阿妹,想食乜!同你介紹返咩係菜!
亂鳩咁黎系列,啊,應該係全職炒散系列話做就做,今日,我係菜檔陪同店主賣左半日菜,真係眼界大開,唔講太多,去點!
1)是日任務,賣菜!地點,屯門新墟街市,下午時段
2)政府街市,非領匯,檔口係兩個連位,目測菜品種類超過三十款,每款都唔算多
3)第一單生意,菜芯,一斤,廿蚊(覺得貴?咁要睇埋落去)
4)首先介紹返店主先,八十後,用五百蚊入行,零晨五點係街市前走鬼,然後投標入左街市擺檔,新墟檔口已經有八年歷史
5)店主只有一人,無請員工,返工時間,未發達前,凌晨四點幾五點,到晚上八點,幾乎你收工就要返屋企訓等聽日再開檔;發達後,朝早七點半,去到檔口叫早餐嘆,六點收檔走人
6)賣菜都會發達?一日搵幾多?黃金年代一日純利四五千走唔甩,今日就唔同講法,想知今日埋數賺幾多?慢慢睇到最後一點
7)如果想入行賣菜人工幾多?店主分享,你連菜芯同芥蘭都唔識分咁做,都一日700,當你熟手,甚至一手就可以精準拎到一斤菜時,就由一日900-1200不等,但你要搬菜,無體力請自重
8)有冇假放?你見街市有冇休息?幾乎只放新年,唔好講周末假期,長短周,連紅日你都要返工,店主聲稱只會去旅行時先會放假
9)付出咁多,你得到咩?養妻活兒,買樓唔太大既樓絕對無問題
10)睇到呢度,想入行做店主?請睇後面,會講晒所有條件比你聽
11)開始你問我答環節,咩季節食乜最好,低級問題,夏天食瓜果豆,冬天就菠菜豆苗西洋菜西芹粟米蘿蔔
12)菜芯公價係幾多?無所謂公價,唔同地方有唔同價錢,同樣係菜芯,由貴至平既排列大約如下:City Super,一田,大型連鎖超市,街市「執」菜檔,街市「唔執」菜檔,街邊大型菜店(夜晚會放晒出黎一份份平到五蚊有交易個種),而店主既菜芯係20蚊一斤
13)五蚊斤菜芯其實你都買到,點解店主會賣20蚊斤?上面講到一個「執」字,會執既菜檔普遍都貴,因為店主會將唔靚既菜頭菜尾都幫你處理好,唔好睇同壞既菜會丟左,你返到屋企只需要洗一洗就可以直接煮,有別於「唔執」檔,其實佢地有三分一都用唔到,佢貴係貴在個人工錢(其一)
14)有機菜合集,點去分辨有機菜?當你發現檔口有一大個「有機產品」Logo時,佢先「有機會」係有機菜,無Logo就一定唔係,想保證有機,請去大型超市就一定唔會呃你
15)有機菜係咪無農藥?錯,有機菜都有機會有農藥,只係係規管下你唔可以用多過幾多農藥,就算你食有機都「可能」有農藥使用過
16)有機菜係咪好食D,店主話根本難以分辨,味道口感同營養都唔係因為有機同無機而出現分別,你覺得有機菜好食既就食有機,開心就好
17)店主係咪賣有機菜?唔係,但店主主要係賣本地農場既菜,亦因為咁,呢個係佢貴過外面既原因之二
18)本地農場係咪好食D?唔一定,但一定會比進口菜新鮮,因為係運送過程會比進口菜短好多,本地菜由佢收割到街市,大約一兩日,店主話,大陸菜芯係寧夏過黎,唔通飛機空運咩,陸路過黎,又要車程又要過關,黎到香港去批發再派貨,自己計放左幾多日啦,當菜新鮮,自然就無咁老咁多渣
19)幾點前買菜最好?中午前啦,中午後就開始有野賣晒,當然你食大路野都會比較易買到
20)幾多錢先送蔥?店主話真話係,睇佢心情,我見佢有時送蔥有時送辣椒有時送蘑菇,靚女係有多D野送(以我觀察)
21)超甜粟係咪真係甜?係,但你要確認到佢真係超甜粟,最簡單分辨係粟米粒有黃有白,如果粟米鬚呈銀色就係極品(我打開粟米見到有條死蟲,店主話呢種通常都會捐去食物銀行,黑心店就會切走照賣)
22)讀者你問我答環節,有部份我都答左係上面,蕃茄係咪個底有粒星就甜?唔係,最緊要紅同軟,因為熟到軟既先代表甜
23)有機菜係咪會多d蟲,係,因為用少左農藥,整體會「樣衰」過無機菜
24)點樣洗菜最好?浸,然後洗兩轉都夠晒
25)入貨有冇MOQ,你一百蚊都可以買,有錢就得,有機菜要買唔難,但你要再轉賣有機菜就要有牌
26)菜係咪一定要噴水,係咪呃秤?店主即時展示佢既霧化噴壺,噴完之後佢問我,你覺得重左幾多?點解要噴水,店主有兩個解釋,一,依家街市有冷氣,比冷氣吹到菜乾左會唔好睇同老,所以冷氣位一定會噴水;二,因為大家都理解有水既菜先新鮮,為左滿足大家既心態,佢噴比大家開心下
27)菜有水係咪好快爛?唔係,店主話,你條菜乾到無晒水份,你放幾耐佢都係咁,但一定唔係好事,水係有助保存
28)如果買左菜食唔晒點保存?浸冰水,溫度會令菜保鮮;想放雪櫃點好?浸完水,飛水,唔好滴住咁放入雪櫃,唔駛乜報紙啊保鮮袋等等,其實都差唔多,因為家用雪櫃有抽濕功能,所以放保鮮格係會有助菜保留水份
29)菜係咪海鮮價?可以話係又可以話唔係,之前講到,有機、無機、本地、進口、地點、有冇執過都會影響價錢,當一棵菜芯係你眼中只係菜芯,咁就係海鮮,但你知道佢係一條本地有機執過既菜芯時,就係物有所值
30)冰菜上面既冰係咩?鹽份,所以冰菜有咸味
31)點氹師奶?店主教路,男既全部叫老闆,女既全部叫阿妹,呢個問題係我聽到佢叫緊一個六字頭既阿嬸「阿妹」後問……
32)點打敗家農呢類菜品店?有錢,你有一百億既可以同佢鬥過,但店主表示自己有一百億不如收息嘆世界,點解仲要賣菜?
33)仲請唔請Partner?店主無意開分店,依家佢賣菜係興趣(從佢撩阿姐既行為中,我信佢係真心喜歡賣菜)
34)點解每種菜唔同價錢但收幾錢就咁快計到?店主話當你日日都計,計足十年,你都可以
35)芫茜同蒽點樣可以放得耐啲?店主無奈表示,食左佢啦,真係要放,冰水,曾經有客問佢菜可唔可以放兩個月,店主指左對面間菜乾店叫佢買菜乾
36)每日賣淨既菜會點處理?一,食物銀行;二,賣比餐廳,通常都唔會掉,收檔時我見佢薯仔、薑、蒜頭呢類貨會留之外,其他全部入膠袋,夜少少會有人收走送去餐廳
37)平均一斤菜有幾多利潤?唔定,愈大路既菜利潤愈少
38)有冇人收陀地?無,最多都係舞獅派財神,十蚊打發走個種(佢係政府街市)
39)老老實實賣菜係咪生存唔到?係,答案太長,下回分解
40)如果你想入行,可以點?店主表示,如果你可以申請到政府街市,一個月租金平到你唔信,只要你開舖都唔會憂,領匯就唔好諗,原因太長,下回分解;以佢舖位做例子,起動成本只係兩萬以內,是日入貨1052,本真係唔算多
41)如果聽日係世界末日,店主只可以食三種蔬果,佢會食乜?非本地系列:日本產香菜、法國番薯、荷蘭甜椒;本地系列:香港椰菜、荷蘭豆、扁豆(原來兩種豆係唔同)
42)有關點揀菜……篇章太長,我會之後再解釋,今日記野都記到我頭都暈
43)是日進貨成本,1052;是日銷售額(只計紙幣)3800
44)是日本人收獲,老細請左我食外賣,一條老細精心挑選既蘿蔔同粟米,同埋一堆聽極都唔厭既賣菜知識趣事,請容我叫老細一聲,師傅!!!!
作者的話,今日真係獲益良多……我對菜真係一無所知,比佢笑左我好多次,對於一個完全無架子,願意分享成行所有情報同潛規則既店主,仲完全不求回報,佢話唔好開佢名,以免比人點錯相!我代讀者們再一次多謝佢,而我都同佢講,我仲有好多問題想知,一定會定期再搵佢!
所以讀者們如果有問題想再問既,請留言!!!!!!!!!
如果喜歡呢個系列,同埋想感謝店主既分享,請比Like Comment and Share!!!!!店主有偷偷睇Post!
賣菜系列將會下周再來!而我亦準備做圖文版本,需要較長,敬請留意我既更新
同時也有108部Youtube影片,追蹤數超過9萬的網紅Smart Travel,也在其Youtube影片中提到,#娛樂八卦 #SmartTravel #Viutv #花姐 #調教你MIRROR #中女唔易做 #趙學而 #小儀 #農夫 #金剛 #掃街達人 #台灣小食 #劉江 #曾志偉 #TVB #是日娛樂新聞重點推介 #姜濤 #Viutv節目 #Mirror #花姐mirror #杜如風 【空姐爆料】系...
女仔搵快錢 在 Facebook 的精選貼文
【一連七集,第五】哈佛知識分享: Trade-offs 如何「取捨」?
你要取得更多,就要捨棄更多。「取捨」is tough, but you have to do it!
股神巴菲特 Warren Buffett 有句名言好影響我:
"The difference between successful people and really successful people is that really successful people say no to almost everything.‘’
成功及非常成功嘅人分別就係非常成功嘅人對絕大部分事情都係 say No.
識我嘅朋友都知道,我經常講:「我乜都唔識、乜都唔買! 我只買幾千萬以下香港嘅街舖。 我唔買樓、唔買工廈、唔買商廈、唔買農地、唔買車位/骨灰龕位、唔買大灣區、英國樓、非洲農地、 火星月球。 全部都唔買,送畀我都唔要。Again … 我只買港幣五六千萬以下香港的街舖仔。 香港有十萬間,買十世我都買唔晒! 呢世我只想買一千間。」
哈佛大學教授 Michael Porter 亦講過: “Strategy is making trade-offs in competing. The essence of strategy is choosing what not to do."
策略就係要以「取捨」去競爭。 策略嘅精髓就係要知道唔做乜!
上一集講過,何謂一個好嘅策略 Good Strategy? 教授 Michael Porter 話要經得起五個 Tests:
A distinctive value proposition 獨特的價值主張
A tailored value chain 度身訂造的企業價值鏈
Trade-offs different from rivals 同競爭對手不同的「取捨」
Fit across value chain 成條企業價值鏈的活動要配合
Continuity over time 持續性、持續性,不能一時一樣
今集同你講第(3) Trade-offs different from rivals 要贏,就要有同競爭對手不同的「取捨」。
What are trade-offs?
"Trade-offs are the strategic equivalent of a fork in the road. If you take one path, you cannot simultaneously take the other." by Michael Porter
「取捨就好似去咗一個交叉路口咁, 你只可以二選其一,唔可以兩條路都行晒。」
做生意,唔係多啲,就好啲。 多啲產品、 多啲服務、多啲客戶, 唔代表你就係好啲。 因為你營業額可能多咗三成, 但利潤反而可能無咗一半。 咁我就情願營業額細啲,利潤多一倍好過。 記住一開始嘅時候我話 Michael Porter 講過:
"Competition is not about being the BEST, not about MARKET SHARE. Competition is about being UNIQUE, about earning PROFITS" by Michael Porter
競爭唔係要做到最好,最大嘅市佔率。競爭係要做到最獨特,同埋賺到錢,長遠地賺錢。
幾年前我講過,香港週街都係髮廊,但點解有間特別唔同?
video …
QB House (Quick Barber) 就係做咗好多「取捨」 trade-offs , 好多嘢唔做,但反而吸引咗一班想「快、靚、正」 ,但又唔想求求其其、 污糟邋遢剪個頭髮嘅繁忙上班一族, most likely 男士們、三四五十歲左近。10 minutes, just cut!
QB House 專注培訓、建立系統,令呢班目標顧客群由原本一兩三個月先剪個頭髮,而家一兩三個星期就去剪轉一轉。 剪快咗、剪多咗,就令QB House 同佢嘅髮型師雖然做少咗嘢,但反而收入及利潤上升。This is what I call "trade-offs", LESS IS MORE!
就係因為 QB House 嘅 Trades-offs 同一般髮廊嘅競爭對手唔同,當初首創新嘅經營模式係日本做到最獨特, 亦都解釋咗點解佢1996年由東京一間開始, 短短幾年間就能夠開到全球幾百間分店,2018年仲係東京証交所主板上市, 依家市值近20億港幣。 雖然有好多人想抄佢,QB House 嘅專注,佢 make 嘅 trade-offs 至今依然令佢每年生意額都上升,到今日都保持住係「速剪」行業嘅領導地位。
我成日都話,「當你乜都做,等如你乜都唔做!」 …. 因為你無樣嘢做得好、無樣嘢做得專。When you please everybody, you please nobody. 做生意要「取捨」,唔放手,唔會得到更多。
可能你會覺得 Just-Cut, QB House 都做咗啦。 做髮廊仲可以點變? 根據 Michael Porter,大把方法變。 最緊要就係,唔係人做你做。Your trade-offs have to be different from your rivals, then you have a strategy.
你嘅「取捨」要同你競爭對手唔同,咁你就有好策略。人哋 Just-Cut, 咁你可唔可以 Just Perm 電髮? Just Color 染髮? Just Blow Dry 吹頭?
唉! Just Blow Dry? 美國加州有間咁嘅髮廊 …
佢就好似係 QB House 嘅翻版,但係 No Cuts No Color, Just Blowouts. 齋吹頭! 美金$40,45分鐘時間,班目標顧客群,即係長頭髮嘅二三四五十歲女士們, 就可以 enjoy 喺個輕鬆嘅環境洗下頭、按下頭、吹下頭、飲杯 champagne、聽下音樂、Relax 下,就有個清神爽利嘅頭見人!
因為做得夠專,懂得運用 Michael Porter 所指嘅 trade-offs ,同一般髮廊競爭對手唔同嘅 trade-offs, 好多女士就個個禮拜去幫襯,relax relax 下。2010年由美國加州第一間店開始, 十年間,全美開超過一百間分店, 擁有超過5000個髮型師, 每次美金$40,每個月幫緊20萬個客人吹頭。 淨係吹頭,依家營業額每年超過一億美金。
全球最大嘅傢俬公司,IKEA, 又係另一個Michael Porter 所指 Trade-Offs 嘅典型例子。佢由產品設計 (自己裝嵌)、產品種類 (簡單得來又多幾樣選擇)、 自己推住架車嘅購物模式、至到客戶服務 (間舖頭永遠唔易搵到人幫手,人客自己搞掂,慳番啲成本,換取平啲價錢),到最後排隊畀錢、自己包裝、抬件貨返屋企 …. 如果唔係送貨要額外收費 (無得免費)。IKEA 成條嘅企業價值鏈 value chain 都係同其他一般嘅傢俬公司好唔同,有好唔同嘅 Trade-offs 取捨。
IKEA 嘅「取捨」,就能夠吸引咗一班 “with a thin wallet" 想價錢平,但又想 good design, 唔介意自己辛苦做多啲, 工餘時間,甚至乎自己花成日裝嵌埋嘅顧客。IKEA 明白佢唔會 serve 晒所有人。 我以前係美國讀大學、 或者啱啱出嚟 New York 做嘢,都好鍾意去 IKEA 買嘢,因為平! 而家? 叫我花成日嵌件傢俬,睬你都傻! I was an IKEA Customer, but not anymore! It's OK, you cannot please everybody! 做生意就係個「取捨」! 賺到錢就得啦。
美國最賺錢嘅航空公司 Southwest Airlines 西南航空都係一樣,No first class, No meals, No assigned seats, No baggage transfer, No planes other than Boeing 737s, No International Flight … so on and so forth.
無頭等、無飛機餐、無預設定座位、無行李轉運 、除咗波音737乜嘢客機都無、無國際航線。 仲有好多都比一般其他航空公司無。
但就係因為「冇」, 運動複雜程度及成本下降,Southwest 就可以專注做以下幾樣嘢特別好,就係「平」、「快」、「準時」、員工做得開心自然服務態度更好。其他乜都無, 但未必個個客人都啱!
於是 Southwest 有個好出名嘅 "Pen Pal" 故事,就有位乘客 Mrs. Crabapple, 經常好唔滿意 Southwest Airlines 乜都冇,無頭等、無飛機餐、無預設定座位、無行李轉運等等等等, 經常寫信去 Southwest 投訴,呢個「筆友」"Pen Pal" 個個客戶服務部同事都怕咗佢, 寫完又寫, 回覆左又寫,投訴完又投訴。 直至客戶服務 部嘅同事們都冇計, 叫當時嘅CEO/創辦人 Herb Kelleher 回覆。佢點寫? 真人真事! 60秒內,佢回覆:
“Dear Mrs. Crabapple. We will miss you. Love, Herb." 即係話,請佢走, 唔好再返來!
聽落好似好搞笑,但Michael Porter 話呢個係一個典型嘅 trade-offs 例子,you cannot please everyone. 記住,一開始嘅時候,我講過:
"Strategy is making trade-offs in competing. The essence of strategy is choosing what not to do." by Michael Porter.
策略就係要以「取捨」去競爭。 取捨嘅精髓就係要知道唔做乜!
"When you try to offer something for everybody, you tend to relax the trade-offs that underpin your competitive advantage." by Michael Porter.
當您嘗試做曬所有嘢去服務每一個人,你嘅「取捨」就會減少, 同時亦都會減少你嘅競爭優勢。
善用 Trade-offs 「取捨」去增強自己競爭力嘅機會隨處都係,爭在你願唔願意「放手」,先能夠取得「更多」。
包括我自己在內, 如果我乜嘢地產項目都投資,有賺錢就買, 甚至乎集資錢多地盤都搞埋, 我只係一個三四流嘅地產發展商。 我點同新鴻基/恒基/長實打呢? 但我專注幾千萬以下嘅香港街舖,我就係一個一流嘅商舖基金公司, 全香港人, 包括所有大嘅地產發展商,係街舖買賣都唔會夠我來。 社運/肺炎後,全香港買賣舖無人夠我哋多,呢個係事實!
"Trade-offs are choices that make strategies sustainable because they are not easy to match or to neutralize." by Michael Porter.
「取捨」會令到策略更有持續性,因為競爭對手 好難去複製或抵消你嘅優勢。特別是你嘅 first mover advantage 先行者優勢。
我係香港第一個商舖基金,就永遠都係香港第一個商舖基金。只我哋專注,未來幾十年,我知道係香港嘅街舖,無人會動搖到我哋嘅領導地位。
即是有人入嚟炒,Michael Porter 話新入嚟嘅 「模仿者」好多時都只係做 Straddling 跨騎, 即係好似「一腳踏兩船」咁, 自己本身嘅本業又做,商舖又做,結果兩邊都做唔「專」。
就係因為有自信我先咁講。因為好似今集一開始咁講,根據 Michael Porter 嘅 "Trade-offs different from rivals", 我哋係放棄咗好多嘅嘢,同競爭對手大大唔同,先能夠建立到我哋今日係香港街舖嘅領導地位。 只要我哋專注,我哋嘅基金投資者會賺錢! I know it. 但如果有一日,我開始搞工廈、搞商廈、搞地盤、搞英國樓、搞埋茶餐廳、 補習社 、 酒樓、酒店等, 就係投資者應該攞錢走嘅時候! 乜都做,就開始等如乜都唔做!
你呢? What are your trade-offs? 你的「取捨」同競爭對手有咩唔同呢? 抑或人做你做,人客想要乜,你就俾佢乜呢?
There is no problem with that! 第一集一開始我就話,99%嘅公司都係咁,養家活兒可能好多年都冇問題, 但根據 Michael Porter,你只係停留係第二個 S - Sustaining 持續緊嘅階段。 做好多年,搵到食,但可能仍然冇人識你,無突破。Survive, Sustain, 但要去到第三個 S, Succeed, I mean Super Successful 好似一支箭咁標上去,等如以上 QB House, DryBar, IKEA, Southwest Airlines 咁,你就要有 strategy 策略。 你嘅「取捨」trade-offs 要同競爭對手截然不同。
李小龍嘅名言,亦都係掛喺我公司office嘅唯一名言: "I fear not the man who has practiced 10,000 kicks once, but I fear the man who has practiced one kick 10,000 times."
李小龍唔怕嗰啲踢過一萬種唔同腳法嘅人。但佢怕嗰啲踢過一種腳法一萬次嘅人。 你嘅腳法又點呢? 有興趣一齊研究下點做? 聽多啲 Michael Porter,就來我星期六嘅早餐會啦! 下集我再同你講 (4) Fit across value chain 成條企業價值鏈的活動,如何配合去增強你的競爭優勢?
。。。。。
My hobby 《星期六早餐會》!
九/十月份早餐會 Topic: Applying "Michael Porter" to your business: How to compete and win!
哈佛分享: 如何應用「米高波特」於你盤生意? 點競爭? 點贏?
講起哈佛策略教授, 無人出名過 Michael Porter. 有幸我2017年在哈佛親身上過他教的課程, 今次早餐會同你分享,希望對你做生意亦有所啟發。
有興趣參加啦 😃 每次限四位 (包括我)。 人多傾唔到計。
9月份,逢星期六早上9時開始,約三小時。地點中環。
對象: 中小企老闆/創業者/公司管理層,連我限4位。
有興趣參加的話,請 whatsapp 你的名片給 Suki (我助手) (+852) 5566 1335。
我唔係靠呢行搵食,免費,我請食早餐 😉 Be friends ..... 有機會到時見你。李根興 Edwin
www.edwinlee.com.hk
www.bwfund.com
聯絡李根興 whatsapp (+852) 90361143
#michael_porter #競爭策略
女仔搵快錢 在 Facebook 的最讚貼文
[OEM嘅嘢]非聲討,樓主都冇好惡咁鬧。況且一向我唔鍾意審人。你見我一定打格仔(而家post都刪埋)。所以純學術討論。
不過認真,700蚊有咁嘅早餐畀你,還神啦。仲特登幫你買,我真心覺得應該表揚間酒店!隻蛋我幾想食(得,我知,粟米肉粒飯嘛)
朋友話銀龍好過啲三星酒店嘅油淋淋早餐。我raise ,四星都係!當然好睇你啲星點定。但結論都係700有咁嘅早餐十分超值
(得,我知銀龍粟米肉粒飯)
又,我好細個已經諗呢樣嘢,會唔會啲高級餐廳都係OEM,大排檔買嚟畀你。大個見啲酒吧真係咁,去隔離買豬頸肉畀你咋。
當然講到尾,係鬥個「氛圍」,感性消費。鬥食材鬥廚藝鬧裝修都未夠高,好易抄。
competition is for losers。我個廚八歲由越南🇻🇳偷渡嚟 十歲死老母十四歲落仔 然後自學成才再著到Maggie Q咁出嚟影相,包你冇得抄。
唔係話只講包裝不講實力,咁首先你都要識煮嘅(但,麥玲玲羅庚都未識睇啦,who cares?)。但得罪講句,好多領域,你有幾多人真係blind taste分到 唔同嘢?30蚊同300蚊紅酒分得出。5000同50000呢?其實有冇分別?
呢個亦係好多「技術人」嘅盲點。你講音質好 像素勁,但啲消費者係分唔到阿嬌同阿sa 嘅盲毛。蘋果幾時同你鬥spec?
況且spec有得鬥,叫做有客觀,3T好過2T,9秒8快過9秒。但音樂,寫文,煮嘢,點分高下?
講返OEM,咁啱呢排我老豆生日。一件小事,好似細個去半島定乜,充大頭鬼(佢),嗰時我已經諗,點解幾廿蚊杯汽水都有人叫(當年大家樂食個飯六七蚊)?咪又係一罐嘢。總係有啲嘢。
咁當然細細個已經知食裝修呀溝女呀呢啲。但另外仲有一次,老豆先同我講,實會斟埋畀你呀,加塊檸檬🍋呀,甚至有花生咁。
呢啲,就係「差異化」,未必令你忘記背後都係可口可樂生力啤,但至少令你覺得可以justify 。
即係同一個道理,啲奀星𡃁模KOL,只要求其搵拍過套 《喜愛夜蒲曼谷版》,片尾有名嘅。就已經身價唔同啦。明星喎。明星喎。
所以,我同意有人回(原post已刪),理應該掉走個銀龍袋佢嘅
當然如果係再高級啲嘅,倒出嚟自己再擺盤都仲得,加多塊蕃茄青瓜又收你舊幾水。
同以上酒店可樂同一道理,我細個住酒店,係唔明做乜有人會畀咁貴錢在房食早餐。當然首先貧窮限制我想像,二來嗰時唔知有唔少人可以開公數,三來最重要係春宵一刻直筆甩,那年冬天蕭在吹,有女伴嘅,唔好話落去食早餐,真係落床拎杯水都懶啦
on an unrelated note,關於粟米肉粒飯,再講一次。實不相瞞,有一期,97年夏天,我有一排成日都食銀龍茶餐廳早餐,仲要係西洋菜南街,洪葉書店樓下嗰間
原因?嗰時返暑期工。屯門去九龍塘,my god。就係巴士旺角落,再轉地鐵。就日日食銀龍。然後我就由A level 學霸變成大學second lower 。諗落應該搞個集體訴訟class action (香港係冇的)
暑期工就在浸會大學,冇Q嘢做。我每日最開心就係下午茶(自己)鼠出去睇女。新舊校園我都返過,新校睇李惠利嘅女,舊校咪睇浸會女。心諗有一日到我食。結果後來就食到,其實唔難。
我在浸大嘅日子,就係幫人影印,同埋送文件。最初我拎本書返去睇,後來當然被勸止。結果我拎本書去影印,得閒幾頁咁,拎住疊紙就冇人理我。果時就睇西洋文學,《雙城記》呀《孤星淚》呀咁。
呢啲可歌可泣嘅故事,記住keep多幾個。
牛年比別人知得多。subscribe now.
Patreon.com/ivanliresearch
女仔搵快錢 在 Smart Travel Youtube 的最佳解答
#娛樂八卦 #SmartTravel #Viutv #花姐 #調教你MIRROR #中女唔易做 #趙學而 #小儀 #農夫 #金剛 #掃街達人 #台灣小食 #劉江 #曾志偉 #TVB #是日娛樂新聞重點推介 #姜濤 #Viutv節目 #Mirror #花姐mirror #杜如風
【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #SmartTravel, 可以滿足你 #娛樂、輕鬆、#剝花生 #旅遊資訊 #平吃買玩 #各地文化, 要睇梗係睇原汁原味, 你係咩人就會支持返咩嘅youtuber, 國際華人傳媒, 最喜歡報道Smart Travel
https://youtube.com/playlist?list=PLhKZNoNE4iEf-Rsl1fa8Um8aY2Yl86Q95
大家可以透過Payme, 支持下我, 打賞打賞鼓勵鼓勵:
https://payme.hsbc/smarttravel
?合作邀約請洽
gold7778@gmail.com
https://www.instagram.com/gold7778t/
成為這個頻道的會員並獲得獎勵:
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
Appledaily:
同為50歲,鏡頭前的趙學而與阮小儀,一個穿上牛仔短褲襯斗零踭,另一個穿花碌碌公仔鬆身Tee;前者已為人妻,後者還在公海中浮沉找機會泊岸,她們打扮雖然年輕,其實在心理上已坦然面對人生轉到另一關口。她們早前一起宣傳ViuTV新節目《中女唔易做》,坦言不介意年華開始漸去、身材開始走樣、樣貌敵不過地心吸力而有所改變,輕鬆面對變化,明白珍惜仍然擁有的光陰及享受人生,對自己好才是最重要的生活元素。
公開講性
二人暢所欲言沒避忌,投契得有意合力開網上頻道,分享養生、或別人難於啟齒的性經驗。近日與人氣組合MIRROR「走得很近」的小儀,大膽地笑言:「想唔想試吓麻繩?呢個領域未試過,我都想試吓!如果我哋兩個一齊做,講更年期都好。」學而也大表贊成:「講少女期、講吓關於嚟月經嘅事,有時會遇到疑惑、一啲經驗,可以坦坦白白討論。性事都可以講,因為以往嘅前輩可能會怕醜,唔會講得咁坦白。」
中女心理
踏上五十路的學而,覺得30多歲已步入中女階段,自言當時負資產、又甩拖,但一個人生活很自在:「我唔擔心,雖然一個人孤零零,但一個人去邊都開心,可以好享受,睇多啲個世界,識多啲唔同嘅人,然後自己再慢慢揀。唔拍拖一陣都唔係問題,可能我由細到大對自己都有啲信心。」
相反小儀差不多踏入中女行列時與拍拖多年的同學男友分手,結婚生仔自覺渺茫,心理很大壓力:「嗰陣入咗行,覺得更加難識男仔,仲要我冇靚樣,森美當時話,外面嘅男仔要識藝人,點會夠膽搵你,唔驚俾人笑呀?到40會為自己擔憂,會唔會件事冇喇?但過呢一關,開始隨遇而安,唔係搵結婚對象,係要一個伴侶令你餘下人生快樂,有幸褔感覺,唔使要名份肯定。4字頭生仔係好渺茫,但冇咗呢個擔憂就好輕鬆,我越來越享受而家年紀,做每樣嘢忠於自己,唔好害人,咁就好快樂。」
小儀對着MIRROR的呂爵安(Edan)心心眼,她不抗拒比自己年紀小的人拍拖,年齡沒掣肘:「人生若諗得灰啲係倒數,但諗好啲就因為倒數,所以每分秒都係要過得精采,要對自己好,只要溝通到唔係問題。」
學懂欣賞自己變老
早年小儀曾遇甲狀腺問題,令她學懂真正享受生活,正如在節目中當農夫領悟慢活的需要:「以前每日掛住錢、工作,顧住做出來嘅嘢人哋認唔認同,生活好急,變咗有壓力都唔知,急到得出甲狀腺呢個問題,身體話畀你知唔得就要諗吓,真係唔可以咁,唔可以顧住搏殺。」
學而在旁提醒要有質素的生活,講求養生,要善待身體。二人亦認為可以跳出習慣的框框,嘗試新工作新事物,但不追求完美的外貌,學而堅拒做美魔女:「我唔要零毛孔,人要有缺憾,眼袋、皺紋、雀斑,呢啲陪住我哋成長,唔可以抹走。推淋巴、推下巴係可以,但注射入身體嘅就唔得,外貌唔使同人比較,人老自然有皺紋,自己懂得去欣賞每日唔同狀態。」
服裝:tout à coup(趙學而)、STARS & TART(阮小儀)
同為50歲的學而與小儀,投契得有意合力開網上頻道。
同為50歲的學而與小儀,投契得有意合力開網上頻道。
小儀與學而的打扮依然年輕。
小儀與學而的打扮依然年輕。
學而認為要有質素的生活,講求養生,要善待身體。
學而認為要有質素的生活,講求養生,要善待身體。
小儀因早年有甲狀腺問題,令她學懂真正享受生活。
小儀因早年有甲狀腺問題,令她學懂真正享受生活。
-----------------------------
![post-title](https://i.ytimg.com/vi/myk4ueZFi_s/hqdefault.jpg)
女仔搵快錢 在 飲食男女 Youtube 的精選貼文
【最強漢堡】肉味濃超鬆化漢堡是如何煉成的?大廚解構賣$120/個的秘密
https://bit.ly/3bUz1SZ
一個美味的漢堡,豐厚、鬆化、多汁,令人快樂。要發掘美味的秘密,就請Butchers Club大廚帶我們去心臟地帶看看。「這是乾式熟成(dry aged)的房間,Butchers Club的心臟。」這店起初做精肉店起家,自設工場熟成牛肉。
The Butchers Club
地址:灣仔蘭杜街2號麗都大廈地下
電話:2528 2083
詳情: http://bit.ly/2CWXMfP
蝕六位數字 手打漢堡店三年兩度搬鋪 老闆:做生意要計算嘅唔係咁少
https://bit.ly/3sALOjD
太安樓曾經有一間手打漢堡店大排長龍,但好景不長,這間店近年輾轉搬鋪,近來才定居於筲箕灣。兩次搬店的原因各不相同,但回顧兩次經歷,負責人感嘆要經營一盤生意,需要計算的不是這麼少。
味口福
地址:筲箕灣天悅廣場LG1-2號鋪
電話:2668 0013
營業時間:12pm - 10pm
荃灣漢堡店|街市賣龍蝦漢堡贏街坊口碑 80後夫婦為孩子拼搏:做飲食真係斷六親
https://bit.ly/3iE6dyP
荃灣海濱花園的平台街市看似平平無奇,卻有間由一對80後夫婦打理的隱世小店。餐廳主打各款漢堡、意粉和薄餅,價錢不貴但食物真材實料。光顧過的客人都表示有驚喜,開業三年深受街坊歡迎。
Hustle Guy
地址:荃灣海濱花園D平台1樓M22號舖
電話:5320 8984
營業時間:星期二至日 12nn-3pm,6pm-9pm (星期一休息)
詳情︰https://bit.ly/33xhQ4i
認住兩撇鬚!每日gel鬚賣漢堡 青衣街市至型大廚:感覺上食物乾淨啲!
https://bit.ly/35ZfUDw
「我在澳洲墨爾本時,看到外國人的鬍鬚皆有自己的特色,也想試試有甚麼鬚是適合自己,於是就一直把鬍鬚弄成這樣。」這位長着兩撇鬚、眼仔睩睩的漢堡包店主廚,每天出門也會gel好鬍鬚,「除了方便進食,給人感覺上是有打理過的,感覺上你的食物會乾淨一點,不會把鬍鬚都掉到食物中。」
鬍鬚仔
備註:
青衣店已結業,屯門店地址:屯門鄉事會路2A號愛定商場 H-216號鋪;電話: 9888 6783
【飲食男女】一百萬癲價買漢堡秘方 街訪實試有幾好食
https://bit.ly/39KisXu
一個漢堡值多少錢?在Burger Joys店主Manu的眼中,一條漢堡配方,值得他花上一百萬元來買。我們將這個富爭議性的漢堡於街訪中請途人吃,看看他們的評價如何?
地址:灣仔駱克道42-50號君悅居地下E鋪
電話:2787 1288
營業時間:11am-6am
http://goo.gl/jGzEcJ
===================================
? 8折全年睇《蘋果》即慳$121!
現有日費訂戶亦可轉訂? http://bit.ly/2YwE3Ma ?
訂閱《飲食男女》YouTube: http://bit.ly/2Md5V2k
Facebook: http://bit.ly/2MJejcp
Instagram: http://bit.ly/2EA3qpR
推薦影片:
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店:呢個女人唔係女人(飲食男女 Apple Daily) (https://youtu.be/7CUTg7LXQ4M)
【街市尋寶】慈雲山街市 二百幾萬機器鮮製$24午餐肉 肉彈味濃無添加日賣500份 (飲食男女 Apple Daily) (https://youtu.be/rTrYPzECHI0)
【灣仔燒味老字號】17歲做大廚 自立門戶35年 油雞酒味濃 老闆:好做嘅食物唔會好食(飲食男女 Apple Daily) (https://youtu.be/svAF8pKszw0)
【假如沒有天價租】「福食」三老 唔靠綜援靠自己 (果籽 Apple Daily) (https://youtu.be/aUE2oQIDoV0)
【籽想旅行】直擊東南亞首個人妖騷後台 變性舞台一姐的日與夜 (果籽 Apple Daily) (https://youtu.be/CBBq_D0-Lsg)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 AppleDaily) (https://youtu.be/e3agbTOdfoY)
【這夜給惡人基一封信】大佬茅躉華日夜思念 回憶從8歲開始:兄弟有今生沒來世 (壹週刊 Next) (https://youtu.be/t06qjQbRIpY)
#漢堡包推介 #TheButchersClub #味口福 #HustleGuy #鬍鬚仔 #BurgerJoys
#飲食男女 #StayHome #WithMe #跟我一樣 #宅在家
飲食男女 打卡大街小巷搵食地圖
https://hk.adai.ly/e/gPF0DIjsB9
《蘋果》每日為你增值 立即訂閱
https://hk.adai.ly/e/kbo0wDsxB9
![post-title](https://i.ytimg.com/vi/qxZI8cribN0/hqdefault.jpg)
女仔搵快錢 在 Pomato 小薯茄 Youtube 的最佳解答
【蕃茄薯仔Talk? #2】點搵第一桶金?創業貼士?深入雪姨內心世界?|雪姨|Pomato 小薯茄
今集搵嚟又係YouTuber又係擁有八間公司嘅女企業家-雪姨!
快啲埋嚟聽下,等雪姨袋錢入你袋啦~
之後想我哋搵咩嘉賓、傾咩話題?
留言話我哋知吖!
#發達 #創業 #雪姨
睇完記得CLSS,Like、Share、留Comment,同埋「訂閱」我哋所有嘅Channel呀!
仲有可以隨時點我哋嘅餐,成為會員㗎!
點餐:https://www.youtube.com/channel/UCHQoZ0_MHDXIgWeRvPTLTJw/join
IG @pomatohk:
https://www.instagram.com/pomatohk
MeWe page:
https://mewe.com/p/pomatohk
Facebook page:
https://www.facebook.com/pomatohk
副Channel YouTube:@小薯茄日常 Pomato Daily
童童 IG:tungtungdess
YouTube: @童童 tungtungdess
Facebook page:
https://www.facebook.com/Tungdesss
IG:sabrinapingping_
YouTube: @阿冰阿冰
阿冰 Facebook page:
https://www.facebook.com/SabrinaPingpingNG
IG:chingyanfu
YouTube: @程人富宇宙
程人富 Facebook page:
https://www.facebook.com/chingyanfu
IG:jefferykwan
YouTube: @關我阿J事
阿J Facebook page:
https://www.facebook.com/JefferyKwanJJJJJ
IG:laiyingdesu
YouTube: @麗英 LaiYing
麗英 Facebook page:
https://www.facebook.com/laiyingdesu
![post-title](https://i.ytimg.com/vi/FjF2nbuXYl4/hqdefault.jpg)