愛情界有句金句：「別人的男朋友總不會令你失望。」
意思即係，成日都見到其他男朋友做好多浪漫嘅事，或者有型又靚仔，而身邊嗰個就咩都唔做，仲成日激嬲自己。
唓，咁別人的女朋友都不會令我失望啦！
我當然唔敢咁講⋯⋯
每次我同女朋友講：「我想同邊個邊個一齊去旅行。」
佢就會即刻話：「唔得！你哋成班人實叫雞！」
我：「吓⋯⋯咁極端？去旅行就一定要叫雞？」
佢：「唔係你哋有咩做，平時都成日講女，互Send啲J圖。」
我：「我冇呀！係佢哋Send過嚟咋，我唔小心開咗！」
佢：「真係辛苦你喇！」
然而，喺女朋友眼中，有幾個朋友係壞咗嘅人，而有一啲就係「愛妻號」，好專一好錫女朋友。
如果佢哋都有出席聚會，女朋友就會好放心。
我當然唔抵得，同女朋友講：「佢哋啲衰嘢你唔知啫！」
但諗諗吓，佢哋班「愛妻號」又真係冇講女，就算有咩J圖都唔會覆，而壞咗個班又真係會話：「正呀，More！More！」
而我喺女朋友眼中，唔單止係壞咗嘅人，仲係完全冇定力，「下體諗嘢」嘅人。
女朋友成日會開啲「𡃁模」、「露波女」、「整容雞」嘅相，然後遞埋我面前，諷刺我：「如果佢哋叫你去佢哋屋企呀，你實即刻狗衝啦！」
我：「⋯⋯⋯⋯」
女朋友：「如果係阿邊個邊個(愛妻號朋友)就一定唔會！」
以前，我實會據理力爭：「我咁差，妳又同我一齊！？」
但依家我都睇開咗，因為我知道，喺其他朋友嘅女朋友眼中，我都係「愛妻號」。
每個女朋友都會「睇衰」自己男友。
就算到男朋友80歲、100歲，有心無力嘅時候⋯⋯佢哋都會咁覺得。
失望意思 在 【雖然日文也有「失望する」，但是其實對日本人來說太直接了 ... 的推薦與評價
雖然日文也有「失望する」這個單字，但「失望する」聽起來有點太直接 ... 麼意思？是要進去哪裡嗎？】... 2022年3月24日· 702 次观看. 00:44 . お金 ... ... <看更多>