［100億能量戰士！］未到聖誕，迪士尼票房已超過100億美金，史上第一家
1. 迪士尼就係電影界嘅味將軍，美心咁之嘛（OK，話LVMH咁好似型啲，但咪即係美心）
2. 就係咁簡單，未到聖誕，迪士尼全球票房已經超過100億美金，史上第一間公司做到。迪士尼自己呢，上一次紀錄係2016年，76億
3. 唔止，呢度仲未計Fox嘅戲（係呀，又係迪士尼的），計埋就120億美金了
4. 唔止，十套最賣座嘅戲，6套係佢。
5. 唔止，佢仲要有6套戲過10億美金票房，亦係史上無人能及。係喎，Frozen II未過，但必定會過啦。
6. 呀仲有，聖誕節套星球大戰都未計添。基本上必過10億票房。即係7套。
7. 又話時話，迪士尼呢六套戲，我一套都冇睇！反而係豬豬俠同小丑我有睇。我就真係支持雞蛋啦（嘿，收10億美金票房嘅雞蛋）
8. 又，雖然六套我都冇睇，但我理解到做乜 復仇者咁多人睇，亦理解到Toy Story 4點解仲幾收得（但計及通脹，同返前作比就失敗，我估係冇咗勞蘇。有勞蘇我實睇）。經期隊長我都理解，Frozen II當然都明。但我就真係唔知道，到底有乜人去睇阿拉丁同獅子王，好睇架咩？
9. 當然永遠唔好用自己（或圍爐嘅朋友）嘅品味去判斷公司或者股價。否則埃汾以自己為例，「迪士尼啲戲我都唔睇嘅」，走去沽空迪士尼，真係死十億次都未掂。
10. 所以都係嗰句，創意？值幾錢？創意梗係有用啦。「過嚟迪士尼幫我手啦」。創意係乜？人之嘛。人要做乜？人要開飯。靠人嘅公司，係好脆弱嘅。
10B. 之前寫球會唔賺錢，某程度上都呢個原因(http://bit.ly/36jU3EM)。但只係某程度，其實球會唔係真係咁靠人的，你睇曼聯近年踢到一pat屎咁一樣收入咁多，品牌老本打得好是也。
11. 反例：蘋果唔係靠人，你以為係啫。教主死咗咁多年蘋果股價如何？同樣地LVMH之類亦都唔係靠人，都話奢侈品味將軍，美心嚟之嘛。
12. 而the beauty is，娛樂事業好呀，冇咁易畀人話壟斷杯葛。迪士尼，講緊三成幾market share了，好得人驚。全世界喎！
13. N年前都仲有啲小朋友（拎住部埃瘋）去迪士尼樂園反霸權，但我冇見有人杯葛唔睇迪士尼戲。亦都冇見政府話一家獨大要做嘢
14. 有嘅，韓國人就有嘈，就話迪士尼Frozen 上畫霸咗八九成螢幕。本土電影冇啖好食。最新受害者係李英愛，係呀，大長今呀，未死的。不過由少女大長今（都唔少女）變成人地老母了，套戲香港會上，韓國版庾文翰老母。有機會再寫
15. 係喎，韓仔就係咁的。係要咁不擇手段架，係咁嗱喳架啦，當年保護本土票房唔畀外國戲上添。自有其歷史原因。都話長期夾在中日兩個大國之間，迫到啲韓仔個個都好勝／不擇手段。所以你見台灣人最憎韓仔，因為以前睇唔起佢，但而家鬥唔過佢。
16. 話時話，都推咗迪士尼股票一排。但如果聰明嘅可以反問，其實應該都返映得七七八八甚至九九十十？邊個唔知迪士尼賣座？之後又點？唔好忘記，迪士尼係今年票房特好啫，之前兩年冇咁痴線嘅。
17. 所以，你話買Netflix（股票），我都係好有疑問嘅。係，Netflix真係好勁，戰狼三百對住唔知幾多波斯大軍—但最後都係闔家鏟架嘛。
18. 除非，imagine the unimaginable 啦。入大陸啦。Netflix 而家啲劇，製作費玩到2500萬美金一集（你冇睇錯），當你征服全球都好，唔入大陸，唔知邊有咁大個市場填數咯。而迪士尼係入到大陸的喎（好似係）
大長今香港版 在 大長今演員2023-在Facebook/IG/Youtube上的焦點新聞和熱門 ... 的推薦與評價
大长今 演员表（主演） · 徐长今(成年)（李英爱饰演）. 徐长今(成年). 演员李英爱. 演员演技：9.3分· 闵政浩（池珍熙饰演）. 闵政浩. 演员池珍熙. 演员演技： ... ... <看更多>