關於 大陸配偶 團聚 依親 ，我們在網路上蒐集到這些相關的討論、資訊與評價

#今日疫情重點【彰化衛生局自行採檢無症狀居家檢疫者，指揮中心：違法但尚無罰則；陸籍配偶明日起可申請入境】

中央流行疫情指揮中心今（23）日召開COVID-19（又稱武漢肺炎、新冠肺炎）記者會，說明日前彰化縣衛生局自行針對「無症狀篩檢」一案，是否違反《傳染病防治法》的調查結果，認為「有違法」但因無罰則、無法開罰。此外，明（24）日也有多項新政策實行，包括菲律賓入境有症狀者才採檢、陸籍配偶可申請入境，以及雙鋼印口罩上路。
　
■彰化對無症狀篩檢，違反地方防疫策需報核或聽由中央指揮規範
　
彰縣衛生局日前針對居家檢疫者主動進行核酸PCR篩檢，檢出一名8月17日自美返台少年居家檢疫期間無症狀但被驗出陽性（案485），才意外爆出彰化縣採檢對象擴大，與中央流行疫情指揮中心「無症狀者不需採檢」的政策不同調，指揮中心因而將此案送政風調查。

指揮中心指揮官、衛福部部長陳時中在8月28日拿到政風調查結果後表示，調查結果有「便宜行事」的味道，再將此案轉送指揮中心的法制組調查。經近1個月的調查，陳時中今天在記者會上表示，彰化縣衛生局有兩項作為違反指揮中心政策：
　　
1.針對無症狀的居家檢疫者自行採檢。
2.主動要求居家檢疫者於檢疫期間外出到醫院，恐造成傳染風險。
　
陳時中解釋，彰化縣衛生局違法的是《傳染病防治法》第5條第1項第2款第1、2目，及第17條第1項規定：「地方主管機關須依據中央主管機關訂定的傳染病防治政策擬定，並報中央主管機關備查」，以及「中央主管機關成立指揮中心後，統一指揮、督導、協調各級政府執行防疫工作」。
　
■有法規、無罰則，罰不到彰化縣，未來擬修法增對應罰則
　
但陳時中也表示，此案彰化縣雖然違法，但現階段的《傳染病防治法》並沒有設立相對應罰則，因此現在處於「有違法事實，但不罰」的狀況，未來會在修法時一併提出罰則評估；其他如涉有公務員違法、怠忽職責的失職行為，將由彰化縣政府調查辦理。

對此結果，彰化縣衛生局長葉彥伯接獲《報導者》記者詢問電話時，僅低調表示，「不表達任何回應與意見。」

至於，彰化縣衛生局與台大公衛學院合作的另一項萬人血清抗體調查研究，也因計畫是否通過研究倫理審查（IRB）引起質疑，而台大公衛學院公布的資料上顯示，計畫是送交台大校總區的台大行為與社會科學倫理委員會的研究倫委會，8月11日才通過，但計畫6月即已啟動，有事後補件的瑕疪。陳時中表示，「此案衛福部仍在調查中。」
　
■陸配可以來台！明（24日）起陸籍配偶可申請入境
　
2月6日，台灣在疫情延燒之際即全面對中港澳封關，陸配部分僅開放已取得「依親居留」者入境。陳時中今天也宣布，考量國內疫情穩定，並兼顧人道需求，國人的陸籍配偶可以自明天（9月24日）起，向內政部移民署申請入境。外國人隨行團聚的陸籍配偶、未成年子女也可以入境，但都需要完成14天居家檢疫。

指揮中心副指揮官、內政部次長陳宗彥表示，這些外籍配偶必須已經在中國完成結婚登記，並且取得有效依親團聚的證件，目前估計人數有666人；至於外國人隨行的陸籍配偶則有74人，總計740人。

移民署進一步說明，已持有有效團聚證者（人在境外）明日零時起可入境。至於還未取得團聚簽證者，明天起可開放申請。

陸配申請來台，有「團聚」、「依親居留」、「長期居留」、「定居」4個階段。依台灣規定，若夫妻雙方要在台灣登記結婚，首先得在中國完成結婚登記，將結婚公證書正本送往海基會驗證，通過後向移民署申請大陸配偶來台團聚，經移民署訪查台灣的家庭、經濟等狀況，始核發通稱「團聚簽證」的「入台證」給陸配，夫妻雙方在機場通過國境面談後，才能入境台灣登記結婚，並進一步申請依親居留。這樣的「團聚階段」，一般需時數個月到半年不等。

不過，無論是已取得團聚簽證、卻還來不及完成國境面談；或是已在中國完婚、卻未及向移民署申請團聚，就此與另一半分隔兩地的個案，《報導者》從海基會婚姻公證書驗證的份數估算，申請團聚流程因封關停擺的兩岸新婚夫妻，約有2,000對。

由於目前往返台灣、中國需各隔離14天，能放下工作到中國和另一半團聚的台灣民眾有限，多數「團聚陸配」已相隔7個月沒有見面，手上許多公證文書已過期，得重新申請。但得知開放團聚消息，都相當振奮。
　
■18名菲籍、1名日籍民眾返國檢驗陽性，防疫醫師：疫調結果台灣無擴散
　
至於疫情部分，陳時中表示，指揮中心分別接獲菲律賓、日本透過國際衛生條例國家對口（IHR）以及民眾通報，一共有18名菲律賓籍民眾、1名日本民眾，自台灣返回母國時，於機場採檢出COVID-19陽性。

負責菲律賓個案疫調的防疫醫師蘇家彬表示，疫調的重點是將這些個案都當成本土個案來調查，希望了解個案確診前14天在台灣的接觸狀況。蘇家彬說，個案可分成3大類，第一是船員，這類型最單純，船員從國外坐船工作到台灣，在台灣僅進行居家檢疫，檢疫完成就坐飛機回菲律賓，在台灣的相關接觸者很少。

第二是家庭看護工，目前疫調會針對看護的照顧對象、雇主家裡，假日會接觸到的人等進行追蹤；最後較多的則是工廠作業員，指揮中心會針對個案接觸過的工廠員工、同宿舍的室友、一起聚餐的朋友等進行匡列，特別將個案出境前兩天的接觸者列為居家隔離者。

目前匡列一共372人，採檢202人，核酸PCR、血清抗體檢驗結果都是陰性，「這些個案調查後，目前都沒有證據在台灣有感染源，或已經感染給別人，」蘇家彬說。

陳時中表示，該名日本旅客，8月29日入境台灣，9月12日檢疫期滿、14日返日，入境日本時抗原檢驗結果陽性；但日前民眾主動通報，9月20、21日日本政府再對此案進行核酸PCR檢驗，結果為陰性。此案在台灣接觸者匡列1人，核酸PCR與血清抗體皆陰性，因此判定對台灣沒有影響。

對於菲律賓突然有大量通報數，陳時中說，這些確診個案幾乎都集中在2個班機裡，其中一個班機有13名確診，陽性率16.7%，十分異常且偏高，目前也積極向菲律賓搜集情報。

指揮中心專家諮詢小組召集人張上淳也說，「菲律賓突然傳出這麼多個案，在專家眼中都抱持著懷疑的態度，我們會繼續追蹤最後的結果。」
　
上週三（9月16日）例行記者會時，指揮中心發言人莊人祥曾表示，菲律賓的機場檢驗機器是外包，可能造成檢驗品質疑慮。莊人祥今表示，指揮中心已詢問菲律賓官方，但對方回答都很模糊，僅說明菲律賓的檢驗機器外包給紅十字會，實驗室都有認證；再詢問如何判定確診，就沒有再回覆。莊人祥說，菲律賓官方與台灣聯繫的對口，與當地檢驗的部門不同，因此不容易取得明確資訊。
　
■明（24）日起，取消菲律賓無症狀入境者全面篩檢政策
　
陳時中表示，台灣自7月26日起，對自菲律賓入境來台者全面篩檢，截至9月20日採檢了1,238位民眾，其中有症狀者採檢陽性率為17.6%、無症狀者採檢陽性率0.7%，經過專家小組諮詢會議討論之後，決定於24日起，調整菲律賓入境檢疫政策：
　
1.將全面篩檢，改成「有症狀」民眾採檢。但所有入境民眾都須在集中檢疫所完成14天居家檢疫，並於檢疫期滿前進行採檢。
2.未持有我國居留證、居留簽證的外籍人物，須提供登機前3天的核酸PCR檢驗報告，才能轉機或入境。
3.外籍人士需自費每日1,500元的集中檢疫費用。

（文／陳潔、曹馥年 ；攝影／楊子磊；照片提供／中央流行疫情指揮中心）

#延伸閱讀
【真的假的？COVID-19陽性與否，PCR的篩檢其實存在「灰色地帶」？】https://bit.ly/30ugPtx
【真的假的？血清抗體檢測，是解讀流行疾病的「關鍵密碼」？】https://bit.ly/2S42KOx

#報導者 #COVID19 #陸配 #菲律賓 #疫情

我的移民台灣心路歷程（下）- 最終回。

1. 可以睇返第一集（https://bit.ly/3gHTxWU），同第二集（https://bit.ly/3eFJYpB）。我強烈建議你睇。因為我好撚怕啲人唔爬文，唔知情況然後仲嚟鬧。

2. 再講一次（因為真係好多人唔會爬文），只係心路歷程，同經驗分享。本文冇話你聽點解我搞移民台灣（我唔介意講，但係另一課題），亦幫唔到你做決定（條命你嘅）。只能話你知當年我係點做，而其實家陣例都改咗。

3. 重要嘅講多次，正路地，任何人拎台灣護照，都要坐一年。當然有人講過用偷渡等嘅方法，首先犯法，二來，移民啫，唔好搞到好似葉繼歡咁啦。坐一年，基本上意味著，你就要辭咗份工，呢個就係最大問題。

4. 如果你失業嘅，或者剛畀人裁走嘅，或者反正都想爆老細樽辭佢老母職嘅，就正好。或者你係freelance 在家工作嘅，你啲工作搬到去台灣都做到嘅（例如你係寫稿佬），十分好。但其他情況，就等於你辭咗份工。而你坐移民監嗰時，係不能打工嘅。況且，台灣嘅人工，算吧啦。你在香港搵開幾皮嘢人工（中產嘛），你在台灣為搵八千蚊同人朝早迫車？多數人都唔會。所以坐監，一係自己搞生意，一係就休息下，感受下台灣。或者日日上網做廢老指點江山都得。

5. 所以呢度嘅安排先最深。點解係我太太去台灣坐，唔係我坐？其實人人都估到：因為我人工高過佢。呢個唔係hard rule，但我認識多數夫妻都係咁。(BTW，如果係拍拖或同居嘅，記得要簽紙了，否則法律上你咩都唔係。至於同性伴侶，我就唔熟，遲下研究）。又或者係睇下邊個對份工不滿啲，睇下邊個返到嚟都仲可以易搵工，人工又唔會爭太遠。睇下邊個可以停薪留職（如果仲有咁好嘅事），或者睇下邊個可以申請公司relocate（但我見好少，而relocate同時係咪可以搞居留都要研究下）（係呀我乜都要研究下，都話唔係移民顧問，而你一個仙都冇畀。用免費版仲要咁多功能？至少都請我食飯上學生版啦）。

6. 太太拎完又點？好似我嘅情況，其實唔複雜。佢拎到護照，咪返嚟咯。公司舊錢都會拎得返，當然唔好一拎護照第二日就取消咁核突。情感上太肉酸之餘，可能都會影響續證，如是我聞。

7. 然後我又點？我冇喎，我咪等第時畀人炒，或者我炒人，或者搵夠退休，然後用團聚身份過去住咯，到時先坐一年。正路地就改例都唔會改到夫妻團聚唔到。

8. 咁當然了，又唔該，咁大件事，夫妻共同進退啦。諗離婚嘅，你就都煩過梵蒂岡（但真係遇過嘅畸屎）。或者你諗下，我當舊錢係你出，或者一人出一半，但你太太搞移民嘛，當然間公司係佢名。理論上佢拎咗你舊錢走人去台南搵個台仔過埋下半世都得嘅。呢啲嘢本人就幫你唔到，自行評估風險。

9. 另一種方法，其實煩，但都可行。兩公婆都唔想辭工嘅，踢老豆老母or both去坐咯，退休人士更好。台灣對老人家幾好，生活指數又低，社會氣氛又唔緊張，如果雙親適應力強係OK的。咁但當然家家有本淫賤的經，你老豆你老母咩情況，你先知。佢住到一半喊晒口同你講阿仔我要返嚟，我都唔知你點算。況且，情況都迂迴啲。要你老豆老母拎咗護照，然後你用中華民國公民仔女嘅身份去，又坐一年。再之後你老婆老公先用閣下中華民國公民配偶嘅身份又坐一年，都有點煩。不過公司就只搞一次，不幸中之大幸。

10. 仲有更多奇難雜症，保護朋友私隱唔在呢度公開。例如老豆老母冇簽紙點呀，老母離婚而家個老公唔係你老豆點呀（我嘅情況），所以真係要一個個畸屎咁討論。

11. 提埋你，真係唔同地方唔同例。有個畸屎呢，兩公婆，簽咗紙結婚。好似生咗幾個仔。但個問題係，嗰幾個仔，係結婚前生嘅。留意喎，都仲係呢兩條友生，而家簽咗紙。在香港冇乜咁出奇丫，有啲人都唔簽紙。但台灣呢，呢啲畸屎，就好多時唔畀你過。過都要搞一大輪，又驗DNA又乜。所以唔好話簽紙唔重要。你生嗰時唔係簽咗紙，之後兩公婆結返都冇用。夠煩未？

12. 唔係廣告，我甚至唔開名唔會貼link。但我強烈強烈建議你搵移民顧問搞。你唔鍾意我推介嗰間，你可以搵第間。但你想自己搞，我會叫你唔好。

13. 移民顧問收你幾錢，我真係唔知。佢地可能都係睇人開價，或者睇下你個情況有幾複雜。但首先，我覺得係值。我同我地嘅顧問公司交手幾年，多數都係讚，冇乜彈佢地。講緊我當年係六萬蚊港紙左右，但唔該唔好拎呢個價同人拗，做人唔好咁low 。

14. 點解我覺得值？固然事後我知道服務都係好，但最初唔知嘛。但我嘅理由好簡單，中產嘛。中產係乜？有啲錢，但冇時間。你話你失業人士，或者學生哥，或者好有錢，你可以成日飛去台北，甚至在嗰邊長駐，日日去外交部乜乜部補嘢嘅，當然冇問題。但否則呢，呢度又漏一個印，嗰邊又漏一張form，你都幾唔得閒。第二，你當我小人之心都好。我都係覺得，經移民顧問搞，係比較容易的。台灣有佢十分人治十分官僚嘅一面，你話唔係嘅我唔會堅持同你拗，但我係咁感受到。我去台灣搞公司時，移民顧問約好晒銀行，話咁快開到戶口，約埋公證行，話咁快搞掂。到官方批時亦冇乜咩問題預到，佢地亦知道點樣去deal with 各樣東西。衰啲講句真係有急事你要交嘢但你在香港飛唔到去，都有人可以幫你手。甚至你啲邊個去先邊個去後嘅問題，佢地都或多或少幫到手。咁當然你唔好問完人地然後去第二檔平啲嘅搞咁賤啦下。你唔鍾意畀錢人賺，堅持自己搞係得的，好多人都自己搞。但我唔係，隨你。

15. 再講一次，呢篇唔係移民指南。之後仲有好多麻煩嘢。搞間公司啦，唔好以為空殼就得，亦唔好以為拎嚟買樓買股票（香港人最叻），或者搞間網店咁。有啲人得，有啲人唔得。但我作為一個中產，同上面講嘅一樣，我寧願用多啲錢，但要certainty．我同太太搞咗間公司，開咗間舖，係賣衫的。有實體店，真係有人嚟過望。我地只係開頭請咗個台灣人，公司生意當然亦都麻麻，加上老闆娘成日都東主有喜休息一天。但至少係正當打開門有得你睇嘅生意，冇乜可能會唔批。其他咩搞網店嘅，你諗你，我唔係顧問唔係台灣官員，唔敢兇你。但，真係，你諗你。得就你叻仔，但我寧願畀錢買certainty

16. 我間舖在新北板橋（提醒唔熟台北嘅朋友，其實台北外圍已經係新北，去咗你都唔知），固然唔大，只係初頭請個台灣人，但亦唔係格仔舖樓上舖。月租大約港紙四千。咪當經營成本。當然仲有啲頂手費呀，貨尾呀，就唔知點計。但都係有限錢，你叻嘅亦唔使好似我咁搞。

17. 仲有另一種成本，咁我太太在台灣都要住丫，我又冇在台北買樓（個人覺得台灣點都係租樓抵，況且太太之後都返嚟）。租屋其實亦都唔貴，透明度好高。我地在中山區租，都係相當好嘅地段，極方便，有四五百尺，大過我香港間屋。月租連管理費講緊五千港紙。你肯住遠啲住細啲（其實絶對可以），三千都搞得掂掛。不過提定你，台灣人好多其實唔太願意租畀非本地人，亦可能因為啲港仔又殺人港女又搞爛人間屋之類。佢可能要你一次交半年，甚至一年租。而我嘅睇法都係：唔鍾意，唔好租咯，搵第間（我就係一次交半年嘅）。但唔好又玻璃心上網鬧人，畢竟你在人地嘅地方，當然係跟人地慣例。

18. 其實要講仲有好多，銀行開戶啦，搞公司啦，匯錢啦，搵保證人啦（極其老味嘅一件事）。但，一來唔方便講得太多，二來其實正如我所講，最難係做決定嗰下，同埋決定邊個去坐。你搞得掂呢啲嘢，打後嘅唔會難到你。錢解決到大部份問題，你有埋移民顧問（即係，畀多啲錢）就應該大多數金錢以外嘅問題佢都幫你解決到。

19. 循例講多次，本人並非移民顧問，個人經驗分享。如有錯漏實係正常。人生大事，請問專業人士，貴客自理。
20. 系列完。

21. 如果你睇晒嘅，都多謝你。成萬字，咁你嘅時間都寶貴的。你見到呢，成個過程，我最扯火嘅，居然係搞掂之後 — 係搞掂之後啲友嚟問我或者批評我。所以你話，我幾咁厭惡香港人。亦都其實話到畀你知，點解我其實原本唔係極鍾意台灣（住落就幾鍾意），但2014已經鐵定搵後路

________________________________________
22. 另外，最新情況（呢段同上一篇一樣的，睇過唔使再睇，但唔貼又有人問）：講咗了，台灣改例，梗係收緊啦，等你班友趙完唱咁過癮。另一方面，又好似話「收容」香港人。隨你信唔信，我就當然唔鍾意蔡英文，但你選擇信嘅，咁你可以唔睇呢篇文。不過我認為，幾時都係自己掌握自己命運好，做乜要等佢發落？而家搞投資移民，就煩咗了。我亦都預移民顧問加價。但我仲識有朋友照樣去。都係嗰句，嫌煩嘅，唔好去咯。真係冇人迫你。而另一方面，亦有可能台灣會取消對香港嘅特別優待。咁如果當你係大陸人咁玩嘅，就煩好多了，我都可能被影響，變成「陸配」（台灣公民的大陸配偶）。唔好問我台灣會唔會，我唔知，你都唔知。所以最好都係主動出擊。

23. 另外，本人情況。結果我去咗拎良民證，成功。去咗台北做體檢，好似三百蚊港紙，又成功，冇梅毒。另外講返，要你有德國麻疹抗體的！如果我年代呢，細個只有女仔打，男仔冇打，所以要去到打多次，好似一舊水港紙。但打埋針你就可能預多一日了。

24. 驗完身後，我仲搞埋居留證。原本係要去台灣留七個工作天（佢會收咗你本護照，出唔到境的）。咁我原本係想復活節過去，但因為肺炎就冇得去了。所以而家都係未有居留證。而留意返，要拎護照，就點都要坐一年。但我個情況係叫做「依親」，因為我老婆已經係台灣公民（拎護照的），咁我個情況好似香港啲阿伯申請件北姑嚟團聚咁咯。所以我唔使又再搞一次投資移民之類。

第一集（https://bit.ly/3gHTxWU）
第二集（https://bit.ly/3eFJYpB）

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。

我的移民台灣心路歷程（中）—三大關卡

版務：其實原本想聽日先出，原本呢個時間係有篇收費專欄延播，我覺得延多一日好啲，保障返付費讀者。咁又見第一篇反應不錯，就貼埋呢篇啦下。

1. 上篇在此，自己睇 (https://bit.ly/2XgFLCY)。我強烈建議你睇。因為我好撚怕啲人唔爬文，唔知情況然後仲嚟鬧。結果上篇寫咗三千字都係前言，同鬧人。今篇真係正題

2. 再講一次（因為真係好多人唔會爬文），只係心路歷程，同經驗分享。本文冇話你聽點解我搞移民台灣（我唔介意講，但係另一課題），亦幫唔到你做決定（條命你嘅）。只能話你知當年我係點做，而其實家陣例都改咗。

3. 移民台灣，其實唔難。最難就只係落決定嗰下。真的，呢個句式你見過好多次，我都未必信，但有時真係咁。對上一次我見呢句嘢係睇Lonely Planet講旅行，其實最難就係決定去。你決定咗，打後嘅嘢就易搞。移民台灣（其實第度都係），最難，其實都係決定。你有咗決定，之後嘅嘢真係好簡單。台灣當然有佢相當老味官僚人治嘅部份，但同你最初決定嘅難度相比，濕碎。

4. 真的，根本唔難，最難係決定嗰下。然後你發現好多人根本口不對心，把口就講聽日陸沉核戰，到叫佢八折放咗層樓就當你撚化佢。喂，聽日陸沉你拎到八折仲想點？又同我講話仲有樓要供喎，喂，核戰仲供樓？我係好怕呢啲inconsistent嘅人

5. 都係快講少少我嘅歷程。我做決定係2014年。係呀，你估中咗，佔中，但冇好直接嘅關係。以前我有李照興所講嘅「香港不能離開症」（《香港酷酷》真係神書，最諷刺係李照興本人搬咗去.....北京）。我去歐洲會掛住香港，返到香港我打卡會寫「回家的感覺真好」。唔知邊年（有機會搵返）開始，我外遊係樂不思蜀，返香港我會打卡「back to shit hole」。照計同工作壓力無關，亦同我自己嘅收入呀感情狀況都無關。

6. 總之，就係嗰一年，佔中，又多人開始討論去留。然後又咁啱11月台灣移民公司嚟香港搞講座（證明，真係work的）。我見到，同太太聽完，好似都冇乜討論過，討論嘅時間唔會多過研究生日去邊食飯，就決定咗（定未聽講座已經決定？）。我地嘅共識係，香港人係CLS的。

7. 打後嘅事，十分順利。2014年尾科水畀移民顧問，搞咗間公司，搞公司戶口，匯錢入去。然後我太太2015年7月台灣居留證，留一兩星期可以拎到。但去到2016年3月佢辭工，7月左右搬咗去台灣長住，大約2017年10月拎到中華民國護照。前後你見到，由見顧問到拎到本護照，3年。但肯定可以再快啲，我只係照講我嘅情況。快手嘅，聽聞1年多啲搞掂。但，預鬆啲啦，趕住投胎咩。又核戰？核戰你仲上Facebook？諗住拎舊磨姑雲打卡？不過，怕會落閘倒係事實，結果亦係落咗閘。

8. 移民台灣三大關卡，表面最難係錢，但其實唔係。就算唔諗移民台灣嘅都知，600萬台幣嘛。其實冇耐前只係500萬，甚至唔使搞咩公司，只係放錢在台灣銀行，真係送護照畀你咁滯。亦因為佢收緊，我先的起心肝，怕佢越收越緊（你真係信蔡英文郭台銘會大開中門？信佢地不如靠自己）。（按：結果不幸言中，你係咪開始希望我最初有出呢篇文呢？但正係啲網友嘅仆街，令我出任何文前都有啲顧忌，特別係政治有關嘅文）

9. 600萬台幣，話多唔多話少唔少。但最重要係 — 你係可以拎返大部份嘅。呢點就係好多人誤會咗。你只需要一開始拎到舊錢出嚟，最後你應該可以拎返八九成（之後再解點解唔係十成）（即使而家新例：你搞盤生意三年，請台灣人。600萬台幣，至少你都拎返一半）。咁，中產兩公婆，儲到掛？儲唔到，借都借返嚟（反正之後拎得返，又聽講而家台灣都會防人咁樣忽然借錢，所以唔好臨搞先借），按樓又好，問老母拎又好，咩都好。如果點都拎唔到600萬台幣，咁，「你不如諗下自己係咪真係中產」。當然唔係中產先走到，青年創業呀，專才呀，超級有錢人一樣得，但唔係我篇文討論嘅問題。

10. 移民台灣第二個關卡，係年紀。有歧視？其實好似冇。但，小朋友，聽過服兵役未？個個講就勇武，聽到服兵役嘅，好似全部退堂鼓，我好似冇聽過有任何一個投資移民係去服兵役嘅，雖則而家啲兵役聽聞幾hea。我不做道德判斷，其實最憎人咁做。但by definition，我投資移民嘛，就梗係肥貓資本家手無叫雞之力啦，你叫我去當兵？撈啦。好消息就係，台灣服兵役只係去到36歲。唔肯定幾時計起，我理解係你拎護照時未夠36就得，但我唔肯定，畀人踢去守金門馬祖唔好寫信畀我。所以，過咗36先申請，就最平安。至於後生嘅，就……一係等，可以拎居留證先（記住，係兩樣嘢，拎居留證冇得免簽證去美國，亦冇得投票選蔡英文，或韓國瑜），一係，就使你老豆老母去。下面再解

11. 移民台灣第三個關卡，時間。絶大多數人都係聽到呢度就打消念頭。原則上，任何外人（你呀），要拎台灣護照，你點都要去台灣住一年，冇例外，你識整核彈或者有中南海情報可能例外。我呢刻都冇中華民國護照，就係因為我都冇在嗰邊住一年。所以只係我太太係公民，我唔係。佢有得投票選總統，我當然冇。點先有？第時我所謂依親過去，即係好似啲北姑嚟香港團聚咁。但一樣都要坐一年監，爭在唔使搞多次公司。呢個係十分十分重要的。好多人聽到呢度就縮。

11.5 單身嘅，就梗係要自己去住一年。咁你自己安排停薪留職或返去同老細講 「X你老母我唔撚撈啦」。兩公婆嘅，基本上一定要有一個過嗰邊。如果有一個冇返工嘅，就多數係嗰個。兩個都有嘅，就多數係人工低啲，份工受氣啲，冇咁有前途，或者返嚟都好易搵返嗰個。至於點說服你老婆你老公辭工，就不在本文討論之列。亦都聽好多人在呢度搞唔掂。

12. 咁你話，住一年？咪冇得去幾次日本？放心，台灣作為重視人權嘅國家／地區（唔好檢舉），會保障你一年去日本嘅基本人權。你一年可以出境30日，我太太當時照樣一年去幾次日本，過時過節有返香港。至於你咩23:59落機點計之類就唔好問我了。或者你選擇住兩年嘅，每年可以出境60日，但唔好夜場夢多啦我諗，當然，你嘅選擇。

13. 呀仲有，呢個好多人都漏咗。如果閣下係大陸出世身份證冇三粒星嘅，就會複雜好多。唔係我歧視，係台灣政府唔多信你，我就幫唔到你，可以慳返我餐米芝蓮三星。仲有，如果係拎外國護照嘅，即係本身美藉加藉英藉之類嘅，出奇地，都係會相當麻煩的。以上以下我講嘅，只係適用於拎BNO／特區護照香港出世嘅人。外國出世又冇外國護照嘅，唔知，研究下。澳門都跟以上規則，但萄國護照點計，唔知。而你見到，台灣提防大陸出世嘅人好正常，但真係優待港澳同胞，甚至對你好過啲洋腸。當然係有統戰理由，但，真係唔用就笨。

14. 仲仲仲仲有。仲有樣嘢，叫做良民證，要問警察（aka慈母）拎的。所以十分現實地，就唔該唔好有案底了。冇話有案底實唔得，但的確有人有案底被拒，無謂節外生滋，畢竟你真係想做義士都唔係睇呢篇文啦。同埋，要過體檢，檢乜都都唔係太肯定，因為我冇做（按：而家已做），太太有做，但我唔會拎嚟睇。聽聞都係hea hea地，但我強烈建議你去台灣做。反正平，亦都快。你在香港做，揀漏一樣又要做過又要畀針拮過，或者又要譯返做英文，唔好煩啦。我真係發現好多人係慳少少錢搞到自己麻煩的，並唔係我有錢，而係比我有錢嘅人都可以係咁。最後咪因少失大。叫你去台灣做就去台灣做啦。居然有人問我可唔可以在香港政府醫院做，我就畀張禾拉嘅相佢。大佬，你係咪戇鳩架？

15. 上文講過啲問題。國藉係冇得搞嘅，本身係大陸出世冇三粒星或者有英美澳紐護照嘅，另搵方法，可以同你研究但唔係呢度講。良民證都係冇得搞，你有案底嘅，都只能上天保祐，睇下人地受唔受你申請，但唔好問我咩案得咩案唔得了。體檢，一樣，愛莫能助，亦同我無關。叫做你唔好生梅毒架啦（係要驗呢樣，但愛滋唔使，恭喜）。

16. 三個關卡，錢，年紀，時間。年紀其實都冇得搞，一係等，一係選老母老豆過去（但其實都係要等）。錢就你自己諗，我幫唔到你討論，頂多教你按層樓或者問人借。

17. 所以講到尾，時間，亦係最多人撞牆嘅地方。就係要留低一年。個個都有唔同情況，真係不能一概而論，其實正係傾咗幾個朋友，幾個都在呢度卡住，先啟發我寫文。

18. 聽日出下一篇，最終回，其實一早寫咗。
________________________________________
19. 另外，最新情況（呢段同上一篇一樣的，睇過唔使再睇，但唔貼又有人問）：講咗了，台灣改例，梗係收緊啦，等你班友趙完唱咁過癮。另一方面，又好似話「收容」香港人。隨你信唔信，我就當然唔鍾意蔡英文，但你選擇信嘅，咁你可以唔睇呢篇文。不過我認為，幾時都係自己掌握自己命運好，做乜要等佢發落？而家搞投資移民，就煩咗了。我亦都預移民顧問加價。但我仲識有朋友照樣去。都係嗰句，嫌煩嘅，唔好去咯。真係冇人迫你。而另一方面，亦有可能台灣會取消對香港嘅特別優待。咁如果當你係大陸人咁玩嘅，就煩好多了，我都可能被影響，變成「陸配」（台灣公民的大陸配偶）。唔好問我台灣會唔會，我唔知，你都唔知。所以最好都係主動出擊。

20. 另外，本人情況。結果我去咗拎良民證，成功。去咗台北做體檢，好似三百蚊港紙，又成功，冇梅毒。另外講返，要你有德國麻疹抗體的！如果我年代呢，細個只有女仔打，男仔冇打，所以要去到打多次，好似一舊水港紙。但打埋針你就可能預多一日了。

21. 驗完身後，我仲搞埋居留證。原本係要去台灣留七個工作天（佢會收咗你本護照，出唔到境的）。咁我原本係想復活節過去，但因為肺炎就冇得去了。所以而家都係未有居留證。而留意返，要拎護照，就點都要坐一年。但我個情況係叫做「依親」，因為我老婆已經係台灣公民（拎護照的），咁我個情況好似香港啲阿伯申請件北姑嚟團聚咁咯。所以我唔使又再搞一次投資移民之類。

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。