不如又聽下故仔, 都係道聽途說嘅廢話, 唔需要太認真對待.
話說'Olu Mel, CookieAnn 同LinaBell 三位Duffy 嘅新朋友, 幾乎差唔多同時間準備踏上佢哋嘅星途, Disney 為三個Resorts 加入獨有嘅角色, 同時亦為Duffy 呢個系列繼續擴展加入更豐富嘅故事, 從而製作出更多受歡迎嘅商品.
之前亦講過Duffy and friends 嘅造型設計係出自Character Designer Ethan Reed 嘅手筆, 當中亦包括LinaBell. 呢幾日Ethan 嘅Instagram 都展示出佢一班朋友發出嘅恭賀說話, 因為LinaBell 呢位新角色嘅資訊終於公佈.
而Ethan Reed 離開咗The Walt Disney Company 嘅崗位都差唔多一年.
'Olu Mel 同CookieAnn 先後喺Disney Aulani Resort 同香港迪士尼出現, 但基於種種原因, 上海迪士尼嘅獨有Duffy 朋友角色遲遲未有公佈. 不過LinaBell 嘅造型設計其實幾年前已經出現.
據知本來LinaBell 嘅原型係取材自小熊貓, 即大家入海洋公園都會見到嘅一種似狸貓或浣熊, 但毛色係啡紅色嘅長尾哺乳動物. 原意係因為呢種小熊貓原生地係亞洲中華地區. 其實依家大家喺LinaBell 嘅外觀上亦可以見到小熊貓嘅特徵.
但係官方最終決定將LinaBell 再修訂並定為一隻狐狸. 又唔係一件壞事嚟, 因為假如LinaBell 係代表緊中國嘅小熊貓, 而'Olu Mel 係代表緊夏威夷群島嘅海龜, 即呢三位Duffy 新朋友係代表緊佢嘅「出生地」, 咁CookieAnn 呢隻黃色 (黃皮膚) 小狗就係代表緊香港... (!?!)
狐狸又好小熊貓又好, 故事歸故事, 官方最終公佈係乜就係乜, 最緊要係多人鍾意.
夏威夷群島 在 麻瓜的語言學- 夏威夷群島中有個島叫做Ni'ihau,... | Facebook 的推薦與評價
夏威夷群島 中有個島叫做Ni'ihau, 島上約住著一百多人。島上的人維持著相對傳統的生活方式，也是夏威夷群島當中唯一一個夏威夷語為主要語言的島。 ... <看更多>