好感激讀者會走去買我本書，再分享佢哋嘅讀後感，翻閱inbox嘅時候，其中一位讀者就講咗佢對宅心仁厚上司放生個反骨員工嘅睇法，喺度嚟個懶人包交代背景先。
人物：
Johnson (接近60歲老人家)
男Sales (Johnson下屬，以下簡稱"打靶仔")
事件：
男Sales畀佢上司Johnson捉到冇見客，原來日日出街媾女玩貓，試過有客人投訴一年內從未見過呢位男Sales真人，連公司叫Sales派畀客嘅月餅劵都吞埋，咁我覺得佢唔係咁鍾意食月餅既，只係入職後都冇見過啲客，日日蛇王，所以先派唔到月餅劵出去啫。
Johnson知道後好嬲，而打靶仔亦知事敗無癮辭職，但臨走竟然寫告密信去美國總公司，向鬼佬老闆無中生有篤背脊，屈Johnson呢樣嗰樣，又屈埋其他Sales Team同事，呢條打靶仔心地好差，想斷人衣食。
好啦咁過咗一段時間，人事部就收到另一間公司要求reference check填資料，原來係打靶仔去見工，只要reference check過關就ok，個個諗住睇Johnson點樣教訓條打靶仔啦！點知Johnson講咗一句：「算啦，搵食啫，無謂搞到人冇工開，放佢一馬啦！」
有讀者話睇完呢篇文章有商榷餘地，因為佢覺得如果放生呢啲打靶仔，職場從此多事，對請佢嘅新公司亦唔公平，可能害到更多人。
當年我嘅諗法同呢位讀者一樣，可能我第一身目擊，仲更加嬲同埋唔明，點可能放生呢條打靶仔，你玩到咁盡就預咗要還啦！
後來我成熟咗 (屌，即係年紀大咗啦)，我反而覺得Johnson好高招，打靶仔根本不足為患，佢間新公司又唔係同行，互相無抵觸，放唔放佢一馬都冇分別，而且今次reference check高抬貴手，全公司都覺得Johnson胸襟廣闊，贏盡口碑。
香港地好多打工仔正常辭職之後，舊公司都唔肯幫手做reference check，甚至會唱衰舊員工，人哋同你無仇無怨，轉工都要留難人，相反Johnson差啲畀條打靶仔斷衣食，但reference check都開綠燈，如果你係Johnson，會唔會畀條生路打靶仔行？
如果佢反骨我點交代 在 WACKYBOYS 反骨男孩 - YouTube 的推薦與評價
反骨 男孩推出全新單曲「現在我只能說」⭐ 這次特別邀請李芷婷團隊唯有音樂共同製作，這首歌曲為反骨男孩第一首抒情歌，敘述單身的人在失戀後所遇到的痛苦，從歌詞中唱 ... ... <看更多>