是日(7月13) 柯豬媽一湊二，帶兩姐妹搭嗚巴千山萬水咁嚟到亞洲國際博覽館，參與一年一度的｢#探索大自然遊學團x動物農莊2019｣，係我地第一次參與這個活動呀！
關於場內有咩玩，我諗大家喺其他媽媽Bloggers的專頁都有見到詳細介紹，我都唔再重覆講咁多，不如我主要講下活動後的感想。
「感想之一」
說實話，大會選址地點頗隔涉，唔係架架機場巴士會經亞洲國際博覽館，但遙遠都有一個好處 － 入場人數唔似得鬧市/會展攪嘅活動咁多，加上亞博展廳十分寬闊，推住BB車依然行得好爽，暢通無阻~!
「感想之二」
場內的遊戲類別主要3種：
1. 吹氣彈床 (不同形狀、大小、有的純粹俾小朋友彈跳、有的可以用毛公仔投籃、或者有不同高度俾小朋友攀爬) 現場有 over 10個吹氣彈床，能有效分散人群，基本上每個 game 都唔駛點排隊，或者只是需時等8~10分鐘就能夠入去，turnover很快。
要注意，幾乎全部吹氣設施都設有年齡要求，3歲以上先適合玩，如果你嘅小朋友唔到3歲，能夠玩嘅吹氣設施選擇不多。
2. 工作坊
我只是參加咗用輕黏土做豬仔錢罌的工作坊，過程大約需時15~20分鐘，難度不高，家長可以陪同一齊做手工，如果你嘅小朋友是2歲以上已經可以玩到。柯豬媽見到仲有砌火箭、砌車仔的工作坊，但我無參加。
請記住，無論是哪個工作坊都必需事先拎籌，而非就咁排隊等夠鐘入去玩的。每個工作坊都有時間表，列明活動場次和開始時間，所以爸媽要留意派籌的時間。
(e. g. 柯豬媽12點40分取的是14點40分場次的籌，拎咗籌就可以放心去玩遊戲，再準時番嚟玩工作坊~! )
3. 動物接觸
場內的動物有馬仔、山羊、陸龜、蜥蝪、蛇等等。柯豬和些莉妹主要睇咗羊仔和爬蟲類。羊仔嗰度可以排隊拎一細札草用來餵羊仔。不過爸媽要小心一件事，草的莖部有機會有些很微少的尖刺，柯豬媽自己無為意結果手指拮親 😂 所以要多加小心呀！！
「感想之三」
如果你入場之後先發覺自己帶漏出門三寶－零食 (鎮壓小朋友發脾氣的好幫手 😂)、消毒噴噴 (唔清潔下小朋友對手就唔安樂 😂) 、正餐 (可能媽媽怕小朋友食味精嘢所以想自己煮定)，爸爸媽媽唔駛太過擔心，因為場內係有售賣攤檔可以俾你做補給的！
柯豬媽比較鐘意Bruno Choice的 yogurt cubes，內含鮮果和益生菌，仲有 #Wel_B 的水果脆片、米餅，就算是食零食都可以食得健康啲！
想清潔雙手嘅話，爸媽除了可以去 #白因子 的booth選購消毒產品，你亦可以多加利用場內的洗手站，有滴露的洗手泡泡俾大人和小朋友洗乾淨手仔，無論是玩完遊戲或是接觸過小動物，柯豬媽都時不時帶兩姐妹去洗下手，保持整潔~!
正餐方面，柯豬媽無煮定嘢食帶入場，我揀咗調味清淡的華御結的三角式飯糰俾柯豬兩姐妹醫肚，一人一個，快靚正！
#多謝BrunoChoice帶我地嚟玩
#12點半玩到4點半先走 #兩姐妹都放晒電 #阿媽都散晒無晒力
#玩到攰可以去BrunoChoice的攤位坐底拎張圖畫紙油顏色 #參加填色比賽的小朋友有機會得到有機意粉或者乳酪粒粒
#下次見就係8月2至5日荷花BB展攤位號碼1D05啦
Bruno Choice
滴露香港 Dettol Hong Kong
