關於 好hea英文 ，我們在網路上蒐集到這些相關的討論、資訊與評價

繼續日日玩😎
Day 4 早上日文班，下午英文班，落堂去遊樂場玩
Day 5 搭昂坪360纜車，再去探貝澳的親友
Day 6 早上屋企Hea，下午英文班，落堂去碼頭玩

＊上日文班係因為有相熟的好老師，所以已學了一段時間，現在弟弟強逼我跟佢上堂😂

＊上英文班係跟同班同學一齊組團上暑期班，月費每人$1500 / 星期一至五上堂 / 每堂1小時 / 每堂內容不同如學生字、做勞作、講故事…… 可以話超抵玩，終於由乜英文都唔識變成有興趣講了🤣

🕺💃To be Continued💃🕺

【 勿看輕努力的人 ── 林明禎拍廣告花絮 】

撰寫影視娛樂文章和報道已超過五年，作為紀錄者和旁觀者，也不得不承認，在香港做藝人實在不容易（其實全世界也如此，惟香港人煙稠密，「冇得避」感覺強烈）。興許是長時間在娛樂版的衍詞用字耳濡目染下，彷彿觀眾一旦接觸屏幕和鍵盤的時候，就會霎時間放下所有理智，變成一種自恃能夠通觀全局、無所不知的「超級Mean精」，做演員好，做歌手好，總之站在幕前，就要吃得苦，品頭評足當然是「最低消費」，更多是無理取鬧惡言相向詆毀專業，一竹篙打一船人，女藝人的情況尤其嚴重，批評五花八門 ── 身材驕人就必然「不懂思考」、穿得太性感就是暴露，穿得密實又會話「冇料到」、「Chok樣」又會被視為有偶像包袱、樣貌稍為不夠狀態就叫「崩壞」，總之若有稱讚就是「收人錢講好說話」，「踩到盡」才切合討論氣氛，以下要說的例子，正是「大馬女神」林明禎。

可能跟上個月初在九展Star Hall觀賞ToNick演唱會時，當晚其中一位特別嘉賓是林明禎有關（大數據魔法？），接下來的這段時間，無論是出席記者會還是掃手機，總會經常見到她的蹤影，拍完2022年賀歲片《飯戲攻心》後，轉個頭又要演出另一套電影《願望扭蛋機》，Google一下才知道，女神因為疫情關係滯留香港，索性暫時將事業基地搬到香港，除了拍戲，更成功接了5個廣告，除了跟林雪和193@ERROR合拍的藍妹啤酒廣告外，近日推出的Kotex極柔安心熟睡褲廣告，亦同樣引起不少討論，事關歷時超過兩分半鐘的廣告裏，林明禎需要講大量廣東話兼中英夾雜的台詞，而且每句字數頗多，對於一直講普通話的女神來說，理所當然難度甚高，不時出現「歪音」的問題，而這一點就成為網民的攻擊目標：「啲發音仲係好差！」、「我聽咗啲咩？」眾所周知，普通話才四聲，但廣東話有九聲，所以今次林明禎根本是挑戰自我。

據今次製作Kotex廣告的幕後人員告知，林明禎在拍攝開始之前，花了一整天時間，對着錄音機反覆練習，用貼近廣東話發音的英文字拼寫句子，硬背台詞，就算身在拍攝現場不用埋位的時候，仍堅持與導演和工作人員用廣東話交談，確保錄影時的發音，效果不會有太大偏差。講好對白還未夠，林明禎知道劇本大綱之後，會親自向導演和客戶解釋想法，在拍攝期間會做出哪些動作、姿勢和面部表情，更會接受客戶意見修改，她又會主動要求多拍幾次，冀最終出來的效果達致完美。為了凸顯產品訊息，製作團隊為林明禎揀選了一條剪裁上略為誇張的粉紅色長裙，以帶出戲劇效果，換句話講，要去洗手間就得大費周章，所以幕後人員指，拍攝當天林明禎其實沒有甚麼機會去洗手間，但仍保持專業，毫無怨言。

有人留言質疑：「其實搵咩人拍呢個衛生巾廣告，效果都一樣啦！」某程度上認同這個觀點，但又不能完全認同，因為演員賣的是演技和個人魅力，那是專業，講求功架，所以絕對是有「殺死」或「拯救」劇本的能力，如果女神根本得個樣沒內涵，求其迤（Hea）做，透過畫面呈現出來，絕對睇得到，又正因為林明禎這種勇於追求突破、無畏語言障礙、對工作保持熱誠的性格，與追求創新的品牌定位能夠互相呼應，所以決定邀請合作，鼓勵女神繼續挑戰自我。至於大家最關心的口音問題，說穿了，林明禎根本不是第一人，畢竟香港一直都是外向型社會，過去40年來，不斷有來自其他地區的藝人來到這裏發展，「講唔正廣東話」的例子太多：80年代有葉蒨文；90年代有任賢齊、吳奇隆，千禧年代有金剛、還有最近紅爆的七仙羽，假如七師傅的「招牌」口音和擅於搞笑而勁Like，相信林明禎同樣能夠成為下一人。

（24082021）

#游大東影視筆記 #游大東 #林明禎 #KOTEX #馬來西亞 #飯戲攻心 #願望扭蛋機 #Tonick 林明禎 MinChen Kotex HK 高潔絲 香港 林明禎甜心站 MinChen Honey 林明禎Fans.TW Min chen.TW 林明禎台灣粉絲後援會 Minchen Fans Club 林明禎香港粉絲隊 minchenhk

［巴塞帝國興亡史］5000幾字，不過應唔算難明。又，原文仲長，唔關我事。循例利申：唔捧巴塞，但亦唔憎巴塞。畢竟我在魯營入場睇美斯。

TLDR： 西瓜共蟹，唔識莫買。呢篇真係極長。但你要搵人鬧嘅，好簡單，Bartomeu就係屌靶。條友完全唔識足球，亦唔識足球嘅生意。自己唔識都算，又唔知人善任。全歐洲都知佢係水魚，玩到佢謝。尼馬嗰2.2億歐羅，最後去咗邊？另外，買親人都畀貴價，簽親都水貨，人工又畀得高，唔死就奇。但話說回頭，邊個選佢上去架呢？聽講巴塞唔係老細足球油王波喎，咩人選佢上去？最後，美斯份糧亦有一定嘅角色，當然佢係落場征戰嗰個，貪錢嗰個好似係佢老豆，冇乜人會怪佢。同場加映 多蒙特同彭美拉斯點樣玩到Bartomeu謝，笑死無命賠。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 真係英雄所見樂瞳，我諗到呢個題，然後原文Simon Kuper最後亦都係用羅馬帝國比喻巴塞。記住，你覺得篇文垃圾覺得我唔識波嘅，請你去鬧Simon Kuper，「不過鬧之前睇下人地咩料子先」。內容主要都係取材自篇文，當然有啲我個人想法，我盡量分開。一係你睇原文咯，唔使錢的（https://bit.ly/3fI5AVE），但你又唔想英文或唔鍾意睇字嘅，咁咪只能聽我講，你自己選擇的。

2. 篇文其實嚟自Simon Kuper本新書，幾日後出（https://bit.ly/3iwl9kN）。唔記得佢係咪特別捧巴塞，但之前見佢都寫唔少巴塞或美斯文，訪問好多人，絶對有資格講。佢本書原本係寫巴塞成功史，點知寫寫下已經見到巴塞盛極轉衰，佢篇文寫嗰時都未知美斯走，但已經預言好大機會。

3. 上篇文比較technical（https://bit.ly/37Hxr3T），而且只係講一單球員交換，講巴塞大鑊到要搞埋啲咁嘅怪雞嘢，但冇解到巴塞點搞到咁，不過個故事太過過癮。今篇我保證，易明好多。真係你打football manger都知係乜事

4. 好似講歷史咁，遠因，近因，導火線。巴塞搞到咁大鑊，導火線當然係疫情，同埋西甲嘅salary cap，巴塞要瘦身。但差不多間間球會都受影響，點解唯獨佢地咁大鑊？

5. 巴塞財政問題，你可以睇Twitter @Swissramble，7月尾已經講巴塞好大鑊，唔係事後孔明．但講真佢啲嘢真係純金融，唔易入口。所以你可以睇我呢篇文講。

6. 近因係巴塞財政狀況近幾年都差，年年都只係勉強頂住，但一個疫情打落嚟咪出事。有幾差？普通人都睇得明：巴塞係全世界收入最高嘅足球會，疫情前唯一一間一年收入過10億美金嘅球會（不過，都係少過一間維他奶！）。但欠落嘅債，去到14億美金。冇錯，長命債可以慢慢還，但大鑊在啲債好多都係短債，好快要找數。咁明晒啦？

7. 你想賣人？嘿，成班老嘢，邊有人買？況且，人人知你莫財，點會唔壓你價？就算其他人真係咁好心，亦都有心無力，其他球會都係十分水緊。好可能De Jong，Ansu Fati或Pedri之類都只能平賣。冇錢就係咁架啦（題外話：所以叫你唔好借錢買股票）

8. 之但係，呢啲都係近因。巴塞點解搞到負債咁多？同埋點解年年蝕錢（收入高都可以蝕錢）？就係遠因。

9. 巴塞嘅收入，疫情前一路係全球頭兩三位。固然疫情下打擊大，仲有啲贊助商又縮數，但照計唔應該咁快出事。咁收入冇問題，就梗係開支出事啦。於是你普通人都估到，球會可以有乜開支？咪就係買人出事，同埋人工出事。
=========================================================
10. 香港文化興搵禍首，我都明。咁今次畀定個屌靶你，肯定係前任會長Bartomeu，佢就係亡國之君。去到現任Laporta時肯定返魂乏術了。今年3月先接手，可以做乜？

11. 陣間會慢慢鬧Bartomeu，但此人根本完全外行，唔識足球，亦都唔識足球嘅生意，絶對係一條水魚，畀人玩到佢謝。自己唔識都算，但佢又唔知人善任。

12. 但，巴塞唔係老細足球嘛，唔係油王大陸錢，喂，會員制架喎。咁所以，第二屌咪屌啲球迷咯。唔係你同我（除非你係有份投票嘅），我地呢啲電視機球迷反而最聖潔。喂，Bartomeu係你班友選上台架嘛，咁唔係啲選民負責返？原本佢只係過渡角色，但2015年（記住呢個日子）6月巴塞在柏林對祖雲達斯，10年內第5次拎歐聯後，佢就大票數再當選。呢次亦係巴塞暫時最後一次拎歐聯。

13. 當然仲有，美斯。或者應該話美斯份糧，可能係美斯老豆。美斯有幾好波已經唔使討論，佢在賽場上絶對冇欠巴塞半分。巴塞近年戰績可能未如球迷預期，但絶對唔係巴塞財困嘅原因，畢竟巴塞唔係搞到冇歐聯踢嗰種情況。不過，美斯份糧，同埋佢對球會轉會嘅參與，似乎亦同巴塞財困有一定關係。

14. 關於美斯，我仲想講多兩句。Simon Kuper寫過好多美斯嘅文，場上固然唔使討論，足球場外美斯並唔係一個特別鍾意權力嘅人，特別麻煩嘅人，甚至唔係一個特別貪錢嘅人（佢老豆就可能係）。美斯要嘅嘢好簡單：佢要勝利，佢要一隊戰無不勝嘅夢幻隊，就係咁簡單。「其他嘢你地幫我搞掂佢」。球員冇理由要理埋球會財政嘅嘢，關我春事。但美斯份糧，弔詭地就搞到巴塞搵唔到美斯想要嘅球員。況且球員亦都知道美斯呼風喚雨，權力好大，佢撐你，高層唔敢唔加人工。邉個高層夠膽同美斯作對？美斯唔係一個權力慾好大嘅人，但佢知自己有影響力（以上都係作者啲文講，你可以去質疑）

15. 我目測香港巴塞球迷遠多過皇馬。但唔好忘記，在美斯嚟之前，巴塞戰績並唔係一間咁「神」嘅球會。固然巴塞more than a club，你亦可以話係中央馬德里打壓，由佛朗哥之類講起。但客觀事實係巴塞在美斯之前，只係拎過一次歐聯冠軍（當然05-06嗰次都唔多關佢事），美斯同拉馬西亞嘅黃金一代，就改變咗巴塞。但，之後呢？

16. 既然巴塞場上表現唔係導致財困嘅原因，咁所以亦唔使鬧朗奴高文之類，歷任主帥都唔關事。球場上嘅得失冇搞到巴塞陷入困境，至於咩轉會簽人，唔係主師話到事嘅。頂多係體育總監，但實際上係Bartomeu，或者其他高層，或者美斯。朗奴高文之類，會務上冇乜say
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
17. 頭先講過，巴塞2015年拎歐聯後，Bartomeu就大熱再當選。所以就由2015年講起。

18. 正如頭先提到，2015年，巴塞如日中天，10年拎咗5次歐聯。多得拉馬西亞黃金一代，當時巴塞財政情況極好，冇人會相信巴塞有一日會冇錢，當時巴塞要乜人有乜人。但就係呢度開始出事。

19. 巴塞嘅轉會，向來都亂嚟。董事局好多人都有唔同意見，至於教波嗰個往往係唔會知嘅。唔好忘記，仲有體育總監要講嘢，仲有……美斯。

20. 但，始終罪魁都係Bartomeu。好簡單，因為呢條友係真係唔識的！但你地選佢上台嘛。原本佢嘅體育總監係蘇比沙列特（Zubizarreta），巴塞名宿，幫佢簽咗尼馬同蘇亞雷斯，聞風喪膽嘅MSN組合。但2015年Bartomeu就炒咗蘇比沙列特，6年換咗5個體育總監。自己唔識唔緊要，但你搵件識嘅好冇？

21. 事後睇，2017年，就係巴塞惡夢嘅開始，但當時你都唔會估到。發生咩事？尼馬走咗。呢個未必係巴塞或者Bartomeu任何人嘅問題。況且PSG畀咗破紀錄嘅2.2億歐羅轉會費嘛。當時點睇都係PSG先係水魚，對不？巴塞拎住2.2億歐，可以買好多人

22. 但，就係Bartomeu將呢舊錢亂咁用。有好多好好笑嘅故事，但，總之好快，全歐洲就知呢條友好多錢洗，又要好快咁用咗佢，亦知道呢條友乜都唔識。真係千載難逢嘅一條水魚，唔昆你對唔住自己球迷。

23. 當其時嘅巴塞，在轉會市場上呼風喚雨，仲要有錢在手，冇乜球員或經理人會say no，未必單單都成，但所有人都會同你傾。2017年尼馬走後，巴塞原本有機會平價買到麥巴比同夏蘭特，但Bartomeu唔要。不過我覺得呢啲不能怪佢，總有走漏眼，況且其他人都有異議，唔係話個個都話要簽但Bartomeu一票阻止。

24. 咁買唔到最好嘅，冇咁好都OK啦，畢竟2.2億歐真係好多錢（雖然PSG都係分期）。問題係，巴塞結果去買嘅，係多蒙特嘅丹比利Ousmane Dembélé。應該冇乜人反對係水貨啦？仲要係用咗1.5億歐羅。

25. 而成件事係好Q好笑的，好似拍賣會咁，明明另一高層同Bartomeu之前一早講明，我地底線只會畀8000萬歐買丹比利。入蒙地卡羅酒店房（同多蒙特傾）前仲夾好，多過呢個價我地就拍枱起身走。結果入到去，多蒙特嘅德國佬，就話冇時間傾，趕住坐飛機，唔會同你講價，1.5億，要就要唔要就拉倒。但結果？Bartomeu都係話好！咁佢係大佬嘛，另外件高層當然冇聲出。因為Bartomeu要同球迷交代，況且佢根本唔識。事後佢仲話丹比利好波過尼馬。

26. 然後大家都知，之後巴塞亦都用咗1.6歐去買古天奴，利物浦合埋眼都識笑，居然有啲咁嘅水魚。錦上添花當然係後來借埋古天奴畀拜仁，然後拜仁歐聯大炒巴塞古天奴仲要梅開二度。我懷疑路明尼加漢尼斯一定有Whatsapp利物浦啲高層齊齊恥笑Bartomeu。至此，尼馬嘅錢已經嘔突，而丹比利同古天奴，在巴塞嘅表現，大家有目共睹。

======================================================

27. 當然，某程度上巴塞係慣咗做水魚的。背後未必係佢地特別笨（Bartomeu就應該係），亦因為佢地嘅文化係「我要嘅嘢就要得到」，反正選會長個個都係拍心水「我要簽邊個邊個」，有問題留畀下手，球迷係唔會理咩財政狀況，話知你下季畀個警務署長我做，今季我就要捧盃。你搵件「理性撚」去選，同人講「我為巴塞長遠著想，我唔會簽人，因為我地再咁搞呢，5年後會爆煲，大家要接受我地未來幾年都唔會有盃捧」，我保撚證你唔使選。球迷就係咁，呢啲就係「民粹」。

28. 又例如，de Jong應該唔算水貨，但巴塞畀7500萬歐。個問題唔係你同我覺得值唔值，最好笑係阿積士都覺得唔值，原本係出面開價3000-4000萬，但有人畀錢要志在必得獨家買斷，唔通唔要咩。

29. 巴塞嘅文化，痴心情長劍，非君不娶。我唔會要一個「de Jong咁類型但平一半」，我就要de Jong本人，幾多錢都要。聽落好型，但你咁拎去做生意，就死得。對家一定當你水魚咁劏。公平地講，似乎呢個唔係Bartomeu年代獨有嘅事。

=======================================================
30. 至於美斯嗰部份，都講過下，佢份人工實在極高。當然我無意批評美斯，波一定係好到不得了，無可取代（否則巴塞就塞走佢啦），咁你可以話「全世界最好波嘅球員要加人工有乜問題？」（同意），況且，亦有話係佢老豆嘅主意，佢自己只係專心踢波，呢啲真相冇乜人會知。但反正文入面都引述巴塞高層講，美斯都唔係一個問題，最大問題係佢加，其他人又會要加，而大家都知美斯出名鍾意幫朋友，Other people’s money，有錢齊齊搵。

31. 當然美斯對外一直都聲稱自己只係專心踢波，但文中又引述巴塞高層講，美斯都成日背後發功。邊個先真，我都唔知。但話說2019年，尼馬同美斯講話想離開PSG，美斯應該係有大力要求巴塞去買。但巴塞真係冇錢，而且覺得唔值（即係，冇錢），PSG開價2億歐喎。結果真係不停做大龍鳳，扮到好似想買，其實只係安撫美斯，「我地盡晒力啦」。但似乎美斯冇咁好呃。最後大家都知，巴塞買咗基沙文，又係1.2億歐，美斯似乎唔多高興。當然美斯係專業嘅，冇因為咁就hea踢，但文入面話佢完全不能原諒Bartomeu。美斯並唔係一個特別鍾意權力嘅人，佢鍾意人地幫佢搞掂晒，「但我話想要邊個嚟你就幫我搞掂佢」，而由始到終佢都係想要尼馬（所以，我估佢真係一定去PSG）。至於基沙文，嚟到巴塞當然亦係唔係嗰回事，更重要係。呢1.2億歐，仲要壯大埋馬體會，反咬返巴塞。「益利物浦多蒙特都算啦，唔好益自己西甲對手嘛」

===================================================================
32. 事情發展到呢度，巴塞已經好似畀白蟻蛀咁，越嚟越吃力。2014-2019年使咗10億歐羅買人（未計賣尼馬嘅收益嘅），多過任何一間球會，但成績明顯唔成正比。

33. 去到2020年頭，蘇亞雷斯受傷，巴塞要搵人，只能夠搵啲平嘢。結果當時體育總監艾比度Abidal搵著北京國安嘅剛果/法國球員Cédric Bakambu。呢單又係一單鬧劇，剛果人收到電話，十分歡喜，卒之唔使在北京睇電視機，就坐飛機去香港，轉機去巴塞。點知嚟到香港開返電話，Abidal先同佢講：唔好意思我地改變主意，你在香港玩得開心啲。我肯定剛果人屌咗佢老母N次。最後剛果人返返北京繼續睇電視機，而家仲在國安（彩蛋：FC過，其實北京有機直航去巴塞，咁點解會去香港？可能剛果人想嚟香港去重慶大廈食咖喱，可能剛果人唔想坐國航，又或者嗰日咁啱冇機。如果係直航件事仲好笑，剛果人去到西班牙人地先同佢講唔好意思）

34. 剛果人鬧劇之後，應該好多人都知巴塞最後簽咗乜水。丹麥人Martin Braithwaite。此人應該都算係水貨啦？呢條友米杜士堡都未踢得掂，居然去咗踢巴塞，好似話在個介紹新球員環節，條友的波晒球技都出晒醜，波都控唔到。「可能太緊張」。文入面都有講，當年連尼加同曉士（Mark Hughes）去巴塞，話有個介紹會，曉士有啲緊張，連尼加同佢，驚春咩，最多咪一百十人嚟！ —點知去到魯營有6萬人睇佢！連尼加幫曉士開脫，話巴塞嘅壓力，唔係人人受得住。

35. 當然，Bartomeu年代嘅轉會，沒有最好笑，只有更好笑。另外有個叫Matheus Fernandes（我聽都冇聽過）嘅球員，亦係同時簽落。係由巴西彭美斯拉買嘅，仲要只係預備組，我以為係隱世球王拿度尼添。固然只係1000萬歐，散紙，但完全唔知係乜事！呢條友甚至冇一個正式介紹會。最後借咗去華拉度列，出咗幾場，返返巴塞出咗十幾分鐘，就踢咗佢返巴西。

36. 當然只係好少錢，但畀你見到巴塞啲轉會係如何亂嚟。連彭美拉斯個體育總監都覺得神奇，「啲人話我發神經呀，叫艾比度嚟買個踢彭美拉斯預備組都冇乜點有得上場嘅小朋友，點知真係有人買喎」。果然水魚唔怕多。大家可以諗下，美斯見到Braithwaite同Fernandes，有乜感想（彩蛋：Fernandes著咗件19號波衫，因為Covid—19，冇人肯著，成件事真係19得很）

37. 然後，就發生咗上篇文講，同祖雲達斯交換球員嘅事件。美路去祖雲達斯，巴塞簽比真歷。巴塞當時已經好唔掂，但急需要一筆「盈利」。上篇文都冇講，因為再搞唔掂，就要Bartomeu自己上身，咁佢當然諗呢啲方法。但啲蘇洲屎就留下之後嘅人解決了。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
38. 已經打咗5000字，都只係講咗巴塞轉會如何操作。買貴人嘅後果好嚴重，你賣固然蝕錢，但你唔賣一樣每年同你「折舊」，例如比真歷之類，當然cash唔使點比（同祖雲達斯offset咗嘛），但profit -wise每年都仲要拖低條數。

39. 寫得太長，但以上都只係講轉會。唔好忘記，巴塞除咗轉會出手豪，人工亦出得高，美斯份糧亦係一個問題。本來就收入多開支多冇問題，但以wage as a percentage of income，巴塞都係離晒罩嘅（comment會貼圖）

40. 固然Bartomeu任內，都簽咗Pedri返嚟，好好嘅收購，不過真係十件水貨先扑中一件掂嘅。你話拉馬西亞完全斷層，亦唔係，Ansu Fati亦都擔到大旗。但，真係遠水不能夠近火，都講過巴塞嘅問題唔係場上，係財政。你Ansu Fati踢得再好又點？巴塞似乎只能係賣走呢啲好球員，而疫情下，對家都冇乜錢，況且人人知你莫財，當然再壓你價。

41. 爆煲？就唔似會嘅，但，照計賣走啲主力不能避免，點都要幾年調整下。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

【2020年下半年我管理了7百萬美金的資產！】

在6月份的時候，
我的eToro的管理資產達到了700萬美金
那當然這700萬美金不是我的錢
而是別人使用複製跟單的功能跟單我所加起來的資產
那別人的錢，當然是要小心謹慎地管理着
而且也跟以往我管理的資金的時候也有些改變
那麼我是如何管理我的資產？
還有我投資股票使用投資策略是什麼？
我的投資目標和投資原則又是什麼？
在影片裡都有說到

影片概括：

0:00 Start
0:36 我如何擁有700萬美金資產
1:33 我使用什麼投資策略
2:21 為什麼我的目標是長期下來平均20%的年回酬
4:16 我接下來會做出怎樣的投資來管理這些資產呢
6:20 總結
.
獲取我的獨家理財貼士
http://bit.ly/get-spark-financial-tips
.
【免費】股票投資工作坊 - 從0開始學股票
http://bit.ly/join-free-webinar-now
.
🔥點擊連結瞭解更多詳情或購買🔥
https://valueinmind.co/zh/sparks/
.
我們需要人才
我們需要你
向我們展現你不可多得的能力與實力
數不盡的各種公司福利就等你
點擊鏈接提交求職申請：https://valueinmind.co/join-us/
.
🔥【Etoro】Spark 投資組合和表現 🔥
http://bit.ly/31FPXEz
.
全世界都可以用

eToro申请链接
简体
https://bit.ly/3eNMBWc

繁體
https://bit.ly/30CMibQ

英文
https://bit.ly/3jHeovg
.
免責聲明：
高波動性投資產品，您的交易存在風險。過往表現不能作為將來業績指標。
視頻中談及的內容僅作為教學目的，而非是一種投資建議。
.
👇更多相關影片👇
大公開！5種超簡單投資法！
https://bit.ly/32I9po1
.
拍賣屋買不買？現在是買入的好時機嗎？
https://bit.ly/2ZLCrBa
.
為什麼投資股票感覺賺很慢？他投資兩年居然賺了40%！
https://bit.ly/3f99Zi3
.
⚡ Spark 的 Facebook 很熱閙
http://bit.ly/2X3Cgwr
.
⚡Spark 的 YouTube 很多教學
http://bit.ly/2KMqMvR
.
⚡Spark 的 Instagram 很多八卦
http://bit.ly/31YMLon
.
⚡理财交流站
http://bit.ly/finspark-group
.
⚡美股交易交流区
http://bit.ly/finspark-foreign-stocks

#eToro投資組合 #2020eToro投資策略 #投資目標

星期日 試餌｜『香港釣魚 : 岸釣』西區貨物裝卸區/豐物道 {粵語旁白+中英文字幕}
Let's 's Try this bait [Hong Kong HK Fishing : Shore] Western District Public Cargo Working Area / Fung Mat Road {Voice Over + CC}

時間：10:00 - 12:00
流水：二十二
天氣： 29 - 33度，南風2 - 3級。大致天晴及酷熱，但局部地區有驟雨。
地點：西區貨物裝卸區
魚餌：南極蝦少量
工具：魚絲SUNLINE FluoroCarbon 碳氟化合物2號，波子鉛5g，鯊魚牌魚鉤0.8號
釣法：筏仔

==================================================================
Business Cooperation and Media 商業合作、採訪通知：tkcmarco@gmail.com
YouTube Channel 頻道 : https://www.youtube.com/channel/UCO_5XP-qd-udNxBlzzSzgvw?sub_confirmation=1
Donate and Support my Channel 資助我的頻道：https://www.paypal.me/handlinefishing
==================================================================
Facebook Page 手絲釣魚 專頁: https://bit.ly/2VbU4IS
Facebook 手絲釣魚交流群: https://www.facebook.com/groups/616740025403230/
Instagram 官方賬戶: https://www.instagram.com/handlinefishing_hk/
==================================================================

建議下一部影片:
＊新手必看＊9個常用釣魚釣組+示範 波子壓底 仕掛 鈍釣 （艇釣+岸釣）｜『港水釣組應用篇+教學』
影片連結: https://youtu.be/JX9eh4JnFM0

你或許感興趣的其他影片:
⚓ 維港星級艇家，只能告訴的一個公開秘密 維港碼頭底 -https://youtu.be/GZLBwBLirdY
⚓ HEA 釣維港，全程用維基釣組，首次釣贏維港艇神 維港 - https://youtu.be/XVleAlTr6Ro

請繼續收看手絲釣魚:
::最新釣魚影片::
https://www.youtube.com/watch?v=86XUnbwt4YA&list=PLGiZ1ROtXQKExNJZVgre1uHJ7Egp7Pt7w
::人氣最高影片::
https://www.youtube.com/watch?v=S2zjubu0RoA&list=PLGiZ1ROtXQKERHSavbId7nu3x6P3beIna
::教學/分享::
https://www.youtube.com/watch?v=uKTULrEyT-E&list=PLGiZ1ROtXQKGfs0mbYx-liAEWl2mzOkb7

==================================================================
Background Music 背景音樂名稱 : Gold by Lane King
Source 來源 : Artlist.io
Referral link 介紹碼連結 : https://artlist.io/Handline-861488
==================================================================

標籤 Tag :
香港釣魚 ╱ 釣魚 ╱ 艇釣 ╱ 手絲釣魚 ╱ 香港船釣 ╱ 香港艇釣 ╱ 釣魚影片
釣魚新手 ╱ 香港釣魚 艇釣 ╱ 船釣影片 ╱ YGK 魚絲 ╱ 香港釣魚 岸釣
Hong Kong Fishing ╱ Fishing ╱ Boatgame Fishing ╱ HK Fishing ╱ Fishing Vlog ╱
handline fishing ╱ hong kong boat game fishing ╱ fishing in hong kong ╱ hong kong ╱ fishing 2020 ╱ fishing video ╱ boat game ╱ how to catch fishes
釣り ╱ ボート釣り ╱ 船釣り ╱ 魚釣り ╱ 釣りVlog

#Fishing #釣魚 #り釣 #手絲釣魚 #HandlineFishing #香港釣魚 #香港釣魚2020

紅雨下，戰青衣油庫『香港釣魚 : 艇釣』青衣 {粵語旁白+中英文字幕}
Fishing Under Red Thunderstorm Warning [Hong Kong HK Fishing : BoatGame] Tsing Yi {Voice Over + CC}

時間： 10:00 - 18:00
流水：十六
天氣： 25- 29度，南至西南風4至5級。多雲，間中有驟雨及狂風雷暴，早上雨勢有時頗大。
地點：青衣
魚餌：沙蝦20兩，青蟲8兩
工具：魚絲YGK FluoroCarbon 碳氟化合物3、4號，金剛勾管付千又4號，20-30g波子鉛，35g子彈鉛
釣法：手絲，沙蝦勾背

:影片字幕內容:
Hi各位觀眾大家好
我係 Marco
歡迎大家嚟到手絲釣魚頻道
今日我哋五個人就落咗青衣金勝艇
今日釣魚
大家就釣得比較狼狽
落雨接近全日冇停過
雖然今日紅雨
但係勝哥就冇取消個艇期
話可以繼續釣
我哋要等到朝頭早十點鐘先至可以上到艇
車到出嚟第一個釣點
都要大概十一點鐘
喺紅色暴雨嘅日子
都已經落咗兩日雨啦
啲水口已經淡曬
唔知今日仲有冇魚釣呢?
手絲釣魚
影片分享頻道
今日係十六流
一個相對比較大流嘅日子
喺朝頭早上船嘅時候
天文台係報2.8米
到走嘅時候
得返0.25米
落船返碼頭嘅時候
就相對危險小小啦
而今日嘅潮水高低波幅比較大
即係流水比較強
所以今日要用相對比較重啲嘅鉛，先至可以做到底
我哋開頭嘅時候
我哋都係車埋啲山邊呀、岸邊呀嗰邊釣住先
我全日就用副 YGK 4號魚絲
用3號嘅奶腳
用30 gram嘅波子鉛為主
波子壓底
後面就加一門飄
喺岸邊冇乜流水就真係冇乜所謂
去遠少少嘅岸邊就唔得喇
我就會將後面個門直接綁返個魚鉤
而今日
我又認識咗一位新朋友
阿成，一齊出嚟釣魚
佢釣咗魚唔係好耐
係一位新手嚟嘅
不過佢就好鍾意釣魚
下次又可以一齊搵埋佢去啦
我哋喺呢度釣咗一陣之後
但係礙於出面真係太大流水
我哋迫不得意又要返返去岸邊嗰度釣下魚仔
執返10斤8斤石狗公都好呀
稍後睇下環境
先再出去再搏過
因為除咗鰔之外
仲有啲大細鱗可以釣得到
啱啱喺早兩日嘅時間
阿勝哥先至喺呢個位置度釣咗3-4斤嘅大細鱗
好彩嘅話可能釣到條5-6斤嘅大細鱗添
而今日嘅魚餌
就準備咗沙蝦20兩
青蟲就有8兩
我哋冇買大眼仔同埋南極蝦嚟
一嚟好少呢邊搏大野
所以就唔買大眼仔
二來呢排冇乜雞魚
仲有幾個釣友未介紹
今日同我哋釣魚嘅仲有個前輩 Andy
Uncle 同埋阿立
係而家呢個位置
水深大概係10米都唔夠
反正近岸邊有冇乜流水
我就改用咗粒20 gram嘅波子鉛
而喺呢一度釣魚
真係畀我哋過足手癮
淨係喺呢個位置
都畀我哋執到幾斤嘅石狗公
喺咁嘅天氣呢講
要求真係唔可以咁高啦
唔使打龜已經好開心
當我哋過足晒手癮之後
阿勝哥就車返去比較深水嘅排口嗰度同我哋再呔過
面流同埋底流真係唔同
用肉眼望落去係完全睇唔到有流水
但放條魚絲落去嘅話真係好難落到底
有少少飛機流嘅感覺
而我哋每次上魚嘅時候
好易同隔離嗰釣友倒繩
都相當之麻煩
反正係搏下細鱗
我都轉一轉個釣組
我就試下維基釣組
轉粒35 gram子彈鉛
再用粒鉛頭鉤
我用鉤頭
鉤隻大少少嘅沙蝦落去
等隻沙蝦更加生猛
原來收繩嘅時候倒埋阿立條繩
佢釣咗條牛鰍
我就順便幫佢收埋
搞到成條魚絲咁鬼重
好彩臨尾嘅時候
畀阿勝哥搏返條斤頭嘅魚
等我可以拍返條片
畀佢啲孫仔可以睇下
我哋今日大概釣到六點鐘我哋就走喇
全日大概有7-8斤魚
喺咁嘅天氣底下
算係唔錯
今日我嘅釣魚分享我就分享到嚟呢一度
希望大家睇得開心
如果大家喜歡我呢條影片嘅話
記住畀返個 LIKE 我
分享出去畀你喜歡釣魚嘅朋友
同埋喺下面留言
未訂閱我頻道嘅 FANS
記住訂閱返我頻道喎
我好快又會再出新片
多謝大家收看及支持

建議下一部影片:
＊新手必看＊9個常用釣組 新手手絲 投竿 筏仔也適合『港水釣組應用篇+教學』
影片連結: https://youtu.be/JX9eh4JnFM0

你或許感興趣的其他影片:
⚓ HEA 釣維港，全程用維基釣組，首次釣贏維港艇神 維港 - https://youtu.be/XVleAlTr6Ro
⚓ 流記三大神魚之首 -- 金鼓 我哋今日去挑機 流浮山蠔排 - https://youtu.be/YKs7wVT3QNw
⚓ 大頭艇 尋 雞 記『香港釣魚 : 艇釣』維港東 - https://youtu.be/PowSrrhkDFI
⚓ 初嘗橋墩釣老泥的滋味 東涌橋墩 - https://youtu.be/vCK35T-vArE
⚓ 汀九扒艇∙目標魚∙任務∙達成! 汀九扒艇 - https://youtu.be/p1mUl_vBBqo
⚓ 繼續尋雞之旅 維港東 - https://youtu.be/a5_8kXlN3cY

請繼續收看手絲釣魚:
::最新釣魚影片::
https://www.youtube.com/watch?v=86XUnbwt4YA&list=PLGiZ1ROtXQKExNJZVgre1uHJ7Egp7Pt7w
::人氣最高影片::
https://www.youtube.com/watch?v=S2zjubu0RoA&list=PLGiZ1ROtXQKERHSavbId7nu3x6P3beIna
::教學/分享::
https://www.youtube.com/watch?v=uKTULrEyT-E&list=PLGiZ1ROtXQKGfs0mbYx-liAEWl2mzOkb7
::船釣/艇釣::
https://www.youtube.com/watch?v=xPAs7oqs9SA&list=PLGiZ1ROtXQKEfkfSX9MrBxizaon-6PO8r
::岸釣::
https://www.youtube.com/watch?v=Sq_GqD58vN4&list=PLGiZ1ROtXQKH6TKzdiwPcRHFfvz2twTMM
::港水/日水/艇釣::
https://www.youtube.com/watch?v=Bb8qOp8db6g&list=PLGiZ1ROtXQKFRZsNEYgxWATB_c0INAMD3
::港水/夜水/艇釣::
https://www.youtube.com/watch?v=8oerq2R2HEA&list=PLGiZ1ROtXQKHqeeXVPSM-haFosg086CMV
::港水/日水/岸釣::
https://www.youtube.com/watch?v=uuWZPLRih4E&list=PLGiZ1ROtXQKHET2CpMVeszpsDX2m3daHB
::港水/夜水/岸釣::
https://www.youtube.com/watch?v=qtQvPjFYaQ4&list=PLGiZ1ROtXQKHOn4i4AtU0LqFmSAylTv_V
::最新烹飪影片::
https://www.youtube.com/watch?v=mrRzq68nVRo&list=PLGiZ1ROtXQKE6xSW8gEzznGnjR80d24ZF
::烹飪/湯水::
https://www.youtube.com/watch?v=G9a9_FWnayg&list=PLGiZ1ROtXQKGNTj43A2TmhUgRerY6u51O
::烹飪/蒸魚::
https://www.youtube.com/watch?v=qrthSSC64tg&list=PLGiZ1ROtXQKGV4S2hw-x0Olh2YYeARvLB
:所有烹飪影片::
https://www.youtube.com/watch?v=mrRzq68nVRo&list=PLGiZ1ROtXQKGR-ZLWtnIZLovTGjKXB2Cj
::觀賞魚::
https://www.youtube.com/watch?v=532IGTEYZIc&list=PLGiZ1ROtXQKEu4-7Sie9InJijA7EibCgO
::分享::
https://www.youtube.com/watch?v=NqT_BGO-aOk&list=PLGiZ1ROtXQKHNapvvF4I6TmTT2-U3WEtp
::年度回顧::
https://www.youtube.com/watch?v=8MLVEwrvJWs&list=PLGiZ1ROtXQKGaM7ciTpzbi-ZPnRfViGm1
::『Handline Fishing 手絲釣魚』所有影片::
https://www.youtube.com/watch?v=S2zjubu0RoA&list=PLGiZ1ROtXQKE5EikSUQx7Ngrj3aKQJnch

==================================================================
Business Cooperation and Media 商業合作、採訪通知：tkcmarco@gmail.com
YouTube Channel 頻道 : https://www.youtube.com/channel/UCO_5XP-qd-udNxBlzzSzgvw?sub_confirmation=1
Donate and Support my Channel 資助我的頻道：https://www.paypal.me/handlinefishing
==================================================================
Background Music 背景音樂名稱 : Gold by Lane King
Source 來源 : Artlist.io
Referral link 介紹碼連結 : https://artlist.io/Handline-861488
==================================================================
Facebook Page 手絲釣魚 專頁: https://bit.ly/2VbU4IS
Facebook 手絲釣魚交流群: https://www.facebook.com/groups/616740025403230/
Instagram 官方賬戶: https://www.instagram.com/handlinefishing_hk/
==================================================================

標籤 Tag :
香港釣魚 ╱ 釣魚 ╱ 艇釣 ╱ 手絲釣魚 ╱ 香港船釣 ╱ 香港艇釣 ╱ 釣魚影片
釣魚新手 ╱ 香港釣魚 艇釣 ╱ 船釣影片 ╱ YGK 魚絲 ╱ 香港釣魚 岸釣
Hong Kong Fishing ╱ Fishing ╱ Boatgame Fishing ╱ HK Fishing ╱ Fishing Vlog ╱
handline fishing ╱ hong kong boat game fishing ╱ fishing in hong kong ╱ hong kong ╱ fishing 2020 ╱ fishing video ╱ boat game ╱ how to catch fishes
釣り ╱ ボート釣り ╱ 船釣り ╱ 魚釣り ╱ 釣りVlog

#青衣油庫 #Fishing #釣魚 #り釣 #手絲釣魚 #HandlineFishing #香港釣魚 #香港釣魚2020