《不得了！全部都係我至愛嘅食材🥰 馬糞海膽、三文魚子、藍鰭吞拿魚拖羅、鵝肝、蟹肉.... 🤤》
Quick Dinner一樣可以食得好，尖東站新開嘅奢華食材手卷及卷物外賣專門店－ YO ROLL有70多款手卷、卷物、刺身、丼飯及日式小食選擇！我第一下已經被個門面吸引住，歌舞伎町入口令我好掛住東京呀😭 一次過試咗３款皇牌手卷及１個皇牌卷物：
🔺京都 Kyoto手卷（海膽、三文魚子、蔥吞拿魚腩）$90
🔻東京 Tokyo手卷（牡丹蝦、蝦頭膏、三文魚子）$70
🔺大板 Osaka手卷（蟹肉、蟹膏、甜蝦）$65
🔻Yo Roll卷物（金箔、海膽、魚子醬、蔥拖羅、三文魚子）$138/8pc
手卷全部都足料到滿瀉，食材方面真心有驚喜😱 因為無諗過外賣都可以食到咁高嘅質素😱淨係 #海膽 已經令我覺得值回票價，平時外賣手卷店我絕對唔會點海膽，因為海膽用料唔靚99.9%會腥臭，但YO ROLL竟然用上成本咁高嘅 #馬糞海膽 😍 每塊海膽都非常完整飽滿，色澤金黃，入口超鮮甜，有平時喺高級日本餐廳食到嘅質素，呢個價錢性價比好高👏🏻 #吞拿魚蓉 亦落足本錢，選用 #藍鰭吞拿魚腩位，魚油豐腴😋 中意食蟹嘅朋友就表示"大阪Osaka手卷"一次過滿足到佢三個願望啦🦀 疊高高嘅 #蟹肉 及 #蟹膏 鮮甜濃郁，加上柔軟鮮甜嘅大蝦，每啖飯都食到餸，好滿足😉
因為海膽實在太正嘅關係，我哋決定試埋集金箔、海膽、 #魚子醬、蔥拖羅、 #三文魚子 於一身嘅皇牌卷物Yo Roll ❤️ 所有食材份量都好慷慨，魚子醬嘅鹹香、馬糞海膽嘅鮮甜、三文魚子嘅鹹脆，幸福😇
店員介紹呢度嘅飯都係呈琥珀色係因為用咗味道濃郁嘅 #赤醋，赤醋比普通白米醋飯味道更香醇濃郁，更加帶出刺身鮮味。
📍Yo Roll
營業時間: 星期一至日 12:00-03:00
地址: 尖沙咀科學館道14號新文華中心地下62號舖
大阪到京都票價 在 【日本旅遊攻略】京都地鐵搭乘攻略，票券購買與教學｜KKday 的推薦與評價
來到日本 京都 自由行，一定會搭乘 京都 地鐵，快來看超實用的單程地鐵票券購買與搭乘教學，每個地鐵站都有自動售票機，選擇目的地所在路線，投入金額後， ... ... <看更多>