📍ᴛsɪᴍ sʜᴀ ᴛsᴜɪ, ʜᴏɴɢ ᴋᴏɴɢ 🇭🇰
<少女心大爆發粉色夢幻下午茶 J’sBarBistro>
辛苦左一排終於放Sembreak😢又係時候要放鬆下，而且近排有舖食Tea癮，千挑細選之下就同朋友一齊揀咗呢一間😳因為佢哋竟然有鱘魚子醬食丫🤫
-
🍴夢幻粉嫩下午茶
評分：8/10
下午茶以粉紅色做主題，並且部份食物以南瓜車同玻璃鞋裝住🤭非常夢幻，真係會少女心大爆發🥰
～
四款鹹食：迷你烤豬肉牛角酥🥐、蝦肉沙律曲奇、西伯利亞鱘魚子醬、紅菜頭酥皮盒🥧
迷你烤豬肉牛角酥入口帶有陣陣嘅牛油香味😋而且口感鬆脆，中間嘅豬肉入口口感爽嫩，咬落有少少肉汁，配上味道清新嘅蕃茄片🍅，整體嘅味道清新唔油膩☺️
蝦肉沙律曲奇入口口感非常豐富😜爽口嘅蝦肉配上鬆脆嘅牛油曲奇，竟然有意外驚喜🤗而且曲奇表面有啲沙律醬喺度，所以入口亦唔會太過乾身。
西伯利亞鱘魚子醬配上多士同碎蛋一齊食用味道啱啱好😋入口暨不失魚子醬嘅鹹香味，但食落又唔會覺得太鹹😝而且配上香脆嘅多士，整體口感亦都會比較豐富😳
紅菜頭酥皮盒入口口感酥脆😌而且帶有好香嘅牛油香味，入口完全唔覺得有油膩嘅感覺。另外，酥皮盒食落嘅紅菜頭味都唔算太重🤫所以出嚟個味道都幾夾😄
～
七款甜點：咖啡味軟糕☕️、草莓醬芝麻蝴蝶酥、玫瑰杏仁小甜餅、紅粉荔枝果凍、粉紅石榴忌廉卷、玫瑰香蕉蛋糕花盆🍰、鮮草莓朱古力🍓
咖啡味軟糕以南瓜車裝住，上枱時更加會倒入乾冰🤗非常夢幻。入口味道方面，軟糕嘅質感軟糯煙韌😏有啲似Mochi咁🤔而中間就包住個咖啡慕絲，慕絲食落有好重好香嘅咖啡味😯質感亦非常幼滑，有驚喜。
草莓醬芝麻蝴蝶酥入口食落口感酥脆😋而且有好香嘅芝麻香味，即使配上左草莓朱古力，但味道亦都唔算太甜☺️反而酸酸甜甜嘅感覺令蝴蝶酥嘅味道更加豐富🤤
玫瑰杏仁小甜餅入口嘅味道就比較甜🤔但帶有好香嘅玫瑰香味，隱約都食到有少少杏仁嘅味道😚而口感方面，小甜餅入口食落微脆，唔會太過硬身😗
紅粉荔枝果凍望落有種簡約美，而果凍入口食落帶有好香嘅玫瑰味😍隱伴隨着有少少香甜嘅荔枝味，而且表面有層奶凍喺度😎入口帶有淡淡奶香味，同時亦多左一份幼滑既質感😁
粉紅石榴忌廉卷入口有好重嘅石榴香味，而且味道酸酸甜甜咁，非常開胃😋忌廉卷入口口感濕潤，而且鬆軟😚表面嘅石榴籽亦都豐富左成件忌廉卷嘅口感😌
玫瑰香蕉蛋糕花盆入口有淡淡的香蕉味🍌，表面嘅忌廉亦都做得非常輕盈幼滑，中間嘅蛋糕睇有啲似Cupcake嘅質感🤔所以整體入口感覺亦都唔會太濕😆
鮮草莓朱古力用玻璃鞋載着，非常夢幻😍而且入口食落整體感覺都非常清新，偏酸嘅草莓配上味道香甜嘅白朱古力，絕對係一絕😋
～
飲品：玫瑰洛神花茶、百合茉莉花茶
玫瑰洛神花茶入口有好香嘅玫瑰香味😊配上味道酸酸甜甜嘅洛神花，整體嘅味道都非常豐富😋而且仲可以根據個人喜好加入蜜糖去調味😎
百合茉莉花茶聞落有比較重嘅茉莉花香味☺️不過入口飲落就帶有清幽嘅茶香味😌味道比較複雜，有少少難形容😳但一樣好飲🤗
價格：HKD $498
——————————
店舖名稱：J’s Bar Bistro
環境：4.5/5
服務：5/5
地址：尖沙咀麼地道69號帝苑酒店2樓
交通：港鐵尖東站P2出口，步行約3分鐘
——————————
#hkfoodie_life_尖沙咀
附近鐵路沿線仲有咩食👇
#hkfoodie_life_荃灣綫
#hkfoodie_life_西鐵綫
同類型食物嘅介紹👇
#hkfoodie_life_AfternoonTeaSet
．
．
．
．
．
#teaset #royalgarden #royalgardenhotel #royalgardenhotelhongkong #theroyalgarden #jsbar #jsbarbistro #帝苑酒店 #下午茶
