我的青春歲月😍😍
【#香港電台90事】「#太陽計劃」由1988年開始舉辦，係香港電台每年暑假嘅盛事，陪伴咗唔少香港嘅青少年長大。曾參與支持「太陽計劃」嘅巨星不計其數，最令人印象深刻嘅當然係1992年請嚟 #張學友、#劉德華、黎明 Leon Lai及 #郭富城 出席開幕音樂會，喺呢次演出後，香港「#四大天王」呢個稱呼就正式誕生喇～
「太陽計劃」多年來唔單止邀請歌手出席表演，仲會邀請有份量嘅高官出席，為現場學生打打氣，好似前行政長官 #曾蔭權、前政務司司長 #陳方安生等等；國際巨星 #史泰龍、#尊龍、#德永英明、#工藤靜香 都曾現身鼎力支持，而史泰龍更係活動首位 #太陽使者，應邀喺1988年為第一屆「太陽計劃」主持開幕儀式。
請嚟咁有份量嘅大人物，當然需要有精彩嘅表演項目同特別場地先襯得起佢哋啦～ 喺1992年活動入面就安排咗一個「海陸空」表演，大會邀請體操王子 #李寧 負責升空表演環節。 而「太陽計劃」亦曾經喺多個大型表演場地舉行，包括舊機場跑道、上海八萬人體育場、北京工人體育場等等，務求將太陽精神由香港推至國內！
====================
今年適逢 #香港廣播90年，為你細數香港電台90事，細味港人集體回憶。
http://rthk.hk/rthk90
#11月6日約定你 #倒數23日
