我之前去台北都幾鐘意去師大食燈籠滷味，知道佢最近喺香港連開兩店，最新嗰間分店上星期剛開業，仲要喺朗豪坊喺正我屋企附近喎，梗係搵日去幫襯。滷味我第日先去試，今次我去試咗佢嘅台式早餐先，止一止我對台灣嘅思鄉之苦🥺
.
其實佢就係開係朗豪坊food Court嗰層，一早佢真係冇乜人，得幾枱客，我同朋友可隨便坐，不過內部裝修幾寬敞幾靚，仲要播住20年前嘅台灣舊歌，係咁聽到蕭亚軒「一個人的精彩」「最熟悉的陌生人」嗰堆歌，經典🤣當時台灣啲歌真係幾好聽🤣
.
台式早餐$30至$40一份，香港嘅物價來講都算正常，我點左手工芋泥肉鬆厚吐司🍞（$38）連檸檬紅茶☕️，份量都好大份，如圖所見佢入面真係塞滿左芋泥同埋肉鬆，芋泥甜而不膩而且口感幼滑，再配埋大量肉鬆再加埋烘底嘅厚多士口感豐富，真係幾有台灣嗰隻感覺，香港唔係好多地方做到芋泥質感咁好，就算台式舖頭都未必有嗰種嘅感覺，份量真係幾大，細食人士應該覺得少少滯。
.
朋友就點左個手工芋泥肉鬆蔥抓蛋餅（$42連飲品），睇嚟大家都係台式芋泥嘅愛好者，其實我都好鍾意台式早餐嘅蛋餅，朋友俾咗一件我試，我發覺佢呢個係蔥抓餅嘅質感，口感脆身啲同蛋餅有少少唔同，不過都叫煙韌嘅，而且芋泥冇咁甜，都算好食😋但講到呢度我真係好掛住台灣嘅早餐蛋餅，最鍾意加芝士加培根加粟米加吞拿魚乜都狂加😍
.
唉。。。我真心好掛住台灣🥺🥺🥺好啦，未去到台灣之前，我會喺香港食住呢啲台式餐廳止下㾗，今次呢間過江龍燈籠滷味吃台式早餐都幾台灣地道，下次試埋佢嘅滷味比較完再話俾你哋知似唔似台灣的味道😋
.
店名：燈籠滷味
地址：旺角亞皆老街8號朗豪坊4A樓10號舖
@ 燈籠滷味
好聽的早餐店名 在 暢遊輕春早餐店之早餐店老闆臉上有顆很xx的痣 - Facebook 的推薦與評價
假日的早上已經選了一堆好歌好聽的聽完吃完再去旅行吧!! 這是丁丁與西西也是好聽的~~~~~明天見我最喜歡的一首歌是~~放個假!!!黃玠和蛋堡的!更正點! ... <看更多>