每一次鬼上身(上)
「我講咗『唔得』,我都要正常生活㗎,點可以晚晚都俾鬼上身?」
你點會估到,呢一句說話,我幾乎晚晚都要講。
我叫阿晨,一日之計在於晨個「晨」,但關於我嘅故事,往往喺夜晚發生。
自細我就發現,我嘅體質同其他小朋友唔同,我好容易俾鬼上身,所以都好受鬼歡迎。
好多鬼都有未了嘅心願,需要一副人嘅身體去完成。
所以,一過咗子時,身體好多時就唔再受我控制。
我會自己走出門口,搭的士去墳場,走去某個墓碑前,充滿感慨咁撫摸塊碑。
我會去一個陌生嘅屋企,攬住一個比我大二十年嘅人,淚流滿面咁叫佢:「阿仔!」
我仲會打奇怪嘅電話,用稚嫩嘅童聲,交待自己收埋咗幾多遺產。
每一次,我都控制唔到自己嘅身體,但可以充份感受到身體嘅感受。
你問我驚唔驚鬼?其實我唔驚。
因為有一次,有隻戀童癖嘅鬼上咗我身,佢除咗我條褲,正諗住做啲奇怪嘅事。
突然間,幾十隻鬼出現喺我身邊,合力將個戀童癖「推」出嚟,再將佢打鑊金,睇到我目瞪口呆。
佢哋同我講,可以接受鬼上身嘅體質係好罕有,而每隻鬼都有想上身實現願望嘅時候,佢哋一定會好好保護我,令我唔俾鬼傷害。
「其實我晚晚俾鬼上身,都係傷害我嘅一種。」我忍唔住講。
當然,每一隻鬼都保持沉默。
於是我繼續俾鬼上身,繼續實現唔屬於我嘅願望。
好彩,隨住我慢慢長大,自己嘅靈魂愈嚟愈強大,鬼冇咁易上身。
應該話,除咗一啲意志特別強大嘅鬼,大部份鬼都要得到我同意,我放開自己嘅思想,佢哋先可以上我身。
於是,我幾乎晚晚都要花時間,去拒絕唔同嘅鬼。
我拒絕咗無數隻鬼,嚟搵我嘅鬼都愈嚟愈少。
我以為我已經擺脫咗呢個命運,直到有一晚,幾十隻鬼喺我面前出現,團團圍住我。
「喂,你哋想點?鬼多蝦人少?」我知道,平時佢哋都係排好更,輪流嚟搵我,絕對唔會「爭位坐」。
佢哋紛紛投訴,話我依加唔肯俾鬼上身,令佢哋實現唔到願望。
我忍唔住問:「我點解要幫你哋?我已經幫咗咁多年。」
「助人為快樂之本!」唔知邊隻鬼答。
我火都嚟:「我試過俾女鬼上身,要攬住另一個男人話:『老公我好愛你,你要好好照顧自己』,噁唔噁心啊?」
「其實我哋以前想畀錢你。」有隻睇落好闊綽嘅肥鬼忽然話:「有諗過每次上身,都叫陽間嘅屋企人畀一萬幾千你。」
我眼前一亮:「咁幾好喎,我全職俾鬼上身,日頭唔駛返工。」
肥鬼解釋:「按照地府嘅規定,地府鬼魂企圖用陽間嘅金錢做交易,係會折損賺錢人,即係你嘅陽壽。」
我都唔知佢講真定假,總之佢言下之意,就係我唔可以咁樣賺錢。
我發晦氣:「咁即係你哋冇嘢幫到我啦?你哋咩都做唔到啦?」
突然有隻鬼大叫:「我識煮飯!」
其他鬼都紛紛講出自己嘅專長:「我識跳舞!」「我識唱歌!」
「做乜啫?你哋表演想畀我睇?我要睇表演不如睇《全民造星》,睇你哋把鬼?」我冇佢哋咁好氣。
「咪住先,做星嗰個……可以係你!」肥鬼好似「叮」一聲咁望住我。
佢講咗一個建議,一個好有趣嘅建議。
每一隻鬼都佢嘅專長,可能識唱歌、跳舞,可能讀書好叻,可能擅長講嘢,就算係一個家庭主婦,都特別擅長煮飯。
肥鬼話:「如果你咩都識,咁你咪勁過晒所有明星?」
「佢哋咁多隻鬼,可以一齊上我身?」我呆咗。
我本來以為,我就算擁有某隻鬼嘅技能,我都只可以轉份工,識跳舞咪做Dancer、識煮飯咪做廚師,根本冇咩著數。
但我從來冇諗過,我可以擁有咁多唔同嘅技能,由一個廢青,變成一個全能嘅人。
「唔係,逐隻嚟。你需要咩技能,就由邊隻鬼上你身。」肥鬼循循善誘:「直播主播都係咁啫,今日表演跳舞、聽日表演煮嘢食、後日可以彈結他……」
我忍唔住上網search,依加男男女女都會做直播,有啲人技能明明好單調,但都吸引到好多fans,係咁有廣告接,財源滾滾來。
肥鬼努力鼓勵我:「我哋入夜後先上到身,所以你要做藝人就難啲,但做直播就唔同睇,你可以晚晚都開直播嘛。」
待續...
Patreon訂閱即時睇下集,快人一步:https://www.patreon.com/tomato28
#短故 #短篇 #小說 #陳美濤 #廣東話 #粵語 #tomatochan #每一次鬼上身
女女合唱歌廣東話 在 Cantonesedaily Facebook 的最佳貼文
2010年代歌List唱K必點合唱歌
而家嘅學生似乎少咗去K房唱K,以夢小編同同學考完試就會去唱K慶祝,大學有天地堂又會食K lunch Hea足3個鐘,動人時光真令人懷念!
以下6首合唱歌你又係咪識唱哂?
1. 衛蘭 & 王灝兒- 男人信什麼
除咗Twins之外,似乎都無乜女女合唱歌可以比K迷揀?呢首歌當年就捧紅咗仲係新人嘅JW,仲拎埋金曲獎。而家2位都已經成為左實力派小天后,各有一批忠實Fans! .
.
「欺騙自己太為難 我信不過
有時連用意也講錯
人又愛又恨難霎時說清楚
難擔保我是我」
2. 麥浚龍 & 謝安琪 - 羅生門
縱使你對上一段感情耿耿於懷、念念不忘,你天真地以為對方都同你一樣長情;原來你一啲都唔了解佢,對佢存在太多誤會同埋幻想... 即使再遇見佢,佢真係好想有復合嘅機會,而佢只係衷心祝福你早日放低前事。 .
.
「最動人時光 未必地老天荒
難忘的因你太念念才難忘
容易眼淚流十年 難在擦乾」
3. 鄧麗欣 & 方力申- 好心好報
唔知大家有無睇「粵劇特朗普,得不到分數」個Post呢😂 真係笑到我gap gap聲。
講番正題~呢首歌同埋《好好戀愛》都係90後回憶來!呢首亦都係一首經典嘅兵歌,故事中嘅男女都各自單戀,為所愛嘅人付出再多都得唔到回報... 其實愛情就係咁現實,就算你對一個人再好,只要冇感覺就冇可能一齊。 .
.
「對你好 無人希罕我好
無人欣賞我好 原來你習慣他一套
從來沒有 愛我 看得清楚我知道
不必得到 不防陪襯 但願為你好」
4. 周國賢 & 薛凱琪 - 目黑
充滿日系戀愛感覺嘅一首歌,由當年行少女風嘅Fiona 同周國賢主唱,令次聽親都會回憶起兩小無猜初戀感覺! .
.
「黑色眼睛 沿途與你有過一幀風景
但路上 誰也沒名沒姓
靜靜行經 留影 目黑之夜有星
遊歷過 下一次未必經」
5. 鍾一憲 & 麥貝夷 - 勾手指尾
新一代歌手,呢首亦都係二人成名作!Youtube 點擊率高令二人聲名大噪,為90後一定識唱嘅男女甜蜜對唱歌。MV講述小情侶雖然各自處於異性,對對方嘅愛則從來無減少過。 .
.
「那天我共你 勾手指尾
答應過會更愛你 抱緊你就有好天氣
洞悉兩心一意 才磨合完美 愛是了不起」
6. 鄭融 & 周柏豪 - 一事無成
講出大部分年輕人心聲嘅一首歌,有過夢想試過努力生活,但好似做乜都唔成功,無乜特別大成就... .
.
「高峰上不成 唯盼愛情順景 成就在平凡裡 那份溫馨
我試著生性 但求父母親高興 假如凡事都失敗 也許得愛戀先可以得勝」
#Cantopop #廣東歌 #廣東話 #hkword #cantonese #hkpop #hkmusic #勾手指尾 #鍾一憲 #麥貝夷 #鄭融 #周柏豪 #一事無成 #周國賢 #薛凱琪 #目黑 #羅生門 #謝安琪 #麥浚龍 #好心好報 #好好戀愛 #方力申 #鄧麗欣 #衛蘭 #jw王灝兒 #男人信什麼 #林夕 #黃偉文 #林若寧 #合唱歌
女女合唱歌廣東話 在 王君馨 GraceWong Facebook 的精選貼文
有老公愛惜 可以更大膽 王君馨衝視后豁出去
王君馨年前跟拍拖10多年的男友Daniel結婚,她未因人妻身分而惜身,在鏡頭前表現更放。在台慶劇《是咁的,法官閣下》中,她首次擔正做女一而豁出去,除上演一幕「女女」激吻戲外,又以泳裝上陣大騷身材,絕對是「火辣人妻」;要衝視后。君馨表示現階段什麼都敢去試,笑指老公已「睇開咗」。記者、攝影:陳釗
11年的等待,機會來了,王君馨說:「首次做女主角,今次的角色與我之前演的花曼、海澄及太子妃不同,並無一個明顯的角色特徵讓你去參照,是一個有經歷的主播,婚姻失敗,更需要真情流露,但我當時剛結婚蜜月期,都不知點算。很幸運有關禮傑和黃智賢兩位前輩帶住我,讓我沒那麼大壓力。」劇中她跟莊思明「女女」激吻也是她的第一次,她們各自飲威士忌壯膽,最後一take完成。
維繫夫妻感情有法
劇中王君馨與黃智賢在離婚問題上糾纏,與關禮接又有感情線,周旋在三角關係中。但現實中的她卻非常專一,與老公Daniel拍拖12年,前年在港秘密登記結婚,去年中先後在美國與香港舉行婚禮。王君馨表示曾與老公分開過兩三年,就是她剛來港那段時期,因異地戀實在太辛苦,但信仰將他們牽回一起。結婚兩年,王君馨與老公不時放閃,她自言仍在不斷學習夫妻相處之道,覺得要維繫夫妻間感情,溝通很重要:「幸好有做婚前輔導,讓我們更了解婚姻。婚姻並不容易,我們現在每星期都會抽時間互相傾訴,感覺有不妥就會拿出來傾,不會讓問題過去就算。又會常問對方有什麼不滿意或不開心,自己有什麼可以做得更好,因兩個人一齊開心很重要。亦要時常提醒自己,不要將拍劇的情緒發泄在對方身上。」
「我覺得老公睇開了」
王君馨最近頻頻性感示人,在劇中又有大膽親熱戲, 不少人覺得她當人妻後比以前還要放。她坦言婚後反而更自由,因當你覺得自己是被珍惜和被愛的時候,去到外面就可以大膽?。老公以前都會介意她著得性感,但一齊做運動後,明白她不是賣弄性感,只是將苦練回來的肌肉線條展現出來:「這兩年做gym領悟到鄭秀文所說的:『我的身材就是這樣的了,但我很健康。』我有肌肉的線條美,可以托得起件衫。」老公在親熱戲方面也給予她很大自由空間,她說:「我覺得他好似睇開了。因已嫁了給他,未嫁時他還會擔心有很多競爭,但現在我已是他老婆,他自信也多了。我記得有場戲講黃智賢對我很差,拍完我返屋企攬住老公喊住說:『好彩你唔係咁!』」
事業衝刺唔急生B
當年TVB處女黨皆已婚,鍾嘉欣有兩個小朋友,李亞男也懷孕,但王君馨不心急做媽咪。她說:「在無綫11年了,做到今時今日才叫有點成績,希望再衝刺。現在廣東話才叫好一點,叫做可以享受演戲,所以想衝多少少再去想下一個階段。」王君馨自言屬事業型:「我很喜歡做演員,因可從工作中嘗試很多不同的東西,但真正生活就不用那麼瘋狂,我的人生不需要似劇中人多姿多彩,穩定和簡單就可以,有時平凡都是福氣。」
愛唱歌 計劃自資出碟
王君馨的演技被獲讚賞,在《是咁的,法官閣下》一場法庭戲被讚演技大爆發,她也順利入圍角逐視后。她表示演員可以做的就是盡力演好角色,攞獎要看天時、地利、人和,觀眾喜歡與否和收視成績都是攞獎的條件,但這些都是她控制不到的,不如花時間去做好自己所能控制到的事,去增值自己。她直言喜歡跳舞唱歌,並透露有計劃自資出碟,可選擇與欣賞的音樂人合作,曲風又可自己話事。老公也非常支持她,與其儲錢買樓,不如用這些錢完成目前想做的事情,不要讓將來後悔。
化妝:Gabbie Lee
髮型:Jamie Lee
服裝:Moussy
來源:明報
#是咁的法官閣下
#莫希萊
#Ophelia
#王君馨 #gracewong
女女合唱歌廣東話 在 [問題] 找一首男女合唱,男唱國語,女唱粵語(應該 - PTT網頁版 的推薦與評價
... 粵語的只找到王力宏的好心分手,囧, 還記得廣播出現了幾次,然後看當時大陸網友反應,應該是曝光度不低的歌, 所以想問有沒有人知道是什麼歌,感謝。 -- ... ... <看更多>