「友共情不變，那種真找不到缺點。」
雖然你有你既生活，我有我既忙碌，但無論點都好，
朋友係要見咖！仲記得以前波地踢完波，一大班友
齊齊去冰室，每人一枝可樂果種兒時回憶，的確好
值得回味。而今晚我就約埋個老朋友，一齊黎到呢間
新開分店既人氣冰室「樓下冰室」，嗌返以前成日
會食既招牌常餐，呢種除左係一種味道之餘，
仲係一份真摯既感覺。👇
-
📌特色蕃茄濃湯通粉 · 牛乳炒蛋 · 招牌瑞士雞髀 - $55
👉冰室三寶係齊到，呢到既蕃茄通真係無得輸，
湯底用左大量既蕃茄熬煮，所以味道相當濃郁香甜。
個底仲食到啖啖番茄蓉，口感豐富，誠意可加。
而面頭上亦放左炒蛋，質感香軟滑溜，入口有融化
感覺。而另一亮點就係配埋餐廳既招牌瑞士雞髀，
瑞士醬汁鹹中帶甜，入口感唔錯。雞髀外皮帶光澤，
而裡面啖啖肉，夠哂過癮，難怪能夠成為黎到冰室
不得不點招牌菜之一呀！
-
📌自家製蔥花叉燒滑蛋飯 - $55
👉另一招牌必食推介既就係，由蔥花、叉燒、
自家製醬汁、炒滑蛋混合而成既大碗飯，就咁睇
賣相都覺得份量驚人呀。滑蛋滑嫩、半生熟岩岩好；
叉燒肥瘦相間，口感絕對唔錯；加埋蔥花同埋
豉油既配搭，唔洗幾分鐘就比我清哂！
-
📌厚切牛乳炒蛋治 - $26
👉以前係茶記食既蛋治普遍都係好薄身，
但隨住時代變遷，連蛋治都有得進化。裡面既
炒蛋個Size厚到足以令你飽肚呀，方包質感亦
做得好鬆軟，一啖過個口感你都咪話唔正！
-
📌芝士煎蛋菠蘿包 - $28
👉菠蘿包就食得多啦，但你有無試過夾埋塊芝士
同煎蛋一齊食呢？菠蘿包本身做到外皮好脆，
一入口每啖都有鬆化感。而夾埋芝士煎蛋，
呢個組合對我黎講幾新鮮，幾種唔同既口感
放埋一齊，唔錯。
-
▪ 紅豆冰 - $24
▪ 新鮮菠蘿冰 - $24
▫ 兩款經典冰室特飲，紅豆經煮過後入口有豆香，
質感香綿起沙，甜度岩岩好。加埋淡幼，成個口感
相當順滑；菠蘿冰個底有好多新鮮既菠蘿粒，
啖啖鮮甜之餘，陣陣清爽透心涼。
-
📍 樓下冰室
🎈鰂魚涌英皇道967號地下
