新加坡近期開咗兩個全新景點 - 星耀樟宜 Jewel 同埋 奇幻花園 Floral Fantasy。今日就同大家一齊去玩下！
#食玩飛常遊 #麥卓華 Alfred Mak
#新加坡 #星耀樟宜 #Jewel #奇幻花園 #FloralFantasy
奇幻花園floral fantasy 在 Meeeepmore Asia Facebook 的最佳解答
同時也有1部Youtube影片，追蹤數超過3萬的網紅MEeeep More，也在其Youtube影片中提到，新加坡近期開咗兩個全新景點 - 星耀樟宜同埋濱海灣花園嘅奇幻花園。今日就同大家一齊去玩下！ 今日我就嚟到新加坡機場旁邊，新落成嘅商場 Jewel「星耀樟宜」喇！呢度本來係樟宜機場一號客運大樓嘅停車場，幾年前開始改建成為呢個集娛樂、購物、飲食於一身嘅商場。 呢度以新加坡出名嘅熱帶樹林為佈置嘅主題，而...
奇幻花園floral fantasy 在 MEeeep More Youtube 的最佳貼文
新加坡近期開咗兩個全新景點 - 星耀樟宜同埋濱海灣花園嘅奇幻花園。今日就同大家一齊去玩下！
今日我就嚟到新加坡機場旁邊，新落成嘅商場 Jewel「星耀樟宜」喇！呢度本來係樟宜機場一號客運大樓嘅停車場，幾年前開始改建成為呢個集娛樂、購物、飲食於一身嘅商場。
呢度以新加坡出名嘅熱帶樹林為佈置嘅主題，而最觸目嘅就係呢個世界最高、貫穿各樓層嘅「雨漩渦」室內瀑布喇！水柱由40米高處直沖落商場嘅地庫，氣勢雄渾，你睇下幾多遊客喺旁邊影相就知道呢度有幾受歡迎！
設計師亦都刻意安排咗連接樟宜機場二號同埋三號客運大樓嘅單軌接運系統穿過瀑布附近，除咗為成個景點變得更生動之外，亦都可以俾更多嘅朋友欣賞到呢個壯觀嘅景色！
如果你想更投入呢個熱帶森林，你仲可以玩好似佢哋咁喺「星耀樟宜」商場頂玩呢個「天空之網」嘅活動。
呢個離地大約25米嘅網狀步道長大約50米，你可以慢慢行，又或者好似佢哋咁慢慢爬，郁下郁下都幾刺激過癮架，而且仲可以喺一個咁特別嘅角度睇晒成個商場嘅景色15蚊坡紙嘅收費都唔算貴呀！
購物同飲食方面，呢度有齊各式各樣嘅品牌同埋唔同嘅菜式，有部份仲係第一次喺新加坡出現！
好似呢間日本地區以外第一間 Pokemon Centre，同埋我哋之前都有介紹過嘅 Eggs and Things… 慢慢行，慢慢食，隨時可以玩足大半日架！
另外，為咗方便遊客，呢度亦都設有 Early Check-in 預辦登機服務，不過留意喇呢度只有部份航空公司提供服務，如果你搭嘅航空公司無提供預辦登機，又唔想拎住啲行李周圍走，你亦都可以選擇旁邊寄存行李服務架！
你只要去到機場1、2、或者3號客運大樓，之後可以好似我咁睇住呢個指示，行大約幾分鐘就到！留意如果你身處4號客運大樓，就要先搭免費嘅穿梳巴士去2號客運大樓先至可以再行去商場！
另一個新開嘅景點就係喺濱海灣花園 Gardens by the Bay 入面嘅奇幻花園 Floral Fantasy喇！
你之前可能已經去過濱海灣花園 Gardens by the Bay，不過呢個新嘅主題區就以嚟自世界各地嘅唔同花卉、佈置成幾個夢幻園區作為賣點，而且好多花都係第一次喺新加坡出現架！
鮮艷嘅花配以流水，加埋新鮮植物嘅香味，真係越行就越有詩意！呢度亦都展出咗唯一嘅動物 - 「箭毒蛙」，不過唔係咁易睇到架！好好彩，我哋拍攝當日就等到呢隻黃色嘅箭毒蛙出沒，你又有無興趣嚟搵下呢？
展區最尾亦都有一個4D電影，介紹 Gardens by the bay其他嘅園區同埋景點，雖然唔算太大驚喜，不過都創意十足！
提提大家喇，Floral Fantasy買飛嘅時候係要選擇埋入場嘅時段，所以如果你選擇網上購票，記得買咗要準時喺確認嘅時段入場呀！
#FloralFantasy #JEWEL #GardensByTheBay
