一位當年聽「E座心情」嘅聽眾，而家係一位急症室女護士dm我：
Leo，唔好意思有少少嘢講......
當年sars我仲係一個小學生，停課期間，我每日都聽山寨王「E座心情」，亦都做咗你聽眾好多年。
今日我作為一個醫護，做得呢行預咗會再有類似sars嘅情況出現。如果政府做好晒防疫，但香港都仍然不繼有確診個案，你要我入去dirty team做冇問題，我心甘情願為香港人做。
但而家係人禍，係政府一直冇做過任何防疫措施，任由大陸人武漢肺炎輸入香港，仲要話人道理由接受大陸人嚟睇醫生，唔通大陸冇醫院？要香港醫院人道理由接受佢哋？
前線醫護根本成為condom，我哋唔應該為政府錯誤嘅決定而付上代價，甚至生命。好多同事都俾政府同社會道德綁架，利用我哋「我唔做，邊個理病人」嘅心，一直消費緊我哋，剝削緊我地嘅權益。
但真心呢個政府唔值得我哋用條命去博，去醫一班連香港身分證都冇、自私自利隱瞞病情，甚至用氧氣喉去箍醫護頸嘅中國人。
我係急症室護士，唔駛抽籤，因為本身一直都喺dirty team。 但我希望各位醫護積極考慮罷工，唔好再被政府消費，亦都希望市民體諒，如果真係罷，都會影響到你哋。
一位由細聽到大的聽眾
而家係一位女護士 上
---------------------------------------
To 多年聽眾兼現任女護士
明白醫護兩難，天職同公義之間有時真難抉擇。明白你哋唔係怕，只係希望冒險都係值得，兼且唔係因為行政失當而白白送命。我作為你多年節目主持，只能好似當年咁聽你呻下，同埋都係嗰句會戴口罩，減少你哋感染風險。至於罷工與否，我都支持及尊重你哋決定。
祝 我哋身體健康
LeoBall 上
---------------------------------------
#女護士有提供証件放在留言
#文宣波
