【 深夜懷舊 】
周慧敏、王馨平、湯寶如齊腳都唔唱《美少女戰士》？http://bit.ly/2eMnZkD
明早出發去旅行，凌晨三點一邊執行李，一邊睇《一九八九年度十大勁歌金曲頒獎典禮》。
當年喺香港演藝學院舉行，陳家揚監製，鄭丹瑞、盧敏儀主持，「十大勁歌金曲」顧名思義，就係只得十首歌，唔會話有三首同分，結果頒出十二首歌，每位得獎歌手都可以唱晒全首，仲要有Pops襯托，例如張學友唱《夕陽醉了》會有古羅馬石柱，仲有向80年代歌手致敬環節，同埋周慧敏拎獎去紅館頌畀張國榮，當年係佢最後一次領獎，陳慧嫻、梅豔芳分別以《千千闕歌》（見圖）同埋《夕陽之歌》奪獎，絕對係粒粒皆星，好好睇。
最驚喜部份 —— 頒發最受歡迎新人獎，得主係關淑怡、王傑，但同樣候選嘅仲有王靖雯林楚麒蘇永康譚耀文Echo鄭瑞芬，競爭激烈到一個點，林楚麒一開聲唱《這就是愛》完全係巨肺Mode，如果佢真係肯出席《流行經典50年》唱歌，好多後生仔女一定會好Impressed。
整晚頒發獎項好少，唱歌表演時間好多，無綫用實際行動話畀大家知，廿幾年前嘅香港樂壇係好多元化，就算係TVB，都係充滿Decency，無錯，係Decency，無論主持談吐，舞台調度，燈光設計，節目流程同節奏，統統都係尊重音樂製作，而唔係講求效果追求話題和高收視嘅Variety Show。
因為，既然係一場Show，就會有好多巧立名目，為頒而頒嘅垃圾獎項，凌駕本意，盡忘初衷，呢一個轉變，去到90年代四大天王雄霸樂壇開始有好明顯嘅轉變，最受歡迎男女歌星唔夠，整多個亞太區最受歡迎男女歌星，頒男女歌星又要搞一場大龍鳳，而唔係企定定頒獎，呢種轉變，就係崩壞嘅開始。
揀MC都有問題，由最初係阿旦，變成用曾志偉做擔大旗，我好理解，因為後者好識得搞氣氛，但頒獎禮唔係主持《獎門人》，亦係《勁歌總選》變得低俗平庸之始，當年呢個轉變，同𠵱家傳媒搞網只看重PV，為咗佢扭盡六壬無所不用其極同出一轍，當全行都追求呢啲有害又無謂嘅潛規則，就會趕走很多很多有心人，香港樂壇衰敗，無綫嘅罪，罄竹難書。
（02092017）
#游大東 #即時電視筆記 #勁歌金曲 ＃電視史話 Music Picks 3c Music 斐宇梧的中文唱片架 昔日香港 See See TVB #TVB ＃鄭丹瑞
夕陽之歌 中文 在 風中的承諾『夕陽之歌~ 國語版』 李翊君- YouTube 的推薦與評價
風中的承諾『 夕陽之歌 ~ 國語版』 李翊君 ... 2023新歌& 排行榜歌曲- 中文 歌曲排行榜2023 | 别怕我伤心, 可可托海的牧羊人, 不过人间, 酒醉的蝴蝶, ... ... <看更多>