[天花亂墜DSE]DSE嘅嘢,還是要考好。因為大學還是要讀。Maximize your options
TLDR:唔好玩skim reading,睇晒佢。當然你貪心當睇四仔嘅,睇第21段啦
1. 舊年放榜,都有寫DSE文。昨晚手痕走去睇返,大鑊。唔係汗顏寫得差,而係自己覺寫得幾好。咁可能係我已經退步中,但自問未必寫得好過之前兩篇(https://fbook.cc/3Wpb)(https://fbook.cc/3Wpc)
2. 繼續,都係寫畀啲考得唔好嘅人。考得好嘅,你本人或貴子弟應該唔會pathetic到要睇我嘅文。雖然呢,我又一盤冷水照頭淋,「其實今時今日要考DSE嗰啲,都等於開波已經輸咗一球先」。點解?我書中有講,我將社經地位分為九等,草根中產富有,我屋企當年應該係下級中產,而家應該係中級。而考得DSE嘅,照計都係中級中產或以下嘅小朋友。咁不幸地,你老豆唔係李嘉誠呢,你就搞唔到Viu TV食唔到郭家文的
3. 有啲人話起跑線好難聽,咁就係你的問題嘛,現今世界一大問題就係啲人只會圍爐聽啲自己感覺良好嘅嘢,你可以繼續飛機話「窮唔代表冇得發圍」「幾百億身家唔代表乜」「食郭家文唔代表乜」「一開波輸一球唔代表乜」,你開心就好。但現實係你一開波整個「全餐」嘅,賠率即時轉,市場好有效率,唔會理你咩「食全餐唔代乜」。記唔記得我係讀精算嘅?我地講概率,population,咁你可以話日日食一包煙都好長命嘅。我城嘅問題就係好多人鍾意將特例變為通例仲去論證。然後個個高估自己。
4. 講返,呢個唔係要「睇唔起」「歧視」,我只係指出個事實。你當我好似啲冷面軍醫或教練咁,睇個小朋友嘅質地,唔似會成功 —但的確唔代表不可能,更不代表你要自怨自艾—反正都發生咗啦
5. 甚至好多人都知道,劣勢反勝仲開心,更加有排飛機。正如我一個仙都冇撚拎我屋企,亦都唔謀住佢副家產,「白手興家」,就有型過老母出首期嘅人啦。雖然有得揀,我都希望我老豆係李嘉誠,冇乜人為咗想激發鬥至,而自己踢個波入龍門先
6. 講返,既然考得DSE嘅,一般屋企都唔富貴,咁你考得差,係更加大鑊的。有錢人可以afford讀書唔掂,嘻咪去追夢焗蛋糕整公仔自己做設計師,甚至簡單啲嘅,咪話老豆留返三個太古城單位畀你,一個住一個收租一個炒,然後你大可以上網日日指點江山,幾好的。
7. 但唔富貴嘅人(例如我當年),考得差嘅,係更大鑊的。因為作為一個唔富貴嘅人,讀好書入大學呢個,都係還可以嘅脫貧方法。雖然似乎個效力越嚟越低。
8. 考得唔好嘅,正路你都係應該下年嚟過,雖然舊文都講過,最緊要檢討,可能你柒,可能你懶,可能你廢。三樣唔同嘅嘢,雖然有一定正相關性。
9. 講咗咁多,其中兩個好大嘅關鍵:第一,而家係1.4個人爭一個大學學位(聽講),第二,大學學費廿年年冇加過價,大家樂人工都升咗唔少啦下話?所以讀大學係易咗,亦都平咗。(不過而家四年,好一個惡政)
10. 相反去睇,你讀唔到(應該唔會有乜人讀到而唔去讀架?),問題就更大。大學嘅嘢,似乎讀咗都冇乜用,最低消費入場券咋,但唔讀就好擇洗—所以都係讀左幾有用。
11. 讀大學嘅原因,好簡單,錢。就係人工高啲,學位都冇個,你係幾難撈的。況且唔一定我要去做律師醫生或乜,但至少可以Maximize your options,好似龍應台同個仔都講類似嘅嘢,亦係我人生嘅核心價值。你揀人當然好過人揀你,你大可以拎個First Hon去做消防員或者開巴士,但呢個係你嘅選擇。掉轉頭,冇個學位嘅,好多嘢你根本冇得揀。
12. 而更重要嘅係,講真,我認為好多人,特別係男仔(包括我),三十歲前都係一舊飯,唔知自己想點。咁你十幾歲嘅小朋友,嗰啲「追夢」,得罪講句,有幾大含金量?你冇接觸過社會,冇接觸過個行業,冇接觸過啲社會上嘅仆街(例如我),太早覺得自己應該點點點,未必係好事。
13. 再次強調,雖然我好憎講,但都係要利申返,本人是一個學霸,夠晒maximize option.我要講呢樣嘢,係不停提防自己跌入嗰種「吳彥祖教你溝女」「美斯教你踢波」嘅「其實唔難」。記住人地唔係專登喎,但吳彥祖真係覺得,喂我開口約啲女就得架啦,美斯真係發現,喂我一推就過架啦,「其實唔難」。
14. 不過,入大學嘅嘢,真係,「其實唔難」。
15. 我教過成績唔好嘅學生,repeaters.當然事實我似乎應該教精英班(同事話阿媽係女人喎),當年成績冇咁好嘅學生,同我亦冇咁親近。但至少,我知道,教班霸同教護級係唔同玩法,你想拎A嘅玩法同拎pass又唔同。
16. 咁都係嗰句,在top level,我唔信咩「努力就成功」「人人可以成材」,人人可以做美斯美斯就唔係美斯啦,根本陳美詩繆美詩紐奴高美你都做唔到(冇錯,樓奴都做唔到)。
17. 但,我地係講拎個大學入學資格喎,照計呢啲位呢,係努力或正確態度幫到你好多的。因為同投資一樣(我本書都有講),高水平嘅競技當然係天才對決,但低水平嘅競技,一般都係Loser’s game,啲人個個自殺,開波出界,好多啲分係對手失,唔係你拎返嚟。所以你正正常常打好基本功,已經可以贏晒啲落場自爆嘅人。
18. 讀大學嘅好處,都係嗰句,人工高啲,同埋地位高啲。我知一街都大學生,事實。但正係因為咁,你「唔係大學生」,就更加顯眼。當然你又可以用特例駁我,我知,邊個邊個都冇讀完大學嘛,你咪去學下。我就講整體啫。BTW,你講呀朱生蓋生嗰啲,聽聞人地屋企點都係上級中產甚至低級富豪,人地係入到哈佛然後中途唔讀,就真係唔撚同你「連XX大學都唔收」。
19. 另一樣嘢,我諗都係識嘅人唔同,雖然而家又好似冇咁明顯。大學就中學化,成個社會都扁平化,太多有學位嘅七碌。我亦係好冷酷咁話你知,好多柒頭換咗廿年前點會有大學讀?呢個亦係好多咩「大學生收入」統計嘅虛妄,三十年前中位數大學生可能係最勁3%嘅學生(冇實數,舉例),而家中位數大學生係15%嘅,如何比較?
20. 至於咩「獨立思考」「critical thinking」之類就算鳩數啦,你要靠大學先有,你都肯定係冇的。你由一街都仲要講「邊個邊個冇讀大學都搵到錢」「行行出狀元唔係讀醫嘅都可以好高人工」,知你啲網友有幾「獨立思考」「critical thinking」
21. 仲有,「讀唔到大學」,帶嚟嘅打擊,都真係唔細。首先十分現實,大家都知come on James,條女入到大學而你入唔到嘅,基本上你一定被飛或者戴帽,我晚晚同你賭都得。我話知你識轉彎定靚仔過阮民安,there are many guys like you all over the world,條女入咗大學,面對一大堆禽獸組爸之類(我冇做過,我可以掟石),真係同拍AV人間廢業差不多的。正面啲講,條女眼界都唔同咗,再唔係以前大西北嗰個食爭鮮都好感動畀你中出嘅小妹妹啦。同樣地,啲女由大學到出嚟做嘢,又係另一個重災區,原因同上。掉轉呢?條仔入到大學條女入唔到呢?「就反而冇乜所謂」「你條仔唔會飛咗你的」「因為啲仔唔介意條女唔識嘢,最好乜都唔識」「條仔搵到錢唔止食爭鮮可以食名將,你更加獎勵佢添」「況且好多人鍾意玩校服」「咁我知啲人入到大學都係玩返中學件校服」「但就係唔同嘛,你條女柒個金毛笠件Hall Tee在底仲扮學生妹咩」「咁都得嘅你去油麻地一樣有校服玩添」「正如啲人約空姐都要睇證件嘛,唔只係要件制服咯」
22. 呢段完全過火,但真係示範,你再叻都好,你入唔到大學呢,都係要面對一定壓力。咁當然千金難買少年窮,都係經歷,你捱得過嘅之後仲強大 — 但有啲人就捱唔過自此自暴自棄一世嘛。都係嗰句,有得揀嘅,我唔會揀一開波輸兩球先然後激發鬥志咯,梗係開波對手趕一件出場再輸全餐,然後再自爆輸多球,我拎住兩球在手練波咁踢試下新人試下戰術,玩到你完場最開心。
23. 你見我呢篇文,係唔得assertive,充滿猶豫。因為個世界真係唔同咗,我唔sure嘅嘢我就寫唔sure.十年前我可以好肯定咁話你知,梗係讀大學搵份好工啦。但世界一路變。呢刻我都仲相信讀大學係個好選擇,因為人工高啲,識嘅人正常啲。但呢個溢價係一路縮緊嘅,扁平化嘛。你學好多嘢亦唔使經大學。
24. 況且,新書都有寫,傳統嗰種爬corporate ladder嘅玩法,越嚟越難玩。特別係香港。特別係你係一個考DSE嘅非富貴家庭。我就係有咁嘅自覺,我當年係行呢條路,雖然唔係完全一帆風順,但大致條路都係 讀好書入間好大學搵份牛工 入商業機構 升職上位加人工 儲錢投資 再搞其他嘢。但唔等於你而家你照行都會OK。我大學畢業係2000年喎大佬
25. 呢篇的確寫得唔係幾好,不過大家應get到我嘅意思。有啲人話我寫文冇重點,我嘅重點就係冇重點,sorry我係唔興好似伊索寓言咁話你知有乜教訓。嗰啲文我都識寫,打工成日寫,Tell the audience what you're going to say, say it; then tell them what you've said嘛。但在某天我已拒絶再玩。See?呢啲就係maximize your option,我知道點玩,但唔跟佢。同你完全唔識係兩回事。
26. 我新書有講,你睇好多戲都可以谷阿莫三分鐘講完,但你唔係浸住兩個鐘,就唔係嗰回事的。正如好多書都可以幾句講完,但就係你要睇晒先浸到嗰種味。唔係你楊丞琳大閘蟹咁濕一濕水就得。
27. 而即係,留到最尾先講,屌你老母睇三千幾字都冇耐性,就咪撚讀大學浪費社會資源啦。我講真的,我啲讀者好多都兩三日睇完我本7萬字大作,完全唔難入口。咁你睇幾千字都搞唔掂嘅,你同我講咩創意咩知識型社會?即係你係日日在whatsapp send voice message嗰啲撚樣啦下話?
28. 下篇實用啲,教你揀乜科。不過好忙,過兩日先寫。呢篇照顧咗啲考得唔好嘅先,唔係我大愛左膠,只係有緩急。「女人就係唔明,我睇埋場波先得閒執勞蘇,唔等於場波緊要過勞蘇」。
29. 我from day one 都係精英主義的,但處理先後同重唔重要,唔係同一回事。我教書時都係搵啲考得唔好嘅學生傾計先的,即時平時可能唔係太多計傾。考得好嗰啲,你自己有排鳩威啦,暫時唔使我錦上添花。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費100,已經1800人訂! 畀年費仲有85折,20/40年費VIP 送本人著作一本。
==============
大學學位2021 在 Facebook 的最佳解答
[今日寫呢啲]跟市太貼反而出事,亂咁演繹更加易出事。
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
你諗下,上星期先話美股係N個月嚟最差一星期,星期五晚道指跌超過500點,然後返嚟亞洲時段,日經指數星期一跌超過1000點(都超過3%),個個話驚通脹加息縮表,但我已經話冇咁簡單。你唔留意下星期五美國債息係不升反彈?實則由議息之都係咁。星期五晚已經話係殺啲Reflation Trade,結果去到星期一晚,道指全數收復失地。又升乜?文入面講
港股嘛,企得相對較硬,仲要好大程度被匯豐拖累。但環球銀行股都弱咗一排,花旗銀行美股之前11連跌添(雖然只係陰啲陰啲)。因乜?文入面解。
大師冇點你嘅,先講愛馬士,今年好多歐洲股都好強。呢隻我4月時推兼買,當時已經係新高,但根本我冇驚過。兩個月左右升20%,相當不錯呀,仲要係日日新高,坐得安穩。
微軟亦都新高,似乎真係呢兩三季科技股都係咁:業績前炒上,然後出份好勁嘅業績,出完就散水。之前成堆Big Tech都頹咗好耐。但近排Google Facebook都新高了,卒之輪到微軟。又,分分鐘今個星期就會見2萬億市值,2 Trillion,相當誇張,好似係人類史上第二間(第一間係蘋果)。早三四年先寫緊Race to 1 Trillion.
每日一圖嘛,第一個寫美國嘅車禍死亡率。留意下,以每1億里數計,死亡率當然呢幾十年一路跌,但舊年居然係反彈嘅,點解?唔難估,但文中有講
第二圖,即係大學有冇用就任你講,但大學人工高過冇大學就幾明顯(夠唔夠冚學費又另計)。個圖講咗美國嘅情況,首先見到學位溢價當然存在,但個溢價幾十年係越升越高的,似乎同香港唔同。原因我都唔知,但香港當然係因為多咗好多大學生,咁可能美國冇咁嘅情況?幾廿年前都係咁上下多?當然,亦因為而家冇大學學位,你做到嘅工種都比以前更加差。另一樣,女仔嘅大學學位溢價,係高過男仔嘅。點解?唔難估,但文中有講
最後,應該大家都知,全世界最多活躍(留意係活躍)用家嘅頭四個社交平台,全部都係Facebook嘅,後面嗰堆爭好遠。所以任你班友係咁鬧,話Facebook 已死,但廣告商照樣爭住投。應該好快就去到1萬億市值,1 Trillion,可以加入 four comma club
Good read嘛,第一篇講Network Effect.相信大家都唔陌生,有啲平台係越多人越有值,仲要係幾何級數咁上。Facebook就不用講,交友網同埋call車平台都係。交友網嘅,你多女先吸引到多仔嚟,然後多仔又會吸到更多嘅女。Call 車嘅一樣,多司機嘅自然多客用,咁又會引嚟更多司機。咁有乜用?呢啲就係好自然嘅護城河,你後來者極難競爭(所以Facebook更值錢)。咁但,再分落去都仲有得分嘅,有啲一路長玩長有(Facebook),有啲(UBER)一路都係唔係好搞得掂,分別在邊?文中講。
第二篇勵志雞湯文,一般唔係我作風,但偶然飲下無妨。有乜嘢畀失敗殺死更多夢想?你可能估「放棄」,但佢入面係講「恐懼」。不過我而家真係覺得,問下冇死,個個話唔得,你都可以試下去問,問下點解唔得。文中條友走去叫人幫佢漢堡包refill(被拒),又買Doughnut 叫人整個奧運五環圖案(但有人睬佢!)。
第三篇嘛,蘋果稅。留意除咗Epic 外,一眾Content Creator都圍而攻之。因為只要係你in app科水,蘋果就抽你30%,咁對Content Creator嚟講都幾大鑊。但,留意唔知點解 蘋果係放過Patreon的。「所以你可以放心訂」。你訂嗰100蚊(其實係94),都有85%落我袋嘅。其他?咪Patreon又舔啲,Paypal又舔啲咁咯
最後講埋,星期六出咗篇6000字嘅文。應該打中唔少人嘅痛處,就係如果我有一舊大錢,可能係忽然中六合彩,或者之前一路儲落而又冇睇Patreon.咁而家見股市升咗咁多(是真的),估值又貴(冇錯),咁點好?買落去又怕即時摸項,但等調整又唔知等到幾時。文中有極詳細(6000字喎!)嘅討論,有埋歷史數據.
如果冇一舊大錢架呢?咁簡單,例如每月出糧嘅,咪每個月嘅閒錢拎晒去買股票。具體有乜嘢要注意?有乜常犯錯誤?其實照計平時睇我文都知,但真唔知嘅,去訂Patreon吧
==============
2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
大學學位2021 在 Yahoo!奇摩新聞 Facebook 的最讚貼文
【Yahoo論壇/商業周刊】
努力工作卻無所回報、付出與收穫不成正比......中國年輕人承受龐大工作壓力,對白熱化的競爭感到疲憊,許多人放棄掙扎,選擇「躺下」。
中國真人秀《創造營2021》的學員利路修憑著節目中懶散、厭世,求失敗的模樣,更是被推崇為喪文化新代表......
#躺平主義 #不想努力了 #年輕世代 #喪文化 #Yblog
大學學位2021 在 我有1 5個野雞大學博士學位【#2021笑看新聞】 - YouTube 的推薦與評價
... <看更多>