《第一束花》
♂：早晨
♀：早晨
♂：岑雪兒小朋友，有冇掛住我？
♀：我掛住我杯奶茶
♂：尋晚我夢見你啊，我夢見同你一齊做野，但你唔理我囉！
♀：我做野係好認真既，你唔好影響我啊！唔係無面比！
♂：其實我份人係唔係太唔認真呢？
♀：上次你飲酒就好認真，你認真既模式好難觸摸
♂：連我自己都唔知幾時會認真左，係唔係好吸引呢
♀：唔係囉，講明先，我今日忙啊，你有咩計劃最好講左先
♂：你幾點收工啊？
♀：正常就十點，但如果唔順利既應該要十二點左右
♂：你真係好忙……我終於發現事業型女性既缺點喇
♀：先生，邊度有人好似你咁得閒啊，你啊！寫野啊！我追晒喇，等你更新！如果你唔更新既！
♂：睇我Facebook！
♀：咩料啊……咩女朋友命令你一定要出新文，如果唔出就唔見……你無端端立個咁既承諾，你得唔得啊！
♂：為左你，我乜都得！！！！！！
♀：係至好啊！
♂：【圖片】今日既第一次！我話你聽我唔係自戀既人，我從來都唔會影自拍比人啊，你有福喇！
♀：戴住口罩睇都幾唔錯既，明智既選擇
♂：咁……
♀：【圖片】咁乜野？
♂：我可唔可以用黎做lock screen？
♀：你喜歡，你想用黎J都隨得你
♂：唔得囉，女神只可以遠觀而不可褻玩！
♀：好喇好喇，我想講，其實我平時唔會同你send埋d咁既msg，真係超無聊又無意義囉……
♂：咁我要比你體驗下我既無聊其實係好有趣
♀：頂你唔順喇，我做野先！你都寫野啊！
♂：我有寫啊，你專心做野啦！
♂：岑雪兒我好掛住你
♂：你睇下我今日食咩晚餐【圖片】我自己整既意粉係唔係好想食呢？
♂：其實你會唔會嫌我煩啊？
♂：喂喂，我寫完喇，你得閒就去睇啦
♂：我發現你忙我都會做多左野，唔知係好事定壞事呢？
♀：好事，收工喇……頂今日我見到你msg搞到好唔專心囉……
♂：咁我唔煩你喇
♀：你試下！
♂：咁你經理人又送你返屋企？
♀：係啊，就到喇
♂：佢會唔會送你返上樓添嫁！！
♀：唔會囉，你唔係呢種醋都要呷啊？人地有老婆喇！
♂：無啊，純粹問下姐
♀：【圖片】我好鍾意
♂：鍾意就好
♀：你留束花比樓下保安，聽日我屋企人一定知囉！
♂：咁都無壞啊
♀：今日咩日子，你要送花比我？
♂：無乜特別，行過花店覺得幾靚，想送比你係咪唔得？
♀：得得得，但我希望你親手送囉，順便可以攬下你
♂：好啊，幾樓幾室？
♀：你係邊？
♂：樓下公園
♀：18樓
♂：好
♀：你依家係唔係日日都要搵我？
♂：唔係日日既，我唔會應承你呢種承諾囉，但至少我掛住你想見你就不知不覺過左黎你度
♀：咁我可唔可以假設有日你唔搵我就係唔掛住我？
♂：唔可以，有好多原因既，可能我忙啦，可能我有約啦，可能我病左啦，都會令我無搵你，所以，你考慮下要唔要同我一齊住，咁我地每日都可以見
♀：車，我唔想你見得我多厭左
♂：乜你對自己咁無信心啊
♀：呢個係正常現象
♂：先甜後苦定先苦後甜，呢個係心態問題，但問題係，先甜後面未必苦，而先苦後面亦未必甜，所以比我揀我一定揀甜先
♀：你呢句我又真係駁唔到
♂：所以甜得咪甜囉！無理由怕蜜月期過左就唔再甜蜜然後留前鬥後嘛，我係跑1000米都係用100米既心態去跑既人
♀：咁要好睇你耐力喇
♂：你知我幾有耐力嫁
♀：係喎，你人馬座，出名快
♂：快你個頭！
♀：你返到未？
♂：返到喇
♀：返到你唔講既
♂：因為我返到你就會訓，所以我等你問先講
♀：傻瓜
♂：不過你唔駛再陪我咁夜喇，你問得就係要訓喇
♀：慘喇，我好似愈黎愈無你符
♂：尋日你都係話我仆街喎，今日把口好左
♀：唔同你講喇仆街，訓！晚安！
♂：好啦，我都訓喇，晚安
♂：岑雪兒，希望我既存在係會令你更有動力，而唔係更攰啦
♂：如果你真係要休息你直接講，我怕你捱病，掛住你……
第二部的最終回見面版已上載Patreon，連結
https://www.patreon.com/....../chang-qing-bu-di......
四條仔去Staycation的上篇都在patreon可以觀看
中篇 響30 晏少少更新
#長傾不見 #蔣薇 #小說 #故事 #好久不見
未睇過既重頭睇：
https://www.patreon.com/maydreaming/posts?filters[tag]=長傾不見&sort=published_at
