[閱讀時間警告,長篇的,但認真]
尋晚約咗三個好耐冇見嘅大學同學食飯打麻雀, 難得的輕鬆, 雖然輸咗幾百蚊都開心. 今日星期日瞓晏咗,後來睇Facebook有幾位網友send左一條在自助餐放題集中討論區對牛角Buffet雅蘭分店的投訴俾我, 叫我睇睇乜嘢事. 網上世界天大地大, 有人喜歡有人批評都實屬正常,冇理由去干預或者回應,但係今次由於當事人都有發俾我,而且我見到點左我名要我回應的,加上調查結果確實係有重大蹺蹊,所以希望都講一講。
我爸爸到我公司做飲食超過40年,今天40間分店,每年服務數百萬人次,坦白講,點樣確保數百萬單交易每次都完美,我作為CEO每天都思考呢個問題。特別我本身係工程師出身,所以我比較希望通過建立制度(而唔係老闆每天自己巡舖人治),所以我哋有好多數據的。但係接觸客人又好緊要,40間分店點接觸?好彩有互聯網,所以每一張餐枱上邊都搵到我自己嘅電郵同埋Facebook. 不過所有呢啲都唔會保證每一單交易每一個客人都完全滿意, 因為飲食業其實係live演唱會,所有嘢即時發生冇得NG, 唔係工廠製品可以QC檢查一個星期先至交俾客人. 所以我作為老闆/CEO, 可以保證的是公司制度同文化:絕對唔會欺騙客人用假貨, “貨真價實童叟無欺”. 這是數十年來我們的價值觀、神聖而合情合理的基本商業道德,否則我們也不可能經營超過40年.
公司文化我作為老闆有責任建立同確保, 然後就係制度. 用返今次呢件事嘅例子,牛肉既然唔係工業製品,每一隻牛每一個部份每一件都可以唔同樣,咁點樣可以盡量確保唔會比錯客人呢? 呢啲就牽涉制度建立包括培訓. 每一個菜式我們都有「手順書」,有標準的製作方法、斤両大細。唔同嘅肉類我們會選擇使用唔同嘅器皿,上邊亦都有擺一張註明是什麼品種肉類的小卡,盡量減少犯錯的機會。 我強調,係一個現場live嘅環境,只可以盡量減少犯錯機會,但係確保唔到絕對冇錯的, 所以萬一真係犯錯我們會調查、補救、賠償、改進,然後做得更好。每日都有好多客人直接message我,他們都知道我們真的會認真處理的。 (當然亦有很多很多客人對員工讚賞,鼓勵他們)
講咗咁多我想講咩呢? 即係好似曼聯領隊蘇斯克查可以確保C朗真的是C朗(不是頂包的), 可以盡量做好球員訓練, 但係確保唔到每一場比賽C朗都會入波,都一定贏對方5:0, 確保唔到每一場都全取3分。但係肯定會盡力奪取聯賽冠軍,報答所有球迷。我們都一樣。
咁講返呢一個個案, 首先客人食得唔開心我必須要致歉的. 當然道歉冇用,我上面都講過會認真調查,所以今日好多管理層作出咗好多跟進, 包括調查電腦記錄同埋閉路電視, 相關員工的口供. 似乎客人一共有三個質疑: 1)和牛 2)雪糕 3)埋單。
先睇返事情背景同埋一啲客觀事實:
根據電腦記錄, 客人一男一女於2021年9月18日21:09:06入座,客人為公司會員, 選用Level5放題餐. 期間一共在落單平台點選49次(每次1-4人份量),另外多次去自助區自選食物。期間曾表示軟雪糕溶解(這一點以下會詳細分析),去到23:19:49 (即係兩小時10分鐘之後) 客人舉手要求協助,首次表示牛肉質素欠佳. 客人於23:11:00 以信用卡支付$1756, 及後於00:05:21獲得$878現金, 00:07:06離開餐廳.
喺睇詳情之前我都好想爭取一下大家嘅諒解, 其實我們打開門口做生意, 都明白香港客人經常去日本旅行對食物質素相當有要求,香港人好精明俾幾多錢你你俾返幾多野我, 所以我攞住個宗旨就係Value for money, 特別係放題,真係無限量任食的,只要唔浪費你叫幾多我哋都咁開心歡迎, 出邊無論單點餐廳定係超級市場, 幾多錢一客和牛大家都睇到,我們做的就是量大,從日本進口大量和牛(餐廳嚟講我諗我哋都算香港數一數二的進口量,所有進口單據上市公司好清晰),由於比較大量就可以盡量做到壓低個入貨成本,然後就做到比較相宜的合理價錢做放題。 頭先我都講每年有數百萬客人幫襯我哋,其實香港人真係好合情合理,冇理由話要求食放題每一碟牛肉都好似拍廣告嗰種完美雪花狀態,我哋咁大量採購返嚟,每一隻牛有啲唔同每個部份都有啲唔同同一個部份前後都會唔同真係天然現象,因為牛肉不是工業製品。當然你可以鍾意或者唔鍾意,覺得下次再幫襯或者唔幫襯,呢個都係客人嘅選擇,我哋當然係努力做到最好去爭取每一位客人。 但係將心比心,如果你做老闆,客人食咗兩個鐘頭食咗100碟嘢食之後,然後到買單嘅時候同你講,頭先啲嘢食我唔滿意,我覺得你呃我,所以我唔俾錢,或者隨佢自己心意我鍾意俾一半,你覺得一間公司應該點處理?果一位負責埋單的前線同事,面對咁樣嘅客人佢係面對緊一種怎麼樣的壓力?喺接近凌晨12點嘅時候出現咁嘅狀況佢可以問邊個俾意見佢? 我今天聽同事調查,最後我那一位充滿壓力的前線同事昨晚選擇退返一半現金,先唔好講點解會咁同埋是否合理,我們下邊一起了解深入啲分析一下,我只係想大家明白我這位員工當時的壓力。
依家詳細睇睇每一個指控,首先講最嚴重的指控 :牛肉
我上面已經講咗好多次有關牛肉不可能每一碟都一模一樣,我相信大家都明白我就不再重複了。 問題是這個個案客人圖文並茂影出嚟啲牛肉真係好離譜嘅,睇起上嚟好肉酸好恐怖出晒血水的,由於我和你都不在現場只能夠從客人嘅描述以及員工給我的口供,加上電腦記錄同閉路電視去做分析,我留意到以下幾點重點。1)根據客人提供的3張照片,三張相見到牛肉好恐怖都係放在個白色圓碟上邊的。(見圖)如果大家心水清睇一睇wide angle嗰張相 (我Zoom in左用籃圈圈住) 大家睇到白色圓碟上邊嘅牛肉在未融雪之前睇落去都ok的,而且有一個關鍵線索,大家睇一睇上邊是沒有那一張 「A5和牛」嗰張紙牌的。但係後來去到客人刻意拍照比較的時候,大家可以見到圓碟還是那一個,但係肉類已經擺咗好長時間見得好恐怖出晒血水,關鍵關鍵關鍵,是在這些比較的相片中白色碟上邊出現了一張本來不應該在哪裏出現的「A5和牛」紙牌。點解呢一個白色圓碟上邊唔應該有呢一張紙牌呢?因為只要食過牛角Buffet的都知道我們為了客人盡快可以開始燒肉唔好浪費寶貴嘅用餐時間,會按照不同級數送上我們稱為的「頭盤」,頭盤內容係客人所叫嗰個Level可以選擇的不同肉類, 由於第一碟頭盤不需要客人花時間點選,所以快上枱; 有四款不同的肉類,係比客人體驗一下佢叫嗰一個Level可以點選的不同肉類有乜嘢唔同,Level5的頭盤是這樣安排的,而且Level5頭盤必定係用呢一隻專用碟(見圖), 客人之後就可以知道點選乜嘢食最符合自己心意(根據電腦記錄事實上客人後來一共點選左12碟鹿兒島A5). (題外話,好多客人都真係會142品唔同嘅嘢食包括唔同嘅肉類都試吓,亦有個別客人明知自己唔鍾意其他牛肉所以一入座就同同事講唔要頭盤佢會自己點寧願等多陣花多少少時間等),但係點解一碟頭盤會放喺枱面超過2個小時完全唔食等佢出晒血水,然後嗰張唔應該出現嘅和牛小卡放咗上去然後同一碟新鮮拎出嚟嘅和牛擺在旁邊拍照? 然後就話唔俾錢跟住放上網公審我哋,咁樣嘅比較公唔公平呢?有冇任何意義嘅呢? 大家自己可以判斷。
軟雪糕溶解:
根據閉路電視,人客是在21:40:32行出去攞雪糕的。即係話時間係入坐之後半小時。即係咁,雖然一般客人都鍾意食完燒肉先食甜品,但係呢位客人食食吓燒肉爭取時間食吓雪糕先都冇話唔得嘅。但係嗰杯係雪糕嚟,同時間你個火爐開到好猛燒緊肉,拎到返張枱之後又唔食擺喺個火爐邊幾分鐘熔晒變到好核突,然後搵我啲同事投訴。同事問頭先攞嘅時候係唔係咁,當時你都話唔系否則都唔會加朱古力豆上去個面。然後我同事仲特登去攞返兩杯俾你,交俾你嘅時候係好靚好正常, 後來客人仲食咗兩杯。 問題系,咁你將燒肉爐旁邊溶晒之後咁恐怖先影相放上網其實有咩意思? 都係同一句說話,咁樣是否公平?大家可以自己判斷。
埋單:
其實睇咗以上嘅細節,去到呢一步個推理都已經好明顯。你係要食咗130分鐘近百碟之後,埋單嘅時候拎返碟特登保留兩個幾鐘唔食嘅牛肉出嚟投訴話牛肉質素唔好,仲要話我哋呃人,要求唔俾錢。最後搞到12點我個同事壓力之下俾返$878現金俾你。佢當時凌晨時分心理壓力超大沒有誰人可以詢問之下決定咁樣做,慌忙之間如果真係有同你講 「呢啲錢係要我自己出公司未必俾返我」之類可能只係期望你同情佢,當然你不單止冇同情佢攞完錢仲要上網寫。 但係公司絕對係唔會要佢代你找數的 ,所以放心呢筆錢係公司出唔係佢出。
最後補充,諗返起,客人明明在文章中講明自己是第一次幫襯牛角,但係居然又有會員卡,根本都係前言不對後語(我見到都有網民質疑,佢好似解釋係問朋友借卡)。 當然如果客人覺得被人欺騙,採取法律行動報海關或者去消費者委員會,都係客人嘅權利,我們完全尊重的。
無論如何多謝客人提醒,好明顯我們經過今天的調查之後會更加打醒十二分精神,做到比好更好。
同時也有7部Youtube影片,追蹤數超過80萬的網紅果籽,也在其Youtube影片中提到,「公司又要我哋開新嘅節目,係咁OT我畀埋條命你好冇……」粉絲聚會中,大夥兒手執印有保錡樣子的面罩,在餐廳合唱《ERROR自肥企画》的主題曲,旁邊食客笑不攏嘴。ERROR和「無制限OT編集團」製作的節目令港人着迷,除了ERROR四子風格搞笑、人前人後同樣真誠坦蕩蕩,偶像和粉絲的關係,亦由神與人之間的距...
「大家諗住留低定離開」的推薦目錄:
- 關於大家諗住留低定離開 在 黃傑龍 Simon - 窮富翁 好人好事 Facebook 的最佳貼文
- 關於大家諗住留低定離開 在 龔成 Facebook 的最佳解答
- 關於大家諗住留低定離開 在 Facebook 的最佳解答
- 關於大家諗住留低定離開 在 果籽 Youtube 的最讚貼文
- 關於大家諗住留低定離開 在 Handline Fishing Youtube 的最佳解答
- 關於大家諗住留低定離開 在 mansonovo Youtube 的最佳解答
- 關於大家諗住留低定離開 在 閱讀文章- 看板HK-drama - 批踢踢實業坊 的評價
- 關於大家諗住留低定離開 在 《絕非訪客》(23)留低,定係走。其實你心底早有答案 ... 的評價
- 關於大家諗住留低定離開 在 剖白移民最難捱日子點過點搵興趣對沖「不如意」? 圍爐取暖 ... 的評價
大家諗住留低定離開 在 龔成 Facebook 的最佳解答
【龔成問答信箱】(Q22541-Q22560)
Q22541:
老師!持倉部位現在-40%,請問如何調整心理質素?之前聽你說好像是去跑步
現在我天天飯都吃不下了!
龔成老師:
如果投資影響了生活,你的心理問題都開始大,我強烈建議你:
第一,唔好睇股價3個月。
第二,這段時間逼自己睇10本巴菲特相關書。
第三,這段時間睇你持有股票,佢地的年報,每一間都要睇5年年報。如果你能做到,3個月後,當你見到優質股股價跌(前題要優質股),你會變成天天都開心都不得了,每天的食量都很好。
(當然,我地要分析企業的價值有無改變,但不是睇股價,而是睇業務與前景因素,如果前景轉差,要止蝕的)
------------------------------------------------
Q22542:
龔成老師,我近日面對股票市場感到十分迷失和迷惘,我年初曾大手買入股價20元的心通醫療2160,但今日已跌穿9元,十分心痛,不知如何處理。
希望你能指引一下,謝謝
龔成老師:
微創心通醫療科技(2160)是有危有機類。最大問題是上市價貴,以及之前熱炒。
係一家中國醫療器械企業,專注於心臟瓣膜疾病領域創新的經導管及手術解 決方案的研發和商業化。
佢自主研發的第一代經導管主動脈瓣植入(TAVI)產品VitaFlowTM,於2019年7 月獲國家藥監局審批並隨後於2019年8月在中國進行商業化。
根據資料,截至2021年1月17日,有五款TAVI產品在中國獲批准或商業化,其中,VitaFlowTM是首款使用牛心包作為瓣膜組織的產品。
佢亦推出第一代自主研發的AlwideTM瓣膜球囊擴張導管及AlpassTM導管鞘,使其成為中國唯一一家全面提供自主研發互補性TAVI手術配套產品的醫療器械企業。
VitaFlowTM II是唯一在中國研發並已在歐洲開展臨床試驗的TAVI產品。
除TAVI產品之外,佢目前還擁有五款經導管二尖瓣(TMV)在研產品,通過自主研發及與全球合作夥伴(即4C Medical及ValCare,均為專注於二尖瓣及三尖瓣醫療器械研發的醫療器械企業)的共同開發戰略性地針對所有主流可行的二尖瓣返流經導管瓣膜療法(TVT)方案。
企業都有一定獨特性,同時長遠發展不差,不過估值方面就十分難,因為這刻仍未有似樣的盈利。
如果你持貨多,宜減,但如不多,就長線,耐心等企業好轉。
------------------------------------------------
Q22543:
龔sir:我已經睇緊你本「選股勝經」,想貴埋你本「80後百萬富翁」、但行咗幾間書間都只有2同3,請問喺邊度買到第一呢?
謝謝你的建議,我在過去一星期小注了
2800,0066,0002,0006 及0270 等平穩股,諗住遲D慢慢放曬D 1336 佢,平穩股慢慢長揸
我都係比較心急,在508 及500 各一入了一手 700,在14.62 又入了3500 服3067,睇來都要等下,暫時高風險股都唔入住了
揸住D現金就等個市跌多D時再入吧
龔成老師:
書本在三聯、商務、誠品都有得賣。由於部分書在一些書店已斷,所以若你見唔到,問下職員就得(又或向職員訂都可以)。
以下是我的13本書:
《80後百萬富翁》(第9版)
《80後2百萬富翁》(第4版)
《80後3百萬富翁》(第2版)
《財務自由行》(第7版)
《大富翁致富藍圖》(第5版)
《50優質潛力股》(第4版)
《50穩健收息股》(第3版)
《50值博倍升股》(第3版)
《股票勝經》(第6版)
《選股勝經》(第2版)
《年報勝經》(第2版)
《5年買樓4部曲》(第2版)
《80後千萬富翁》(初版)
記住,最重要是建立一個長遠的優質股組合,用長期角度配置,同長期角度去買入,唔好心急,要有策略。
現時大市波動,點都要有一定的現金在手。
------------------------------------------------
Q22544:
老師,小弟打算4月左右移民,有40萬流動現金,請問有什麽投資建議?附上現有倉資訊,謝謝無私指導
700 一手 430入
3319 1250股 28.8入
3918 16000股 6.343 入
1177 5000股 7.214 入
6862 1000股 30.263入
感激
龔成老師︰
我地投資增值,係要長線,因為中短期有好多波動會出現,我地係預計唔到。
你只有9個月就移民,時間不多。我假設你移民前,係需要賣出所有香港資產,你40萬資金我建議最多做定期好了,一切以保本為主。
而你現時持股,現時就要開始分段沽出,去慢慢換回現金。唔好等到離開前一刻才沽,因為無人知個個時候,個大市係什麼環境。所以你要分段沽貨,去平衡價值波動的風險。
------------------------------------------------
Q22545:
老師,我明白長期持有優質股的道理,亦明白分注重要性,但跌市時分注買入優質股,永遠不懂注碼控制,
本人分注得比夠保守,可能一次恐懼跌浪當中只買了組合的百分之十,手持夠大現金,比如上年2020年3月,能把握機會,但買的量可能只有20-30%,
在上升軌當中便一值錯失加注機會,回報並不理想,記得老師說過上年把握大市購入小米,必瘦站等優質股,當時是用了多少現金或組合百分之幾去買?
過了上年3 月跌浪在之後的升浪有否加注?
同埋永遠保留適當現金當然沒錯,但如果你說恆指在23000是便宜區,我能否在範圍內增持組合股票水平至8成或9成?
我知一個熊市可能長達半年什至兩年,我應以時間比如每月去月供還是在便宜區去大手吸納?從而令自己持倉股票水平夠高,當遇上升市時有夠好的回報,謝謝
龔成老師︰
其實分注,我地無話一個好100%準則,乜野水平,就入幾多貨。
因為大市下跌,唔代表所有股票都會下跌,有時候個市開始平,但你目標股票無乜點跌,你都唔應該視佢為平宜,而去大注入貨。
所以,大市平貴所定的入市比例,只係一個參考。
由於近年恆指將好多波動性較大股票,納入恆指成份股,故便宜區都有所調整,你預23000點左右,係開始平宜。
但你要記住,這只是初步平宜區,未去到好平,持貨比例大約7-8成左右。
我地雖然唔知會唔會再跌,但基於平貴去衡量,我地必需留有資金,去等你個可能再下調的機會。
------------------------------------------------
Q22546:
龔sir, 你好!現時上緊你的課堂,真的獲益良多。有少少野想請教,我想問中泛控股(00715)你點睇?
我家人買了此的股票,已套了很久。請問呢隻係咪就係所謂嘅老千股?
龔成老師:
這企業年年虧損,你持有這盤生意,當然無意義。
這企業本質一般般,長遠價值向下,建議你賣出。如果不想一次過賣,都建議減持部分,將資金投資更有增長的股票,會更好。
你要記住,最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
------------------------------------------------
Q22547:
老師,從國策層面來看,醫藥股(中生製藥)在我們堂上研究target它為未來倍升股潛力會否長遠大受影響而大打折扣和阻力嗎?
從5月上你初班開始,我已列入「中生製藥」在我的配置表中(其中10%的潛力股之列), 但我一直有留意著股價,
從$8.x跌到$7.x到現時$6.x, 已接近52週新低,雖然你曾說股價由之前好貴(去年$11.x, 現在已跌咗一半) 已經慢慢回落合理估值的上部或中部可以分注買入,
但我看股價圖表一直呈現向下走勢,睇返2019年低位曾經大概是$3.x,就算現在是合理估值中或下部,可分注開始買入也要$6.x,但是還有可能冒著再向下跌一半的風險,
你曾說過唔好去估個底、亦唔好去估個市,買股票就係買公司,唔好事後孔明、就算買貴咗都有得守…………
我已經睇過你很多本書籍,也十分認同你的理財和財務想法與概念,即使我的理念同樣也是———「用便宜價格買入優質股票長期持有而不理會中間價格波動」,
但我心裏仍有忐忑不安,覺得我會用多咗多餘的資金而買貴咗要捱價x年才能返回買入價,雖然你常言道不要看買入價為神聖價位只看股票本質有沒改變,
如果沒有改變不用擔心股價上落,讓優質股票慢慢成長,最終股價也會回歸到合理估值,但我心裏仍覺得不安買貴咗,從而導致少了資金去買配置表內其他優質股票…………..
所以我仍然在迷惘中和猶疑不決,不知道應該第一注資金應該幾時、什麼價位開始買入,(我正常一般都會分3注),請龔sir再指導我一下
龔成老師︰
首先,你唔好再用圖表,或者52週新低這些短炒方法,去做分析。因為股票過往價格,同將來發展唔一定有關係,特別係一些發展好快,有質素的潛力股。
我地無人會知,佢中短期股價會發展成點,只能以平貴,去定策略。係合理頂時,先小注。再回調,就再加注。到平宜區,才大力掃貨。
你唔好有個錯誤想法,等到平宜區先入,就最穏陣和回報最理想。但你要記住,優質股係有權唔回至平宜區。
如果你平宜區先去入,可能最終結果係,你乜都入唔倒,白白睇住隻股票係咁升。
策略性分注,有機會會有一段時間出現帳面虧損,而且一定唔係可以最大回報的方法。但佢可以平衡左各方面不確定性,令你可以係可接受風險程度,得到最好回報。
近期中央推出一些醫藥相關政策,對醫藥股發展的確係有影響。但長線睇,相信會加快左行業汱弱留強速度,對好似中生(1177)這類優質企業,長線反而係有利。
但你預佢中短期都會較波動,長線投資價值未見大變,你可以按我教的策略,去慢慢分注入貨。
另外,你要留意翻2019年最低價係$4.X,你記得我初班上堂有教過,當企業派息或紅股,個股價圖條線,係會全條按比例下調。由於2020年有2送1紅股,所以條線係下調左。
如果直接睇圖見2019年初係$3.X,就當佢係當時真實價位,那就錯了。
------------------------------------------------
Q22548:
想請教,66 2800 應該長持,因為2800可分散風險。66 地鐵公司長遠收息及增值可觀?
3 及11 算高位? 待其升10%才放較好?
大家樂 大快活又如何 收息及增長?持有誰較好?
這星期港股大跌 應該持有66 2800 11 3 因長遠來說會升番 優質股不用怕 除非作炒賣?
總括咁問,2638 270 等股市升回正常價才放。11 66 2800 3 可長期持有 因是優質股? 股市波動對其影響有限 只要不是炒賣 風險好低?thx
龔成老師︰
你現時持有股票,都係優質股,係可以長線持有。我地係唔會因為股市中短期波動,去沽出一隻股票。除非佢已經係好貴,又或者佢長線質素轉差,才會賣出。
但港燈(2638)係收息股,增長力不高,若你係年青至中年人士,就不宜持有太多。
大家樂(0341)和大快活(0052),質素上大快活會較好。佢有平穏增長之餘,都有一定股息。但如果疫情再反復,可能會令佢中短期再現波動,要留意風險。
近期大市比較波動,但未見對上述股票,質素上有明顯轉差,你照持有係可以。
------------------------------------------------
Q22549:
早晨龔成老師,我今年35歲了,近來確診癌症,將有一筆大概250萬嘅危疾保險。想早點將這筆錢增值,因為將來我可能還有好多時間,並不想成為老公及其他家人的負累。
我應該如何分配?
我不會有小朋友,同老公及患病父親同住先母物業,不需要供樓,一家人每月支出3-4萬。
龔成老師︰
以你情況,一切都以你身體健康為重點。
這筆危疾賠償,你要先扣起一部份,最好預多少少,用現金持有,以備不時之需(生活或醫療上)。
未來時間,為了可以令你安心治病和進行療養,投資選項上,我會建議以創造現金流為主。透過現金流,去支援你生活上開支。
目標會係一些優質收息股,目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,只能小注)。
現時大市只係合理水平,資金唔好盡用,大約留翻3-5成現金。等大跌市出現,才加大力度掃貨。
當然,如果你精神未必足以你進行上述操作,你可以入完首注後。用銀行月供股票服務,去將餘下資金,慢慢投入收息股當中。
但緊記,我地唔好成個組合,只集中係1,2隻股票身上。
最重要是建立一個長期的「財富組合」,要優質,要平衡。同一行業不能高於組合30%,同一股不能高於組合15%。
祝你早日康復!
------------------------------------------------
Q22550:
想請教1. 如公司個人/高層持股多於50%,在評估公司質素上是否要扣分?
2. 在計算669估值上時,為甚麼用現金折流法得出的數字只是$4X? 但現價卻是$130,差距很大。然而,典業主盈餘卻是按年増加,而折現率亦採用了合理的10%,所以想問問現金折流法是否不適合用在669估值上?原因又是甚麼?
3.想請問2128 中國聯塑積素如何?
龔成老師:
1)要睇那類公司,如果是細公司,有可能佢地好易操控股價,如果大公司,可能佢只是正常持股、睇好自己公司,因此問題不大。
2)現金流折現法不易運用的,你在推算增長率時要小心計算。
3)中國聯塑(2128)這股不差,有長線投資的價值。佢主要從事製造及銷售建材家居產品、提供裝修及安裝工程、環境工程及其他相關服務、金融服務和物業租賃及其他相關服務。
生意與盈利都不差,現金流強,股本回報率理想,基本上有長線投資價值。不過股價上落較大,要注意注波動。
現價合理區中上部,分注投資都可,但不是大手時機。
------------------------------------------------
Q22551:
多謝龔成老師回覆和分享,其實我都是大約年初才買136,我現在手上還有好多不同的股票,但係全部帳面都是蝕包括
匯豐 1200@$68
恒生 500@$151
煤氣 5000@$13.28
小米 2000@$26
騰訊 100@$579
阿里巴巴 500@$278
恆大汽車 2000@$16.4
中國鐵路 20000@$1.21
醫渡科技 2000@$65
金沙中國 2000@$30
上述帳面現在合共蝕緊200,000左右
小米同金沙都係睇得你多分享先至跟買,價位都不算貴所以我不擔心,反而阿里巴巴同埋騰訊真係有啲擔心,仲有隻醫渡科技一上市嗰陣高追又冇止蝕所以搞成咁
上面的股票大部份都是由上年七月開始買入,當時因為手頭上套現左一舊資金所以就入市,另外有1,000,000我放咗入每月收息基金,
最理想的都是allianz income and growth, 一年帳面連基金收入已賺了15%,可惜我當時買了少部份,另外我買咗亞洲的基金,到現在連基金收入都是打和!
一年後review, 最大的虧損都是136
我覺得自己好失敗,將所有資金放入銀行mortage link 收息都好過現在做無謂的投資
現在我只希望所有股票回升,不要再蝕太多我已經心滿意足
龔成老師︰
你要記住,我地投資係為左財富增值,而唔係打個平手就算。
唔好用短期帳面賺蝕,去衡量持股質素,或者個投資組合成敗。因為投資係一個長線計劃,就算最優質的股票,中短期都會有波動。只有長線其價值,才會在股價中反映出來。
你現時持股都有質素,若你係年青至中年人士,這個組合係可以長線持有。(我估你"中國鐵路"係打錯,應該係"中國鐵塔")
但若你偏年青,恆生(0011)和匯控(0005)這類收息股,就不宜持有太多。
另外,醫渡科技(2158)、恆大汽車(0708)不確定性較高,不宜持有太多。
至於基金,你可以衡量基金的投資策略,所投資的資產類別、投資策略、風險程度、市場、費用成本、以及過往的表現。
你可以睇佢過往5-10年(唔好只係睇當前的一年表現),如果回報係比主要投資市場高,就有機會值得繼續投資。
提翻你,最重要不是睇「賺蝕」,不是睇「買入價」,而是睇質素。質素不好,增長力弱,就有可能賣出,蝕都要賣。
你要分析「之後的組合情況」,不是過去,是將來。應該持有那些優質股,比例如何,能為你帶來怎樣的長期財富。
你要分析你的投資目標,你想潛力股的比例多少?平穩股的比例多少?組合風險程度如果?
即是你想設計一個怎樣的投資組合?長期、優質、平衡、適合你。
------------------------------------------------
Q22552:
成哥,你好,之前是你的學生,有問題想問問。
我計緊銀娛0027價值,用市盈率估值法,但我見他在2020年度市盈率和每股盈利都是負數,這個特別的情況(疫情)我應唔應該計算呢一年的數據?
另外,用市盈率估值法,是否每一隻股票都加多10%緩衝?謝謝
龔成老師︰
其實不論是否市盈率估值法,一些中短期發生事件,如果係一次性,預期將來極細機會會再發,好似今次疫情咁,其實我地就應該將這年的收字忽視。
但由於疫情依然反覆,預期中短期業務,都有較波動,故有需要將估值下調少少。銀娛(0027)現價算係合理區中下部,可分注。
至於10%緩衝區,唔係一定要加。當你發現你計出來合理價區間,係好窄,無法有效反映一個正常合理區時,你就要加這10%緩衝區。
你可以溫習翻初班第5堂的NOTE,重點會係SLIDE26和58,當中有較詳細指引和例子,你睇左會較易明白。
------------------------------------------------
Q22553:
Sir, what do u think about premium financing by insurance company
龔成老師︰
保單融資,其實就係透過借貸,去以槓桿形式放大回報。相比傳統儲蓄保險,佢增長潛力會相對較大,同時風險會相對較高。
若保單實際回報,係多於貸款利息,投保人自然會因為槓桿操作,而令回報放大左。
但由於保單本身,好多時回報和利率都係不保證。再加上貸款利息,多為浮息。在低息環境,固然會受惠。但進入加息週期,利潤將進一步被蠶食。
因此,用保單融資去投保,係有一定風險。
其實係財富增值上,最好集中係優質資產上(如物業、優質股)。
"保險"只係一種產品,主要係用作防守,買足夠保障就可以。儲蓄成份架保險,唔係唔可以買。如果你個人風險承受能力好低,或者完全無投資能力,這類保險都有持有價值。
但最好係一些較傳統儲蓄保單,而非這類有槓桿性質的產品。
------------------------------------------------
Q22554:
老師你好! 我和先生40歲, 每月收入共$54000, 有一層自住物業, 市值700萬,尚有170萬要還, 每月供款$12000, 月儲$13000, 股票合共約45萬, 外幣加現金共$44萬,
如果層樓唔想做加按, 如何能制造每月被動收入$15000-$20000?謝謝
龔成老師︰
如果你希望每月有2萬蚊現金流,以股息率6%計,你需要本金400萬。
若你想做到這個財務目標,你可以透過投資一些「平穩增值股」+「潛力股」,去累積這筆資金。
以現時大市合理區狀況,你可以考慮用部份儲蓄,進行月供股票。你可以每月先用一半儲蓄,另一半就先儲起架策略。
假如你現時無太多投資經驗,潛力股這類風險較高的股票,你就不要持有過多,最多維持2成好了,甚至先集中係平穏增長股類。
若你有一定投資經驗﹐潛力股比重可以相應調高,佔組合約3-4成,視乎你投資經驗多寡和了解這些股票程度而定。
現時大市只是合理區,你現有44萬現金和每月所儲倒的資金,就等大市出現一定程度的下跌,才大力度掃貨,然後長線投資。
我假設投資回報有10%(連股息再投資),你每月投資$13000 + 現有約90資產(現金和持股),預計10年左右時間,就會增值至400萬。
你可以以此作參考,視乎你自己情況,再去調整月供計劃。
------------------------------------------------
Q22555:
本人51歲,計劃四年後退休,先生和我各月入5萬,依家手上有500萬現金,有三個鋪位,租金約6萬,貸款尚欠110萬
股票約90萬,係中銀香港、電能實業同埋永利,計劃買多100萬中銀香港收息,
亦有投資保險類年金,仲有八年要供
小朋友剛剛大學,疫情過後去海外升學,咁樣資產部署退休可以嗎?
龔成老師︰
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
若你4年後就會退休,我地就要將資產,慢慢轉向收息項目。透過這些收息項目,去創造穏定的現金流,去援你退休生活。
你現時財富組合中,主要係物業類。這些物業用作收租,能提供現金流,所以應保留作你退休組合一部份。但由於佢地佔成個組合比重好高,故物業類就唔好再大了。
現時你應加大優質股部份,去令財富組合更平衡。
你現時持有的股票,都係有質素。但永利(1128)雖有增長力,但派息都幾波動,長線不宜作為收息股一員。你現時可持有,但要慢慢換至其他優質收息股上。
至於中銀(2388)和電能(0006)可長線,退休時都可以持有。
我地唔好成個組合,只集中係2,3隻股票身上。
最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。
同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。
所以,唔建議你再投資中銀(2388)太多,以免因過度集中,造成風險。
以下是一些適合你的股票,你可以一半資金儲指數基金,佢係一籃子組合,就算持有30%以上,都唔會有過度集中性風險。
你可以用佢,係退休前作適度增值。另一半資金,就買入不同收息股,係用來為退休後生活,作準備。
目標是5%、6%的股息率的收息股,例如港燈(2638)、深高速(0548)、香港電訊(6823)、工行(1398)、恆生(0011)、置富(0778)、陽光(0435)或收息基金(3110)都可以。
如果你能承受到風險,有些更有超過8%、10%的高息股,但股價就略有風險,要自己衡量,佐丹奴國際(0709)、中石化(0386)、互太紡織(1382)、富豪產業(1881)等(記住,股價略波動,只能小注)。
現時大市只是合理區,你現有500萬資金可以多投入150-200萬,用"分注"形式,慢慢買貨。餘下一半就等大市出現一定程度的下跌,才大力度掃貨,然後長線投資。
退休後,除了收息股、收租物業外,你都可以加入一些年金(現有那份可照供)、定息產品、A級債券等,去令自己收息組合更多樣性和平衡。
而小朋友升學資金,由於好快會動用,所以不宜投資。你要另外以現金模式扣起,到升學時就動用。
------------------------------------------------
Q22556:
龔成老師,早前拜讀了你那本80後一、二、三百萬富翁、五年買樓4步曲。你的看法讓我打通了自二十年前看富爸爸窮爸爸開始認識的概念。並且能確實、有效實踐出來。
我打算繼續在股票市場努力學習投資,直至儲夠一百萬,就買樓。
但有以下一些疑問:
想請教如何可了解現時樓市是否合適買樓的時機?因擔心一買樓,樓市便下跌。
龔成老師︰
中短期樓價點樣走,其實好難預測。但我認為香港樓,長期會向上。
首先,我用身邊的朋友去分析(因為佢地都是適婚年齡的),我見到一個現象,唔少朋友結婚後,買唔到樓,要同父母用住,這幾年都係咁,而且人數不斷增長。
佢地正在儲錢,正在等樓價跌,只要在適當時機,就會搬出去住,你知道這是甚麼?這就是潛在的購買力,而且不斷累積!
香港樓長期供應不足,需求正不斷累積,這將會令樓價保持向上,跌少少,又會升過。
另外,你要明白,樓是資產,現金不是真財富,所以物業長期一定向上,中間會有上落。這是財富系統最典型的模式,詳細概念你可以睇《財務自由行》,當中會話你知,點解資產長期一定升,現金一定跌。
另外,我地做財富增值,會考慮埋成個組合平衡性。
所以,係你置業同時,最好留有一定優質股作增值。否則,你就會成個財富組合,偏重左係物業一邊,造成風險。
------------------------------------------------
Q22557:
你好龔sir! 經朋友介紹睇你個page,有問題想問問:
話說早排試下開始接觸股票(0經驗+無study)閒錢只有5萬,入左以下兩隻:
1. 3300(中國玻璃)@2.95/3手
2. 6909(百得利)@7.67/2手
請問龔sir點睇呢兩隻?
另外想買你既書睇但無從入手,邊本較適合我呢類0經驗者睇?股票勝經?
期待回覆,謝謝!
龔成老師︰
中國玻璃(3300)主要從事生產、營銷及分銷玻璃與玻璃製品;設計及安裝藥用玻璃生產線。
佢的產品包括無色玻璃、有色玻璃、鍍膜玻璃、節能及新能源玻璃產品(如超白玻璃、低輻射鍍膜玻璃及光伏電池模塊產品)。
這股不算,但又未到好高質。
整體發展正面,但盈利有點不穩,不值得持有太多,同時要留意股價較為波動。
百得利控股(6909)主要在中國從事提供汽車銷售、售後服務及其他汽車相關增值服務。
佢經銷之汽車品牌包括保時捷(Porsche)及賓利(Bentley),而豪華品牌包括梅賽德斯-奔馳(Mercedes-Benz)、奧迪(Audi)、沃爾沃(Volvo)及捷豹-路虎(Jaguar-Land Rover)。
售後服務包括維修及保養服務、配件及其他汽車相關產品銷售、保險代理服務及車牌登記服務。而其他汽車相關增值服務則包括汽車融資(將客戶轉介予融資公司及商業銀行)及二手車經紀服務(將客戶轉介予從事二手車評估及交易業務的第三方公司)。另集團的經銷店亦可協助召回汽車事宜(汽車製造商可能不時召回汽車以糾正問題)。
質素算是不過不失,但企業獨特性及增長力唔算強,此股只宜小注投資。
其實你現時無投資知識和經驗,對企業估值,點去定平貴未必會太了解。我比較建議你先利用月供模式,去做增值,可以減低買貴貨風險,對你而言會較理想。
現在你每月先用5成儲蓄做月供。其餘先儲起,用一邊月供一邊儲蓄的策略。
假設你係年青至中年人士,你可以用「平穏增長股」 + 「潛力股」的組合。如果你係偏年青,比例大約可以去到各一半。
但由於「潛力股」有一定波動性,較適宜年青和有投資經驗人士。若你投資取態較保守、經驗較淺或者較接近中年,「潛力股」比重就要相對下調。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
書本上,你可以先睇我架《80後百萬富翁》、《財務自由行》和《股票勝經》,都適合初學者。
同時間,你要去多讀其他投資相關書本、年報,新聞和課程,努力累積投資知識,長線回報才會好。
------------------------------------------------
Q22558:
龔老師你好啊!想請教你1928 金沙中國而家可以入嗎?重有請問呢隻買得過嗎?
龔成老師︰
金沙(1928)有質素的。
佢中短期會弱,加上全球疫情反覆,都對佢有不利影響,不過,相信這只是中短期,以長遠的角度分析,企業仍是有質素的。
在正常的經營環境分析,佢持有的資產好有質素,行業本身好賺,雖然疫情略有反覆,但全球疫情最壞的情況,相信已過。佢長遠是收息及平穩增長型。
但由於仍有未知數,加上之前虧損,因此將企業估值調低左。
現水平在大約在合理區中下部分,如果本身有貨,可長線,耐心持有就得,如果無貨,現價已經可以分注,但都要留現金。投資貨要有心理準備,中短期會弱,要長線,企業有長線投資的價值。
------------------------------------------------
Q22559:
龔成老師你好,人到中年,想投資股票增值財富,但投資知識拙劣,想請教一下老師。
以下幾隻股票,可以長線持有嗎?(一年以上)
00823 領展
01038 長江基建集團
02638 港燈
00008 電訊盈科
01373 國際家居零售
另外有否其他平穩增長股票提供?謝謝老師指教
龔成老師︰
你持有股票,都係有質素,適合長線持有。當中領展(0823)、長建(1038)會有息收之餘,都有平穏增長力。而其餘3隻,主要係收下息。
但留意電訊盈科(0008)負債較高,唔係無投資價值,只係風險較其餘4隻為高,故不宜持有太多。
其實以你中年人士計,都有財富增值需要,但係策略上就會保守少少,主要集中係一些平穏增長股上。以下是一些有質素的平穏增長股,你可以參考下。
平穏增長股︰盈富(2800)、金沙(1928)、恆基(0012)、平安(2318)、中銀(2388)、港鐵(0066)、煤氣(0003)、長建(1038)、領展(0823)。如果有投資美股,可投資VOO。
現時大市只在合理區,未算平,你可以先用一半資金,分注慢慢買入上述股票,並長線持有。餘下一半資金,就等大跌市,才去掃平貨。
------------------------------------------------
Q22560:
龔sir 最近d 人話恆指成份股換入d 好高PE 既股票 例如6862. 搞到恆指既代表性不及以前 以致恆指愈來愈弱 無乜起息 月供2800係咪已經失去優勢?
龔成老師:
其實恆指進行較大的改革,長遠會將成份股,加至80-100隻,會加入更多不同類別的股票,例如一些新經濟股,長遠反而會令恆指的增長力提高。不過,同時會令波動大左。
由於這改革只是進行左短時間,而我地睇表現,一定要以長期作單位,所以,你以短期表現去衡量,並不正確。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
大家諗住留低定離開 在 Facebook 的最佳解答
《祝君好》
♂:早晨
♀:早晨
♂:有冇諗過今日我唔再同你講早晨呢?
♀:諗埋如果你唔講就到我block你添
♂:朋友都可以講早晨既,我決定左一世都要同你講早晨喇
♀:唔好隨便承諾呢d野
♂:我諗左一晚,覺得自己做到先至敢講,所以你可以認真記低
♀:就算我拍拖,我結婚,我生仔,你拍拖,你結婚,你生仔,你都會繼續講?
♂:除非我死,唔係我都會同你講早晨
♀:好……你咁講我就咁聽,但我唔會認真,唔係傷心既係我自己
♂:岑雪兒,我諗唔明自己點解要傷害你
♀:因愛成恨呢件事唔係好普通咩
♂:你又無對我做過咩,點解我要恨你?
♀:無人可以長期付出而不求回報,如果我拍拖結婚生仔,唔再同你每日傾,甚至你講早晨晚安都唔回你,咁樣你仲會繼續咩?
♂:打四隻字,我唔會要求太多
♀:咁即係一個原因,你唔再愛我,當唔愛一個人先可以無所謂
♂:記唔記得之前講過鍾意同愛既分別,鍾意一個人,係因為佢做左自己想要既野,但愛一個人,係你以對方為先,我開始明點為之愛,愛並唔需要對方做乜,只要你開心就好
♀:點解你要愛我?
♂:應該就係呢段時間同你相處既感覺,我覺得自己唔會再搵到超越甚至類似既感覺
♀:成世人流流長,話唔定聽日你就會遇到呢
♂:可能既,如果我真係搵到,我會同你講,然後同你道歉,我唔可以再同你講早晨同晚安
♀:你發生左咩事,好似唔同左咁
♂:諗通左野,同埋知道自己位置
♀:係既,所以我話做朋友都係唔錯既選擇,起碼位置上大家無咁多負擔
♂:現實同寫故事唔同,寫故事我可以一句講,主角用左半年、一年、十年去令自己成長,然後成為更好既自己出現係女主角面前比幸福佢,但現實可悲既地方係,日子係一日一日,你再努力都需要時間
♂:呢段時間入面,主角有幾努力都好,都會唔開心,都會煩惱,引發磨擦,失去耐性等等,我發現現實唔可以好似故事咁一味激情,有時慢慢黎先至可以有更好表現
♂:對你,我唔可以再快喇,某程度我都係好執著想同你一齊,所以用一個唔同你失去聯絡,唔令大家愛同感情磨擦既方式去相處,咁起碼先有一線生機,大家都唔會咁辛苦
♀:佢叫Michael,之前有段時間,我係住係佢租比我既地方,我出道無耐就係個酒局認識佢,佢好成熟好體貼,從來唔會要求我為佢做乜,但我講出口既佢唔會拒絕,我唔講出口既佢都做到足
♂:完美男人?
♀:以條件去講,以誠意去講,佢都係完美
♂:咁點解你唔同佢一齊?
♀:佢有老婆
♂:如果佢無老婆呢?
♀:因為識左你,我離開左佢租比我既地方,搬左返去屋企,本來我想同佢結束,但佢最近同我講,佢已經同老婆講左離婚,話想同我一齊
♂:難怪,多謝你肯同我講,我諗你都搞清楚我地既位置,真係當我朋友先講
♀:我同佢好奇怪,唔似同你會每日傾好多野,佢只會講幾點係邊食飯,幾時想見我,從來都唔會傾閒計
♂:所以我既優勢就係呢樣
♀:係,有一刻我覺得,我真正想要既可能唔係條件,而係一個真正想了解我融入我生活既人
♂:你肯見佢,會諗,已經係一種選擇,即係你仲猶豫緊要揀邊個
♀:我知你未必信,但我係想係呢段時間同佢結束
♂:呢方面我唔評論,你自己決定你想要既野就得,我份人都幾有耐性既
♀:你會唔會睇唔起我
♂:唔會,我只係覺得如果我早少少成熟,或者你就會無咁辛苦
♀:佢大我十年有多,如果我想要成熟既我就一定會揀佢,佢從來都唔會好似你咁發小朋友脾氣,我搬走個陣,佢一句挽留都無,佢知道個問題係乜,直接處理完先再出現,比起你,的確係成熟到恐怖
♂:我都想成為佢咁既男人
♀:你都係唔明……
♂:我諗我需要少少時間消化下,晚安
♀:晚安
#長傾不見 #蔣薇 #小說 #故事 #好久不見
未睇過既重頭睇:
https://www.patreon.com/maydreaming/posts?filters[tag]=長傾不見&sort=published_at
大家諗住留低定離開 在 果籽 Youtube 的最讚貼文
「公司又要我哋開新嘅節目,係咁OT我畀埋條命你好冇……」粉絲聚會中,大夥兒手執印有保錡樣子的面罩,在餐廳合唱《ERROR自肥企画》的主題曲,旁邊食客笑不攏嘴。ERROR和「無制限OT編集團」製作的節目令港人着迷,除了ERROR四子風格搞笑、人前人後同樣真誠坦蕩蕩,偶像和粉絲的關係,亦由神與人之間的距離變成朋友般的存在。ERROR中的郭嘉駿(193)和吳保錡出名錫粉絲,到底「老婆」和「Pokimon」眼中的偶像,有多貼地、有多入屋?
還未到集合時間,周日的銅鑼灣街頭已聚集幾百人,有一家大細,也有大叔拿着應援物獨個兒站着,大家都響應193 Fans Club的號召,參加這天的雪糕車應援活動,宣傳193推出首支派台歌《睡到三點》。個個大汗淋漓,口罩下難掩興奮,一邊排隊拎雪糕,一邊跟雪糕車旁的「33豬」易拉架瘋狂合照,沿途粉絲向路人派發不同款式應援物,繼上次「姜濤灣」引起的風暴,今天再有193這位「接近完美」的男子,令港人再次上街追星。
跟193的老婆(193粉絲的統稱)Sushi和Haha約在銅記,她們忙着疏導聚在SOGO門外的人群,Sushi打趣道:「這是個偶像勵志故事,193由一開始寂寂無聞,到現在真的紅起來,今天人多得我有點怕。」游學修說過,如果MIRROR是個奇蹟,ERROR一定是個神蹟,這天大家再次見證,這神蹟並不是幾百部電視機的收視率能定義的。
男友變情夫 TG陪偶像傾心事
「我當大家係老婆」是193三年前在TG中說出的知名台詞,粉絲們把11月4日定為結婚紀念日,自此叫他做「老公」。正印是193,男朋友變成情夫,難道不介意嗎?「有點無奈,不理他了!我把追星當是娛樂是興趣,難道我不給他看AV?」做了三年郭太的Sushi甜滋滋講出老婆們的心聲。
兼職當插畫師的Sushi自《全民造星1》看過193唱《大懶堂》後,就愛上這位舞姿怪異又五音不全的騎呢參賽者。2018年開始,全民造星不少參賽者也開了Telegram跟粉絲交流,193亦不例外,群組現有二萬多人,193至今仍會間中上水跟粉絲聊天互動。
「《花姐ERROR遊》日本回來那程機,193叫我們不要去機場找他,因為12點已很夜,但我們堅持去接機。193出來時就緊皺眉頭,我心想死了,他不喜歡嗎?怎知他一來就說:『都叫你哋唔好嚟,又唔聽話』嘩!你感覺到那種震撼嗎?」就是因為這句甜到漏的說話,令曾迷上w-inds.、BIGBANG等外地明星的Sushi再次追星,「我曾以為再沒一位港星值得追,但只要跟33相處過,都會被他所吸引。他跟fans的互動貼地、反應快,那種快樂是其他星畀唔到我的。」以前遙不可及的明星由天堂落入凡間,這對粉絲而言也是種神蹟。
要支持騎呢偶像,老婆們也用最騎呢方式應援。例如曾在Chill Club頒獎禮門口跳Pixel快閃舞給193看;拍MV翻唱193參賽歌曲《大懶堂》哄老公;接機接船,跟193聊天至凌晨兩三點。平日設計不同應援物為老公宣傳,每次都會留一份給193及奶奶(郭母),最窩心是得到193回禮,「我們常笑說為他應援像返工但冇糧出,於是他送我們『工資袋』,裏面有他的自拍照、好老婆證、名牌等,上面印了老婆賤人、老公嘉駿等字。」193每次出埠後,亦不忘買手信給到機場接機的粉絲,堪稱「愛妻號」。
老夫老妻唔使見 留機會畀新娘子
身為193的「大婆」,Sushi跟一班初代粉絲現在採取佛系應援,說大家已是老夫老妻,見不見到真人都沒所謂,寧願將機會留給新入門的老婆,「193之前有段時間少工作,當時ERROR中三人都有工作,只有他沒有,他很難過和負面,就在TG跟我們訴苦傾通宵。這些事跟朋友說可能難開口, 亦難明白,我們算是陪他一路走來的人,他願意分享心事,我們就一起想辦法鼓勵他。」
早前193在訪問中談到粉絲,平日嬉皮笑臉的他激動落淚,鏡頭前真情感謝一直支持他的同行者。Sushi說193鏡頭前真情流露的演出,背後花了不少努力,會看不同綜藝節目研究幕前演繹,希望觀眾欣賞他直率敢言之餘,也多留意他的作品,「33一開始覺得自己沒才華,會自卑,但仍有班儍更更粉絲支持他,我看到他哭自己也流淚,因他記得我們為他做過的事,今天他真的做到了,我們能大聲說:『我哋係193老婆,知我咩料啦!』」
染了一頭金黃短髮,身穿保錡品牌tee及行山帽的Wing,說話爽快直接,無論外表或談吐,都有點保錡的影子。「可能太喜歡他,外形不自覺會模仿了,偶像嘛!」保錡的粉絲自稱Pokimon,會稱呼保錡做大佬,緣於經常在TG跟粉絲談心的他說了一句「一世人兩兄妹,有你有我」,家人冇得揀,叫妹妹給人感覺更親。
Wing播放着保錡Telegram對話中的唱歌錄音和合照,回想起跟大佬過電的一剎那,只因一個IG動態,「我第一次接觸保錡是在IG看見他有個post說自己在減肥,我第一次回覆這些story,說希望你減肥成功,外形更好看,沒想過他很快回覆我:一定會!他現在的確成功瘦多了。」因為這三個字,令30歲人從沒試過崇拜一人的Wing驚喜萬分,翻看他所有節目,聽他創作的歌,更成為了保錡Telegram及fans club的admin。
音樂能力被看低 初心未變
「保錡對音樂的熱誠真的很瘋狂,每晚收工做音樂至3、4點,但翌日8點要工作, 為了夢想去到盡。」外形MK搞笑的保錡以獨立音樂人身份出道多年,自己編曲填詞,自資買器材拍MV,然而網上歌曲點擊率不高,能力常被看低。Wing說從未接觸過保錡創作的音樂類別,故尤其喜愛《ikigai》、《秋冬4U》、《Get A Real Life》等拍子和旋律都引人入勝的作品,「很多歌都由音樂人JNY監製, 為更了解大佬的歌,我就去了JNY的studio學整beat。」保錡知道Wing這舉動,提議Wing製作一隻beat,更承諾親自為她編曲和填詞,令中學時也夾過樂隊的Wing更有動力重新玩音樂。
保錡說如果要玩音樂,首先要買器材學習製作,不可以紙上談兵。由網友變成朋友的JNY跟保錡合作做過不少歌,深知他不想被人界定為搞笑藝人,因為初心是當音樂人,「他諗旋律很強,亦很有毅力,錄音即使聲沙了,都要錄到滿意才離開,平日一有新想法就不停問我意見。我們很夾,初次見面jam了幾小時,就寫出《ikigai》。」Wing在旁補充:「他們以前每月能出一首歌,很癲,都是沒錢賺的。去年6月至12月是保錡的低潮期,你聽他的歌就知他的心路歷程。」
學音樂轉工 「人生冇起跌冇意義」
雖然保錡最近因工作繁忙,加上音樂事務都需經公司批准,暫時不能兌現為Wing編曲填詞的承諾,但他對夢想的堅持,令Wing當頭棒喝。Wing成長於小康之家,體育系畢業後再修讀教育課程,當時她對生活毫無想法,也沒有想做的工作,最後選擇回家打理家族生意,家人退休了,她沒有生活負擔,別人以為她過得無憂無慮,她卻形容這些日子似條鹹魚,「未試過跌,也未試過很成功,就像一條平線,好冇意義。但保錡的人生給了很多啟發我,令我想改變、進步。」
保錡家境清貧,15歲輟學開始打工,茶餐廳、售貨員、髮型屋等都做過,課金追音樂夢,卻挫敗連連;早前曾因負面新聞、粗口罵粉絲事件惹起不少誤會,支持他至今的Pokimon為他申冤:「因大佬太直腸直肚不懂修飾,常被人誤解。」為了令保錡進步,Wing笑指偶爾也會給予偶像一些提點,指他開始時較我行我素,現在多了思考反省,願意接納別人意見,也是種進步。保錡在《自肥》成功被Mike導團隊「打救」,熱淚盈眶找回熱血初心,高低起伏的人生本來已夠勵志,「因為大佬,我也想感受吓高低起伏,今年轉工後發現職場果然很陰險,工作不順利令人沮喪,但我真的get a real life了。」Wing今年把心一橫去轉工,重投教育事業,現職教授社交禮儀成人證書班,更會在堂上播保錡的歌和片,以他的經歷鼓勵學生。
生於錯誤的時代,ERROR的出現好像我們凡人自身,岩岩巉巉,甩皮甩骨,但卻勇於擁抱缺陷與失敗,不斷嘗試,至死方休。因為沒有偶像光環,這種自由奔放堅持真我的態度,反而引起大眾的共鳴,連結了那些一直還在堅持的人。
粉絲×193搞笑互動
1. 派糧贈墨寶
193偶爾「派糧」給老婆,例如贈墨寶,在月曆寫上老婆生日日期,亦曾恥笑老婆身高創新低,更為粉絲們改名字。193為Sushi起名為阿屎,圖中則畫了嚿壽司給她。
2. 同老婆自拍
193太愛跟粉絲聊天,有時給經理人催趕也不願離開。例如有次出席金像獎走過紅地毯,他竟走回頭跟老婆自拍,最後給老婆大聲趕走。
3. 「對唔住老公」
MIRROR演唱會193做完表演嘉賓後出去找fans,去了吃飯的老婆立即衝回去「跪地」說「對唔住老公」,哄得193邊笑邊叫黐線。
4. 家用工資袋
老婆常笑說為193應援像返工,193就送出了「工資袋」,裏面有他的自拍照、好老婆證和名牌等,十分窩心。
5. 貪佢夠靚仔
在餐廳碰見193跟花姐和MIRROR同場,Sushi走過去叫老公,再問准花姐能否跟193合照。花姐說:「你咪影囉, 到底你鍾意193啲乜?」Sushi說:「靚仔。」
6. 真老婆no way
會否幻想成為193真老婆?Sushi耍手擰頭:不要了,佢太煩!她重申老婆很多瘋狂應援行為都是為搞笑,潛規則是絕不影響偶像私生活,也不能有任何身體接觸。
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋:愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 :http://as.appledaily.com
籽想旅行:http://travelseed.hk
健康蘋台: http://applehealth.com.hk
動物蘋台: http://applepetform.com
#ERROR #193 #保錡 #Mirror #郭嘉駿
#果籽 #StayHome #WithMe #跟我一樣 #宅在家
![post-title](https://i.ytimg.com/vi/0vDSZGVEMYc/hqdefault.jpg)
大家諗住留低定離開 在 Handline Fishing Youtube 的最佳解答
峰迴路轉 乾坤扭轉『香港釣魚 : 艇釣』維港 {粵語旁白+中英文字幕}
A mountain road twists and turns. To reverse the course of events [Hong Kong HK Fishing : BoatGame] Victoria Harbour {Voice Over + CC}
時間:12:00 - 17:00
流水:十六
天氣:19 - 25度。南風3級,漸轉北風4至5級。早晚有幾陣驟雨。初時能見度頗低。日間部分時間有陽光。
地點:維港
魚餌:沙蝦12兩、青蟲6兩、大眼仔2斤
工具:魚絲YGK FluoroCarbon 碳氟化合物4、5、6、8號,波子20-30g,子彈鉛60g,海馬鉤4號及鯊魚牌2/0
釣法:手絲
:影片字幕內容:
Hi大家好我叫Marco
今日我係嚟鄧腳嘅
初時我係唔打算嚟釣魚
因為已經滿咗四個
而其中一個釣友因為暈船浪
提早走咗
咁我就嚟幫手釣下魚啦
我係被安排咗十二點鐘嚟做替更
但另一個釣友
就因為有啲事要兩點鐘走
所以下晝基本上得三個人釣魚
連埋艇家就四個
手絲釣魚
影片分享頻道
今日十六流
我嚟做半日替更
南風三級
今日魚餌就有沙蝦12両
青蟲6兩
同埋2斤嘅大眼仔
據聞今日上晝
四個人出去釣魚
其中有兩個釣友係新手嚟嘅
全個上晝都係大概有4條魚
有一條斤零重嘅雞籠倉
一條1斤到嘅青斑
一條沙鱲同埋一條石狗公係咁多
呀,仲有一隻墨魚添
不過唔係好大隻
大概拳頭到咁大
其中一個釣友暈浪要走先
大概十點零鐘走
佢就釣左條青斑就自己攞返
咁另一個釣友就大概兩點鐘走
佢就攞番隻墨魚走
自從我十二點鐘落咗艇之後
已經完全改變曬今日嘅命運
阿立就畀佢釣左兩條假三刀
阿基哥就釣咗兩條青斑
而個陣時大概下晝一點鐘左右
最後,就得返我,阿立、同埋阿B哥三個人一齊釣下晝
由於今我哋下晝係釣瓜衫同埋鰔為主
我就準備咗一個仕掛釣組
我就用副YGK 4號魚絲
一開二兩門
下面就用粒50 gram嘅子彈鉛
不過今日我就發現啲鰔同埋瓜衫食底個門比較多
如果用青蟲做餌嘅話,啲瓜衫比較得食
今日批鰔同埋瓜衫都比較大條
食餌就比較搶口
喺維港裡面釣呢啲魚近排都唔係成日有
我哋今日盡情釣
反正啲魚又肯開口食餌
如果今日的流水更加大
啲魚會更加搶口食餌添
好多時去釣魚
都係要講天時、地利、人和
呢三樣嘢
今日係吹南風二級
咁啱近排又有啲批魚走入維港食餌
阿基哥又熟呢一邊排口
知道邊一個位置係砂泥底
而且我哋個個釣友都好配合
我哋話叫砂泥底
就絕對唔會揸大餌
因為揸大餌係嚟度呢度絕對係冇意思
阿基哥今日就做咗個好好嘅示範呀
佢有幾個釣位就堅決唔揸大餌
如果我哋係揸緊大餌嘅話
我會叫番我哋唔好揸
盡量一齊釣返個類魚
有啲魚肯開口嘅話就盡情釣
如果唔係第日想釣返佢哋嘅話
就未必能夠搵番佢哋㗎啦
但係就有好多釣友唔係咁諗
佢哋會諗
反正都嚟咗
橫掂都係釣魚
我釣一條大嘅
總好過你釣一大堆細魚
起碼釣返嚟影幅相都威過你啦
好似阿基哥話齋
一係就大兜
一係就.....
啲大兜魚
都要搵啲適合地方先有得釣
如果唔係就到出嚟當遊船河算啦
隨時全日出嚟釣魚,都唔會有條魚返去
反而我就唔係咁諗呀
我就希望每次都有啲魚返嚟
無論細條又好,大條又好
太細條嘅話就當然唔要喇
我自己本身就好鍾意食魚
所以我期望每一次都能夠有魚返屋企
我就喜歡比較密密手咁釣
如果要我全日揸大餌嘅話
我又未必接受得到咁悶
今日就啱曬我玩啦
唔知各位觀眾你又會點選擇呢?
呢一批嘅瓜衫
同去街市買嘅大細其實都係差唔多
咁新鮮釣返嚟嘅瓜衫
同街市買返嚟真係完全冇得比
就算個賣相
肉質同埋個味道都係差好遠
有好多街坊見到我哋埋岸分魚嘅時候
總會問我哋可唔可以讓啲魚畀佢哋
其實有好多魚都係留番畀我哋自己食
有啲分下畀朋友
大家分甘同味
先至有釣魚嘅樂趣
阿基哥臨尾就幫我地揸大蝦
佢就突然嗌攞撈箕
畀阿基哥臨尾都執番條沙巴躉
我哋每一次落艇都講笑同阿基哥講
阿基哥你爭我哋四條青斑喎
今日就交足曬功課喇
呢條沙巴躉咁大條
我哋都要諗辦法一陣間點樣處理佢
我哋今日決定提早離開
趁街市魚檔仲係早未閂門
我哋就去返紅磡街市到
搵返相熟魚檔幫我哋碎咗條魚佢
分成三份
我哋都唔好意思搞到阿基哥燒晒手
不過佢今日就好high下
我就送開卷專用膠布畀阿基哥
等佢快啲康復,下次同我再釣多條
今日阿基哥就做咗個好好嘅示範呀
邊一個位置揸大蝦
邊一個位置唔揸大蝦
佢完全做足示範
有某幾個位置
我哋其實都有揸大蝦
但係到我地揸大蝦揸到放棄嘅時候
到佢就揸返大蝦
好似我真係知道下面有條大魚咁
你都咪話唔服
今次嘅釣魚分享我就分享到嚟呢一度
請大家喺臨走之前畀返個LIKE 我呢條影片喎
如果你都仲未訂閱我頻道嘅話
記住訂閱我頻道喎
開埋右手邊嘅啷啷
我近排都比較多片出
咁下次有新片出嘅時候就會即時通知你啦
請按以下鏈結來訂閱此頻道
https://www.youtube.com/channel/UCO_5XP-qd-udNxBlzzSzgvw?sub_confirmation=1
建議下一部影片:
釣沙巴∙∙∙等『香港釣魚 : 艇釣』青龍頭 {粵語旁白+中英文字幕}
影片連結: https://youtu.be/gSGFRn3rNDo
你或許感興趣的其他影片:
⚓ 大角咀之大佬-江哥,阿神與馬友的初次接觸 青馬 - https://youtu.be/nGLqp3pD3_M
請繼續收看手絲釣魚:
::最新釣魚影片::
https://www.youtube.com/watch?v=86XUnbwt4YA&list=PLGiZ1ROtXQKExNJZVgre1uHJ7Egp7Pt7w
::人氣最高影片::
https://www.youtube.com/watch?v=S2zjubu0RoA&list=PLGiZ1ROtXQKERHSavbId7nu3x6P3beIna
::教學/分享::
https://www.youtube.com/watch?v=uKTULrEyT-E&list=PLGiZ1ROtXQKGfs0mbYx-liAEWl2mzOkb7
::船釣/艇釣::
https://www.youtube.com/watch?v=xPAs7oqs9SA&list=PLGiZ1ROtXQKEfkfSX9MrBxizaon-6PO8r
::岸釣::
https://www.youtube.com/watch?v=Sq_GqD58vN4&list=PLGiZ1ROtXQKH6TKzdiwPcRHFfvz2twTMM
::港水/日水/艇釣::
https://www.youtube.com/watch?v=Bb8qOp8db6g&list=PLGiZ1ROtXQKFRZsNEYgxWATB_c0INAMD3
::港水/夜水/艇釣::
https://www.youtube.com/watch?v=8oerq2R2HEA&list=PLGiZ1ROtXQKHqeeXVPSM-haFosg086CMV
::港水/日水/岸釣::
https://www.youtube.com/watch?v=uuWZPLRih4E&list=PLGiZ1ROtXQKHET2CpMVeszpsDX2m3daHB
::港水/夜水/岸釣::
https://www.youtube.com/watch?v=qtQvPjFYaQ4&list=PLGiZ1ROtXQKHOn4i4AtU0LqFmSAylTv_V
::最新烹飪影片::
https://www.youtube.com/watch?v=mrRzq68nVRo&list=PLGiZ1ROtXQKE6xSW8gEzznGnjR80d24ZF
::烹飪/湯水::
https://www.youtube.com/watch?v=G9a9_FWnayg&list=PLGiZ1ROtXQKGNTj43A2TmhUgRerY6u51O
::烹飪/蒸魚::
https://www.youtube.com/watch?v=qrthSSC64tg&list=PLGiZ1ROtXQKGV4S2hw-x0Olh2YYeARvLB
:所有烹飪影片::
https://www.youtube.com/watch?v=mrRzq68nVRo&list=PLGiZ1ROtXQKGR-ZLWtnIZLovTGjKXB2Cj
::觀賞魚::
https://www.youtube.com/watch?v=532IGTEYZIc&list=PLGiZ1ROtXQKEu4-7Sie9InJijA7EibCgO
::分享::
https://www.youtube.com/watch?v=NqT_BGO-aOk&list=PLGiZ1ROtXQKHNapvvF4I6TmTT2-U3WEtp
::年度回顧::
https://www.youtube.com/watch?v=8MLVEwrvJWs&list=PLGiZ1ROtXQKGaM7ciTpzbi-ZPnRfViGm1
::『Handline Fishing 手絲釣魚』所有影片::
https://www.youtube.com/watch?v=S2zjubu0RoA&list=PLGiZ1ROtXQKE5EikSUQx7Ngrj3aKQJnch
==================================================================
背景音樂名稱 : I will find you someday - Carl Storm
來源 : YouTube Audio Library
拍攝器材 : GoPro Hero 7 Black (with HyperSmooth Enabled)
解像度 : 1920 x 1080 60fps
剪輯軟件 : Corel VideoStudio 2018
本片以全高清拍攝,務求能捕捉每一個最好的畫面來送給所有訂閱者
==================================================================
YouTube Channel 頻道: https://bit.ly/2W1Y8bG
YouTube Channel Subscribe Here 訂閱頻道按此: https://bit.ly/2Cva0LT
Facebook Page 手絲釣魚 專頁: https://bit.ly/2VbU4IS
Facebook 手絲釣魚交流群: https://www.facebook.com/groups/616740025403230/
Instagram 官方賬戶: https://www.instagram.com/handlinefishing_hk/
標籤 Tag :
香港釣魚 ╱ 釣魚 ╱ 艇釣 ╱ 手絲釣魚 ╱ 香港船釣 ╱ 香港艇釣 ╱ 釣魚影片
釣魚新手 ╱ 香港釣魚 艇釣 ╱ 船釣影片 ╱ YGK 魚絲 ╱ 香港釣魚 岸釣
Hong Kong Fishing ╱ Fishing ╱ Boatgame Fishing ╱ HK Fishing ╱ Fishing Vlog ╱
handline fishing ╱ hong kong boat game fishing ╱ fishing in hong kong ╱ hong kong ╱ fishing 2020 ╱ fishing video ╱ boat game ╱ how to catch fishes
釣り ╱ ボート釣り ╱ 船釣り ╱ 魚釣り ╱ 釣りVlog
#Fishing #釣魚 #り釣 #手絲釣魚 #HandlineFishing #香港釣魚 #香港釣魚2020
![post-title](https://i.ytimg.com/vi/zW2H20G04H8/hqdefault.jpg)
大家諗住留低定離開 在 mansonovo Youtube 的最佳解答
友榮鳗魚屋
地址:神奈川縣小田原122
Kazamatsuri 250-0032
開放時間: 10:00–17:00 星期四,五休館
近江源氏
地址:東京都新宿區歌舞伎町 2-39-8
營業時間:17:00~22:00
博多風龍 新宿東口店
地址:新宿区 新宿 3-21-2
ナナエビル 1F
開放時間: 11:00~翌3:00
酒店:Hotel Villa Fontaine
地址: 2 Chome-40番9号 Kabukicho
Shinjuku City, Tokyo 160-0021日本
每晚約HKD$550-$800
第二集:
和服店:きものや沙羅
地址:埼玉県川越市連雀町8-4
電話:049-227-6898
開放時間:營業時間:10:00〜18:00
林屋鰻魚飯
地址:埼玉縣川越市仲町 2-4
營業時間:11:00~18:00
電話:+81-49-226-3058
熟成和牛燒肉
地址:東京都 新宿区 新宿 3-5-4
レインボービレッジ 6F
營業時間:17:00~23:30
つけ麺専門店三田製麵所
地址:東京都新宿区西新宿1-13-3
西新ビル1F (在松屋旁兩三間店位置)
營業時間:AM11:00-AM02:00
好多謝大家對第一集踴躍嘅支持反應真係十分之好,收到有部份嘅觀眾發現我字幕有錯字或者我影片讀錯字,全部意見都收到晒下次會留意番,第二集嘅內容相信會比第一集更加歡樂!
第一站帶大家去一個新嘅地方我自己都未去過,好多人都會去東京着和服,基本上九成嘅遊客都會選擇去雷門淺草,但原來我發現最近好多遊客都會去「川越」呢一邊玩,由市區出發都只係半個鐘左右路程唔係好遠,而且所有環境都比較古舊最適合着和服玩啦!
川越市裏面我喺網上睇有三間租借和服或浴衣地方,我選擇嘅呢一間雖然唔係好華麗都唔係好多選擇,但係我都覺得服務同款式我好滿意,不過我已經證實左原來呢一間小店男裝款式全部都係和服沒有浴衣,反而女裝就會有啦!
川越最出名嘅神社一定係「冰川神社」呢個地方絕對係值得一去,同以往嘅神社相比大家都見到十分之熱鬧,因為呢個神社最主要參掰嘅都係關於愛情,所以吸引左好多情侶甚至渴望拍拖嘅朋友仔黎呢個地方!
川越市中心就係「一番街」,其實佢就係一條商店街,最特別嘅就係全部都係古舊嘅建築,無論你係着住和服嚟黎一度,定係嚟旅遊我都覺得好適合
着完浴衣嘅體驗之後,記得臨走前係川越一定要食鰻魚飯,因為呢度嘅鰻魚飯聽說好出名,成個川越市裏面有兩間鰻魚飯店,我選擇嘅呢一間叫做「林屋鰻魚飯」燒得十分之香脆而且價錢都好合理,鰻魚愛好者記得抄低佢去呢個地方啦!
晚餐方便我就搵咗一間燒肉店,價錢上邊中等啦但質素方便我就覺得中規中矩,因為網上嘅評價都幾高所以我先選擇呢一間燒肉店,的而且確有某啲肉嘅質素係真係好好食,但係我覺得50/50,所以如果大家諗唔到食乜咁就可以去試吓,但係你已經有心水嘅燒肉店咁呢度一定唔係你嘅選擇!因為佢唔係值得一試世界級正!
我去過咁多次東京都未試過去迪士尼,傳統嘅迪士尼我哋就去得多啦,唔知大家知唔知道日本迪士尼係分開咗兩個區域,一個係傳統另外一個就係海洋,裏面嘅主題我覺得傳統迪士尼係真係冇嘅,的確幾吸引,無可奈何因為我哋四個肥人都真係好怕熱,所以逗留左少少時間我哋就離開,的而且確係有啲浪費但係我哋都覺得好值得,因為每一個機動遊戲都需要排兩個小時或以上
話咁快一年兩集「玩盡東京遊」又圓滿結束啦,唔知呢兩晚大唔大到歡樂俾大家呢,希望可以幫助到大家計劃你哋嘅東京行程,如果鍾意呢段片嘅朋友記得幫我禁個like,睇完呢段影片有啲咩感受就留言話俾我哋知啦!我哋下次旅行影片再見
more about me:
►工作EAMIL ►manson_yee@yahoo.com.hk
►FACEBOOK ► https://m.facebook.com/Iammanson-1463381420592597/
►Instagram ►https://www.instagram.com/iam.manson/?hl=zh-hk
►飲食分享IG ►https://www.instagram.com/ffatfoodie/?hl=zh-hk
►我的PARTY ROOM ►https://www.instagram.com/fathouse.party/?hl=zh-hk
![post-title](https://i.ytimg.com/vi/EpmxV3Bc-SQ/hqdefault.jpg)
大家諗住留低定離開 在 《絕非訪客》(23)留低,定係走。其實你心底早有答案 ... 的推薦與評價
《絕非訪客》(23)留低,定係走。其實你心底早有答案。 將大門關上後,我沒有急著返回房間,而是獨自站在門旁,各種情緒以及疑問如怒濤般襲來,腦海展開了一場天人 ... ... <看更多>
大家諗住留低定離開 在 剖白移民最難捱日子點過點搵興趣對沖「不如意」? 圍爐取暖 ... 的推薦與評價
![影片讀取中](/images/youtube.png)
CanMen #移民#加拿大香港出現新一波移民潮已經兩三年,早出發嘅,無論加拿大、英國、澳洲、台灣定其他地方,可能已到埗一段時間, ... ... <看更多>
大家諗住留低定離開 在 閱讀文章- 看板HK-drama - 批踢踢實業坊 的推薦與評價
假如將藝人分類,大家想必會將王賢誌與麥浚龍(Juno)歸入同一類別,皆因兩人背
後都有一個富爸爸,又不約而同為兒子的娛樂事業出過一分力。
王賢誌的爸爸王忠桐,是王氏港建國際集團創辦人兼主席,能夠入無铫一圓明星夢,
他不諱言:「我係呀!我係靠老竇先入到行。」
這個夢發了13年,上個月底終於發完,約滿無铫後他決定離開,可以和平分手,他選
擇翻䒷,數落無铫如今的人事管理,稱同事崔建邦、王貽興為「只是一種現象」,甚
至「未夠經驗做大騷」,對於提拔他們的陳志雲,批評得更加不留餘地。
從來都是「慷慨犧牲易,從容就義難。」
百日維新的譚嗣同,問斬前寫了一首絕命詩,最後兩句為:「我自橫刀向天笑,去留
肝膽兩崑崙。」
他死前以詩言志,豪情氣概長留青史;名字與言志同音的「賢誌」,劈炮唔撈相諫無
铫,說話唔需要就住就住,說話有骨,也有骨氣。
屈就了13年,本文見街之日,是王賢誌離開無铫門口第13日,13年的冤鬱氣,究竟是
否可以在短短13日內完全消失,答案就像要在執筆的今天,估計下星期三是晴是雨那
麼困難,只可以知道,沒有了王賢誌,無铫也不會收檔。
《娛樂直播》一樣見到崔建邦;《謎》一樣見到王貽興;陳志雲的《志雲飯局》繼續
收錢至有得睇。
王賢誌是一個真人版的浪族闊少爺,爺爺是電子大王王華湘,爸爸是上市公司主席,
家族資產最少十五億,他更加是長子嫡孫,自小受盡萬千寵愛,家人期望他將來可以
接管家族生意,但他偏偏愛做電視藝員,有人人恨做的富家公子唔做,寧願捱月薪四
千八,做行行企企茄喱啡,單是有選擇的自由,已經令好多冇得選擇捱騾仔的打工一
族羡慕不已。
明星夢
問王賢誌為何喜歡做藝人,他的標準答案是:「做藝人可以話係我的童年夢想,記得
我小學五年級,即10歲左右,老師叫我作一篇題目為〈我的志願〉的文章,我諗都無
諗就寫鰦我的志願是做演員,當時老師重誤會鰦我,以為我意思係我屋企人做演員,
之後佢就好大聲咁鰠班房度問我:『王賢誌,究竟你媽咪定爸爸做演員?』我就即刻
話:「我呀!係我好想做。
「我鍾意娛圈,達到瘋狂的程度,我記得我細細個時,會去香港電視服務站度玩急口
令、參加蔡楓華、陳秀雯、陳百強的歌迷會,我唔係鍾意佢懐,只係想involve 多鱓
娛圈,就算唔係做明星,都想參與娛圈一鱓工作。我重記得鰠1985年時,我為鰦可以
鰠電台節目裏面度聽到自己把聲,就打成個鐘頭電話去《三個小神仙》電台節目度玩
遊戲,最終都俾我贏到汪明荃《傾城之戀》唱片一張,不過最開心鮋都係可以聽到自
己把聲。」
為了拉近與娛圈的距離,王賢誌在加拿大曾參加DJ比賽,之後成功加入電台。
「我鰠加拿大做DJ做得都唔錯,鰠鰟邊都算出名,有好多fans支持我,但鰟度始終都
係白人社會,就算我做得幾好,都只會係做畀小數人睇,發展空間有限,所以我就決
定返香港博一博。」
靠老竇
「返到香港,我先發覺比想像中難入行,鰠我加入無铫之前,我都有參加好多歌唱比
賽,不過唱鰦幾句就俾人叮走,跟住我就跟戴思聰學唱歌,諗住咁就可以易鱓入行,
點知鰟時做歌星唔只要靠實力,個樣都好緊要,當時興鄭嘉穎、楊采妮、孫耀威鰟種
歌手,而我呢?自問唔係靚仔,有時我重覺得自己好醜樣,點會有我份?」
兒子恨入行恨到出晒面,王賢誌爸爸看在眼裏,希望幫他一把圓他的明星夢,更有想
過投資幫兒子出唱片,這情況與麥浚龍一樣。
「係,因為我爸爸係東華三院總理,咁飱又同另一個總理星光唱片公司的老闆黃金富
好熟,佢懐兩個都為我諗過好多唔同鮋方法,例如爸爸出錢幫我出碟,唱片公司就負
責做宣傳,不過呢個只係一個好短的片段,因為我自知唔係唱歌鮋好材料,爸爸又唔
係真心想要捧自己個仔做明星,所以最後都係無鰦件事。
「不過我後來入無铫,就真係靠爸爸同無铫高層鮋關係,坦白講,無铫有咁多勁人,
以我一個唔係靚仔,又唔係出眾鮋人而言,如果唔靠人事關係,邊個會同你簽約、邊
個會畀機會你?」
做太監
「雖然我係靠爸爸先入到行,但咁又代表鱓乜?我一樣要由低捱起,鰠TVB咁多年
我都遇過唔少挫折,初入行時我都做過太監,鰠黃霑同江欣燕做主持、馬浚偉同鄒靜
做副主持鮋《江山如此多 Fun》節目中,我要覑住套古裝拎住枝旗fing纒fing纒咁帶
觀眾入場,鰟陣時真係覺得自己好瘀,諗起我大學鱓同學唔係做醫生就係做律師,又
咁多人識我屋企人,我就想拎枝旗遮住自己個頭,遮得幾多得幾多,不過我從來冇怨
過人,鬼叫我恨做咩?
「我鰠TVB捱鰦三年月薪只有四千八百元的茄喱啡生涯,跟住先有機會做《K-100》、
《翡翠音樂幹線》鮋主持,如果完全靠爸爸就唔會捱咁多年,你可以話我靠,我真係
靠佢畀零用錢我使,提供衣食住行畀我,如果唔係,我諗我都支持唔到落去。
「有時都覺得呢個世界好奇怪,娛圈裏都有好多有錢人,好似陳慧琳咁,佢爸爸做珠
寶生意都好有錢,但冇人話佢靠屋企,點解?因為佢有樣有身材囉!而好似Juno咁唔
靚仔,你懐就話佢一定係靠屋企人,咁咪係歧視囉!不過都冇辦法喇!呢鱓都係人鮋
劣根性,唔想俾人咁話,咪惟有做得好鱓去證明自己真係有實力囉!」
怨無铫
王賢誌出生於1970年,1994年加入無铫,1997年才擔正做音樂節目的主持人,至2001
年,終於再上一層樓,有機會擔任無铫大騷節目的司儀,對我們而言,這些磨練日子
是必須的投資,但在他看來卻覺得漫長了一些,不過也不計較,事關終於等到了,以
為未來會更上一層樓,怎料近年卻被高層陳志雲打入冷宮,自己效忠無铫13年,機會
都不及新人崔建邦、王貽興的多,怒火中燒之下,王賢誌決定翻䒷。
「講真一句,我真係好唔鍾意TVB鶽家捧人鮋方法,同埋佢懐鱓政策,鰟鱓一騷政
策、mini騷計錢方法、分management同agency,全部變得好差,更重要係公司幕前用
人方法真係好唔合理,你捧人唔緊要,但唔需要一窩蜂咁去捧,由朝到晚都見到同一
個人。好似王貽興咁,我都覺得佢有佢鮋條件,佢係文人,叫佢做《最緊要正字》係
好睇,但你要佢扮鬼扮馬做《謎》,效果唔會好鮁,咪會累死佢,咁咪叫做唔識知人
善用囉!
「又好似崔建邦、李思捷咁,佢懐根本未可以做到台慶呢類咁大型鮋騷,高層唔理觀
眾受唔受落,鍾唔鍾意佢懐都好,只因為個人喜好就安排佢懐同汪明荃、肥姐一齊做,
咁咪搞到好似阿媽拖住個仔咁,咁咪會令到更多人意興闌珊,就算自己幾努力都好,
有幾多年資都好,都係冇用,最終都唔會得到佢懐鮋重用,咁咪會令更多人離開囉!」
過亞視
「你問我嬲唔嬲崔建邦或者陳志雲,我好肯定咁答你我從來冇嬲過崔建邦,初時大家
合作《娛樂直播》時,我都有主動約佢去食飯傾偈,鶽家大家都做鰦好朋友,再講,
佢只係一個現象,下一個就可能係王貽興,歸根究柢我都只係唔滿意公司的策略,俾
我知道佢懐根本唔care我,去到《香港小姐》、台慶呢鱓大騷時,佢懐根本冇諗過用
我,我一直都唔鰠佢懐個list度,咁我再留多十年都係冇意思,況且到我同佢懐傾合
約時,佢懐講唔到畀我聽有冇劇畀我拍、有冇得參與大騷,佢懐只係 promise我可以
繼續做《娛樂直播》,咁 sorry喇!《娛樂直播》唔係我留低鮋考慮因素。」
王賢誌離開無铫後,除了將會返到爸爸的公司出任Director Manager外,他對演藝事
業的心依舊不死,做生意外,亦會分身做演藝工作,過檔亞視、有線都是他的選擇。
「我離開無铫絕對與亞視或有線無關,只係因為公司策略有變,我都要轉變去迎合,
與其佢懐畀唔到我想要鮋№畀我,咁我惟有走,而咁飱爸爸公司又有新idea,會做鱓
中藥生意,咁我咪出去闖纒試纒囉!不過我都同佢懐講千祈唔好畀咁大壓力我,我都
要三四個月去適應。至於過亞視或者有線,都有呢個可能性,而過亞視機會較大,我
諗佢叫得我過去,一定唔會要我去做一個深宵節目的主持,講到尾我唔係為錢打工,
唔係搵食,係要人重視、認同我鮋能力。」
性取向
問王賢誌與無铫分手的原因,他從實招來,答案快、狠、準。
去到訪問尾聲,記者直截了當地問他切身的問題:「你究竟係咪基?係咪鍾意男人?
怕唔伯屋企人唔開心?」
他說:「你呢個問題其實有好多人問過我,不過我覺得呢鱓都係唔係太影響大家鮋事,
純粹係八卦№,我唔介意大家寫得有幾咁誇張,但我都唔會答你懐呢個問題,我鍾意男
或者女都好,我唔使向大家交代,我鍾意鮋人知咪得囉!況且呢個世界會有好多轉變,
以前我咁鍾意TVB,今日咪一樣離開,所以乜№都有可能轉變,唔會有一個肯定的答
案。至於我怕唔怕屋企人聽到外間咁講會唔開心,咁每個父母都想仔女做到自己心目中
的模樣,我諗一開始時,爸爸媽媽都想我畢業後幫佢懐做生意,但我最終都好離經叛道
咁入鰦娛樂圈,不過我都冇變過,我都冇學壞,我依然係以前鰟個王賢誌,最緊要都係
我對佢懐依然好。」
志雲飯局
問王賢誌他的性取向,他的圈兜得真大,答案依然是謎。
訪問後數日,記者再問他近況如何,他就直話直說:「唔!飱飱有個藝員部的同事打
電話俾我,佢話陳志雲睇鰦鱓報道後,想約我出鈬食餐飯,不過唔係上《志雲飯局》
喎!只係一個私人飯局。」
雖然唔係《志雲飯局》,記者亦可以想像,陳志雲絕不會乞求王賢誌重返無铫家園,
不過一餐飯總是聊勝於無。
有句老話:「做不成夫妻,也不一定要做敵人。」
做不成賓主,也不一定要翻䒷不認人,但是冰封三尺非一日之寒,這一餐飯能否破冰,
就有待下回分解。
~摘自401期三週刊~
https://www.3weekly.com/common/content.htm?link=threeweekly/0400/ent/20070606
--
********************************
*樂天天王--古天樂 楊光大少--張智霖 天地傳奇--羅嘉良*
*亦邪亦正--江 華 絕世神捕--陳 豪 俊逸型男--方中信*
*氣質靚女--楊恭如 金牌冰人--張可頤 才貌雙全--郭羨妮*
*黃金潛艇--廖于誠 強打少年--陳冠任 勁力十足--王勁力*
********************************
--
▎◣˙◢◣˙◢▉ 情報員標號:218-165-116-237.dynamic.hinet.n ▉├┼┤ ▉ ◤
▎◥ ◤▉ 隸屬★單位:中央情報局 (bbs.e-cia.net) ▉╰┼情局▉ ◣
... <看更多>