HC Coupon實在太hit，而呢間係Full booking之餘，仲要開門前15分鐘已經有人排隊。我上網見到d相都好吸引，而Lunch Set都好似幾抵食，所以就滿心期待去試。但結果係好失望。
．．．．．
首先，特上刺身御膳(圖1)有9款刺身，我覺得所有刺身都太凍，食落去都冇咩味可言，得個凍字，同埋個海膽真係難食，係苦既，我冇諗過呢度既海膽係呢個質素…(可能係我唔好彩啦)
．．．．．
第二，我地叫左佐賀產照燒牛扒御膳(圖2)，上菜果下第一時間諗：「嘩！同MENU張相差咁遠」- 但要感謝既係，當所有Waiter同我講個牛一定係照燒汁燒既時候，Bar枱有個師傅好好，真係幫我問廚房可唔可以用鹽燒汁另上。呢塊牛係成餐最好味，唔係因為師傅好好，係真係因為塊牛係油脂分布適中，唔會太油太膩。如果大家要黎，我建議揀呢個。
．．．．．
最後係串燒，佐賀牛串(圖3)太肥啦，唔好食！其他串燒(圖4)既質素都好一般，味道感覺係好似整好晒放係度，有人叫就翻熱咁，冇一串係好食….真係街邊十幾蚊串仲好食過佢…
．．．．．
總括：所以我終於明白點解d waiter 同我講塊牛扒無得鹽燒，佢地可能真係整定晒係度翻熱…而我仲以為呢啲「高級」餐廳即叫即燒基本 & 可能我要求鹽燒果塊牛佢真係即燒比我，所以先咁好食…呢度咁多野共$1700，收呢個價錢，但呢個質素，一D都唔值…以後唔會再黎。
—
天穴 (尖沙咀)
尖沙咀廣東道3-27號海港城海運大廈3樓OTE 304 號舖
·
🥑生酮友好食品：刺身、鹽燒串燒
—
#small尖沙咀
#small日本菜
天穴價錢 在 ANA TEN 天穴- 謝謝Marie Claire HK 的介紹！ 在天 ... 的推薦與評價
呢間新開日本餐廳個view真係好勁，最正係價錢貼 地，菜式仲有勁多選擇！ ↓↓↓ 【試食分享】人氣零食殺到 ... <看更多>