話說，倫敦的鐵路出晒名虧：打風會壞、落雨會壞、路軌上樹葉太多也會壞、訊號系統當然每天也要壞，若果算上罷工、有人跳軌、有醉酒鬼衝進鐵路、有乘客不適等等，基本上每星期只會有一兩次是能順暢地行完全程的。
而很不幸地，早兩星期因爲山泥傾瀉的緣故，很多火車班次和路線都需要調動，而你能想像要多混亂有多混亂。幸好的是，英國人也慣了火車誤點，基本上你就算遲到半小時也好，回到公司說句「壞火車了」，大家也會以「我懂的」那種眼神告訴你沒關係。
早幾天下班回家，路過火車站門外，有職員正在派這張卡，打開一看，原來是價值三鎊的咖啡店禮券。而重點，係有張卡同你解釋多一次當日發生左咩事，你睇完張卡，點都會下一下火吧？
據聞香港地鐵死左大家等足六個鐘，先換到一日半價是吧？我地呢，其實都係等多左半個鐘而已。你係人、我又係人，港鐵係公司、south eastern railway 也是公司，為什麼在類近的事件上，應對的手法可以相差這麼遠？
當然，你可以話英國火車好貴，一程都兩三鎊，係架無錯，真係好貴。但你諗下點解香港地鐵可以咁平，仲可以有勁抵嘅長者優惠？因為港鐵係地產商，而英國SE火車無地可炒，當然沒有那個利潤去補貼車資了。
#羊毛出在羊身上
#英國真係好落後
#好唔方便囉
#所以英國人做野好慢好無效率
#你好趕咩
#你國際大都會咁方便
#你咪能者多勞囉
#我有咩所謂姐
#反正你除稅後人工高我些少
#唔通你要做多啲我唔俾你做咩
#無咩野我返出去耕田先啦
