潛水愛好者，通常都有唔同嘅要求。有啲鍾意睇小生物，例如蝦蟹海兔。有啲鍾意睇珊瑚。我就鍾意睇風景，捐窿捐拉。但係大部份都會有一個共同目的，就係見到海中霸主鯊魚！初初係沖繩潛水嘅時候，好多人同我講沖繩本島係冇鯊魚,最多見到一兩條細細的Reef Shark. 因為我哋去親嘅都係休閒潛水地方，例如青之洞，砂边（美國村），恩納村。個啲地方水底忙到好似旺角咁，我係鯊魚都唔敢來！但係近日我同另一個潛伴週圍試新點，遇到好多不同水底美景！有迷宮咁既海溝和洞，有巨型大漁網，亦有巨型生物棲息地。但亦有悶到慌的大沙地。
前幾天終於比我地搵到沖繩本島夢想中嘅國度，大生物棲息地！我地一次過遇見4條7-8尺長大oceanic **Lemon Shark, 有架車咁大嘅Ribbontail Ray, 有人見人愛嘅海龜～興奮到彈起！但個潛點唔容易去到，水底亦都有水流，少啲體力都唔得。GPS 亦冇路入，我去到都要問美軍是知道點樣去。係！呢度系美軍一個潛點！
**有好多人會擔心鯊魚危險，其實呢一個唔係正確觀念。會主動襲擊人嘅鯊魚只有兩三種,大白鯊，虎鯊，公牛鯊。但係呢啲鯊魚在沖繩非常少見，絕無僅有。佢哋出現嘅比率同佢香港水域出現差唔多。我教練們在沖繩潛左水幾年，佢哋只不過見到鯊魚幾次，仲要係瘦孟孟細Reef Shark。鯊魚好有地域性，唔係咁容易見到。所以如果你怕沖繩潛水或者浮潛會見到鯊魚，你一萬個放心好了！你見到嘅機會可能同在旺角見到黎明差唔多！
Lemon Sharks: https://youtu.be/YghIq0_2Uyo
Ribbontail Ray: https://youtu.be/grZSOjD1X3c
大白鯊gps 在 在美國加州外海活動的大白鯊常常會往太平洋中部的某一區域 ... 的推薦與評價
而最近發表在《當代生物學》(Current Biology)期刊上的新研究更是為部分鯊魚在長距離遷徙過程當中運用地球磁場進行類似人類GPS導航的長期假設提供了全新的 ... ... <看更多>