《刑偵日記》可能叫「瘋子日記」更貼切。
～ 個人很喜歡看惠英紅、黃智雯和姜皓文三位演員，除非之後劇情極度暴走，應該會睇晒。以頭四集來說，論演技惠英紅沒有令人失望，那種陰沉、內歛、驚慄感真係交足戲，無乜值得批評。黃智雯這角色比較奇怪，拆彈專家變咗狗仔隊去跟蹤，仲無厘頭成日著件背心周街走，不過呢⋯咁著又幾好睇，收貨嘅！姜皓文未出埸，無得評。勁峰同朱磯的人格分裂，攞明為王浩信度身訂造，暫時他亦都handle到，起碼好過千篇一律的「假音so what」先，不過，個人比較支持陳自瑤。
～ 雖然都係警匪查案劇，但寫實貼地這一點，是今年的幾部查案劇做不到的，要嘉許一下。寫實在那裡，頭四集出現的警察高層，同未出埸的黑哥，都係患有情緒病，容易失控，尤其是韋家雄的「違拗症」，近年真係經常見到，尤其是日日有記招那段日子，違拗症真係寫實有共鳴，難道是編曲筆嗎？或者是個人妄想症發作。
～ 成套劇的主角，暫時好似除了黃智雯外，其他都有情緒同精神問題，其實套劇叫《瘋子日記》可能更貼切。
～ 以大台劇一向講清講楚的作風，人格分裂、情緒病種類、法醫人類學、法醫昆蟲學、犯罪學、筆跡學⋯真係好多野學，好學的朋友應該喜歡，無興趣這些知識的，恐怕要轉台。
～ 以大台劇來說，這部燈光又黑又暗、又驚慄、燒腦、多懸疑位的劇，肯定唔多就住師奶觀眾群去製作，算係大膽左，可能今次係根據國內觀眾口味去製作，暫時國內反應不俗，評分幾高，就算影響本地收視也無乜所謂，上面批客緊要啲。啲媽咪觀眾唔喜歡這種題材，可以去睇黃德斌「田田我愛你」笑下，見到兩個男仔kiss又可以「啋過你」，又有搞笑的捉二奶情節，有選擇就係有呢個好處。
～ 有人民幣力量支持，製作、佈景、燈光都認真左，不過劇情屬於慢熱型，人多、線多、專業名詞多、感情線多⋯，的確需要多些時間入戲，唔知會唔會令人放棄？
～ 今年已經播出了唔少查案劇，不少朋友已經提出睇到悶，紅姐、黑哥、袁偉豪、加埋王浩信同黃智雯，可以再創當日《鐵探》的收視嗎？
～ 社會氣氛愈來愈抑鬱，如果唔想鬱上加鬱，避開下這種故事可能幫到心情，逃避雖可恥但有用。
#刑偵日記 #瘋人日記
妄想症種類 在 妄想症的種類】 「覺得有人想要迫害自己、跟蹤 ... - Facebook 的推薦與評價
認識#妄想症– 妄想症的種類】 「覺得有人想要迫害自己、跟蹤自己」 「懷疑伴侶對自己不忠」 「覺得自己有至高無上的能力」 以上的情況都可能是妄想症其中的症狀， ... ... <看更多>