際社會陳述香港警暴問題，提供證據，#增加外國制裁黑警同賣港官員嘅籌碼。
香港人要繼續將警暴問題帶上國際。
——————————————
自由之戰 香港牽線
📺instagram｜https://instagram.com/sunny.CKY
🐦twitter｜https://twitter.com/sunnycheungky
增加外國制裁黑警同賣港官員嘅籌碼 在 黃之鋒Joshua Wong - 我哋要繼續向國際社會陳述香港警暴問題 的推薦與評價
英國唔少國會議員都好支持香港，我哋要繼續向國 際社會陳述香港警暴問題，提供證據，#增加外國 制裁黑警同賣港官員嘅籌碼。 香港人要繼續將警暴問題帶上國際。 ... <看更多>