【金寶湯踩單車🚲速成記】
金寶湯三歲開始玩 #平衡車，到而家玩左大約年半，佢踩得唔快，但至少叫掌握咗個技巧。其實我本身俾阿仔玩平衡車嘅主要原因都係想佢將來學 #單車 時有個基礎會學得快啲。
咁啱早排喵奴買車時前車主好好人咁問我要唔要埋架單車🚲，因為佢仔已經大個唔啱踩，我梗係應承啦，今次真係買大送細呀🎁。不過個陣金寶湯仲未夠高，又冇輔助碌，所以一直收起架單車，繼續俾佢玩平衡車先。
直至最近，金寶湯約咗同學仔去公園玩，佢見到原來有同學仔已經識踩單車，佢就係咁問我幾時可以踩單車。於是，我俾佢喺屋企試坐單車，發現佢對腳終於夠長啦！
第二個星期再約同學仔出嚟，我就帶埋單車去俾金寶湯試踩。真係好癲呀！佢一坐上去即刻就踩走咗喇！係一秒咋🤩🤩🤩，我只係喺後面扶住佢條頸叫佢向前望，佢一下子就飛走咗了💨👍🏻。我完全skip咗教佢踩單車嘔血個part，好開心呀Yeah✌🏻。
宜家等弟弟再高少少就可以學平衡車，之後就可以同哥哥一齊「出車」啦。
#平衡車好重要
#平衡車真係好重要
#平衡車真係好L重要😂
#仲要多謝K2同學仔🙏🏻
#你哋係金寶湯嘅動力❤️
#第一日我喺後面追到身水身汗驚佢撞到人
#始終啱學識都係去空曠少人嘅地方踩會好啲
#如果你學中文同數學都有咁高領悟力你話幾好呢😂
