《比薩斜塔也封了》
與世隔絕嘅我哋，每日都總會打個電話返意大利報平安。
說報平安，倒不如說睇吓奶奶仲係咪平平安安。
奶奶話佢幾好呀，仲做埋新聞報導員，每日報導俾我哋知意大利確診數字，「琴日4萬宗，今日...hmm.. 3萬幾啦」。數字固然嚇人，但最憂心的，就係疫症好似「生化危機」咁越走越近。
每日聽到奶奶佢話「隔離巷個阿嬸去完教堂返嚟就中咗」，又「呢～隔幾條街嗰個裝修師傅同二百幾人去完一次baby shower跟住冚家上下瀨哂嘢」，「連我哋個father都冧檔，中咗招瞓緊醫院」……
我哋同奶奶住嘅地方，仲有全意國好多唔同州省，都喺肺炎第二波襲擊下，已由綠變黃，黃變橙，最終由橙變紅區。紅區即是高危地區，全區封鎖隔離。
兩頭家相隔9000公里，
我還未練懂分身術去照顧好身邊的每一位。
這麽近，那麼遠。
姑拉一家雖然同奶奶屋企只隔兩公里，
但亦害怕帶到啲咩菌俾奶奶。
唯有用心良苦，這陣子唔再見奶奶，
剩下奶奶獨個兒每日望天打卦。
無力感太重，結果可如此卑微。
但又想，
人生總有不如意嘅日子。
人總要向前看，日子點都要過。
望望我身後的比薩斜塔咁，就算跛了腳，都能擋風擋雨。
斜塔都撐得住，冇理由我哋撐唔住。
圖：攝於還未封城的意大利比薩市
Instagram @misi_gipsy_italy
#嫁到意大利
#redzoneinitaly
#無力感
#這麼近那麼遠
#振作
#比薩斜塔也封了
#奶奶好乖冇離開屋企半步
