<選校>
近來又到了選校的日子，
不論幼稚園定小學，
家長之間又一番討論，
學校又開講座。
其實，
講真，
以小學講座為例，
講嚟講去三督屁🤭(恕我直接)，
因為邊會有一間學校會講另一間學校嘅唔好？
而講座內容對學校的優劣分析又係唔係最真實？
其實老師喺邊搵資料？
同你自己上網搵有無分別？
請小學校長講派位其實同你睇教育局光碟差唔多，
而且而家仲有更多新嘅方法好有趣咁令你明點填表，
就好似揀Mirror成員咁，
點排先可以得到姜濤嘅方法網上已經有⋯
不過有啲學校做得幾好，
就係會邀請讀咗嗰間學校嘅舊家長返嚟分享👍🏽
呢個安排真係好好，
因為係用家介紹，
而唔係網上吹水。
不過，
做家長心大心細都係好明白，
因為揀左條路就好長，
好擔心揀錯，
一錯左對小朋友好大影響。
我經歷過，
我明白。
不過，
真的，
家長，
你首先係要了解小朋友特性，
有時問老師都可以完整到小朋友係點，
但最了解小朋友嘅應該係你。
了解左之後，
就係要同你期望嘅作出一個平衡，
現實啲，
實際啲，
小朋友能力所及嘅就好了。
「人哋話好嘅學校，唔一定你小朋友讀就好。」
呢句講左十幾年，
又有幾多個家長真係明。
不過玩過呢個遊戲就知，
家長咁緊張揀邊間小學，
亦都係因為制度問題，
明天再續。
TO be continued⋯
#選校
#小一
#以訛傳訛
#家長加油
#教學法
