🌈米媽既運動日記分享🌈
記住，唔係教學，唔係教學，唔係教學。
只係日常運動紀錄分享。
🏋🏻♀🏃🏻♀米媽3分鐘無剪接既連續4個動作。😊
開高清睇啦，天氣咁好😂
想唔想米媽繼續分享運動片？
👉🏻👉🏻👉🏻大家請留言，轉發分享，按讚~
👩🏿俾d鼓勵米媽，你知道你地有咩要求，米媽都會盡量回應你地。😽💕
🏃🏻♀👉🏻所以，琴日真係將米媽平時做開既4個運動動作拍左片，配埋動作字幕同大家分享。
係咪要留言俾下支持同意見先=))
🉐🉐🉐後記：米媽俾教練睇左，教練：
Burpee ok,可以好啲，下次教你
Crunch 我無教過你轉手喎，轉手要轉埋腰，下堂教。
Commando ok (終於有樣ok 😂😂)
Squat no ok,落太低，肚core無hold實，腰無成直線😂😂
所以，米媽呢條片唔係教學片～～分享黎咋～～
🔥米媽係鄉下每朝都會運動，琴日朝早做完運動，先興起不如拍條片分享下米媽經常做既4個動作。咁大家就可以有個印象，點樣做。一開始，就算到而家，每次做有時都會要停落黎抖抖再開始，你見米媽係片度都停左好幾次，真係唔叻，但我會堅持完成埋佢。
👉🏻👉🏻❗️❗️❗️🔥不過，講明先，米媽係完全無資格教人，亦唔專業。因為知道好多朋友仔都想米媽拍低平時做咩運動，所以米媽都只係膽粗粗將自己做既既日常運動俾大家參考。
🔥亦係第一次影低運動既片。煮野食真係live都無問題，運動片真係好擔心會俾大家話有咩資格同大家分享，又唔係fit過人，又唔係正確。不過，為左你地，想大家都開始踏出第一步，米媽唔理咁多喇~~希望大家唔好攻擊米媽呀。
🉐🉐🔥呢4個動作，大家睇完片，最好就去youtude到搵教學，自己開始時琅檢視下姿勢點先叫正確，而唔係只做動作既形，但唔正確。同埋搵教練去指導正確既姿勢同動作。
🔥好喇，米媽揀左呢4個動作，都係有原因，有難有易，最難係第3，第4個，不過，都可以做到的。
🅾剛開始運動時，量力而為，4個動作為之一組，每次做3-4組。
🅾每組動作按自己能力而定下次數，記住，剛開始運動，動作既正確性好重要，因為動作正確，先唔會整傷，而且鍛鍊到該練到既肌肉。
例如，一開始，先set 每個動作10下。 每一組之間，飲啖水抖順條氣。
🅾記住，要休息時就要休息抖順條氣再繼續。 我地唔係要鬥快，我地要鬥堅持，堅持完成成組動作佢。
🅾其實，有時每一組既動作，米媽唔一定每個動作都一樣下數，例如平板手撐起放低再撐起(commando) ，呢個動作好難，米媽剛開始時，只做到左右各3下，所以按程度。 呢個動作米媽會set 每邊5下咁大把。 如果有能力，就第2組時加下數，做10下。 明嗎?
🅾想增加難度，亦都可以將下數遞增。 例如，第1組每個動作10下，第2組，15下，第3組20下，第4組，無力喇，就繼續20下。haha。
🅾另一方面，米媽基本set左呢4個動作，但唔一定要做曬4個動作，你可以按需要，按情況而選擇。例如，今日無時間，或者有空想做多組，所以，你可以只揀其中兩個黎做成組合，做夠4組-6組佢。
🅾米媽有時夜晚都會加碼，睇住電視，揀burpee，同sit up黎做4-6組。或者，有些動作，你可以自由轉換加減，例如唔做commando，咁可以換左做JUMPING JACK，或其他你想做的。其實，非常彈性。
好喇，米媽揀左呢4個動作，你地可以試下跟黎做
🔥🔥🔥🔥🔥🔥🔥🔥🔥🔥🌈🌈🌈🔥🔥🔥
✅✅✅✅🔥🔥🔥🔥
每個動作既次數作為參考，你地可以自己set，做4rounds，每round用大約4分鐘，total16分鐘。
1. Burpee—10下
2. Crunch-10下
3. Commando ( plank up and down)-左右手各5下。
4. Squat-10下
🔥🔥你地可以重覆以上1-4，做4rounds，想要都可以加下數，或只加某個動作既下數，令難度增加。
😊🔥🔥😊🔥🔥🔥🔥🔥🔥🔥🔥🔥🔥🔥🔥
🏃🏻♀🏃🏻♀最後，講下每個動作，米媽最中意做呢4個動作
💕💕第1個動作，Burpee，全身運動黎...所以冇咩事都做下，簡單一個動作，但成效好高呀~
💕💕第2個動作，當然係減肚，可以sit up咁做，或者好似米媽咁，起時左右轉腰。
💕💕第3個動作，米媽覺得最難最辛苦，但又係最愛既動作之一，因為佢可以firm肚，同減手，真係又愛又恨，辛苦都要咬牙做左佢。 不過做呢個動作大家最好做岩個plank既動作先，之後雙手左右撐起，各做5下。 呢個動作大家可以搵多d教學黎學。米媽始終唔係專業。
💕💕第4個動作，squat,深蹲，又係必須要做既動作之一，練脾練pat pat。唔好快，要慢慢做岩。為求快同次數，實際做唔岩，就浪費心機。每下都要感受到用力。
好喇，米媽既運動小點滴分享，連片都影埋剪埋，同你地一地努力。
記得俾d鼓勵米媽
Who in?🔥😊😊🙋🏻♀
#米媽正能量
#米媽得你地都得
#只要你肯你就可以比前一刻更健康
#花你唔到16分鐘
超多相同片係instagram: Sici Chong
今朝係instagram story 仲直播左米媽今朝做既運動示範。仲有米米亂入say hi 😂(留言有圖）
