今日個食譜有啲長，應該係話非常長至啱！😆
話說，尋晚睇咗東張西望介紹餃子，搞到我突然之間真係好想食餃子！所以我今日整咗個粉葛鯪魚湯，來吃餃子！😁
湯底：
粉葛 一個 去皮切塊
鯪魚 一條
豬𦟌 一塊 先汆水洗淨
扁豆 半杯
赤小豆 半杯
蜜棗 三粒
果皮 一片
薑 兩片
先下油及薑片，煎香鯪魚兩面至金黃色；先下約1L大滾水，以大火滾10-15分鐘至奶白色；再下1.5L大滾水，然後加入所有材料，以細火煲兩個半小時。
今日我整咗兩款餃子，分別係韭菜豬肉同白菜豬肉
餃子材料：
免治豬肉 一斤（我買上肉，請肉檔挑選比較肥一點的，再絞碎）
以豉油2.5湯匙、糖2茶匙、米酒1湯匙、麻油半湯匙、大地魚粉1茶匙、胡椒粉少許、生粉兩茶匙，醃一小時
韭菜豬肉餡
韭菜一大紮，洗淨切碎，下兩茶匙鹽，拌勻；放入布袋，用手擰至七至八成乾
混合一半肉碎的份量，加一隻雞蛋拌勻
白菜豬肉餡
大白菜一斤，洗淨，放入大滾水稍為灼熟，取出後切碎；放入布袋用手擰至七至八成乾
同樣混合一半肉碎的份量，加一隻雞蛋拌勻
餃子皮：
街市買圓形餃子皮，一斤大概有80塊
包呢兩個份量嘅肉餡啱啱好
不過今日有少少失手，凸咗少少餡，所以另外用麵粉加水，搓多幾塊餃子皮
如果自己用手搓，大概100g中筋粉，加60-80g室溫水（我無量重量嘅，將水逐少加入，搓至不黏手嘅狀態就可以）包上保鮮紙，放置大概15分鐘；搓成一條，再搣成一粒粒，最後用麵粉棍擀平，就可以包啦！
湯餃同煎餃，我會分別用兩款唔同嘅包法；煎餃就會摺成半圓形，以蛋白封口，放平底鑊下少許油，先煎3分鐘至底部呈金黃色，然後反轉再加少少水，冚蓋再煎3分鐘就可以了！
湯餃就會對摺半圓形後，將左右兩端黐埋（也是用蛋白）包成頭巾形狀，冇咁易散。煲一煲大滾水，下餃子，水再滾後加入一杯凍水，待水翻滾後再加入一杯凍水，大概加三次凍水就熟啦！取出之後，放入一碗凍滾水之中，待食的時候，再加入湯中。
#難極有個譜系列 #媽媽味系列
大地魚湯食譜 在 秀英海味雜貨- 一口難忘-- 大地魚 天然提鮮靈魂 已附 ... 的推薦與評價
一口難忘-- 大地魚 ✨天然提鮮靈魂✨ 已附惹味鮮濃湯底/ 食譜分享 ✨日本人就鐘意用木魚（鏗魚）黎調味Y，咁我地呢？咪就係「惹味大地魚」！ ... <看更多>