【#民間外交】話說最近個聯署行動，有人發現左Network DIPLO - 民間外交網絡呢個組織，走嚟問我「Brian你又搞乜鬼？你到底有幾多個組織？」即係咁，民間外交網絡其實喺2017已經成立，定位係公民外交智庫，對象係自由世界國家（領事館、外國政府和議會、外媒、外國智庫等等），全部活動、出版和社交媒體都係用英文，我又無刻意喺本地做宣傳，所以本地冇人識係好正常嘅（個Facebook LIKE數都唔夠二千）。
我嘅理念係，民間外交要有「政治動員」（political organizing）路線，例如組織僑民、發動集會、政治遊說；亦要有「政策智庫」（policy think-tank）路線，例如發表報告、出版通訊、辦簡報會。以台灣人嘅經驗嚟比照，台灣人公共事務會走「政治動員」路線，Global Taiwan Institute則走「政策智庫」路線。民間外交網絡基本上係參考後者，走公民外交智庫路線。
我哋現時嘅義工團隊近10人，有研究員做下研究、亦有英美手足做在地聯繫，主要係定期搞下簡報會、每月出版電子通訊、我耐唔耐周圍飛下咁樣樣。學者搞嘅嘢就梗係悶㗎嘞，唔怕悶就LIKE晒我哋嘅社交媒體啦。
🌐 wemaker.hk/diplo
👍 facebook.com/networkdiplohk
🐦 twitter.com/networkdiplohk
📷 instagram.com/networkdiplohk
📖 issuu.com/hongkongbrief
🔽🔽🔽🔽🔽🔽🔽🔽🔽🔽
🍎《香港蘋果日報》專訪：https://bit.ly/2UD6W8z
【人權法案】學者創智庫深耕民間外交 「中立自治打國際戰線」
武漢肺炎全球大爆發，香港反修例街頭運動也暫時緩和；如何維持內部運動動能，令國際社會不退場是重要課題。有份創立民間外交智庫的政治學者方志恒認為，香港在地運動進入深耕細作鞏固期，民間外交也要深化，「唔能夠再靠一下熱情爆發支撐國際線」，並形容香港人的自治是在不同強權間遊走下的相對自主性，「香港最好出路係維持地緣政治中立自治體」，冀把握中美新冷戰格局作香港主體建構論述，讓本地以至國際社會都不只視香港運動為中港民主運動，而是地緣政治下的經濟、戰略利益平衡。
反修例運動讓國際社會重新關注香港自治程度。3年前成立「民間外交網絡」的方志恒每半年便會向各國領事作簡報，介紹香港狀況及國際政策分析，他指最初每次只有十多個國家領事參與，至去年運動爆發後急增至20、30人，惟各國包括美國基於以往對華採取「接觸政策（engagement policy）」，「對香港問題比較低調，亦都唔會太多關注或者介入，以免北京有反彈」，直言不少外國官員都對特區政府充滿「幻想」，香港人耳熟能詳的港府赤化故事是他國難以理解的事，「例如好多時佢哋私底下嘅談論都話『咦，呢個政府都仲係公務員執政，點解似乎佢哋而家冇主權移交初期咁中立呢？』」
疫情爆發前，民間自發多次舉辦集會及網上行動，冀向外國展示香港民意，「美軍來了我帶路」、「Twitter要人」呼聲於運動期間屢見不鮮，方認為目前民間外交做法「好回應性」，難以持續，認為游說過程須組織及專職化，包括建立以香港為主體的論述，「分析畀佢聽個地緣政治形勢，中美關係角力情況、複雜政治形勢下，到底美國可以點樣支持香港」。而面對北京亦派出代理人進行游說，方強調更顯研究的重要性：「要研究對方論述弱點喺邊，然後攻破佢佢。」
香港出路是維持地緣政治中立性
對於外界認知國際線目的是建立全球制中網，方認為香港永遠無法擺脫任何強權的影響力，形容香港如同一間店舖，「打開門做生意，應該歡迎世界各地嘅人入嚟幫襯，對所有地方客人一視同仁、同一收費標準，唔會傾斜某一類客人」。
他對香港自治的想像不局限於某一政體，指中國需要香港集資，西方世界需要香港與中國接觸、作為中西方緩衝區，「香港無論未來政治發展係點都好，會唔會有民主、係唔係真正自治政體都好，其實要維持一種地緣政治中立性」，強調反修例運動不獨是中港問題，不獨是一場反中民主運動，希望港人從地緣政治角度思考，「我哋要認識地緣政治嘅複雜性，然後香港人有個主體性，從香港嘅角度出發，點樣喺唔同嘅強權之間遊走，去搵最大嘅空間」。
面對國際格局時刻變動，方志恒稱深化民間外交工作除了建構論述，透過研究增強說服力，游說前亦應做好功課，研習各國政治，「空槍上陣去做游說其實係好危險，因為你隨時講錯嘢」，他亦建議港人加入不同組織進行相關研究或參與系統化、組織化游說，有錢出錢，有力出力。
#民間外交網絡 #國際戰線 #國際線手足
------------------------------
Follow me in social media
------------------------------
1. Facebook: facebook.com/brianfonghk
2. Twitter: twitter.com/brianfonghk
3. Telegram: t.me/brianfonghk
4. Medium: medium.com/@brianfonghk
5. Instagram: instagram.com/brianfonghk
增強說服力英文 在 說服力英文在PTT/Dcard完整相關資訊 - 你不知道的歷史故事 的推薦與評價
提供說服力英文相關PTT/Dcard文章，想要了解更多說服力注音、說服力技巧、說服力意思有關歷史與軍事文章或書籍，歡迎來你不知道的歷史故事提供您完整相關訊息. ... <看更多>